لماذا تلزم الفتاة الصمت عند التحرش بها ؟؟؟
 

لماذا تلزم الفتاة الصمت عند التحرش بها ؟؟؟

هل هو طبعها لانها انثى ( خجولة - طيبه - حنونه )
ام ابتعاداً عن المشاكل ... والسمعه

ام ضعف شخصية او عدم مقدرة على الرد او الدفاع عن نفسها ؟؟؟

لماذا ؟؟؟

لا أظن أن حياء أو خجل أو طيبة المرأة يمنعها من الدفاع عن كرامتها و شرفها و كون المرأة لا تتكلم عند التحرش بها هدا لا يعني أنها لم تدافع على نفسها و لكن قد يكون بينها و بين الحيوان "عفوا على الوصف" الدي تحرش بها و هدا ابتعاد عن المشاكل التي تلحق برجال عائلتها و قد يكون في نظر أخريات السكوت للسمعة و هدا الاعتقاد الخطأ في نظري.

اولا يسلمو على الموضوع
يمكن انو بتستحي البنت تجادل حدا بالشارع اولا راح تلفت الانتباه بزياده وراح تفضح حالها وكمان انو الشب بينبسط ازا هيك عملت البنت
واكيد في بنات بحبو يتحركشو بالشباب وانا شايفه هالشي يعني واحد بلطش كلمه البنت بتعملها ئصه وبتضلها تحكي معه واخريتها بتعرفو على بعض
انا لما اتطلش بضل ماشيه ما بحكي ولا حتى بعبره

توم موضوعك اله عدة ابعاد يعني اول شي في انواع عديده من التحرش وشباب هالايام ما شاء الله ما بتفرق معهم بنت محترمه من غيره

يمكن السبب الرئيسي هو حتى ما يتمادى الشب بعملته اكتر وما تفضح حالها

تعليق بعيد نوعا ما
قبل فترة قرأت خبر اغتصاب فتاة بسوريا بعد خطفها طبعا الخبر طويل لكن صدمني تعليقات القراء وهما مجرد قراء حطوا اللوم على البنت وما بعرفوا عنها شي وانها لو كانت محتشمه ما كانت انخطفت

هدفي من هاي المداخله انه مجتمعنا دائما يلوم البنت بكل تصرف صادر منها او من غيرها

تقبل مروري

[align=center]حسب درجة التحرش وسوء الموقف
تكون ردة الفعل

يعني ربما مجرد تعليق من شاب

تحاشيا للإحراج وعدم تعرض الفتاة لمأزق اكثر تتغاضى عن الرد على ذالك المتصابي

والفتاة دائما تضع في قرارة نفسها أن السكوت يعتبر أفضل حل لعدم الرد على ذلك المتحرش

لأنها لربما تقع مع شخص ذو لسان سليط ويزاداالوضع سوءا



وطبعا ليس الصمت دائما هو الأنسب في مثل هذه المواقف

خاصة اذا كانت المعاكسة من النوع الثقيل والخطير

(بدون تفصيل هع :c (14):)


ويسلموو توميتو على الطرح

تحياتي يا مميز ،،
[/align]

بعتقد البنت بتصمت .. لأنو مابدها تعطيه أي اهمية يعني ولا كأنوا بحكي ..

في عبارة بتحكي أو جزء منها (( الصمت أبلغ آيات الإحتقار ))
يعني إذا واجهت البنت معاكسات وما ردت عليه وما اعطتوا وجه فالصمت احتقار للشب :c (14):

هاد رأيي يا توم

:c (6):

في بنات

الله اعلم عاد

شوبدها تعمل يعني

اذا الشاب قاعد بالشاؤع وبستنا بالرايحة والجاية
وهي ماشية بحالها طبعا المحترمة منهم وصار يتحركش فيها بالكلام
افضل اشي انها ماتعطي اي اهتمام لانو معروف انو في نوعية من الشباب بستنو اي كلمة عشان يزيدو العيار

وبعدين هي بدها تضربو يعني ولا بدها تعمل مذبحة افضل اشي انها تسكت لانو الناس مابترحم


يسلمو توم

برأيي انو في عدة انفعالات وفي انواع من البنات

مثلا في بنات بلتزمو الصمت اذا كان التحرش عادي مجرد كلام وهي ماشية او هو ماشي
بس مابتسكت لو كان تحرشه بطريقة اخرى والكل بعرف انو في شباب وقحين وبتمادو كتير لدرجة انه الوحدة بتبهدلهم لا ارادي
وفي بنات من النوع الي بتضل تلف وتدور لحتى تلفت نظرو ويحكي كلمة وترد عليه ويصير في نوع من الحكي والضحك والمجال مفتوح للتعارف

برأيي البنت لما تسكت بحال تحرش فيها شب هو افضل الحلول ولكن مش دايما يعني بتصير مع كل البنات متلا انا لما يصير معي هيك موقف بضل ساكته وماشية بطريقي لعدة اسباب

اولها مابدي اطول السالفة وهي قصيرة يعني لو حكى كلمة وانقلع خلص انا بطنش ولاكني سمعت اشي دايما وخصوصا الي بتسوق متلا بكون رايحة الجامعة وبوقف عند الاشارة بتلاقي واحد بغني ولا بعمل حركات زي القرود انا ولا كني شايفته بصير اطلع الجهة التانية ساعتها هون خلص بدور في الف وحدة غيري

اما لو ضحكت ولا طليت عليه بده يلحقني وبده يتمادى يعني لاتنام بين القبور ولاتشوف منامات وحشة

وفي نوع تاني الي بالسوق لا شغله ولا مشغلة عالة على المجتمع بس قاعد وبتطلع على الرايحه والجاية ومابتحرش بطريقة عادي لا كأنه عايش بالادغال انا السوق مابطلع لحالي لو شو ماصار لانو في ناس مش دارسه وفي ناس اغبياء كيف بدي اتعامل معهم عشان هيك بطلع مع حدا بابا او اخوي عشان ما اتعرض لمواقف محرجة او اقل اشي ما اضطر ارد عليه في مين يرد عليه اذا تجرأ يحكي اصلا.....


يسلمووو توم واسفة على الاطالة ولسه عندي بس اختصرت :c (14):