|
بنات شو الشي يلي ابتكرهو بالشباب
صباحو
كيفكم ؟ ان شا الله الجميع بخير الدنيا صبح ومش عارفة شو اسوي قلت خليني انزل هالموضوع عشان البنات يعبرو عن رايهم كمان يعني في بنات بكرهو مياعة الشب وبنات بكرهو الخصر السحل وبنات بكرهو الواكس وبنات بكرهو العلكة يعني انو شب بعلك وبنات بكرهو الالوان الفاقعة للشباب يلا صبايا كل وحدة تدخل وتقلنا شو هو الشي يلي ابتكرهو بالشباب ؟ بانتظار ردودكم :c (5): |
أنا شب .. بس بدي أحكي شو بكره بالشباب ..
1/ العرط .. في شباب خالصين .. و طول نهار يكزبو .. بتلاقي كل البنات بيحبوه .. موبايله ما في منه بالعالم .. سيارته أحسن سيارة مشت على الأرض .. لبسه أغلى لبس .. و 24 ساعة على هالرشة .. 2/ خفة الدم الزايدة .. في شباب بيفكرو حالهم دمهم خفيف .. و بيقضولي اياها يمزحو و يخففوا دم .. ما بيعرفو انه أزنخ من دمهم الله ما خلق .. 3/ اللبس .. في شباب بيلبسو أشياء غريبة .. و بيعملو بشعراتهم موضات ما أنزل الله بها من سلطان .. المشكلة انه بيكون مفكر حاله حلو .. عاد هو مصخرة .. 4/ الصوت العالي .. في شباب ما بيعرف يحكي الا لحتى يسمع كل الأردن .. و بتلاقيه بيصيح صياح .. و ازا كان معصب .. بيحاول يفرجي كل الدنيا انه هو زلمة زيادة عن اللزوم .. و يا حبيبي كيف بتولع معه و بيزيد طبقة صوته ازا كان في بنات قراب منه .. 5/ الزلومية الزايدة .. في شباب بيكون مبهدل بين أصحابه .. و قليل هيبة .. و بيكون بيعرف بنت .. و بيصير يعمل حاله زلمة عليها .. و بيقعد يصرخ عليها .. و يتدخل بكل صغيرة و كبيرة بحياتها .. و بيفكر انه هيك البنت رح تحبه .. ما بيعرف انه بينزل من عينها .. و بتكون مو مصدقة على الله و هي تخلص من "زقمه" 6/ الشب اللزقة .. في شباب بييجو عند الواحد فجأة .. و بدون ما يحكو معه .. و بيفكرو انه الواحد ما وراه غيرهم .. و ما بتفرق عندهم ازا وقت نوم .. ولا وقت غدا .. و المهم انهم يتسلو و يضيعوا وقت .. بغض النظر عن وقت الشب يلي اجوا عنده بدون سابق انزار .. 7/ المفهومية .. في شباب بيفهمو بالطب .. و بيفهمو بالدين .. و بالسياسة .. و الواجب .. الله وكيلك بيفهمو بكل شي .. الصلاة عالنبي .. 8/ الشب المصلحجي .. في كتير شباب ما بيهمه الا مصلحته .. و مستعد يبيع صاحبه على أتفه شغلة .. و فوق هيك ازا بتعاتبه .. بيطالع الحق عليك .. كيف ما حدا عارف .. |
والله خيو كفيت ووفيت
واهم شي يلي بعرط كتير بس يلي بعرط ببين لانه الكزبة بتبين من كبرها وخفة الدم الزايدة هاي نقطة مهمة الشباب بتجاهلوها بفكرو حالهم انهم ازا بضحكوا كتير وبعلقوا معناته انهم محبوبين والشب اللزقة يعني ما بحس انه ماحدا طايقه حتى يضل يلزق بخلق الله والله خيو حكيت كل يلي لازم ينحكى بشكرك على مرورك المميز :c (5): |
لسه يا باقي على زكراكم .. لسه ما حكيت شي ..
