|
بسم الله الرحمن الرحيم
بدأنا بالبدايه بدي اشكر يوسف على اختياري بحب الاذاعه وبتمنى اصير مذيعه بس ولا مرة تمنيت اكون ضيفه اليوم ولمدة 3 ايام" اقل او اكتر" رح كون ضيفه عليكم بتمنى اكون ضيفه خفيفه وما ازعج حد بكلامي بعتذر مقدما عن الخلط اللي رح يصير بين العاميه والفصحى بكتاباتي رح ابدأ ببطاقتي الشخصيه *اسمي متل ما بعرفه الكل ديما *عمري 23 وكم شهر * كملت اقتصاد اسلامي من اليرموك * برجي الاسد "ما بتابع ابراج" *هوياتي متغيره بتغير الضروف بس الثابت منها القراءه *ترتيبي بالعائله قبل الاخيرة والصغيره بين البنات * من المقرئين بستمع لسديس وماهر المعيقلي * الادباء جبران خليل جبران وبفضل الروايات من بين الفنون الادبيه *بحب يوم الثلاثاء *ووقت المغرب *وبفضل النجوم "ليليه صفيه مليانه السما نجوم" *بحب فصل الشتاء *بالنسبه لديما والاكل فما كنت صحبه معه ابدا ابدا ابدا وكنت في نحافه مفرطه وما كنت اكول شي لدرجه معدتي بطلت تستوعب اي شي حتى الميه وما خليت دكتور وكل واحد يحكي شي اللي حكى قرحه واللى حكى قولون واللى حكى زيادة حموضه واللى حكى بدها عمليه وغيره من هالحكي وبالاخير طلع قلت اكل ما بحب اكل المطاعم وكنت لما اكول شيبس وبسكويت وهيك اشياء تنسد نفسي واكلي على رأي ماما كان متل اكل العصافير المهم بعد التخرج صرت اوخد فاتح شهيه وفيتامينات وخلال سنه نصحت 6 كيلو" صلو على النبي " بس لازم انصح كمان 3 كيلو حتى يصير في تناسق بين طولي ووزني رجعت اكول كل شي الا الملوخيه ما بقدر اكولها ابدا:c (8): *لوني المفضل البني والتوتي بس في اللون الزهري بحبني وكتير كمان:a (43): *شخصيتي بحسها متناقضه احيانا وفي بداخلي عدة شخصيات كل وحده بتظهر حسب الموقف بس على الاغلب بنت هادئه ومزعجه بنفس الوقت الضحكه دائما على وجهي وعامله جو مرح بالبيت "بمزح كتير" * بحب الهدوء والازعاج اللي بعمله انا بس بس ازعاج من غيري ما بحبه *اكتر صفه بكرهها هي الكذب وبعتبرها صفه جامعه وشامله لكل الصفات السيئه "مثال بسيط الخيانه لو شخص بخون زوجته وحكت معه وسألته وينك بحكيلها بالشغل بس هو مع وحده تانيه يعني كذب لانه بخون لو انه انسان صادق قبل ما يخون بفكر انه رح يكذب" وهيك قيسوها على معظم الصفات السيئه التانيه * انا اجتماعيه من الدرجه الاولى وبتعرف على الناس حتى بالباص " كنت لما روح انا واختي مشوار تحكيلي بدنا نقعد بكرسي لحالنا عشان ما احكي مع اللي بجنبي:a (43):" * الصداقه بمعنى الصداقهما عندي كتير الصديقات بالمدرسه ما كان عندي غير وحده وبالجامعه تنتين بس زميلات ما بنعدوا كتار *بتابع مسلسلات عربيه سوريه حصريا" مسلسلات مصريه او خلجيه او تركيه ما في" حضرت نور ومهند وبعتبره اتفه شي عملته بحياتي ووقتي راح ضياع بهديك الفترة * افلام: مغرمه بالافلام القديمه " روتانا زمان" ومن الحديث افلام احمد حلمي وهاني رمزي * من المطربين هاني شاكر وماجد المهندس:c (9)::c (9)::c (9): واكتر اغنيه بحبها هي في يوم وليله لوردة الجزائريه " اي حد بعرفني وبسمعها بتزكرني" وهاد مقطع منها http://www.youtube.com/watch?v=jtIzKtWOXjw نقطة ضعفي الوحيده هي ماما ولو تحكيلي موتي بموت واهلي بعرفوا هالشي فأي حد بده شي ما برضى بروح لعند ماما وبحكيلها تحكيلي فبرضى :c (1)::c (1): [align=left] بطاقة شخصيه كاملة ما بتوقع نسيت شي اي واحد عنده استفسار يسأل لا حد يخجل غدا نلتقي [/align] |
كل هالشي اللي كتبته انمسح ورجعت كتبته عنجد شي متعب
:c (1)::c (1)::c (1)::c (1): |
بقايا امل
ساتحدث بحريه ودون قيود ساخرج عن الهدوء والابتسام
ادم وحواء جدال لا ينتهي ولا يمكن ان نصل لقرار من ظالم ومن مظلم لا يوجد دليل واحد ولا اي اثبات على براءة احداهما ، كلاهما متهم في عيون بعضهم البعض ولكن عندما تتحول حواء مجرد وسيله لاشباع رغبات وحاجات وغرائز حيوانيه لدى ادم هل يبقى القرار صعب ايضا؟؟؟؟؟؟؟؟؟ عندما ينظر ادم لحواء على انها مجرد وسيله مجردا اياها من كل المشاعر والاحاسيس التي بداخلها متناسيا الحب والعطف والامن الذي تبحث عنه ويطلب منها ان تكون مجرد وسيله ،، هل هذا حب ؟؟؟ هل الحب ان تُرضي يا ادم غرائزك من حواء وتنظر ماذا يعجبك وماذا يثيرك اكثر فيها؟؟؟؟ اسمح لي يا ادم ان اقول لك عندما تبحث عن حواء الوسيله ستجدها وستحقق هدفك معها ولكن لن تجد عند مثلها الحب الذي تزعم ولن تستمر معها.... ولكن عندما تريد حواء كحبيبه يجب عليك ان تُجرد نفسك من عرائزك وتنظر اليها بعين قلبك لا بعين جسدك،،،، عندها ستجد ما تبحث عنه وستجد الحب الدائم والمستمر.... الجنس مجرد إرضاء للنفس عندما لا يحصل الواحد منا على الحبّ " غارسيا ماركيز هل سنجد ادم البيعيد عن غرائزه في فترة الحب ان وجدتموه اعلموا انكم في حلم عذرا منكم ولكن هي فترة يسمح لي ان تكلم بكل ما يجول في خاطري |
ذكريات الطفوله والمدرسه
حاسه حالي بتحقيق اجباري ، شخص فوق راسي وعم يحكيلي احكي كل شي ولا تخبي اي حرف ، رح نعرف كل شي:c (12)::c (12):
طفولتي كانت عاديه ما فيها اي شي مميز لعب وهبل بالحارة والشارع بس اكتر شي بمتاز فيه هو كترت الوقعات :c (12): كنت اوقع كتير وانا صغيره وكل وقعه تكون مميته بس الله بستر" بسبع ارواح:c (11):" وحده منهم بتزكرها كنت يومها مروحه انا واختى من الصالون وقصة شعري ما كانت عاجبتني ابدا وصرت ابكي بدي شعراتي واختي تستفزني وتقهر في اكتر ما انا مقهورة ، ركضت بسرعه وانا ببكي واجيت واقعه على كرتونه بالشارع وعلى بدايه نزله ومن اول النزله لاخرها وانا على الكرتونه نازله واصيح بالشارع وطبعا اختي وراي تضحك:c (12)::c (12): في غيرها كتير بس بلاش فضايح تانيه بالنسبه للمدرسه ما تنقلت بكتير مدارس لانه مكان السكن ثابت بس مدرستين " من الاول للعاشر مدرسه واول ثانوي وتوجيهي مدرسه" بالمدرسه كنت مشاغبه نمبر ون كنت اعمل مشاكل ومع هيك كنت مجلس طلبه المديره كانت تعرف اهلي لما كنت اروح عليها بمشكله تسكر الموضوع بدون انذار او حتى مخالفه ولا حتى تلفون لاهلي بس طبعا كنت اروح احكيلهم عن مغامراتي ايام ولدنه بس مو اكتر وانا بالصف التاني مرة عملت المعلمه سباق جري بين الطلاب اجى حظي بالقرعه مع ابنها الصغير كان روضه ايامها لما تسابقنا كنت مقهورة ليه مع ولد صغير اطلع" ع اساس كنت كبيره يعني" فركضت بكل قوتي وسبقته لما رجعنا حكوا ابنها فاز حكيتلهم لا انا فزت وحاولوا يقنعوني هاد صغير خلص مشيها وانا لا مستحيل انا اللي فزت ايام زمان كانت احلى يمكن لانه كنا نتصرف ببراءه وماحد يحاسبنا على افعالنا وما نعرف الناس على طبيعتها |
=======عدنا=========
نحكي شوي عن التوجيهي فترة التوجيهي اكتر فترة كنت مهمله فيها وما اهتمت بالدراسه ابدا وبصدق ولا مادة رحت امتحنت فيها وكنت مكمله المادة وطبعا بسنة التوجيهي اللي قدمت فيها صار اهم حدث في تاريخ التوجيهي بالاردن بعد امتحانين " ثقافه ادبيه &الانجليزي" اكتشفوا تسرب الاسئله وعدنا المادتين :c (1)::c (1): كان الاعادة من حظي بالنسبه للانجليزي لانه في استاذ الله يسامحه حكى معنا ليلة الامتحان واعطاني اسئله متوقعه ويا ريت حكى متوقعه حكى هي 100% ويوم الامتحان طلعت ولا الها دخل انصدمت وما عرفت اجاوب وطلعت راسبه من الامتحان ولكن الحمدلله انعادت المادة بالنسبه اللي بعتبر حالي محظوظه لانه المادة اللى ما كنت ادرسه ما كان يجي منها اسئله او تكون اسئله قليله توقعت معدلي والكل حكى مستحيل دراستك يا دوب تنجحك يوم النتائج ضليت على اعصابي وسهر للصبح لانها بتطلع الفجر وطلعت وكان معدلي نفس اللى توقعته طبعا الكل انصدم توجيهي ومعدل متوقع مزبوط "كان 81.2" يعني كان فرق بسيط بالاعشار لا اكتر ولا اقل طبعا مبسوطه بمعدلي لانه هاد اللي عملته اما بالنسبه لتخصصي فهو مجرد صدفه او هاد اللي طلعلي كنت حابه علم نفس او فلسفه بس هالتخصصين ما في منهم الا بالاردنيه وبصراحه اهلى ما رضيوا عشان السكن كملت جامعه وكانت اربع سنين مميزات وتخصصي تابع لكليه الشريعه كل الدكاترة شيوخ واحداث [align=left] غدا نكمل عن الجامعه [/align] |
اول يوم بالجامعه ما كنت اعرف شي عن التخصص وعلى اساس اقتصاد وبكليه الاقتصاد ولكن طلع بالشريعه
فكرت احول بعدين لغيت الفكرة قسمنا كان طابق خامس بالكليه وكان شي اخر عن كليه الشريعه يعني عالم اخر عنهم على رأيهم طلاب قسمنا مميزين كنا خليط بين الشريعه والاقتصاد مو ملتزمين متل طلاب الشريعه ولا فايعين متل طلاب الاقتصاد مواد التخصص كانت عاديه او بالاحرى بعد اربع سنين حكيت لدكتور انه هي مادتين او تلات ولكن مكررات بسميات اخرى ومواد الكليه الاجباريه مواد شريعه وحده منهم كان اسمها فقه عبادات ولانه ما بعرف اللى بعطوها نزلتها بشكل عشوائي واول يوم بالفصل لما دخلت على المحاضرة اجى الدكتور طبعا شيخ واله لحيه ولبسه على السنه لهون عادي دخلت بنت بعد الدكتور وكانت لابسه جلباب قصير "كانت الدنيا شتا" اعطاها محاضره عن لبسها وانه ما بصير وهاد اسمه جلباب ويا حرام انحرجت احراج انا ما بلبس جلباب من اصله شو رح يصير في خلصت المحاضره من الكليه على التسجيل مباشره عملت سحب واضافه وغيرت الدكتور:c (1)::c (1): اهم شي بميز دكاترة الشريعه الامانه بالعلامات ما كانوا يظلموا حد ابدا ابدا وكان قمه في التعامل وكوني بكليه شريعه في ضوابط منها مدخل للشباب ومدخل للبنات البنات مقاعد خلفيه والشباب اماميه عكس كليه الاقتصاد تماما واهم شي لو دكتور شاف بنت من كليه الشريعه بتحكى مع شب كانت مصيبه الحمدلله انه طلعت بكليه الشريعه ما كانت اللي علاقه بالجنس الاخر ابدا"رح تحكوا من وين حبيت شوي شوي بتعرفوا:c (6):" بالنسبه لمواد كليه الاقتصاد كانت بالانجليزي:c: ووضعي بجنن والحمدلله الاقتصاد الكلي كانت عقدة كل طلاب الاقتصاد بجميع فروعه ونزلتلي عند معيد بالكليه شب ومفكر كل البنات بتحبه وفصل صيفي وما في وقت ادرس كان تجميعي سئ كتير ولو نجحت رح يتراجع معدلي لانه ما رح تكون اكتر من 50 رحت عليه وشرحتله وضعي وعنجد كان فترة الامتحانات مشغولين جدا طبعا ما رضي وعمل علي دكتور متل اللي عنجد وجلطني وفكرني رح اترجى حكيتله اعتبرني منسحبه من المادة ونزللي اياها 35 "صفر الجامعه" طبعا انصدم وما توقع اعملها وابطل احضر بس عملتها وما رجعت حضرت ولا محاضره من المادة بس لانه كتير منيح نزللي اياها 38 يعني انا رسبت بالامتحانات مو انا بطلت احضر :c (1): عديتها بالفصل اللي وراه مباشره عند دكتور غيره وجبيت علامه مميزة الشي الاساسي انه ولا مرة وصلت على موعد المحاضرة مع انها كانت على 10 ولا مرة نزلت قبل هيك في مرة محاضرة وصلت 23 تأخير وغياب والحمدلله الدكتور صاحب بابا ما كان يعمل شي مرة يا حرام ناداني وحكالي اطلعي قبل بخمس دقايق بتوصلي:c (6): كنت اطلع 9:30 مع انه المشوار حتى اوصل الجامعه بده نص ساعه وربع ساعه حتى اوصل الكليه وهيك انتهيت حياتي الجامعه مع تقدير منيح وترتيب منيح كمان على الدفعه [align=left] لنا عودة في اخر شي بالمايك لانه تعبت:c (1): [/align] |
بعد التخرج ما فكرت بأي وظيفه ولا حتى بأي شي اعمله
ما كان عندي غير مشروع واحد وهو على رأي اختي مشروع تسمين:c (5)::c (5): كنت لازم انصح كنت انحف من المعقول والحمدلله انصحت حتى لديون الخدمه المدنيه اللي كل خريجين الاردن بقدمولوا انا ما قدمتله غير قبل شهر وما بعرف ازا نزلي دور او لأ:c (16)::c (16): هلأ صرت افكر شوي اتوظف الله يسير الامور كنت بدي كمل دراسه بس ما في نصيب وكانت الظروف كل مرة تمنع انه اقدم طلب لاكمل دراستي اما بالنسبه لقصه الحب اللي عشيتها كنت احلم اعيش قصه حب مثاليه وحلوه وكان عندي ضوابط لطريقة الحب تعرفت ع شب من خلال النت وبعد 4 اشهر حبينا بعض حكيتله عن افكاري وكيف لازم تكون العلاقه " علاقه بحدود كبيرة ووجود مسافات بينا وما نشوف بعض كتير والحكي قليل وبحدود وبأوقات منطقيه" كانت هاي شروطي رضي وما كان عنده مانع وما شفته غير مرة وحده وكان حكينا على التلفون متل ما بدي تماما بشهر رمضان ما حكينا لانه رمضان وبالوقت هاد كان صارلنا تقريبا شي سنه ونص بعد رمضان كان متغير كليا وافكاره غريبه وطلباته صارت مو طبيعيه وصار بده علاقه حب متل علاقات الحب المنتشره حاليا طبعا رفضت تركنا اسبوع ورجع ع اساس خلص متل اول بس رجع يحاول معي اتغير متل ما بده ورفضت وبالصدفه عرفت بطريقه او باخرى انه اهلي ما بوافقه على حد من عشيرة الشب لاسباب منطقيه لاي اهل بخافوا على بنتهم انا بصراحه ما بخسر اهلي عشان اي حد وما ممكن اتخلى عنهم واعمل حالي شهيده الحب اتخذت قراري وتركته ازا الله كاتبلنا نكون لبعض رح نكون رغم كل هالكلام وازا مو نصيبي لو حبيته طول عمري ما رح نكون لبعض بتمناله التوفيق بحياته والله يهيديه ويصلحه يمكن كنت كتير صريحه معكم بس هيك شخصيتي كل شخص موجود معنا بالمنتدى بعتبره اخ واخت عندي سحر الاردن، دموع البحر، يوسف، تموز، رع رع ، نهر، سارة، لؤلؤة العقبه، نور البلقاء، انين الحزن،المحكوم بالامل،من اكثر الناس حظا،المدعي العام، مجنون، توم كروز،امير المنتدى، نجمة الاردن، حياة الطفوله، سام...............وكل شخص نسيت اذكره انا سعيده بتعرفي عليكم وبعتبر النت مكان مريح اكتر من الواقع لانه كلنا فيه اشخاص عادينين وبنتعامل بحريه وبساطه من غير تكلف كل شخص اخطأت بحقه يا ريت يسامحني وانا مسامحه كل شخص اخطأ بحقي بقصد او بغيره [align=left] انا انتهيت وحمل وانشال عن ظهري:c (16): [/align] |
اكيد حابين تعرفوا مين ورطت بعدي:c (6)::c (6)::c (6):
قصدي مين اخترت بعدي اخترت تموز يشرفنا ويمسك المايك بدعيله الله يكون معه بهاي الفترة |
متألقة ... كفراشة تعلمت الطيران للتو
اقتباس:
كلام سليم وصحيح !!! اقتباس:
والله يرحم ايام الابتدائي اقتباس:
:c (14)::c (14)::c (14): والله لو طلعلك زراعة احسنلك من كلية الاقتصاد .... وبالذات في اليرموك اقتباس:
يا هيك الحب يا بلاش وما شاء الله عنك لانو نادر جدا تلاقي بنت بتفرض شروط على الشب اقتباس:
وانتِ أخت عزيزة ... أعجبتني العفوية هنا ... فقد صنعتي فارقًا واضحًا بينك وبين من سبقوكِ مممممم والي بيسعى لرضى أهلو .... وبكونو رضيانين عليه ربنا بكون راضي عنو ..... وان شاء الله تظلي هيك على طول يعني لو شو ما صار مع الواحد ... بظلو الاهل اولا وموقفك من الحب جدا رائع .... مع اني مش مقتنع في الحب كلو ديما كالندى .... عند الصباح يعكس أشعة شمس الضحى .... يُسكت الرياح ويمضي بين الحقول يشدو لحن الحياة ... دعائي بالتوفيق لكِ في الدنيا والآخرة حفظ الله لكِ أهلك ... وحفظك لهمـ |
[align=center]ديما كلامك رائع واستمتعت معك وكلامك صحيح
وواقعي :c (11)::c (11)::c (11)::c (11): وهلأ يلا لمين هالورطة هالمرة يلا [/align] |
| الساعة الآن 10:50 AM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar