|
[align=center]
رجعتلكو بـ زكرياتي مع الكـــــــــاز التي لا تحصى :) مــرة بـ عيد الأضحى كنا عند بيت جدو ،، و كان بابا و عمامي بـ الحوش بيدبحوا الأضحية و أنا كنت زغيرة يمكن بـ أولى و كنت قاعدة أنا و اخواني بنتطلع عليهم و حزنانين ع الخرفان :( المهم ،، بابا خلص و قعد يرتاح و حكالي سـارة جيبيلي كاسة المي يلي هناك و أنا كنت مطيعة و فوراً رحت جبتها ،، بس كـ العادة ملقوفة و لازم أشرب من الشي قبل ما أوديه و أول ما شربت نتفة إلا و أقــع و ما بعرف شو صـار فيني و بعدها ما حسيت بـ حالي إلا و أنا بـ السيارة مع بابا و بحضني كيس مليان حلويات و جالكسيات و كل اشي زاكي كنا وقتها راجعين من عند الدكتور ،، و طلع يلي شربتو كــاز [ قط بـ سبع أرواح :) ] و هادي القصة عشان تعرفوا و تشوفوا كيف بضحي بـ حياتي فداءً لـ أهلي :c (17): هع هع قصة صارت معنا و أيمن كان بطلها :: مرة رحت أنا و سحر و نهر و أيمن و أختي الكبيرة عند عمو و كان لحالو بـ البيت و كان جايب جاتوه و حكى لـ أيمن روح جيبلنا بـ ٤ ريالات كـاز عشان نشربوا مع الجاتو طبعا أنا و خواتي ع طول فهمانها و صرنا نضحك و ع أساس انو أيمن كمان فهم و مشت شي ربع ساعة و أيمن لسا مارجع و إلا بعدها بيجي و جايب عنجد علبه كـاز ،، أنا و خواتي سخسخنا من الضحك ،، و عمو جن جنونو و صار يحكيلو كيف جايب كاز ،، بدك تشرّب خواتك كـاز !! و إلا هو نطق و حكى مش أنت يلي حكيتلي ؟!! [ لا معزور ] عاد خواتي تتدخلو و حكو عمو بيقصد بيبسي يا فالح [ احنا معروف عنا انو ٤ ريالات خلص يعني بيبسي بدهاش زكاء ] و المسكين رح رجعو و جاب البيبسي و التفشيلة تغطي وجهو و أكلنا و انبسطنا [ بس لـ هلق احنا و عمو بـ نزكر أيمن بهـ الموقف و بـ كتير مواقف :) ] طبعا كنت و أنا زغيرة لـ حتى يمكن صف تاسع مستحيل أنام إلا و العلكة بتمي و دايما بس أصحى بلاقي العلكة لساتها بتمي و بعلك فيها أو واقعة ع المخدة ،، أو جاية ع شعراتي الحلوين ،، و ازا أجت ع شعري :: يا اما بشيلها بتلج ،، أو بقصها ازا كانت زغيرة و جاية بـ آخر الشعر :) و برجع أنام و العلكة بتمي و بتعلمش :) [ بس هـ المرة كانت غير شكل ] ما صحيت و الا ألاقي علكة قد حبة التين و جاية ع أول شعري و من قدام كمان و حاولت ماما تشيلي ياها بكل الطرق بس للـ أسف ما نفع :( و بعدها طنت فبالها فكرة ،، و حكت ما في غير الكاز !!! وقتها صرت أعيط يا ماما شو كاز ما كاز ،، و رح أنحرق و أتعبى ريحة كـاز و من هـ الحكي المهم صـار و شلتها بـ الكاز ،، و بس رحت تطلعت بـ المراية لقيت شعري بيلمع و صار بجنن و صرت كل يوم أفوت و ع التواليت و معي الكاز و أحط ع شعري و يطلع بيعقد و أنعم أكتر من الأول ،، آخــر اشي خواني اكتشفوا سبب الريحة يلي بتعبي البيت كل يوم ،، و حكو لـ ماما و راحت خبتو :c: و انحرمت من مستحضري الجميل :( [ و لـ هلق بيدووور بـ راسي سؤال ،، كيف كنت بعلك بـهديك العلكة الكبيرة :) ] بس عنجد نصيحتي إلكو ،، عليكم بـ الكــــــــــــاز ،، بس ازا انحرقتو مالي خص و أنا مش مسؤولة :c (7): [/align] |
[align=center]
المدرســة و ما أدراك ما المدرسـة !! هادي بعض زكرايتي بـ المدرسة ،، طبعاً ما بتضحك ،، إلا انها مجرد زكريات دايماً ع بالي أنا و اخواني نفس الشي ،، ازا اجت المدرسة بصير بدنا الإجازة و ازا اجت الإجازة بنشتاق للـ مدرسة من أولى لـ سابع ،، كنا لازم بـ بداية كل سنة نروح أنا و نهـر بـ مراييل جديدة و شعـر بوي و حماس مش معقول و نضل أول يوم كلو مع بعضنا نتمشى و نتزكر شغلات كتيرة و بتزكر مرة كان رح تبلش بكرة المدرسة و أنا مش قاصة شعري :( و ضليت طول اليوم منكدة عليهم بدي أقص شعري ،، و بابا صار يحكي ليش ما اخدتوها تقص شعرها ،، و هلق الوقت تأخر يعني ما في و لا نص صالون فاتحلي وقتها ماما تزكرت و حكت عمتها بتعرف تقص ،، ازا بدكو خدوها عندها و سحر تحكيلي خلص بلاش هلق ،، بكرة بتقيصه ،، طبعاً ضليتني راكبه راسي و ما سمعت حكي حدا و الله و رحت أنا و أيمن و أخي الكبير و عمو فتحلنا الباب و هو مستغرب فكر في مشكلة أو اشي بس وقتها سخسخ من الضحك علي لما عرف لشو جايين :) المهم عمتو صحت من النوم و قصتلي شعراتي الحلوين بوي و رحت ع المدرسة و أنا مبسووووطة طبعاً ماما كانت ع طووول تزبطلي دفاتري و تخليهم حفلة من الورود و الرسومات و الأستاذة كانت تنبسط كتير عليهم و دايماً توديني ع الفصل التاني مع دفتري ،، و تخليني أفرجي دفتري لـ معلمتهم ،، و المعلمة تتحطم و تحكي لـ بناتها ،، [ شوفوا الدفاتر يلي تفتح النفس ] هع و مرة كانت ماما بتعمل عملية المرارة [ انفقعت مرارتها منا هع ] و سحوورة كانت تهتم فينا ،، و هي يلي رسمتلي و زينتلي دفتري هداك اليوم ،، و تاني يوم الأستاذة حكتلي مش امك تعبانة مين يلي سوالك هيك ؟؟ حكيتلها أختي سحـووووووووووورة هع قامت كتبت ع الدرس [ سلمت يداكِ يا سحـــر ] هع هع و لهلق بهتم بـ كل دفاتري و بخليهم تحف فنية :) كنت بدي أوريكو صور دفاتري ،، بس خطي بشع هع و ع سيرة سحـر ،، برضو لما كانت ماما بتعمل العملية سحر كانت تحفظني بـ سورة العاديات ،، و كنت وقتها نعسانة كتير و سحر طفشت مني صارلها معي طول اليوم و مش قادرة تحفظني ياها بـ الأخير و أنا بردد بـ السورة و أنا غفيانة أعطتني هدااااااااااااك الكــــــــــف الله وكيلكو لـ هلق ما بنساه :( و هي كل ما هي تتزكرو بتنبسط و بتصير تضحك علي :( و مــرة كنت كمان بـ صف أولى ،، و صحبيتي يلي كانت جنبي صارلها فترة غايبة ،، و بس رجعت سألتها شو مالك ؟؟ حكت كنت تعبانة أجاني مرض [ العنقز ] قلتهلها شو هاد قالتلي هاد ازا اجاكي بتصيري كلك حبوب و بيجعوكي المهم أنا طنشت حكيها لـ اني مش عارفة عن شو بتحكي أصلاً لحتى عدتني منها :( و صرت كلي جدري ،، و عديت نهـر و أيمن و يمكن بيونة :( و كانت وقتها امتحانات نهائية ،، بس الحمدلله الأستاذة حطتني لحالي و امتحنت ،، و الحمدلله اني اجاني الجدري و أنا زغيرة ،، أحسن ما يجيني هلق :) : أصعب عقاب تعاقبتو : طبعاً نضربت كم مرة على ايدي ،، و ياما توقفت لـ اني مش حالة الواجب أو بحكي بـ الحصة بس هـ المرة تعاقبت عقاب بكرهو :( كان عنا معلمة عربي اسمها غدير ،، و كانت روعة بـ كل اشي و كانو كل البنات بحبوها كتير و متعلقات فيها المهم الوزارة نقلتها لـ مدرسة تانية و طبعاً الكل انجن و زعل :( و اجتنا أستاذة [ منى الهليل ] و من أول يوم فاتت علينا فيه صارت نسب و تبهدل و ما بعرف شو وقتها كلنا كرهناها بـ زيادة ،، و صرنا نطنش حصتها و ما نشارك و ما نرد عليها و نعمل مقالب فيها و ياما هربنا من حصتها أنا و سوسو و الخطيرة ،، و هي تروح تشتكي علينا و نحنا نبرئ حالنا :) و اجى يوم ما كنت حالة فيه الواجب أنا و الخطيرة و الأستاذة أصلاً كانت حاقدة علينا و وقفتنا طووول الحصة ،، غير انها نقصت علاماتنا و أول ما دق الجرس أنا قعدت ،، هي لفت علي و عصبت و صارت تبهدل و تحكيلي وقفي لسا أنا ما طلعت حكيتلها مش شغلي حصتك انتهت و دق الجرس ،، هي ولعت و راحت تشتكي للـ مشرفة و المراقبات و الكل طبعاً نادوني أنا و الخطيرة وحققو معنا هع و ما أقنعهم و لا عذر هعين و كتبونا تعهد خاوه ،، و حكو ازا عدتوها رح يتثبت هـ التعهد و رح تكتبو واحد تاني :( [ بحب أخالف بس ما بحب أكتب تعهــد :( ] و أنــا متعودة بـ كل حفل للـ أمهات لازم أطلع فيه ،، سواء بطلع بـ مشهد أو إلقاء أو تكريم أو اي اشي و هديك السنة ما كنت من الأوائل و لا مشتركة بـ أي اشي بـ الحفلة حتى بـ توزيع النشرات :( و كنت قبل الحفلة بـ يوم مقهورة كتير انو كيف ماما ما رح يعطوها دعوة و ما رح تحضر الحفلة و بـ الحصة الأخيرة و قبل الجرس بـ ربع ساعة ،، بعتتلي وحدة من المعلمات انو بدها ياني و لما رحت ،، إلا هي بتحكيلي أنت يلي فزتِ معنا بـ أجمل مقال عن الأم ،، و بـ كرة رح تحكيه بـ الحفل ،، و خدي الورقة تدربي عليها منيح ،، و خدي هاي الدعوة لـ امك ،، و لازم تخليها تحضر يا الله شو وقتها انبسطت كتيــــــر ،، و تاني يوم ألقيت الكلمة و ناديت ماما ع الستيج و سلمت عليها و بست راسها و كرمتها :) هع كنت يومها طايرة من الفرح :) و الحمدلله ،، أنا دايماً الأولى مع مرتبة الشرف مع اني كنت أطلع بعد كل امتحان و أنا أعيط و أحكي ما حليت اشي كل خطأ علي و بـ الآخر أطلع الأولى ،، [ صحباتي صاروا يخافوا مني و بطلوا يسدقوني قال اني بضحك عليهم ،، مع اني كنت فعلاً أكون مخبصة و خايفة من العلامة ] إلا بـ آخر سنة الترم التاني خبصت ع الآخر ،، ما كنت أفتح الكتب أبداً ،، و دايماً خناقات مع ماما و بابا على هـ الموضوع و كنت أفوت