في كمان أشياء كتيرة .. والله لو بدي أحكي كل شي .. بيلزمني منتدى لحالي .. |
مهو انت اختصرت اهم النقاط يعني اكيد في لسا نقاط سيئة بالشباب بس انت حكيت اهمها ويلي ياريت الشباب ينتبهو ويعرفو انهم مكشوفين بدون هالحركات
مشكور على ابداء رايك خيو منور الموضوع :c (5): |
[align=center]أنا بكره بالشب العصبية ........ و عرض عضلاتو وتحكمو بخواتو أو مرتو
لأنها بتخرب كل اشــــــــــــــي !! بصراحة مافي أحلى من الشب الرايق و الهادي والغضب يصير بحدود *_^ يسلمو فوفو ... موضوع حلو و صريح يعطيكِ العافية قمر احترامي[/align] |
منورة حبيتي سحورة الامورة
ورايك كتير حلو يا حلوة بشكرك عالمرور |
طيب يا حلوة انتي شو بتكرهي بالشب
|
احم احم
انا جيت احكي هون مع اني حكيت رأيي بالموضوع الي للشباب بس كان مختصر ههه انا بكــره زي ماذكرتي الشب الي بعلك والشب المايع والي شعرو طويل والي بيلبس الوان البنات يعني وردي وبنفسجي فاتح .. وبكره الشب الي بضل يخفف دمه بحسه زي المهرج وبكره الشب النسونجي والشب الي بضل يحكي بصوت عالي عشان يسمع كل الحاره ووووو شو كمان هلأ هاد الي ببالي اذا تذكرت برجع لهون يسلمووو يا ئمر.. |
انا بكره الشب الغبي ويلي بتغابى
ويلي بعمل اشياء لف دوران وبفكر ماحدا من تبهله وبكره الشباب يلي مرميين حويلن مدرسة البنات وبكره الطناطات وبكره يلي بحاول يجمع اكتر من بنت بنفس الوقت يلي بعمل حاله زير نسا وطبعا يلي ذكرهم اخونا المدعي العام وبس مشكور شكسبير عالمرور وبنت الاردن منورة يا حلوة |
هههههههههههههههههههههههههه
فيني كل الصفات الحلوة ههههههههههههههههههههههههه الا الواكس انا بكره الشب المصلحجي والعريط والطنط يسلموووا التقليد صعب:c (14): |
اقتباس:
بس تقليد المواضيع سهل كتير مش متل تقليد امريكا منور مرة تانية :c (5): |
هههههههههههههههههههه
والله الشباب مساكين .. وين ما يروحو مكروهين .. |
[align=center]
انا عارف تومي - يعني البنات مكملين ما شالله [/align] |
ه ه ه ه ه ه
لا مش مكملين الكمال لله وحده منورين جميعا :c (5): |
بكره الشب الطنط
زالمايع واللي بتصنع واللي بكذب واللي فاتح جمعيه تعاونيه شوي مع هاي وشوي مع هاي وبكره الشب اللي بحكي للبنت انا بحبك وهوا ما شافها الا عالنت هاد شكلو فاقد حنان هع هع وبكره الشب اللي امه بتتحكم فيه وبكره الشب البخيل الكحتوت وووووووووووووو اكمل ولا شو ؟ |
هلا خيو عاقل
ليش ضل شي لتكمل ؟ منور خيو بردك:c (5): |
بصراحة بكره الشباب المايعين ويلي بتلاقي بحكي متل البنات حتى مشيتو بتكون متل البنات والحمدلله في كتير منهم وبكره الشب يلي بكذب لأنو هاد بكون خويف وكتير في شغلات بكرها بشباب احيلك في الي رجعة اوكلي.....
|
اممممممممممم
بكره الشب يلي عامل حاله سبع الفلا قبال مدارس البنات والطنطات ويلي بخففو دمهم طبة ويلي بكونو لزقة وزناخة الشباب عالنت مشكورة اختي باقي عالموضوع الحلو:c (5): |
الشباب حبابين كتير ومافي شي بيعيب الشب
الا ازا كان ما معو مساري وئتها بيكون محرج كتير ههههه بس انا اكتر شي ما بحبو بالشب لما يوعد و يخلف ومايكون اد كلمتو يسلمو سويتي موضوع من الاخر ونئاش روعة كيب ات اب تحياتي |
منورين
هلا نوريتي هلا سوسو هلا غموزة منورين صبايا |
انا رجعت
بتعرفي شو ياالله شو بكره الشب يلي بحكي كتيير يعني زي نساوين الحارة وشو كمان بتوقع بس هيك...... يعطيكي العافية على المضوع يا فدائي |
منورة نوريتي :c (5):
|
| الساعة الآن 12:20 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar