|
شباب بضحكو عبنات والبنات مكيفات :)
بس كيف الموضوع القوي هاده
بتعرفونيش انا لما يطلعلي عضلات هههههههههههههههه فتحت هالموضوع لعده اسباب اول سبب لانو الحكي ببلاش وتاني سبب بشوف شباب كتير بتخوتوا عالبنات وبتلاقو الشب بحكي ل 10 بنات فاليوم بحبك المشكله فالموضوع انه البنات مكيفات يعني انا عندي قناعه تامه انو (( البنت بتحب الشب اللي بيضحك عليها )) طبعا السبب واضح (( لانو البنات هبلات في الغالب )) طبعا انا من ناحيتي احيانا بفضل البنت الهبله لانها بتاخدني على قد عقلاتي بس المشكله الشباب التانيين بستغلوا هبل البنت وبضحكوا عليها لا وشو والبنت مبسووووووووووووووطه كتير وطايره من الفرح عبلاطه وبدون ما نكتر حكي وبعد تجربه اثبتت الدراسات انو 80 بالميه من الشباب اللي بحبو (( خاينين )) البنات مش كتير بيخونوا الا لما يكونوا زهقانات اللي بدو يتناقش بالموضوع يسولف واللي ما بدو بيوفر وصباحكم سكر متل الصباح اللي صبحتو على صاحبتي :c (14): |
[align=center]
كلامك مزبوط بس في بعض الحالات يعني هادا الكلام مو قاعدة نمشي عليها البنت بتحب الشب يضحك عليها لما تكون مجروحة و بتخوت لما تكون تعرضت للخيانة اما البنت العاقلة ما بتحب الشب يضحك عليها بتحب يكون صريح بكل شي حتى لو كانت صراحته بتجرح اما الشباب بحب يتسلو بمشاعر البنات و الاخص البنات الهبلات الي مافي الهم تجارب من قبل و بعتبروها رجولية لما يتسلو بمشاعر البنت [/align] |
اوكي صح كلامك بس مش هبلات على قولتك ...
|
كلامك قوي يا اريام
|
طيب ولما يكون الشب اهبل
والبنت مقلعه ؟؟ بتلاقي الشب بحب البنات المقلعات عشان يتربو على اديهم :c (14): |
عفكره اغلب الشباب بيحبو البنات الوقحات عشان البرستيج يعني :c (5): |
بدل على وقاحتهم
|
طيب ماشي
الشاب لما يبلش يكبر ويعدي سن ال ( 28 ) او ال ( 30 ) عاده بيحب يصادق اكبر عدد من النسوان بيخاف يموت وهوا ما لحق يدوق من كل الانواع يعني بدو يدوق الشقرا وبدو الحمرا وبدو الخضرا لانو البنات متل الفواكه وكل فاكهه الها طعم ( يعني كل بنت الها طعم ) |
اقتباس:
مش كل شاب اتعرف على بنت وقحه يعني بيكون انو وقح !! بالعكس بعض الشباب اللي ما عندهم خبره بيفضلوا البنت الوقحه على البنت العاديه عشان الخبره يا شاطره لانو الخبره بتلعب دور الشب بكره بدو يتزوج كيف بدو يبوس مرتوا بوسه فرنسيه ازا ما عندو خبره ؟؟؟؟ |
البنت بتحب الاهتمام من الناس كيف عاد لما الشب يحكيلها بحبك
حتى لو هيه عارفة انو اكبر نصاب بس الفراغ العاطفي يلي هيه عايشتو بتخليها تستمر معو وتساعدو على انو يتمكن منها ويتسلى معها وقت اكبر وكمان عشان الفشخرة الكدابة قدام صحباتها انو انا بحب و تعو شوفوا حبيبي هادا الحكي بنطبق ع البنات الفاضيات اللي مافي عقل عندهم يفكروا فيها واللي عايشين حياتهم للهبل و المسخرة بس ... نيجي للشب ... الشب بيحس بالنقص لما يشوف صحابو عم يزبطوا بنات وهوه اهبل ماعندو صاحبة ولا حبيبة ... لا تستغربوا انو مرات بكون بحكي مع "الهوا" ع الموبايل قدام صحابو ع اساس انها صاحبتو هههههه وهمه بس يزبط وبيميل للبنت الفايعة اللي مش فارقة معها عشان شو ما يطلب منها ما تحكيلو لأ ... وتلاقيه ماشي مع مليون بنت كل يوم مع بنت شكل ... وكلهم بحبهم بس سؤاااال !!! كيف الو القدرة انو يحفظ اسماؤهن كلياتهن و يعرف كزباتو عليهن بصراحة بسميه "سوبر مان" المشكلة مش في هدول البنات والشباب .. نحكي الطيش الو دور بس المتزوجين و المتزوجات ...... شو وضعهم وليش بحبو يزبطو كمان ؟؟ مشكلة والله هالفراغ العاطفي يلي بيعيشو مجتمعنا ...!! مجنون بحكو خدو الحكمة من افواه المجانين ... وبالفعل اغلب كلامك صح بس النسبة يلي زكرتها بتوقع انها اكتر بكتير يعني ممكن تكون مليون بالمية أو اكتر .. |
لاء بس احلى شي لما الشب يكون كل هاي الصفات فيه ويعمل حالو ملاك قدام البنت
والعكس صحيح عشان هيك انا بقول مافي احسن من الصراحه انا من الناس اللي حبو حبيت وحده وطلعت خاينه ( سامحتها مره ومرتين وتلاته ) وبالاخير راحت بس عالاقل اني سامحتها على خيانتها لانها اعترفتلي حبيت وحده ( ما خانتني ) بس كذبت علي هاي لانها كذبت علي انا تركتها لاني ما بتحمل الكذب الكذب بعتبره رقم واحد اسوء من كل شي |
[align=center]
لما تكون البنت وقحة و الشب على نياته (مافي شب على نياته) وقتها بتكون البنت هي المسيطرة على العلاقة و بكون مجرد تابع الها وهادا الشي مو حب و معظم الشباب لما يفكرو بالارتباط بفضلو البنت المغمضة (البنت الي ما باس تمها غير امها) حتى يربو البنت على كيفهم لما الشب الي بسير ب 28 او 30 بكون وقتها عقل و بفكر بالاستقرار اما اذا كان تفكيره ان يدوء كل انواع حواء وقتها بكون بعده مراهق و مو ناضج[/align] |
طيب انا بدي اسألكم سؤال صريح !!
يا فلان ويا فلانه ايش شعورك وانت بتقرأ هالموضوع وبتكون عارف انو هالصفات فيك ؟؟ لاء وشو بترد او بتردي على الموضوع وبتحكي انو صح كلامك وبتعطينا خطبه !! مش المفروض يا بني ادم ( ذكر \ انثى ) انك تحس على حالك وتحاول تغير هالصفات اللي مش منيحه فيك او فيكي ؟؟ |
[align=center]
صح اريام - كلام رائع بس البنات اليوم مو جاهلين متل اول وبالعكس فيهم يعملو كل شي ويحمو حالهم [/align] |
اقتباس:
انا عادي لو اتزوج بنت وهيا اصلا مش بنت ( مش بكر ) انا ما بحاسب الانسان على ماضيه لانو ربنا اللي بيحاسب ومو انا ودام ربنا بيغفر للناس خطاياهم ,, احنا مين عشان نعاقب الناس على خطاياهم اللي ارتكبوها وندمو عليها |
اقتباس:
امممم , بالله يامجنون احكيلنا عن انواع البوس خليني اشوف شكلك مقلع ع الآخر ... انا بشوف انو الخيانة والفشخرة بتنطبق على الطرفين في بنت هبلة وفي شب اهبل .. بس في كلا الحالتين الشب دايماً بربح والبنت بتخسر .. هاد اذا حكينا عن الموضوع من منطلق الهبل وحب التعدد .. |
اقتباس:
قليل كتير حتى تلاقي شخص متلك احنا في مجتمع الشرقي و مجتمع الشرقي غني عن التعريف مزبوط مجتمع رائع و لكن فيه كمان سيئات متلا ازا بنت حبت و اهلها عرفو انها حبت بتكون وقتها قررت موتها و هي بس مجرد حب و مو اي شي تاني و بعرف حكايات صارت بالواقع و النهاية كانت قتل البنت و السبب غسل الشرف و هادا بس لان بنت حبت |
اقتباس:
|
انا بحب اعلق واضيف لمسه بسيطه واتوقع قد ذكرت قبل قليل من بعض الاخوان
بأن السبب الرئيسي للخيانه هو الفراغ العاطفي وتربيه الاهل تلعب دور كبير بنضوج عقل الشب او البنت يعني كل واحد يحط عقلو براسو بعرف خلاصو وبالاخير كما قال اخونا ارق الشب هو الكسبان والبنت هي الخسرانه |
بلاش نطلع عن موضوعنا
عشان في كلام لازم ينقال واللي بدو يزعل يروح يشرب تفاح |
[align=center]
يا جماعة اانتو اطلعتو عن موضوع النقاش[/align] |
تحبو احكيلكم عن شي تاني
اللي راح احكيه بعدين عن ناس متزوجين وقاعدين بزبطو فالبنات |
شو رايكم بالرجال المتزوج واللي بيلاحق ورى البنات ؟؟
وبيكون بضحك عالبنات ويحكيلهم انو مش متزوج وبتلاقي الشاب المتزوج متلا بيكون عمرو فوق ال 30 وبتلاقيه بيلاحق فبنات قد عمر بناتو ؟ |
اقتباس:
هادا الشخص بعتبرو من وجهة نظري مريض نفسي و ما بهتم لبناته نهائيا لان متل ما بعمل ببنات الناس بيجي اليوم و بسير مع بناته هيك و بسير قدام عيونه و ما بقدر يساعد بناته لأن الدنيا دوارة |
في الغالب
الرجال المتزوجين بيحبو البنت الفرافير بيكونوا زهقوا من نسوانهم وببحثوا عن متعه جديده |
اقتباس:
بما ان الزوج زهق من مرته يعني كمان مرته بتكون زهقت منه و متل ما هو بدو على المتعة مع بنات صغار من جيل احفاده كمان مرته بتدور على المتعة مع شباب صغار |
اقتباس:
ممكن الرجل يدور على بنات صغار بس المره بتدور على رجال اكبار اعتقد هيك يمكن |
[align=center]
المراء بتدور على شخص يحسسها انها انثى مرغوبة و في نفس الوقت يحسسها ان هو رجال و هادا الشي بتسير بتدور عليه خارج الحياة الزوجية لما تفقدو مع زوجها اما البنات الي مو متزوجات نفس الشي بدورو على شباب بحسسيهم بانوثتهم و كمان في نفس الوقت برجوليتهم[/align] |
اقتباس:
هههههههههه ولله مش عارف هلنسوان العوانس امعبيات البلد والمصيبه بس يجيهم عريس بتعززو الاحسن يفتحولهم جمعية اسمها السحالي العوانس ههههههههههههههههههههه:c (14): |
كلام جميل اخ مجنون
واحترم صراحتك |
سيتم تنظيف الموضوع بناء على طلب صاجب الموضوع
وارجو من الاعضاء عدم الخروج عن نص الحوار |
والله ما أنا عارف ليه موجعين روسكم ..
نحنا مو بحرب .. كسبان و خسران و ما بعرف شو ... الوضع طبيعي جداً .. طبيعي انه الشب يعرف بنات .. و كمان طبيعي انه البنت تعرف شباب .. و طبيعي كمان تلاقي شباب خاينين .. و برضو طبيعي جداً تلاقي بنات خاينين .. و هلأ بدي أحكي عن حالي .. أنا ممكن أعرف بنت .. بس مو مستعد أروح أدور وراها .. وين طلعت و وين نزلت .. و مع مين حكت .. و ليه تلفونها مشغول .. أنا بعرفها و يمكن أحكيلها بحبك .. ماشي .. لكن مو مستعد أوجع راسي بسواليف فاضية .. يا عمي بدك تحكي معي أهلا و سهلا .. ما بدك الله معك .. في غيرك .. بدك تحلقيلي فترة و ترجعي .. برضه ما عندي مشكلة .. برجع معك أحسن من أول .. ما بيهمني .. فالموضوع بيتهيألي ما بيستاهل كل هالضجة .. الكل عم يدحك عا بعض .. البنات عم يتسلوا .. و نحنا عم نتسلى و نمضي وقت .. و ما في لا حب ولا بطيخ .. ولافي أجمل اللحظات يوم اني صدفتك .. و متل ما بيحكو .. مطرح ما ترزق الزق .. و أنا متأكد انه البنات نفس السولافة عندهم .. و سلامتكم .. |
[align=center]في شباب خاينين و في بنات خاينين بس البنات ما بخونوا قد الشباب
طبعا هاد من خلال تجربتي بالحياة وللعلم بس الشباب هالايام ما بحبوا الا البنت الصايعة و الدلعوة ما بهمهم بتخون ما بتخون عادي عندهم و الله انا شايفة انو البنت يلي بتضحك على الشب مش الشب يلي بضحك على البنت صح ولا غلط ويسلمو مجنون على الموضوع حلو للنقاش...[/align] |
اقتباس:
شكرا على رايك وكلامك صحيح و موجود |
اقتباس:
:c (5): |
الشباب فالاغلب بيحبو يتعرفوا على البنات المفرعات
عشان يقعدوا يقاهرو اصحابهم انو يا ناس يا عالم شوفوا هالبنت الطلق معي وكمان عشان البنات يشوفوه ماشي معاها ويصيرو بدهم يتعرفوا عليه :c (5): الشب بيفضل البنت المتحجبه لما يكونوا رايحين يتخبوا فمكان عشان محدش يشك فيهم :c (14): |
[align=center]
ممممممممممم والله الشغلة بدها تفكير وبعدين تكفير خليها تكمل:c (4): طبعا الواحد مش ملحق على مشاكل الشباب والبنات وهالحكي كلو ..... وبدي اختصر واقول الي برخص ما حدا بعبرو ولا حدا بحطلو قيمة انا ما بحاسب الانسان على ماضيه كما قال مجنون بس وبكل تأكيد انا مش مستعد أتحمل نتيجة ماضيه ولو شو ما كان ودمتم سالمين [/align] |
وجهه نظر Sefs
|
بس اذا الواحد لازم يحاسب البنت على ماضيها
لازم هو كمان يرضى انو البنت بتحاسب الشب على ماضيه الا اذا كان الشب بدون ماضي |
اقتباس:
ما بعتقد ان في شب من غير ماضي و كمان البنت زماااااااااااااااااااان في عصر جدي و جدك كانو من غير ماضي اما الحاضر في الهم ماضي و الماضي بيختلف من شخص الى اخر |
| الساعة الآن 05:46 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar