محكمة المنتدى ..
 

:c (15)::c (15)::c (15)::c (15)::c (15)::c (15):

أي واحد بده يعمل مشاكل بالمنتدى حولوه على هاي المحكمة .. و نحنا منحاكمه و منحطله محامي .. و منشوف شو بدنا نحكم عليه ..

محكمة ..

[align=center][/align]ابو السعيد

ممكن سؤال بصفتك محامي؟؟

في اشي اسمه رد شرفيه في القانون؟؟

والله وصار عنا محكمة بالمنتدى ..
ياهلا والله بالمدعي العام وبالقوانين كلها ..

زمان على مواضيعك يا مدعينا
يسلمو على الموضوع
وياريت تظلك هيك على طول مشارك

سيدي ..

ممكن تقدم شكوى افتراء و اختلاق جرائم .. و تطالب بالحق الشخصي فيها .. و بيصير فيها خبرة من خبير واحد أو اتنين .. و بيقدروا مقدار التعويض حسب عمر و مهنة المشتكي .. و مركزه الاجتماعي .. حسب أحكام القانون المدني ..
أما كلمة شرفية أو رد شرف .. ما عمري سمعت فيها بصراحة .. و هاي مو مصطلح قانوني ..

و اعذرني ازا الجواب مختصر .. بس والله ميت من النعس ..

هلا معلم أرق ..
أي واحد بدكم تحاكموه حولوه لهون .. بس مبدئياً حطولي اياه بالنظارة .. و خلوه للصبح لحتى أفضاله . هلأ نعسان كتير ..

و سوري على التقصير .. بس والله يا معلم اني مشغول لأبو ودنه .. !!

[align=center][/align]حلو يعني بقدر ارفع دعوى في محكمه ضد شخص قام بالتحقير صح؟

حتماً ولا بد ..

و امهلني لبكرا و بحطلك موضوع كامل عن شكاوى الذم و القدح و التحقير .. !!

حلو
طيب اذا بدي اشتكي عندك في المحكمه شو بدي اسوي؟

سيدي الكريم ..

بتكتب الشكوى .. كالتالي ..

لدى سعادة مدعي عام ( اسم منطقته .....) الأكرم
المشتكي : .................... عنوانه ............. رقمه الوطني ..
المشتكى عليه : .................. عنوانه

موضوع الشكوى : السب و الشتم

وقائع الشكوى :
1-
2-
3-
قد ما بدك .. بتسولف شو صار معك بالتفصيل ..
الطلب

- يلتمس المشتكي جلب المشتكى عليه و التحقيق معه ............. الخ
واقبلوا الاحترام ..

- بعدين بتروح على ديوان المدعي العام .. بيسجلوا الشكوى .. و بعملولها ملف يا معلم .. و بتاخد رقم .. و بيناديك المدعي العام .. و بتسولفه شو صار معك .. بعدين بيقرر احضار المشتكى عليه لسماع أقواله ..