منتديات الأردن - خليني أحكي ..

منتديات الأردن (http://www.jor1dan.com/vb/index.php)

- القسم العام (http://www.jor1dan.com/vb/forumdisplay.php?f=2)

- - خليني أحكي .. (http://www.jor1dan.com/vb/showthread.php?t=316988)

خليني أحكي ..

أنا بصراحة لست من متابعي التلفاز .. و بالأخص البرامج الحوارية أو التوك شو .. !! الا أني اليوم و بالصدفة فتحت التلفاز على قناة عمان الفضائية .. و تابعت الرنامج المعروض ..

المذيعة (( خفيفة الدم )) استضافت ضيف محترم في الأستوديو .. قد يكون طبيباً أو مهندساً أو أي شيئ آخر .. بصراحة لم اعرف ما هية مهنته بالزبط هالمسكين .. لأن المذيعة (( ما خلته يسولف ))

و بينما كانت المذيعة تستعرض ثقافتها العامة على التلفزيون ... ورد اتصال هاتفي .. بيتهيألي انه الاتصال كان من مشاهد يريد أن يسأل الضيف سؤال .. الا أني تفاجأت أن المذيعة المثقفة جداً جداً هي من اجابت على السؤال ..

و كل ما حاول الضيف أن يفتح (( ثمه )) تقوم المذيعة بالمقاطعة .. و تكمل هي الجواب أو الشرح .. حيث أنها مثقفة للغاية .. و تفهم أكتر من الضيف المتخصص ..

و ازا تنازلت المذيعة و سألت سؤال .. تحاول أن تبين للمشاهدين أنها تعرف اجابة السؤال -حيث انها بتاعة كله- الا أنها سألت السؤال للتوضيح للمشاهدين الذين لا يفهمون ما يقال .. و بس هي يلي فاهمة ..

و اذا ما هم الضيف بالاجابة على سؤال المذيعة .. لا يلحق أن يحكيله كلمتين .. حتى تقوم المذيعة ( الفهمانة ) بتكملة الاجابة .. و لا تترك فرصة للضيف لابداء رأيه بالموضوع ..

بصراحة اندهشت جداً جداً من مدى ثقافة مذيعاتنا الفاضلات .. و اليوم فقط عرفت أنهن يفهمن بكل شي ..

ازا كان البرنامج عن الطبخ .. تجد المذيعة تفهم اكتر من الشيف نفسه .. الذي درس هذا التخصص دراسة ..

و ازا كان البرنامج عن الهندسة .. تجد المذيعة تفهم بالمثلثات و الزوايا و الجيب و الجتا .. و كل ما يخص الهندسة .

و ازا كان البرنامج عن الميكانيك .. تتفاجأ أن المذيعة تفهم بكاسكيت الراس و زيت البور .. و الجعرة بالجير ..

أما ازا كان البرنامج عن الطب .. تجد المذيعة المثقفة جداً تفهم بوظائف الغدة النخامية و افرازاتها .. و تفهم بالصور الطبقية .. و فنانة بأمراض الكلى .. و تعرف كيف تستخدم مبضع الجراح ..

والله مذيعاتنا على التلفزيون الأردني الحبيب على مستوى عال جداً من الثقافة .. و الالمام بكل جوانب الحياة .. و ما شاء الله لل يوجد مجال لا يفهمن فيه .. لدرجة انهم ازا استضافوا المتخصص .. هم من يفهمه عمله ..

يا جماعة التلفزيون الأردني .. عشان الله .. حطولنا مذيعات متل البشر .. !!

[align=center]هاد الشي مش غريب بس لانك انت ما بتحضر وغير هيك ما بظن انك تشوف على عمان
يسلموا على الموضوع الحلو واحكي زي ما بدك[/align]

اقتباس:

المشاركة الأصلية كتبت بواسطة الامورة رهف (المشاركة 380671)

هلا رهف ..

والله بصراحة ارتفع ضغطي و حزنت على الضيف . يعني ليه جايبينه ما دام عنا مذيعات بيفهموا بكل شي .. خلص ما في داعي للضيوف ..

ميرسي كتير رهف على قراءة الموضوع و المشاركة .. !!:c (5):

ولا اشي

وبالاخر لما يتصل واحد بيسئل الضيف بس اجاوب بحكي المذيع لضيف معك 15 ثانية من وقت البرنامج بكون راح 10 ثوان والمذيع بيشرح

اما حالة

مشكور يا كبير

اقتباس:

المشاركة الأصلية كتبت بواسطة أنين الحزن (المشاركة 380683)

ههههههههههههه

هاي نسيت أكتبها ..

معك حق يا أنين .. فعلاً هاي الشغلة بكل البرامج موجودة .. و دايماً ملحوقين بالوقت .. و نفسي أعرف الحق على مين ..

حبيبنا أنين .. ميرسي كتير على المشاركة معلمي .. !!

[align=center]
ارشح المدعي العام لادارة التلفزيون الاردني
والمعاقب للقناه الاولى
وقناص للثانيه
واردني لفضائية
[/align]

اقتباس:

المشاركة الأصلية كتبت بواسطة توم كروز (المشاركة 380731)

[align=center]
ارشح المدعي العام لادارة التلفزيون الاردني
والمعاقب للقناه الاولى
وقناص للثانيه
واردني لفضائية
[/align]

ههههههههههههههه

لا عندليب .. ما بدنا لا ادارة ولا فضائية ولا شي ..

والله أنا بحب التلفزيون الأردني .. لكن في فئة من المذيعات بدهم حرق ..

والـروح لن وجـهـة يـمـك

يا هالوطن نـهـتـف باسمك

نذرا نذرته عليا لهريجن يا كفوف ايديا

واظل اغني للاردن والقايد والعسكريه

واقف بـــنهاري وبليلي ولاجل بلادي كارب حيلي

يمه هدعشر دعوه ادعيلي عشره ليهم وحده ليا

نذرا نذرته عليا لهريجن يا كفوف ايديا

واظل اغني للاردن والقايد والعسكري

من هالشارب يا هالديره لنموت وما نموت لغيره

واحد لذكرى وتدبيره نقبلها وما نطلب نيه

نذرا نذرته عليا لهريجن يا كفوف ايديا

واظل اغني للاردن والقايد والعسكريه

تكفى يا هالنشمي تكفى كلها ازلوميه هالوقفه

عالرشاش انزفك زفه والطلقه سياج النشميه

نذرا نذرته عليا لهريجن يا كفوف ايديا

واظل اغني للاردن والقايد والعسكريه

شكراً أنين على هالأبيات هدول ..

[align=right]
يا زلمة لفيت المنتدى على موضوع تعصيب لما طلعلي هاد
احلى كلام
التلفزيون الاردني ..... آخ منو ..... اصلا اعتزلت الريموت من وراه
ومنيح انهم غيرو اسمو للأردنية لانهم خلص اعترفوا انو مش تلفزيون:c (14):
وبالنسبة للمذيعات ...... اعطيني اسم البرنامج يا زلمة
انا كل برنامج كنت (ركز على كلمة كنت) كان المذيع او المذيعة معجوقين
يكون الضيف من مجال والاسئلة من مجال تاني
عدا برنامج يحدث اليوم والنشرة الجوية يوم الجمعة ما في شي محرز
حتى برامج الاطفال ..... ولا الها دخل ...... لساتو بيجي احنا الحلوين ......؟؟؟
تومي... نصيحة جيبلك كرت جزيرة ... وخليك سبورت
تحياتي
[/align]

[align=center]انا مع رهف بهاي الشغلة و مع sefs كمان انت بس لانك ما بتشوف التلفزيون
و لا هاي شغلة طيبعية[/align]

[align=center]كلامك صحيح 100% وهذا هو السبب لعدم متابعة التلفزيون الاردني بكثرة الناس عم تبعد عنه ,,,[/align]

ما بتبعد الناس إلي إذا شافت شي ما بعجبها
والله مش عارف لش بدنا نحط عليها
انا بالنسبة إلي 3قنوات بالتلفزيون كلة بحضر
بس اكيد مش التلفزيون الاردني

مشكور على هالكلام الحقيقي

هههههههه..
يالله شو زنخة هالمذيعة...
لو سمحتوا ممكن تقرءوا موضوعي اللي في القسم العام؟؟

قالوا في الزناخة

بس اقرؤوه و أعطوني رأيكم ما حتخسروا اشي..