ع الامتحانات النهائية خاوه ،، المديرة تترجاني من جهة و المشرفة من جهة و المعلمات من جهة و ماما من جهة :) و كنت أفوت ع الامتحان و أكتب اسمي و أسلم الورقة فاضية حتى بتزكر بـ امتحان الكيما و الله ما فتحت الكتاب ،، و المشرفة اختبرتني تحت عندها و كنت أعيط و ما بدي أحل ،، بس بعد الاقناع حليت و أخدت فل مارك و أنا مش فاتحة الكتاب [ الحمدلله ] [ عنجد كانت أيامها نفسيتي زفت ع الاخر ،، الله لا يعيدها يا رب ] بس طلعت أعلى من كل صحباتي :) :c (6): [/align] |
الأردن أحلـى ^_^
[align=center]
بعض مواقف بـ الأردن الحبيبة كنا من زمان ساكنين عند بيت جدو القديم ،، و كان هناك في جبال و وديان و ما بعرف شو و كنا كتير نستلق الجبال و نعمل أفلام و مغامرات نحنا و وأولاد خالو ،، و مـرة من المرات ،، طلعنا ع الجبل أنا و نهـر و أيمن ،، و نحنا بـ نص الطريق ،، تخانقنا نهـر و أيمن بدهم يكملو من جهة ،، و أنـا بدي أكمل من جهة تانية و كل واحد يقنع بـ التاني ،، و كل واحد راكب راسو المهم أنا رحت لحالي ،، و بعدها نزلت و رجعت ع البيت و أيمن و نهـر و هما طالعين شافو واحد بيرعى غنماتو و شكلو بيخوف ،، و صار ينادي عليهم و بدو يلحقهم ،، و هما يركضو و يصرخو ،، و كانو رح يوقعوا لـ انهم بيركضو نزووووول و المهم وصلو ا و هما مختفيين من الخوف ،، و صاروا يحكولي يا ريتنا سمعنا كلامك و كملنا معك ،، و أنا وقتها كبر راسي عليهم و لـ هلق بس يعارضوني بـ شغلة بـ زكرهم بهـ الموقف و بكسر شوكتهم :c (14): هع هع و كمان مــرة ،، كان في عند جيراننا بقـرة رابطينها بعد الوادي ،، و كنا كتير نروح نلعب هناك و عادي ،، و مـرة نهــر كانت لابسة فستان أحمر ،، و نحنا كنا لازم نمشي من قدام البقـرة و كل ما بدنا نيجي نمشي ،، البقرة تصير بدها تيجي لـ عنا ،، و نموت من الخوف ،، و كنت بدي أخوف نهـر أكتر ،،و حكيتلها انا عرفت ليش البقرة بدها يانا عشان أنت لابسة فستان لونو أحمر ،، و هي بتكره اللون الأحمـر ،، و أكيد أول ما تمشي من قدامها رح تاكلك :c (16): و نهـر انجنت ،، و صارت تعيط ،، و أنا قال صرت أسكت فيها و أحكيها خلص مش مشكلة غمضي عينيك و امشي ، و هي ما بدها و تعيط أكتــر ،، و بعدين حكيتلها خلص اتخبي وراي و نمشي بسرعة ،، و ما رح تشوفك و لا تاكلك أخر اشي اقتنعت شوي وحكت يلا بس خبيني منيح ،، حكيتلها اه يلا و المهم اتخبت وراي و اتمسكت فيني ،، و صرت أمشي نتفة نتفة عشان أخليها تخاف أكتــر هع هع و طبعاً البقرة و لا هي معنا و لا مهتمة فينا أصلاً ،، و بعدها نهـر صارت تشكر فيني و تحكيلي لو انت مش معي و ما خبيتيي وراكي كان كان أنا هلق ببطن البقرة و أنت بتدورا علي هع هع هع يا حراااااااام كانت على نياتها :) و كل ما تتزكر هـ الموقف بتتفشل و بتغير الموضوع :) و قبل يمكن 10 سنوات كانت إسراء بنت خالي [ هي قدي ] مجمعة مصاري كتير كتير و حكتلي أنا و نهـر نطلع نتمشى كلنا سوا و نشتري و ننبسط و فعـلاً طلعنا نحنا التلاتة ،، و رحنا ع الدكان و شريناه كلو ،، و غير هيك نوكل نص الايس كريم أو الشيبس و نعطي الباقي للـ ولاد الزغار يلي قدامنا و نروح نشتري غيرو ،، المهم و احنا مروحين اقترحنا انو نخبي المصاري الباقية [ و كانت كتيرة ] ع الجبل مثلاً عشان اخوان اسراء ما بخلو اشي بحالو و أكيد رح يخدوهم ازا خبتهم بـ البيت و احنا طالعين ع الجبل ،، الا كان فيه أشواك و أنا كنت كتير بخاف من الشوك و نهر و اسراء سابقيني ،، و انا احكيلهم استنوا و هما بيستنوا نتفة و بعدين بيكملوا و بس وصلنا ع مكان ما فيه شوك ،، عصبت على اسراء كتيـر و حكيتلها ليش ما بتسمعي كلمتي هاتي المصاري لـ شوف خسارة يضلهم معك ،، و أخدتهم منها :c (14): و حكيتلهم يلا انتو التنتين لفـوا وجهكو عشان أخبي المصاري ،، و ردوا علي بـ كل يسر و سهولة و خبيتهم و نزلنا ،، و صرت كل يوم أطلع أخود منهم شوي و أشتري فيهم لحالي ،، و البنات كل يوم يحكولي شو رأيك اليوم نطلع نشتري ،، بحكيلهم لا مش اليوم خلص لا تضلكوا تنزنوا فوق راسي :c (15): و أنا كل يوم أشتري لحالي لحتى خلصوا المصاري ،، و قتها تورطت مش عارفة شو بدي أعمل :c (3): رحت حكيتلهم يلا خلينا اليوم نروح ناخد المصاري و نروح نشتري ،، و طلعنا ع الجبل و صرنا ندور بـ كل مكان و مش لاقيين اشي ،، و اسراء و نهر انجنوا و حكو أكيد انسرقو ،، يا ربي ليش ما شرينا فيهم من زمان حكيتلهم أنا مبارح طلعت و لقيتهم ،، و أكيد اليوم اجت غنمة و أكلتهم ،، :c (4): و هني سدقوا ،، و رجعت اسراء تجمع من جديد ،، و أنا يلي كنت كسبانة ،، هع هع هع هع هع هع هع و في مواقف كتيــرة بـ الأردن ،، لا تعد و لا تحصى ،، بس بعد 20 سنـة بحكيلكو ياها :) [/align] |
http://www.jh.jo/vb/imgcache/16754.imgcache.png ألبوم [ واذكريني ] لـ ماجد المهندس كتيـر حلو كل أغانيه أعجبتني و دخلت مزاجي و ع طووول بحب أسمعها ،، و هادي الأغنية من الأغاني يلي بتسلطن و أنا بسمعها ،، و هي [ حمودي http://www.jh.jo/vb/imgcache/16755.imgcache.gif ] ،، طبعاً من ألبومو الأخيـر و بهديها لـ مودي حبيبي http://www.jh.jo/vb/imgcache/16755.imgcache.gif ربي يخليلي ياه http://www.youtube.com/watch?v=DDXFl...eature=related حبك قتلني محمد ياعيوني ياحمودي http://www.jh.jo/vb/imgcache/16755.imgcache.gif لا اكل و لا اأشرب و دموعي فوق خدودي أستاحشك كل لحظه ياقليبي أنت و نبضه ماجوز أنا من حبك و الناس كلها شهودي ياناس أريد محمد من عنده لا تحرموني خلوني أشوفه قبالي واخذوا بعدها عيوني أستاحشك كل لحظه ياقليبي أنت و نبضه ماجوز أنا من حبك و الناس كلها شهودي قلبي جرح يوجعني مايطيب إلا بحضنك سوتها بيا الدنيا يوم أبعدتني عنك أستاحشك كل لحظه ياقليبي أنت و نبضه ماجوز أنا من حبك و الناس كلها شهودي استمعوا للـ ألبوم ،، رح يعجبكوا كتيــر :a (45): |
[align=center]
وصلنا للـ نهاية و أخيرا رح أودعكو يا حلوين استمتعت معكو بـ المايك و ان شاء الله كنت خفيفة و ما تقلت بـ الحكي >> لا يختي أبدا ما تقلت و لا أزعجتينا :( و أشكر جميع أعضاء الأردن و أخص منهم :: سـ ح ـر حيث تكون يتجمع جمال المنتديات في منتدى واحد فـ هي سحابة العطاء الماطرة ،، لها وهـج خاص ،، لا يُمل منه [ ربي يحفظها و يخليلي ياها يا رب ] أرق ما عرفتـه إلا عظيمـاً يسكب الضيـاء على منحنى القمر فـ روعتـه ،، قصائد لا تنتهي [ شكـراً لك على حلمك و طولة بالك علي و على ازعاجاتي التي لا تهدأ] نهـر نهـر منَ الإبداع وَ التميز لا يسـاوم ،، قلبك الجنة يا نهـر قلبك اختصر كل القلوب دائماً أسأل المولى أن يسعدكِ و أن يتنحى الشقاء عن طريقكِ الأميرة بيـان تبْقين رَمزاً للـ بَرَاءة لا يَمل المنتدى منْ نُوركِ حبّوبتي ،، لا تيْأسي ،، وَ اعلمي أنَّ الله معكِ و سـَ يبقَى مَعكِ [ ع فكرة بيونتي زعلانة مني من زمان ] سـديم و ما أدراك ما سديم مزعجة نمبر 1 ،، بتضلها تغلس علي بس حبابة و مرحة ربي يوفقها و يهديها Sefs ممر فاصِل بين العُذوبـَة وَ الفلسفَـة قلمه ناضِجُ الفِكـر اسْتطاعَ أنْ يقْطن قلوب الآخَرين بـ تَعليقاتِهِ المُميّزة أستمتع بـ ازْعَاجه وَ تَعْصِيبَه :) و اطلالته تعني لي الكثيـر دُعَاء من القلْبِ وَ مَا أصْدقه ،، أنْ يحفظَهُ ربّي وَ يسعِده الخطيـرة ليْسَ لديْهَا غيْر مُشَارَكة وَاحِدة لكنّها صَديقتي الوفيّـة أفتخر بِها وَ أحبّها و جِـداً ربّي لا يحرمني منها من أكثر الناس حظاً دنْـدَنَ الجَمَالُ خَجلاً عِنْدما رَآكِ من نُوركِ كانَت نقْطة ضَـوء شعَّت بِـ الفِكـر أتابعكِ بـِ اسْتمرَار ،، وَ تسْتحقّين ذَلك تحية من قلب سـارة لكِ دموع البـ ح ـر لامعة كـَ اللؤلؤ يا أنشودة الصباح asem أرجو ألا نكون قد خسرناه فـ هو رائع بـ جميع المقاييس و كم يروقني حضوره له تحيتي ديما لا شــيْءَ سِـوَى رَائِـعَــة ذكريات منتصف الليل مُصافحة أولَى كَانت بين حروفي و قلمه ،، أحببتهَا وَ جداً ،، فقدْ كانَتْ للـِ جَمَـالِ أقْرب وَ كلّي شوْق للـْ مَزيد لكَ سِـلال الـ جُ ـوري نور البلقاء تصنع من أي شيء ،، أجمل باقة ورد عبيرها الياسمين مجنون بسمـة المنتـدى مزيج من التعقل و الجنون لا يمكن لـ أحد أن يغضب منه ،، فـ روحه عذبه بـ رغم ..... بنت الأردن ذات القلب الطيب استمري بـ انسيابك بين النرجس و الأقحوان أنين الحزن كَـ العصفور يطير لِـ يحلق في سماء التميز ما أجمل حرف قلبه الصادق نجمة المنتدى حضورها ساحِـر أبدعت بـ ِجداره المحكوم بـ الأمل حضوره هادئ يتحدث بـ منطق المدعي العام قريب من القلوب ،، و الجميع يفضله له مستقبل واعد فـ هو مدعي بـ حجم العاصفة دموع الحرية كانت و لا زالت رائعة أسأل الله لها الشفاء العاجل و أن يكتب لها بـ كل ذرة صبر الأجر الكثير Admin يراقب بِـ عمق و يحاول اكتشاف الخفايا لهُ الفضْل بعدَ الله فِي اجْتماعِنا هَا هُنا فـ لَهُ عَميقَ شُكري hala3mi أراه يراقب بـ صمت ،، و كلنا شوق لـ تفاعله المنتظر أنتم و الأعضاء جميعا سيروا على بركة الله و بتمنى من كل قلبي ،، انو ما حدا يكون شايل بـ قلبو علي ،، و اني ما أطلع من هون إلا و الكل مبسوط مني ،، و اني ازا أسأت لـ أي عضو بـ قصد أو من غير قصد ،، انو يسامحني و يحللني ،، و أنا مسامحة الكل ،، شو ما عمل معي ،، و خلونا نضل أصدقاء بيجمعنا الحب و التعاون و الأردن أولا و الأردن أحلى // انتهيــــــــــت // Sefs هو من سـ يستلم المايك من بعدي بــ التوفيق [/align] |
سـارة .. مساحتكِ هذه كانت مليئة وثرية بالجمال عرفت أو تعرفت فيها على سارة [ المشاغبة , الرسامة , العفوية والبسيطة الروح المرحة ] و مابين أوتار الماضي وتيار الحاضر .. لمست منكِ كل هذا وأكثر مازلت أتسائل وأسائل نفسي .. من أين ينهمر الجمال ويجيء نغم الطهر ؟؟! هنا كت مع ليالٍ حافلة بالصمت قرأتكِ فيها حتى أمعنت رأيتك فيها حتى أيقنت بأنكِ االمتفردة والمشتعلة من غمام السماء .. ولكي لا أخدش رهافة الروح هنا سأبث اقتفائي للمنصتين من بعدي .. |
اقتباس:
يسلمووووووووووووووو كتير والله انت احلى باقة ورد وزانبق http://www.jh.jo/vb/imgcache/16760.imgcache.jpg http://www.jh.jo/vb/imgcache/16761.imgcache.jpg |
[align=right]
تألقتي ..!! كالورود ساعة سطوع الشمس كالأفق ساعة الغروب كالغيوم ساعة المطر كالنجوم في صفاء الليل كأنتِ ... كما أنتِ لك الأمنيات بالسعادة والدعاء بالرضا والقبول [/align] |
كنت في قمة السعادة وانا اقرأ ما كتبتي وكنت انتظر لارى من هي سارة اليوم لكن لم تذكري شيئا
اتمنى لكي حياة سعيده وان تحققي امنياتك وبالنسبه لالبوم ماجد المهندس لا توصي حريص:c (11)::c (11): |
سارة سعدت كثيرا بحملك للمايك
بس في وحدة وصتني بس تخلص سارة حكي حكتلي اكتبي هاي القصه لانو ساره ذكرتني فيها:c (14): بطلة القصة دموع الحرية هادا مرة دموع الحرية كان عمرها شي 15 او 16 حسب الروايه وكانت تنظف ماشاء الله عليها (((معدله من يوم يومها طبعا البنت نظايفيه بتنظف بالكاز:c (11): المهم نسيت الكاز وخلتو مكانه وفجأة اجو اخوها الاتنين الي أصغر منها شربو منو طبعا تسممو(سلامتهم) ودخلو المستشفى وكانت اخت دموع صغيره عمرها شي 1 وقعدت دموع تتهتم فيها:a (44): من يوم يومها حنونه وتركت كل شغل الببيت على اخواتها الي اصغر منها اغتنمت الفرصة قال استرحت شوي هشريرة :a (44)::a (44)::a (44): دموع الحرية شو هالفكرة يا شيخة |
| الساعة الآن 10:51 AM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar