|
الحمد لله .. !!
مش عارف شو (( أقردني )) و رحت فتحت موقع عن الحيوانات و الحشرات و الزواحف .. و قعدت اتفرج و أحضر فيديو .. والله حمدت الله مليون مرة اني انخلقت بني آدم .. تخيل تكون صرصور و عم بتقزدر مروح على البيت و ما تشوف الا عنكبوت (( مقلع )) يطلعلك من تحت حجر و يروح ( شامطك ) و لاف حاله عليك و ماكلك .. وانتا لا الك ولا عليك .. أو تكون فار و قاعد بتشمشم بأمان الله و ما تشوف الا و هالحية سالخيتك ( هواة ) و بالعيتك .. وانتا لسه ما لحقت تعرف شو السولافة .. أو فرس النبي .. قاعد بتتشمس على فرع شجرة و ما توعى على حالك الا وانتا على لسان ضفدعة .. أو عصفور نازل تشرب و ما تحس الا و هالتمساح طالعلك ونك بخبر كان .. تخيل انك سمكة صغيرة .. و طالع طشة بهالمحيط .. و فجأة يطلعلك اخطبوط انتا أصلاً مفكره صخرة .. و ما تشوفه الا راش عليك شغلة ونك صرت بالحلم الجميل .. أو صوص قاعد بتبحش بالأرض .. و ما تشوف الا و هالبسة ( صالخيتك ) خماسي و حاملتك و فالة فيك .. الحمد لله .. الحمد لله انه الواحد انخلق بني آدم .. مو ذبانة .. تكون طاير و ما تشوف حالك الا وانتا ملزق على شبكة عنكبوت .. تخيل وضع الدبانة النفسي لما تشوف العنكبوت جاي عليها .. لا و ما بيموتها دغري .. بيخدرها بالأول .. عشان ياكل على رواق .. و تمساح شمط دب .. و فهد بلع غزال .. و فيل دعس على حية .. و أم 44 أكلت فار .. يعني سولافة .. الحمد لله انه الواحد طلع بني آدم .. يعني لو شو ما يصير مع الواحد .. آخرته بيروح على البيت أقل ما فيها .. بتترجى .. بتفل .. بتضرب .. بتشتكي .. بتتواسط .. يعني بتمشي حالك .. أما لو كنت حرثون .. و هجم علي أناكوندا .. مين بده يتواسطلي ؟؟؟؟؟ |
هـــ هـــ هـــ هـــ هــ هـــ عنجد موضوع من الآخر ياتومي وهاي مشاركة بس لتسجيل الضحك والاعجاب والي رجعة ان شاءالله والله يعطيك العافية يا حضرة المدعي العام :) |
حبيبنا يا أرق ..
و شكراً كتير على التشجيع و المشاركة .. والله بعدني لهلأ عم بتلمس .. هههههههههههههههههه |
ههههههههه
والله ضحكت من قلبي , الله يعطيك العافية أخي تومي وماشاء الله عليك , أسلوبك بالكتابة مميز .. امممم طبعاً الآسد هو اللي مرتاح في القصة هاي كلها يعني مين راح يآكل أسد ><" الحمدلله عنجد انو ميزنا بالعقل .. ولو ان في بعض البشر تصرفاتها أبشع من تصرفات الحيوانات ... ويمكن الحيوانات تلاقيها تحمد الله انها مش انسان يفسد في الارض ويعصي ربنا .. الله يعطيك العافية تومي , مواضيعك لا تمل :) لك احترامي |
مووضووع راائع بروعتك
تقديري واحترامي لك |
اقتباس:
يمكن يكون في بني آدمين تصرفاتهم سيئة .. و بياكلوا بعض بأسلوب أو بآخر .. بس شو ما كان وضع البني آدم .. بيضل أهون من وضع الحيوانات و الحشرات .. الحمد لله على كل شي .. و ميرسي كتير على مشاركتك من أكتر الناس .. و ما تخافي على الأسد ... القوي في أقوى منه .. صح بيحكيلك انه البعوضة تدمي مقلة الأسد .. ههههههههههههههههههههههههههههههههههههههههههههه |
اقتباس:
:c (1): |
[align=center]و الله متل ما حكيت الحمد لله يلي خلقنا بشر
بس بالمقابل الحيوانات شو ما كانت طبيعة سلوكياتها فهي دائما بتوحد الله بس البشر و للاسف شاغلتهم الدنيا ومين بدو يضرب و شلون بدو ياخد كل شي و نسيانين التسبيح و ذكر الله (الا من رحم ربي طبعا) المدعي العام موضوع مميز يعطيك العافية[/align] |
طيب اول مشاركة كانت عبارة عن ضحك وابداء الاعجاب وهاي احلى عودة لعيونك يا مدعينا .. أول شي بحمد الله على انه خلقنا كبشر وميزنا عن غيرنا من المخلوقات بالعقل والتفكير والتدبر اللي بيعتبر من أسمى انواع العبادات , بالرغم انه البعض لايقدر النعمة هاي بالمرة وهم اقرب للحيوانات في سلوكياتهم وتصرفاتهم .. طيب اللافت في الموضوع مع انه الانسان تميز بالعقل واستخدامه الا اننا بنتميز عن الحيوان وهو بالاصح مش تميز بقدر ماهو وصمة عار .. يعني احنا البشر الا من رحم ربي , نتميز بالفجور والكفر والطغيان والظلم .. الخ وهاي الصفات او الامور ممكن بتودينا في ستين مليون جهنم والعياذ بالله وانا متيقن بانه مافي شي اسمه جبروت وقوي بهالدنيا وممكن اتفه المخلوقات في حجمها وضعفها بتهز كيان اللي بسمي حاله قوي .. :c (1): وتاني شي الله يعطيك العافية ياخوي تومي على الموضوع وخليك أسد على طووووووول :) تحيتي .. |
اقتباس:
الكلمات هاي بتجنن نفسي اتعلمها كلها وطبعا الحمد لله الي الله خلئنا احسن صورة موضوع كتير حلو ويا ريت هيك مرة تعلمني هدول المصطلحات ومعانيها |
[align=center]موضوع رائع
الحمدلله ان احنا بني آدم الله يعطيك العافية[/align] |
اقتباس:
هلا دموع الحرية .. و شكراً على مشاركتك بالموضوع .. مزبوط البني آدمين عندهم مشاكل كتير .. و ناسيين انه في رب شايف و بيحاسب .. دموع .. ما في شي بيروح عند ربنا .. ميرسي كتير على مشاركتك بموضوعي .. !! |
اقتباس:
حبيبنا أرق .. شكراً مرة تانية على مشاركتك .. و مشاركتك مرتين دليل انه الموضوع عجبك .. و هاد شي بيبسطني كتير .. يا سيدي شو بدك تعمل .. أحياناً بيني و بين حالي بحسد الطيور و الحيوانات و الحشرات انه ما عندهم عقل ... و ما بيروحوا لا على جنة ولا على نار .. و بينتهي من الوجود مجرد ما يموت .. بس بالنسبة للوضع بالحياة الدنيا .. بني آدم بألف نعمة .. اما بالآخرة .. الناس بتصير تحكي : يا ليتني كنت ترابا .. ميرسي معلم أرق على مشاركتك و اهتمامك بالموضوع .. !! |
اقتباس:
هههههههههههههههههه هدول مو مصطلحات .. هدول لغة بحد ذاتهم .. ميرسي كتير على مشاركتك .. :a (50): |
اقتباس:
أريام .. شكراً على اهتمامك بالموضوع البسيط هاد .. و الواحد لازم يحمد الله ليل نهار على نعمه يلي ما بتخلص .. بتستاهلي الحمد .. !! |
المدعي العام
مش غريبة عليك مواضيعك دايما مميزة والي بميزها اسلوبك الرائع بالطرح والحمدلله اللي خلقنا بشر يعطيك العافية |
اقتباس:
هلا بنت الأردن .. و شكراً كتير على مشاركتك بالموضوع .. بس عنجد .. كل ما أتخيل الحشرات بقعد أتلمس .. هههههههههه هلا ببنت الأردن والله ..!!! |
[align=center]الحمدلله رب العالمين انو ميزنا بالعقل عن غيرنا
المدعي العام موضوعك جميل جداً ويحعلنا نتفكر أكثر ونعود الى الله تعالى ونشكره على نعمه اللهم أعني على ذكرك وشكرك وحسن عبادتك الف شكر لالك احترامي[/align] |
والله معك حق
مشكور على الموضوع |
اقتباس:
والله لو نضل نحمد ربنا ليل نهار ما بيكفي ... الحمد لله على كل شي .. و الحمد لله انك شاركتي بهالموضوع .. ههههههههههههههههههه على راسي ... |
اقتباس:
هلا معلم .. العفو .. |
موضوع رائع ومميز
الحمدلله على انه نحنا بشر |
هلا ديما .. ميرسي كتير على مشاركتك بهالموضوع البسيط المتواضع ..
|
| الساعة الآن 07:23 AM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar