منتديات الأردن - شعر الجمهرة

السلام عليكم

اخواني الاعضاء

هذا الشعر من اجمل الاشعار التي احتفظ بها واعتبرها مثلي الاعلى في الدنيا اليكم هذه الكلمات :

أذرى المصايب ماتجيك إلا من الناس القراب
و بهلزمن حتى الخوي الي تثق فيه احذره
لابارك الله برفيق تزعله كلمة عتاب
ولا جمع الله ارجال الي تفرقهم مره

عودت نفسي كل ما شددت لليمَه إركاب
ماصد وجهي عن طريق ألا لجبت اخبره
الصاحب الي مايجي من صحبته غير العذاب
نذرا علي ان ما هجرني ولا انا الي بهجره

من يفتح لفرقاي باب افكله عشرين باب
واذا خويي ما يقدر اخوتي ما اقدره
ان روحو فأنا بري منهم ليوم الحساب
وان جرحو قولولهم ماحركو فيَ اشعره

شوفهم لهم حول السنه ولا خذو مني جواب
احسن دوى للي يحاول يستفزك تحذره
انا جمعت اوراقهم بكتاب واغلقت الكتاب
يا وقت لم الي تلمه ونثر الي تنثره
ما كنت احاكيهم اصغير عهد ما احاكيم شباب

اما لاذخرني صاحبي لليوم الاسود ما اذخره
عقب اكتأب البارحه ما عاد انا حمل اكتأب
الطيب جرجرني وانا ما ناقصني جرجره
الي يخاف من الضمى يتركلنا ورد السراب

والي مو مقدر وحشة الظلام لا يسهره
انا تجرعت الضمى لين احترق وجهي وذاب
انا كسرت بخاطري قبل الصداقه تكسره
انا خسرت غيابه الي غير عن كل غياب

انا غفرت لناس ما تستحق المغفره
انا اكثر انسان تعلم من كثر ما اخطى وصاب
انا اخر انسان تكلم في زمان الثرثره
انا القصيد الي نزع من دفتره مليون ناب
وانا الوحيد الي جمع مليون ناب بدفتره

جفني وجرحها السهر وحيلي هدتها الصعاب
دمعي هدر ضحكي ندر عمري وضيعت اكثره
شيبت بعقول العرب هيبت روس ما تهاب
جمهرت ناس عمرهم مايعرفون معنى الجمهره

ماصرت ذيب الا لين الي حوليني اذياب
ما كنت اغيب الا لأن العفو عند المقدره
ترى حلاتك لاحملت لصاحبك كلمة اعتاب
اما لانطقتها بوجهه لا تذمه بِ ظهرَه

في هلزمن مايملي عيون الحسود الا التراب
والحضيض الطلقه الي ما تصيبه تذعره
ودك لين جاتك الغلطه من الناس القراب
الصاحب الي ما كسبت امحبته ما تخسره

وسلامة عمركم

اقبلو مني فائق الاحترام

المعاقب