منتديات الأردن

منتديات الأردن (http://www.jor1dan.com/vb/index.php)
-   عالمنا الخاص (http://www.jor1dan.com/vb/forumdisplay.php?f=49)
-   -   فلانة محجوزة لفلان !!!! مغ أم ضد ؟ (http://www.jor1dan.com/vb/showthread.php?t=209803)

Shakespeare 02-03-2009 02:20 AM

فلانة محجوزة لفلان !!!! مغ أم ضد ؟
 
السلام عليكم ورحمة الله وبركاته


( الحبر يخلص وقضايا مجتمعنا ماتخلص )



نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان



قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماهيتأثر
لكن البنت حساسة وهتتأثر
وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي هتتأثر اكثر



يخلص الحبر والكلام مايخلص


من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟

noora 02-03-2009 02:34 AM

برأي هاد اسمه تخلف لأنو هل شي بأيد ربنا


من المذنب .في هذا كله. الشاب , الشابه , الأهل , العادات والتقاليد ؟؟

بتوقع العادات والتقاليد ازا كان في تخلف فيها هي الي بتحكم

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

يمكن النسب ما بعرف

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وشو انا بيت وله قطعة اثاث حتى يحجزني هاد كله حكي فاضي

وانت ايها الشاب مارأيك في مسألة الحجز وان تكون محجوز لفتاة ؟؟
.................

وهل هذا الشي موجود في عائلتكم ؟؟ وماموقفكم منه ؟؟

أكيد لأ مو موجود والحمدلله طبعاً

noora 02-03-2009 02:35 AM

ويعطيك العافية



تقبل مروري

أوركيدة 02-03-2009 02:49 AM


أولاً أخي شكسبير مش كل مرة بسير زي ماحكيت
يعني ممكن تكون فلانة محجوزة لفلان
واضلها محجوزة ويتجوزها .. صح ولا لأ
يعني حالة نادرة اللي بغير رأيو بس يكبر

/

من المذنب .في هذا كله. الشاب , الشابه , الأهل , العادات والتقاليد ؟؟

أكيد الأهل وَ التقاليد


ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

الأهـــل ..


اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

والله زي ماحكت نور شو يحجز هاي
طبعاً مش راح اوافق
وموقفي أكيد بزعل



وهل هذا الشي موجود في عائلتكم ؟؟ وماموقفكم منه ؟؟

الحمد لله مش موجود ...


/


يسلمو شكسبير
الله يعطيك العافية
تحيتي

صابغة الهوا فوشي 02-03-2009 04:16 PM

اقتباس:

من المذنب .في هذا كله. الشاب , الشابه , الأهل , العادات والتقاليد ؟؟
تخلف العقول (عادات + تقاليد )× الاهل >>>>>> معادلة رياضيات
بس ازا الشب والبنت موافقين عاد هاد شي ثاني
اقتباس:

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
انا بعرف الشب هو حر يقرره مصيره مع مين بده يرتبط بس في اهلي الله يهديهم بقرروا عن ابنهم

اقتباس:

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
بده يحجزني ليش كاينة بكست بطاطا
فش حجز هاد كله قسمة ونصيب



اقتباس:

وهل هذا الشي موجود في عائلتكم ؟؟ وماموقفكم منه ؟؟
والله نوعا ما موجود بس عند ابوي انا لالالالالالالالا
يعني عماتي كلهم اتجوزوا بالحجز ايام زمان


مشكور خيو عطرحك وتميزك للمواضيع
:c (6):

دموع الحرية 02-03-2009 06:12 PM

اولا شكرا لك على طرح مثل هذة القضية و الحمد لله انها غير موجودة في اغلب العائلات
ثانيا طبعا فلانة ليست قطعة اثاث لتحجز برسم البيع للعادات و التقاليد الاجتماعية السائدة في مجتمعات احيانا قد تكون مثقفة
وقضية الحجز هذة كتلك التي تسمى بدايل فإذا ما طلقت واحدة و احيانا بدون ذنب وجب على الاخرى ان تطلق و الضائع هم الاطفال المساكين و الذين سيشربون عادات خاطئة بالوراثة طبعا

Eng. Yousef 02-03-2009 10:47 PM

من المذنب .في هذا كله. الشاب , الشابه , الأهل , العادات والتقاليد ؟؟
أهل البنت
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
اكيد الاهل هو في غيرهم
اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
--------------------
وانت ايها الشاب مارأيك في مسألة الحجز وان تكون محجوز لفتاة ؟؟
مرفوضة تمامًا
وهل هذا الشي موجود في عائلتكم ؟؟ وماموقفكم منه ؟؟
كان، وصارت قصة من هالقصص وبعدين صار محرم

أصلا في الدين هذا الشيء لا يجوز
مشكور على الموضوع

aryam 02-03-2009 11:43 PM

[align=center]من المذنب .في هذا كله. الشاب , الشابه , الأهل , العادات والتقاليد ؟؟
المذنب الرئيسي أهل البنت لأنهم برضو ان بنتهم تتعامل كإنها سلعة

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
و لا حدى
بس اذا كان البنت و الشاب بدهم بعض و اصلا الاهل بدهم اياهم يكون لبعض هادي بتكون حالة خاصة و في هادي الحالة بكون الشاب و البنت هم الي بحددو

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
رفض قاطع مني و الاهل

وهل هذا الشي موجود في عائلتكم ؟؟ وماموقفكم منه ؟؟
الحمد الله لا[/align]

المدعي العام 02-17-2009 10:22 PM

والله بالنسبة لالي بعتبره هاد كله تخلف و كلام فاضي ..

بنفس الوقت ما بتفرق معي ازا انحجزت لبنت .. و شو بدي أحلى من هيك حجزة ..

بعدين موضوع انه حدا محجوز لحدا ما اله طعمة .. لأنه هالأيام ما حدا بيرد على حدا .. و كل واحد بيعمل يلي براسه ..

مجنون 02-18-2009 02:10 AM

هوه بعده في حجز لهسه ؟؟؟

حاسس حالي بدي اطلع رحله


الساعة الآن 08:09 AM.

Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by Support-ar