|
مـجـنــونـهــــا // قصه واقعيه
السلام عليگم ورحمه الله وبرگاته
احب في هالمنتدى ومن خلال هالقسم اني اعرض لگم قصه واقعيه بأحداثها وبگل تفاصيلها رواية حب عظيمه روايه تگبدت الالم , والضعف , والجبروت , والقسوة .. روايه من خلالها نوصل لا قسى مراحل الحب راويه ما تنجح إلا من خلال تفاعلگم وتواصلگم معاي خلوني بهالللحظه اقدم لگم روايه مجنــونــهـــــا قصــه قـطـــريــــه واقعـــيــــة واتمنى منكم التفاعل عشان اتشجع لانها وبگل صراحه امانه أئتمنت عليها اني انشرها .. وانشاالله اگون قد المسؤولية في هالمنتدى الطيب واعضاءه الطيبين روايه تتگون من اجزاء گثيره راح انزل جزئين في الاسبوع وهم يوم الاحد و الاربعاء اتمنى من الاداره تثبيت الموضوع .. لوماعليهم أمـــر . .... الجزء الأول ملحوظه : راح تتغير أعمار ابطال الروايه تبعا لمرور الوقت .. صالح .. عمره 19 سنه ومتخرج من الثانويه العامه وجايب نسبه لا باس بها .. شخصيته مرحه خفيف دم .. يحب الضحك والوناسه لأبعد الحدود وطريقته في التعامل مع الغير بشكل عشوائي وحواراته معاهم بطريقه مرحه ما يحب يتكلم بشكل جاد حتى لو كان وقت الجد ابتسامته تكون مرسومه بعض الاحيان يحصل انتقاد من الغير .. وكان بالمدرسه بسن الـ 18 سنه طبعا مع ربعه مسوين شله والضحك والمغامرات طول الوقت .. صحيح متعب اللي يدرسونه واذا عصبوا على شطانته .. بطريقه سلسه يخليهم يضحكون .. مواقف كثيره تحصل له بالمدرسه وإذا ماحضر يوم من الايام الكل يسأل عنه وين الشيطان؟ وين بو دم خفيف لان معطي نكهة للفصل .. وبعد ماخلص الثانوية العامة .. دخل الجامعه بـ كليه الآداب لان يحب تخصص الإعلام .. درس في الجامعه مده سنه ونص وللأسف المعدل ما يسمح فـ طلع وما كمل حلم حياته .. وهالقرار أثر عليه واجد لان وده يحقق حلمه بإكمال دراسته الجامعيه وبالتخصص اللي يحبه واللي يرغب فيه اما في البيت يكون مع امه وابوه مايخليهم يحتاجون لشي .. دوم معاهم فـ تلاقونه غير عن بعض الاشخاص في طريقه التعامل دوم يضحك وينكت ويقول شغلات مالها شغل بالثانيه بس عشان يعطي القعده طابع المرح .. في الليل ما يكدر (صالح) إلا شي واحد هو وفاه (خالته) اللي يحبها ويعزها بشكل كبير ويعتبرها امه الثانية .. يتذكرها دوم ما ينساها ومع هذا يضحك ويسولف ويتناسى هالذكرى إلا قبل النوم .. يشوف صورتها يترحم عليها ويحطها مكانها وينام .. ولا يوم نساها لان يعزها وفجأه جاها المرض وتوفت .. وراحت عنه بس ما خلى هالشي يأثر عليه وعلى طبعه المرح دوم يواسي الكل بأحزانهم مايخلي أي صاحب له إلا ويواسيه ماكان يفكر بهمه كثر مايفكر بهموم ربعه .. ويسمونه (حلال المشاكل) كـ نوع من الدعابه وهو يضحك على طريقتهم بالعكس كان يستانس يقول دامهم يلجأون لي معناه واثقين بقدراتي وهالشي اللي يخلي (صالح) دوم متفاءل يشوف هموم غيره وتهون عليه مصيبته ويقول الحمدلله لك يارب انا ماعندي مصيبه هذا إبتلاء ولازم نصبر واصل .. دوم يوصل اهله وربعه وكل اللي يعرفهم ومخصص يومين في الأسبوع يزور اهله واذا كان مشغول ومازارهم يسألون وين (فاكهة السفره) يعني وين اللي دوم من اول ما يجي يضحك الكل بتعليقاته وغشمرته اللي تضحكهم حتى اللي مايضحك يضحك ،، هالشي مخليه فرحان ويحس ان فيه أحد يفقده شخصيه محبوبه ماتعرف الهم والحزن طريق او صوب .. وبنفس الوقت شخصيته غامضه يعني أي شخص مايعرف شفيه أو وش اللي بداخل قلبه .. كتوم .. يسمع لغيره وما يحب أحد يسمعه لان من النوع اللي مايحب يشغل بال الغير بمشاكله مواضب على صلاته وعبادته لربه .. ويشكي له إذا تضايق من اي شي .. هذي شخصيه (صالح) بكل إختصار بسيطه وعفويه .. محبه للحياه بكل مراحلها سواء حلوة او مره يتقبلها ويتماشى معاها .. في شهر من الشهور وتحديدا شهر (6) من عام 2005م ، طبعا بالعطله الصيفيه (صالح) كان في الـ شات .. يمارس هوايته المعروفه .. وهي الغشمره ومن ضمن الموجودين لفت أنظاره اسم وحده وحس بشعور غريب في داخله .. يحس ان يسولف معاها ويتغشمر وهي نفس طريقته تسولف وتتغشمر وكل شوي يتطنزون على بعض على عبط وصار وقت وهم قاعدين بالـ شات هذا ويوم قرر ان بيطلع منه مهب عارف وش السالفه .. هو مهب من النوع اللي يميل للبنات إلا هاذي البنت !! قال لها راح اعطيج ايميلي بس عشان اعرف موعد دخلتج الـ شات إذا ممكن .. هو مستغرب من تصرفه لكن فيه شي يجبره على هالفعل بس وشهو ؟؟؟ الله وأعلم .. والبنت يمكن حست بنفس الشعور .. وإقبلت الايميل وضافته وتمت مهمة إضافه إيميله في ماسنجرها سوالفهم سوالف عاديه مثل ماكانت في الـ شات يعني وناسه وسوالف عاديه ما تتعدى الحدود لدرجه انهم يضحكون وكل واحد يطلع تعليقات على الثاني لكن (صالح) فوق ان يسولف معاها سوالف عاديه لكن يحس بشي ثاني إتجاه هالبنت ويحاول يتجاهل هالشعور .. بس للأسف يتغلب عليه بكل مره وبدافع الفضول سألها عن اسمها .. طبعا هي مهب عارفه اسمه فـ قالت له : انت وش اسمك اول شي؟ جابها بطريقه عبط وقال لها انا اللي سألتج اول .. وعقب قال لها اسمي (صالح) قالت له : كذاااااااااب استغرب (صالح) قال ليش؟ قالت : بس كذا إحساس وظل يضحك لان البنت فعلا تقريبا نفس طريقته المهم وبعدها قالت له اسمي (علـيـــــا) .. و(صالح) اول ماشاف الأسم حس بشي يسري بدمه .. وقلبه صار يدق بسرعه وبشكل متواصل .. يشوف إيده وهي تبغي تكتب لها (يا بعد قلبي هالإسم) لكن خانته وكتبت عاشت الأسامي يا .. يــا (عليا) !! ظلوا على هذا الحال وهو ما سأل عنها اكثر .. ولا يعرف شي عنها غير اسمها وعمرها لان ما يتجرأ ويحترمها بشكل كبير على رغم طريقه التعارف اللي صارت بينهم كانت سوالف غشمره وضحك وكل واحد يتغشمر مع الثاني .. لكن وده يقول لها من أول ماعطاها إيميله احبج يا (عليا) وربي حبيتج !! وليييييييش ؟؟ الحب يعرف صغير أو كبير ؟؟؟ يعرف الطريقه شلون ؟؟؟ يعرف من اي باب يدخل ؟؟؟ يعرف الشكل أو اللون ؟؟؟؟ لا طبعااااا حاول (صالح) يشغل نفسه عن التفكير فيها .. ويقول يمكن هاذي أوهام يمكن انا اتوهم اني حبيتها مستحيل شدعوه من اول مره مستحيييل !!!! خصوصا ان (صالح) تعرف على بنات واجد بس ماحس من ناحيتهم بأي شي او أي مشاعر .. وكلهم يعتبرهم مثل خواته شمعنى هالبنت شمعنى ؟ وفي نفس الوقت أهله معزمين على سفره تقريبا لمده 3 اسابيع ونص ،، وقتها صار حزين لكن بنفس الوقت مستانس حزين ان راح يفارق ربعه واللي تعود عليهم واهمهم (عليا) لكن مستانس لان محتاج يغير جو .. وبنفس الوقت يبغي ينسى شعوره الغريب إتجاه البنت هاذي وجا موعد السفر .. بس قبلها ظل سهران معاها يسولف لان ما جاه النوم صالح : تصدقين عاد ما ودي اسافر .. عليا : حررررام والله بنشتاق لك .. بعدين ماعندي احد اتغشمر معاه واسبه شوي هههههههه صالح : هههههههه مع الوجه ماخذتني طنازه .. لا بس صدق احس اني ما راح استانس عليا : زين كم يوم بتقعدون هناك ومتى بترجع ؟؟ صالح : اعتقد 3 اسابيع لان الله يسلمج مهب منطقه وحده معزمين نروح كذا منطقه عليا : بووووه والله بتطولون .. يالله تروح وترجع بالسلامه .. صالح : الله يسلمج .. إلا على فكره بقول لج شي بس لا تضحكين عليا : هههههههههه قول؟ صالح : ههههههههه بل من اولها ضحكتي .. انزين انا محتار بـ جوتي أبيض وجوتي برتقالي وإنتي بكرامه .. أي جوتي أخذ ؟ عليا : هههههههههههه والله علبالي عندك موضوع .. امممم مادري كيفك صالح : لو اني مب محتار كان ما سالتج مع وجهج ههههه عليا : ههههه الحين اشدخل وجهي .. صالح : زين بحاول اني ماطول على النت لان بكره لازم اكون الساعه 6 بالمطار ومايمديني انام عليا : ايييه صح .. انزين اقعد شوي بعدها نام صالح : من عيوني .. بس الوالد موصيني انام يعني مالي شغل اذا شلع الفيشه هههههههههههه عليا : ههههههههههههههه فجأه ،، إنقطع الاتصال مع (عليا) وطلعت من الماسنجر .. صار بإتصالها خلل وماقدرت تدخل النت ظل (صالح) مب عارف وش يسوي .. قعد ينتظرها على امل انها تدخل مرت ربع ساعه وقال : راح انطرها يمكن تدخل مرت نص ساعه وبعدها ساعه لكن للاسف مادخلت .. وقتها عرف ان اكيد فيه خلل او ظرف منعها انها تدخل اختلج صدره حزن شوي .. وده يودعها قبل لا يروح ينام على الاقل وفكر يكتب لها ايميل بس !! تراجع لان احتمال يشوفها بكره وظل يشوف اللسته بالماسنجر وعيونه معلقه على ... { مًــاُهـُمـًنَيِ مـًنٍ بـًاَعـٌنـُيٍ وُمــًنِ َشـًرْاًنـَيٍ ?? لاُصـًرْت عـَنـٌدٍيً كـُلِ هـًاُلـًنٍاَسِ تــًفـِدَاٌك } .. هذا نكها في الماسنجر .. راوده شعور غريب بس قال: (مستحيل اصدقك يا قلبي) وسكر الماسنجر وراح ينام .. لكن بعدهـآآ وش صـآآر ؟؟ .. ،، يتبع في الجزء القادم !! انشاء الله القى تفاعل منكم لانها قصه رااائعه واحاسيسها صادقه |
[align=center]
يسلمو عن جد روعه ---- بانتظار الجزء الثاني [/align] |
[align=center]روعة >> تسلمي شادن
قولة توم >> ننتظر الجزة التاني[/align] |
اقتباس:
الله يسلمك اخوي وانشالله نعرف شو صار بالاجزاء التانيه :: |
اقتباس:
الله يسلمك حبيبتي خليكي قريبه منّا :: |
بحب الروايات
شكلها هالرواية حلوة تحياتي لعيونك |
::
رائع انك تحبي الروايات ابقي بالقرب :: |
::
يعطيكم العافيه بكره الجزء التاني من الروايه انتظرونا.. :: |
هينا بننتظر
:c (7): |
حلو النوع هاد من القصص
ازا صار تشويق بدنا تلات اجزاء بالاسبوع مو تنين هيك بتكون الفترة طويله بأنتظار غدا والجزء القادم:c (9): |
قصة رائعة جدا
يسلمو شادن بنتظار البقية |
اقتباس:
بننتظرك.. |
اقتباس:
|
اقتباس:
انشالله اذا لقيت تفاعل منكم للروايه رح اغير مواعيدها تحياتي :: |
[align=center]
http://up3.m5zn.com/photo/2009/5/8/01/c1zipyji6.jpg/jpg الجــزء الثــانــي وفكر يكتب لها ايميل بس !! تراجع لان احتمال يشوفها بكره وظل يشوف اللسته بالماسنجر وعيونه معلقه على ... { مًــاُهـُمـًنَيِ مـًنٍ بـًاَعـٌنـُيٍ وُمــًنِ َشـًرْاًنـَيٍ ?? لاُصـًرْت عـَنـٌدٍيً كـُلِ هـًاُلـًنٍاَسِ تــًفـِدَاٌك } .. هذا نكها في الماسنجر .. راوده شعور غريب بس قال: (مستحيل اصدقك يا قلبي) وسكر الماسنجر وراح ينام .. شاف التلفون فيه مكالمه لم يرد عليها .. من (سعود) ولد عمته استغرب من هالوقت .. رد اتصل له صالح : هلا (سعود) شحالك ؟ سعود : بخير يالقاطع وينك انت مختفي ؟ صالح : بل بل صرت قاطع مره وحده ؟ ههههههه اول امس شايفك سعود : ههههههه زين شخبارك بعد شلونك ؟؟ صالح : الحمدلله يالغالي انت شخبارك طمنا عن احوالك؟؟ سعود : والله ابد الحمدلله نسأل عنك وبغيت اسلم عليك قبل لا تسافر .. صالح بمزح : متأكد تبغي تسلم علي ولا تبغي صوغه ؟ قول قول لاتستحي سعود : ههههههههه انت كريم واحنا نستاهل .. ثاني شي يالدب شدعوه شايفني كلش ما اتصل إلا ابغي شي؟ صالح : ههههههههااي افا عليك يا ولد العمه امزح معاك يالطيب سعود : انزين شسالفه اكلمك على الماسنجر بزي مب نفس اول؟؟ صالح يتنهد : والله شقول لك .. يا (سعود) انا مشغول مشغول سعود : هاااا مشغول بـ وشو ؟؟ اللي ماخذ عقلك يتهنى فيه صالح : هي خذت عقلي وبس ؟؟ إلا قلبي بعد وكل شي فيني سعود : اووووب الحبيب عاشق وانا اخر من يعلم وقال (صالح) لــ (سعود) عن مشاعره اللي يحس فيها .. وكيف تعرف على (عليا) وكم صار لهم متعرفين على بعض سعود : شوف انت بكره بتسافر فـ لاتفكر في شي يمكن مثل ما قلت مسأله اعجاب لا اكثر صالح : والله يمكن نفس ما تقول وان شاء الله خير سعود : أجل يالله ما طول عليك نام عشان بكره تستعد واستانس عاد ماوصيك هاا صالح : على خير يالغالي ولا تخاف برجع بسرعه جهز نفسك حق المغامرات هع هع سعود : افا عليك ههههههه يالله تصبح على خير صالح : وانت من اهل الخير انتهت المكالمة بس (صالح) ظل يتقلب بفراشه .. ويسولف مع نفسه (صحيح بسافر لكن قلبي راح يظل معلق هني) !! يكلم نفسه واذا إنتبه لنفسه يقول لاااااا هالاحساس لازم يزول لان مستحيل من أول مره احس من ناحيتها كذا ونام بعد تفكير .. اما (عليا) بعد ما غلبها اليأس من دخله النت راحت نامت .. وهي تتمنى ان الاتصال ما إنقطع لكن شتسوي غير انها ترضى بالواقع !! قعد (صالح) من النوم وشاف البيت معتفس والكل يرتب اغراضه فـ تلاحق نفسه لان من التفكير نسى يرتب شنطة السفر أمس ! وحط كل شي يحتاجه بالسفر ويوم شاف الجوتي إبتسم .. فديتج يا (عليا) طلعتي قبل لا أعرف رأيج بـ لون الجوتي وإضطر يلبس اللون الأبيض تذكر الماسنجر يمكن الحين موجوده .. يبغي يودعها قبل لايروح المطار واول ما فتح الماسنجر متلهف يشوفها لكن للاسف شافها اوف لاين وتحسر .. تمنى تكون موجوده ويتطمن عليها على الاقل ويودعها فـ قرر يرسل لها إيميل وهالمره ما تراجع .. وأصر على قراره إصرار كبير .. وكتب لها !! ،، ،، قوووووه علياااااا دشيت وتوقعت اشوفج بس للاسف ماشفتج عشان كذا حبيت اسلم عليج واقول لج اشوفج على خير وان شاء الله ما أطول .. بس لاتنسينا والله بتوحشيني هذا وانا للحين ما رحت المطار واحشتني شلون اذا سافرت يلا معليش عشان تشتاقين لي بااي ،، يشوف نفسه وهو يكتب هالكلام بس فيه شي يجبره ان يكتبه صحيح ما يعبر عن الشوق اللي بداخله لكن عل وعسى يكون خفف من شوقه عن طريق الايميل وبعد التجهيز حط الشنطه بالسياره وشاف امه اذا محتاجه شي او ابوه او أخوه الوحيد (محمد) .. وطول الطريق يفكر في البنت اللي خذت عقله لكن اللي يقطع حبل افكاره هو إتصالات ربعه اللي يتطمن عن احواله واللي يودعه قبل السفر ربعه ما خلوه لان ما عمره خلاهم .. (بو صالح) قال لـ ولده : ما شاء الله عليك هذا ما تشتغل وتلفونك ما يسكت اجل لو إشتغلت شلون؟؟ الله يحفظك إبتسم (صالح) كالعاده .. طول الرحله يسولف ويضحك بس باله هالمره مب معاه مثل كل مره وهو اللي يحب المطار .. والناس اللي يمرون قدامه رايحين وجايين .. بس هالمرة ما لفت نظره اي منظر !! وهو اللي اذا تملل وهو ينتظر .. يروح يشوف الطيايير واقلاعهم وهبوطهم .. يشوف هالامور تسليه بس هالمره غير .. باله مشغول بالافكار .. صار يشوف نفسه مهب فاضي لهالاشياء اللي تعود عليها وش يسوي؟؟ قلبه طاح بالحب .. قلبه هالمره نوى يسكن بظلوع غيره .. وقتها انتقل من مرحله إلى مرحله أكبر وهي التفكير بالحب .. اول يوم خارج (الدوحه) طبعا مشتاق لربعه اللي دوم يشوفهم ويكلمهم وبالاخص (عليا) اللي ما نساها لحظة وحده وفي الليل الكل راح ينام وراح (صالح) غرفته ينام .. وفجأه حس بألم مب طبيعي في راسه وحاول يتجاهله .. قال : يمكن لأني ما نمت ترك الألم والتعب والنوم وظل يفكر في (عليا) الحين وشتسوي؟ مرتاحه ؟ ماكله ؟ شاربه؟ تضحك مع من؟ من يسولف معاها ؟ ما غابت عن باله لحظة وحده .. نسى كل شي في الدنيا وسرح بأفكاره بعيد سرح في (عليا) ايه نعم سرح في حبه اللي تعلق فيه من اول كلمه .. في الحب اللي اعشقه من بداياته في الحب اللي يسمع عنه وما جربه إلا مع (عليا) عن طريق مشاعره إتجاهها .. فجأه إنزلت دمعه من عيونه !!!!!!!!!!!!! (صالح) عيونه ادمعت ؟؟ ليش؟؟؟ مسح الدمعه على طول وهو مستغرب .. ليش انزلت هالدمعه ليش؟؟ يا ترى هذا شوق؟؟ او خوف ؟؟ او وش تفسيره ؟؟ معقوله يا قلبي هالكثر تحبها؟؟ ضحيت بدمعة من عيونك عشان (عليا) لانك تفكر فيها؟؟ بسرعه حبيتها ؟ مع التفكير جاه الصداع وبأقوى حالاته وهو على سريره يفكر ما قدر يتغلب على الألم .. ألم مب طبيعي .. ألم أول مره يحس فيه ما قدر يتحمل مب عارف وشيسوي .. ظل ماسك ايدينه ويضرب براسه من الألم يمكن يخف عليه والألم القوي محد يقدر يتحمله .. راح على طول لأهله يبغي حبه صداع (بندول) وللاسف ما فيه ام صالح : (فهد) شوف الرسيبشن .. اكيد عندهم حبه صداع ما قدر اشوف ولدي يتألم .. بو صالح : ان شاء الله .. الحين اتصل واتصل عليهم وقالوا فيه .. لكنهم تأخروا .. تأخروا واجد (صالح) وشفيه ؟؟ تعبان وهلكان ويتألم وبدت الحراره تدخل بجسمه .. معقوله اللي فيه هو نفسه يسمونه (مرض الحب) ؟؟؟ (ام صالح) تشوف ولدها يبتسم لها (يمه ما فيني شي لا تحاتين) هالصداع والحراره مجرد تغيير الجو علي تطمنت الأم شوي وقعدت تقرى عليه قرآن .. وأبوه ما يقدر يسوي شي غير إن ينتظر الإستقبال يجيبون حبوب مسكنه لان المنطقه اللي هم فيها بعيده عن اقرب مستشفى وخصوصا (صالح) طمنهم ان ما فيه شي وما عليه خوف ان شاء الله .. ومن التعب والألم تمسح امه على راسه وتقرى عليه ظل يطالعها بإبتسامه ألم صالح : يمه احبهــا ام صالح : من هاذي اللي تحبها ؟ صالح : ..... (إبتسم) !! وتذكر ان تجاوز الحدود بالكلام .. وغير السالفه ! صالح : يمه راسي يعورني معقوله ماعندهم (بندول) .. والله تأخروا بينبط راسي رااااااااااااااسي ام صالح : الحين يجيبونها لك .. انت ارتاح بسم الله عليك ومن التعب (صالح) ماحس بنفسه وعيونه خذت لها غفوه .. ونام من بعد معاناه وألم ويسمع كل حركه بس مهب قادر يتحرك من التعب .. واخيرا جابوا حبوب (البندول) بعد طول إنتظار بو صالح : تاخرتوا .. هذا واحنا طالبين حبه مب شي ثاني؟؟؟ الموظف : سامحنا يالطيب لكن جبناها بأسرع وقت بو صالح : على العموم تسلم .. وسكر باب الغرفه وراح لولده يقعده من النوم وهو ما زال يتالم .. يبغيه ياخذ الحبه وينام مرتاح بو صالح : (صالح) قوم يبه اخذ الدوى خذ الدوى وشرب الماي ورجع نام .. الجو باااااارد لكن حراره جسمه مرتفعه فـ ما فكر يتلحف قامت امه لحفته وتطمنت عليه وخلته ينام عندها الليله وبعد ما نام إرتاحوا كلهم وناموا في اليوم الثاني اول ما وعى (صالح) من النوم مسك تلفونه وظل يقلب فيه .. وبما ان هو من النوع اللي يكتب خواطره في التلفون اسهل له يحصلها ويقراها .. ولازم يكتب المشاعر اللي تختلج صدره الحين يا ترى وش كتب؟؟ ،، أثر فيني .. البعد وهدّ الحيـل هدّ كل شي فيني .. وأنهــاه ما قويت فراقكــم .. والدليـــل طحـت تعبـان .. وحالـي أرثاه ما عاد فيني نبض إلا ويسيل بحبكم اللي تاه منـه وأعماه ،، يشوف الكلمات وقلبه يفكر فيها .. بهاللحظة تأكد ما يقدر يعيش بدون (عليا) لانها صارت كل شي فيه امس واليوم وبكره وكل لحظة يتذكرها .. ومع سرحانه طرت على باله كلمات ومسك التلفون وقعد يكتب ،،، أوقاتي وساعاتي .. تمر عليّ ثقيلة تمر كأنها أياااام وشهووور وسنيييين أنا في بعـادي كثر دمعي .. وعـويلـه كثرت أحزان قلبي بــدونــك يا حنين أرجوك .. لا تنساني لو الأيام طويلة لاتنسى من يحبك وأصبح مسكين ،، يكتب هالابيات ويحس ان (عليا) تقراهم .. وتحس بكل جزء من هالكلمات لكن اللي شاغل باله وحارق قلبه .. هو مب عارف الحين شخبارها؟ و(عليا) تدخل الماسنجر طول الوقت على امل ان (صالح) يدخل وينك يا (صالح) ليش ما دخلت من هناك ليش؟؟؟ وحشتني وااااجد محد يعوضني بغيابك يا (صلوووح) بس (صالح) مسكين وده يتلاقى وياها ويعرف اخبارها لكن الظروف أصعب واقوى وبهاللحظة قررت (عليا) تدخل ايميلها وتشوف الايميلات وتحذف اللي مب محتاجه له وتخلي اللي تبغيه فجأه !!!!!!! شافت ايميل مكتوب فيه (وحشتيني) إستغربت من الإيميل ويوم ادخلت وشافت الكلام اللي مكتوب ظلت تصرخ من الفرحه مب مصدقه اللي تشوفه ولا مصدقه عيونها .. ظلت ترجف من الفرحه ما سعتها دنياها من الفرحه تقول ما نساني ياليتني شفت الايميل قبل هاليوم يااااالييييييت لكن الصدفه لعبت دور طبعا .. و(عليا) افرحت من طريقه (صالح) وكلامه وإهتمامه فيها والدليل قبل لا يسافر فكر فيها وبعث لها إيميل .. وهذا شي حلو بالنسبه لها بعد ما ضاقت عليها الحلول والافكار .. قررت تبعث إيميل واكتبت فيه ،، والله انك وحشتني وسوووري ماشفت الايميل إلا بعد يوم من بعثته لي والله مكانك يبين متى بترجع بس عاااد لا تطووووول وان شاء الله ترجع بالسلامه إلا على فكره أي لون خذت من الجواتي ،، وأبعثته على طول بدون تفكير .. لان فعلا (صالح) وحشها واجد .. كان يسليها ويكلمها ويضحك معاها وياخذ بخاطرها شلون ما تغليه وتعزه وهو يعزها ويهتم فيها وما يحب يشوفها متكدره .. مع انها ما تقول له لكن يحس من أسلوبها على طول لو فيها شي و (صالح) غرقان بتفكير عميق .. وما قطع عليه التفكير إلا اخوه محمد : (صلوح) تعال نتمشى الجو حلو صالح : تصدق (حمود) حلاته نشوي كباب محمد : هههههههههههههه والله متفرغ علبالك في الشاليهات ؟؟؟ صالح : زين قم يالله وبالمره ناخذ امي وابوي معانا محمد : زين تسوي عاد امي بتتجمد من البرد .. اعرفها صالح : ههههههههه صدق انك خبل .. فيه شي اسمه جاكيت يالجنغل وراحوا يتمشون و(صالح) طول الوقت ساكت وما يعرف سبب السكوت إلا شي واحد .. وهو (عـلــيـــا) ايه نعم احتلت تفكيره كله وكيانه وكل شي فيه ام صالح : شدعوووووووه بيعونا في السوق محمد : هههههههههههه ولا يدرون عن شي اصلا لاهيين ام صالح : اللي ماخذ عقلهم يتهنى فيه صالح انتبه عليهم : افا عليج يمه محد ماخذ عقلي بو صالح : انزين شفيكم عليه يمكن بردان محمد : ههههههههه يبه شدخل بردان يستبرد جسمه مب لسانه بو صالح بمزح : عاد لسانه طويل خل يتجمد يفكنا صالح : هههههههههههه بل عليك يبه ام صالح : والله لو حجزنا شاليه احسن صالح : (حموووووووووود) شفت شلون ما قلت لك حلاته نشوي كباب تقول علبالك في الشاليهات ؟ تستعبط محمد : احم احم .. اشش بس تراك متملل ام صالح : زين انا برجع الفندق ترى برد محمد : ما قلت لك (صلوح) الوالده اول وحده تستبرد ام صالح : ههههههههههه انا مب متعوده على جو البرد صالح ابتسم : يالله يمه نروح الفندق ترى انا بعد حسيت بالبرد بو صالح : كلنا جميع يالله بعد مب حلوة القعده كذا صالح : يالله سرينا وراحوا الفندق وكل واحد رجع غرفته .. قعد (صالح) يشوف تلفزيون بعيونه .. بس عقله مب معاه راح بعييييييييييييييييد لآخر الدنيا !! عقله مع (عليا) .. وهو يفكر خذ تلفونه وكتب ،، يا ليتني يمك أعرف وش أخبارك ؟ يا ليتك تعرف خافقي وش صار فيه أصبحت احبـك واتكوى وسط نارك وقلبي بجنون الحب ربي مبتليـه ،، المشكله تلفونه يعاني من مشكله الصفر الدولي .. يعني ما فيه خط دولي وهو ما اكتشف هالمشكله إلا بعد ما وصل خذ تلفون اخوه وكلم واحد من ربعه قال له : جرب تدخل الـ شات الفلاني وشوف وحده نكها كذا كذا !! وبعد فتره دق عليه رفيقه .. لكن وش قال له ؟؟ ،، يتبع في الجزء القادم .. [/align] |
شادن طويله للاحد
انا ما بتحمل استنى عجلي بالاجزاء |
اقتباس:
|
[align=center]الجزء الثالث
المشكله تلفونه يعاني من مشكله الصفر الدولي .. يعني ما فيه خط دولي وهو ما اكتشف هالمشكله إلا بعد ما وصل ..! فـ اخذ تلفون اخوه وكلم واحد من ربعه قال له : جرب تدخل الـ شات الفلاني وشوف وحده نكها كذا كذا ..!! وبعد فتره دق عليه رفيقه وخبره انها مب موجوده .. وتكدر (صالح) .. واليوم يمر طويل عليه .. تنهد : آآآه شكلي مسافر عشان افكر .. مب أرتاح يتمنى يرجع (الدوحه) باقرب وقت .. وده في هاللحظة يطير ويوصل هناك عشان يتطمن على حبيبه قلبه وفيه احسن من الحب؟؟ فيه احسن من الشوق؟؟ طبعا لا .. لان الحب كل الحياه ومرت 5 أيام تقريبا وبعدها انتقلت عايله (صالح) لمنطقه ثانيه .. راسمينا في جدول سفرتهم وما نسى ياخذ رقم جديد .. يقدر يكلم فيه ربعه .. وبين فترة وفترة يوصي حد من ربعه يدخل الـ شات .. اللي شافها فيه ويشوف إذا (عليا) موجوده ويطمن على أخبارها .. عل وعسى يرتاح قلبه .. لكن ما فيه أي أثر في الشات .. والايام تمر كنها سنوات بالنسبه لـ (صالح) يتمنى يرجع اليوم قبل بكره .. هالسنه ما إستانس بهالسفره كيف يستانس وقلبه معلق (بالدوحه) ؟؟ الانسان يقدر يحس بدون قلبه؟؟ مستحيييييل نسيت أذكر لكم وين وجهتهم .. انتقلوا (مكه) .. و(صالح) متضايق على بعده ومرتاح ومخفف هالضيق هو وجوده في بيت الله .. يدعي ربه دوم يجمعه بــ (عليا) نور عيونه وكونه ومن كثر شوقه لحبيبته والضغط بالتفكير فيها .. وتغيير الجو عليه ضربته صخونه طيحته يومين ما قدر يأدي مناسك العمره .. ،، حتى وأنا على (فراش المرض) ذكرتـك ودمعتي سالت بـ أجفاني على خـدي تذكرت غيابي عنك.. وبـ هاليوم كدرتك وضاق صدري .. وبكت جروحـي يا ودّي دخيلك حبيبي أسف لو بـ يوم نهرتـك أو إعتلى كلامي عليك وتجاوزت حدي ،، في عز مرضه يتذكر كل شي مر بينه وبين (عليا) ولو انها لحظات بسيطه لكنها بعيونه اعظم لحظات مرت عليه بعمره كله ولما يحاول يتذكر اي غلط بحقها او تغشمر معاها غشمره بايخه من كثر ما يحبها يداريها حتى بكلامه هذا الحب وما يسوي هذا الشوق والتفكير يطيح الواحد مريض .. يخليه يفكر لو غلط في حق حبيبه بدون اي قصد .. في (الدوحه) وبالتحديد عند (عليا) مع امها وبنات خالها ورفيقاتها موجودين في مزرعتهم كنوع من تغيير الجو وتفكر في (صالح) هو شمسوي؟ قاعد ؟ نايم ؟ وينه الحين؟ مستانس ولا متضايق؟ اسئله كثيره تمر في بالها .. لكن بنات خالها قطعوا عليها حبل تفكيرها وريحوها من التساؤلات راحوا يسوقون السياره على اساس يتمشون شوي ويرجعون و(عليا) ما شاء الله عليها ممتازه في السواقه .. متعوده تسوق كل مره في العزبة تسوق فيهم وفي احلى لحظات الوناسه ويوم جا دور رفيقتها بالسواقه .. خلوها تسوق وهي ما تعرف مثل (عليا) وفي بدايه الأمر الوضع عادي وفجأه وهم في الشارع تعرضوا لحادث خشن والسياره راحت فيها والموجودين تعوروا واهمهم (عليا) .. حبيبة اللي مسافر ويحاتيها وينك يا (صالح) تشوف حبيبتك وش صار فيها؟ انقلوهم للمستشفى بسرعه البقيه تعوروا لكن اصاباتهم خفيفه .. أما (عليا) جاتها الضربة في الظهر وتنومت بالمستشفى عشان يطمنون عليها أكثر ومع العلاج خفت الاصابة .. بإختصار الكل طلع من الحادث سليم وما صار فيهم شي كبير وفي المستشفى و(عليا) تفكر لو صار فيني شي ؟ لو مثلا لاسمح الله رحت عن هالدنيا؟ (صالح) بيدري عني؟ بيدري اني افكر فيه دوم؟ راح يدري اني حبيته ومن كل قلبي؟ من بيقول له وهو ما يعرف شي عني غير اسمي ؟ وفي ربوع (مكه المكرمه) وخصوصا في اليوم الرابع من زياره عايله (صالح) كانوا ينتظرون وصول ضيوف خالته ورجلها وعيالها و(صالح) مستانس على الاقل راح يكون مع ولد خالته ورفيجه (طلال) وبينسى الوقت على ما يرجع (الدوحه) صالح : يمه متى بيجون ؟ ام صالح : راح يوصلون ان شاء الله الظهر .. ومر الوقت .. واذن العصر .. ومن بعد 4 ساعات طويله اتصلوا فيهم يخبرونهم بأنهم وصلوا واول ما وصلوا راحوا يأدون مناسك العمره عشان مره وحده يرتاحون ويخلصون من المناسك وما يأخرونها وعقب ما خلصوا راحوا لغرفتهم بنفس الفندق اللي ساكنه فيه عايله (صالح) لكن مب بنفس الطابق على طول راح (صالح) .. يبغي يتحمد لهم بسلامه الوصول ولان مشتاق لهم خذ امه معاه لان ابوه طالع عنده شغل بمجمع من المجمعات واخوانه مشغولين واول ما وصلوا غرفه خالته وعيالها صالح : هلاااااااااااااااااااا خاالتي الحمدلله على السلامه .. وسلم عليها .. ام طلال : هلا يمه .. هلا حبيبي .. الله يسلمك يالغالي ام صالح : الحمدلله على سلامتكم ان شاء الله ما تعبتوا بس؟؟ ام طلال : والله يا وخيتي تعبنا من الطياره سيده على هالطريق الطويل وعلى طول رحنا نعتمر يعني مشوار لكن الحمدلله ام صالح : الحمدلله ويسمع (صالح) صوت من بعيد يناديه : (صلووووووووح) .. (صااااااالووووووووووح) صالح : وجاااااااااع .. أقصد هلااااااااااااا والله بصديقي الصدووووق منوووور والله طلال : تصدق تعبت ؟؟ مللوني هالام والابو صالح : ههههههههههههه الله يخسك هذا وانت توك معتمر بعد تتحلطم عليهم طلال بإنفعال : انزين عاد مب كذا حشى تاديب؟ صالح : ههههههههههههه يا يبه استح على وجهك .. والله اعلم امك الحين تلفحك بشي من عندها طلال : لا يا خي .. امي صايره تنيشن عدل .. من يومين فالعتني بعلبة الكلينكس اعفستها على راسي صالح : اببببعدددي .. مب هينه الخالة تشرب عصير جزر ههههههههه طلال : يالملغ هههههههه انزين شخبارك وشمسوي ؟ صالح : والله تمام الحمدلله بس مشتاقين (للدوحه) .. طلال : اسكت صار لي كم ساعه وانا مشتاق (للدوحه) صج ولد فقر صالح : ههههههاااي لا يبه كلنا عيال فقر .. إذا طارت فينا الطياره إشتقنا (للدوحه) .. طلال : على العموم ابغي اتمشى صالح : توك جاي ومعتمر يا خي ريّح وعقب بنتمشى ترى رجولك بتكبر !! طلال : هههههه اكبر من كذا بعد ما عتقد صالح : ههههههههههههههه اشوف رجولك (طلول) ؟؟ ووول تصدق كنها ظهر ضب .. طلال : ههههه هييي حدك على رجولي صالح : زين خلاص لا تعصب اخاف رجولك تاكل رجولي هههههههه شدخخخخل طلال : داش مصارعه انت؟؟ يا خي ما تبغي تمشيني بدور رفيق غيرك صالح بمزح : روح حق اللي يبيعون كلينكس تحت طلال : هههههههههههههههه صالح : ولا يهمك يا ولد الخاله تامر أمر فديت خشمك العوي مع أذان العشى راحوا يصلون في الحرم وبعدها قرروا يتمشون بمجمع الأبراج طبعا (صالح) يضحك مع ولد خالته .. وقلبه مشتاق لـ (عليا) واجد واجد وااااااااجد وبشكل غير طبيعي طلال : هالمحل شكله حلو تعال بشوف لي بوك صالح : ........ طلال : (صلوووح) ؟؟؟؟؟ صالح : ها؟ شصاير؟ طلال : انت وووووووووووووين .. وانا وين صالح : نتمشى بعد وين طلال : هههههههه بدى الملاغه استاذ (صالح) .. صالح : وش كنت تقول؟ طلال : لا .. اول شي قول في وشو سرحان؟ صالح : ما سرحت بشي طلال : علينا؟؟ ترى طول الوقت ملاحظ عليك بس انتظرك تقول صالح : عادي .. لا فيه شي ولا شي بس انت امكبر المسأله طلال : اممممم والله يا (صويلح) ما يندرى عنك بس صدقني لو فيه شي لا تخش في قلبك صالح بداخله : بس (عليا) لازم اخشها بقلبي لانها حبيبتي .. اصلا اسكنت فيه بدون لا تستأذن مني كنها توصيني يا (صالح) حافظ علي بقلبك ومشى مع (طلال) .. و(طلال) شاك بالموضوع .. وينتظر (صالح) يعترف له صالح : شوف هالمحل فيه ابواك سنعه ودي اغير اللي عندي طلال : وانا شقول من مساعه؟؟ ذبحتني شكثر طوفنا محلات وانت نايم صالح : ايه امشي وانا نايم ههههههههههاااي طلال : ههههههه ملغ ملغ طول عمرك ملغ صالح : ما عليك زود يالدب طلال : شوف هذا البوك لونه كشخه صالح : اي كشخه اي خرابيط نفس لون اللي عندك يا خي ما تعرف تغير انت؟؟ طلال : اششش يالله مناك خلني احاسب صالح : بل مايقول اخذ لك معاي على طول اختار اللي يبغيه وراح يدفع صدق ما عندك ذوق طلال : انت خلك نايم واذا قعدت تعال تشره علي صالح بمزح : عنتالله عليك .. اصلا انت ما تستحي ثاني شي انا ما لقيت شي يعجبني هنا بشوف ذاك المحل وراحوا المحل الثاني وشاف بوك لونه بني فاتح غريب شوي ولان ما عنده نفس هاللون من قبل حب يكتب عليه اسمه بخط حلو طلال : بس اسمك بتكتبه؟ صالح : ما دري محتار طلال : خلاص خله يكتب لك اسمك احلى صالح : اممم مب مشكله .. يالطيب اكتب الاسم بس راعي المحل : طيب وش اسمك ؟ صالح : (صالح) .. وهو بداخله وده يكتب جنب اسمه حرف (عليا) بالانجلش بس سكت وغير الفكره اللي براسه ما يبغي يتمادى .. و(طلال) يشك بالموضوع اكثر واكثر وعقب ما خلصوا مشي راحوا برى المجمع صالح : اقول (طلوول) تعال خلنا ناخذ اسكريم ترى حلو طعمه .. لا يطوفك انا كل ما جيت مكه أذوقه طلال : يالله خلنا نذوق طعمه .. وراحوا وبعد ما شروا الأيسكريم .. وهم راجعين الفندق ظلوا ينتظرون المصعد يجيهم طلال : (صالح) فيك شي صح ؟ صالح بإستغراب : شفيك بسم الله عليك انا ما فيني شي طلال : ما دري بس احس بالك مشغول؟؟ صالح : يبه لا مشغول ولا ويتنغ طلال : هههههههههههههههه تستهبل حضرتك ؟؟ صالح : لا والله بس تقدر تقول مشتاق (للدوحه) إختصر شوقه لـ (عليا) ولهفته عليها بكلمه اشتقت (للدوحه) وفعلا هو مشتاق لها ولـ بنت بلاده وحبيبه قلبه طلال : اها بحاول اصدق صالح : لا تحاول لأن المصعد وصل يالله ادخل لا تفشلنا طلال : عاش مرقع يالله يالله انجلع طابقكم وانا بروح طابقنا صالح : جلع الله ضرسك .. يقول طابقنا بعد اللي يسمعه بيت ابوه !! طلال : فديت ابوي هههههههههههههههه ضحكتني الله يغربلك صالح : زين لا تضحك المصعد يهتز ياخي طلال : يا كبرها عند الله .. صالح : هههههههههه ثاني شي لا تطرد انا بجي وياك (صالح) ما يبغي يقعد بروحه صار يخاف يفكر بـ (عليا) لان مع التفكير راح يحاتي ويشتاق اكثر من ما هو مشتاق ومتعذب طلال : حياااااااااااااك (بو صلووح) فديتك وانت مصدق بخليك تروح طابقكم ها ها هاي صالح : مب مطول بس شوي وبرجع انام احس بتعب طلال : لااااااااااا وشو اقعد خلنا نسهر صالح : انت هييي وشاسوي طول الليل اسهر .. ليكون علبالك بفلل كشتك واطلع القمل منها ؟؟ طلال : ههههههههههههههههه وقعد مع ولد خالته يسولفون بالغرفه ويتكلمون عن مشاريعهم لما يرجعون الدوحه .. اما (صالح) اكبر واهم شي برجعته عشان يتطمن على (عليا) اللي ما غفل عن التفكير فيها لحظة وحدة !! بس تذكر ان (طلال) مب امطول في (مكه) ومفكرين يروحون (أبها) يعني راح يتم بروحه في (مكه) بدونه صالح : (طلووووول) ما يصير تكنسلون روحتكم وتقعدون هنا .. ونرجع (الدوحه) كلنا مع بعض ؟؟ طلال : يا خي شسوي في ابوي راسم مخطط الرحله يعني كل يومين بمنطقه صالح : امممم مب مشكله تروحون وترجعون بالسلامه يعني نتلاقى في (الدوحه) ان شاء الله طلال : ان شاء الله على خير .. صالح : بعد احنا ما بقى شي ونرجع .. الايام تمر بسرعه طلال : تصدق اول مره اكتشف انك حنان صالح : ههههههه بل عليك شايفني احن على راسك العود؟ طلال : لا بس شوف كشتك متملله منك ومن حنتك صالح : ها ها ها هي هي هي هو هو هو .. من قلب ضحكتني طلال : هههههههههه لا تزوع بس .. تدري اني اتغشمر لو صدق كان كوفنتني مكاني صالح : افااا انت الغالي ما سوي فيك كذا طلال : زين لا تكذب واجد .. متى بتنجلع انا بنام هههههه صالح : يه ؟ نامت وتسدحت عليك طوفه .. زين اخمد ياالله مع هالراس مشكله اللي يشوفوني قايم رايح صوب الباب ويجلعوني غصب طلال : تيك كير صالح : ok , Good Night وطلع (صالح) من غرفه ولد خالته وهو يفكر ومستانس حده .. ما بقى إلا يومين على رجعتهم (الدوحه) وراح غرفته وهو يفكر وانسدح على سريره ومسك تلفونه ويكتب ،، هجرت الهـمـ والوحده يوم قلبي .. تعلق بك وعطيتك حب لا تعده وعلقتـــه على بـابــك ولا جـاك غيـري صـده وخلني اول أحبـابـك ،، وحط التلفون جنب راسه .. ورجع يفكر وهو يشوف سقف الغرفه ويفكر في (عليا) إبتسم يوم تخيلها تشوفه وتبتسم له .. وقال فيها ..!! ،، يا بعد عمـري ذاك المحيّـا وشمس الضحى لك معـزة (ن) في داخلـي صعب انهـا تـروح فـ قلبي لك حب (ن) بـالغموض أستوضحه بس يكفي أقول : إنك في الحشا والروح ،، ظل يفكر كالعاده من يوم إلتقى فيها وعرفها ليين ما تعب ونام يوميا على هالحال وهو راضي وفرحان دام ينام على طاري الانسانة اللي يحبها .. وتكون هي اخر شي فكر فيه واخر فكره طرت على باله وبعد يومين جا وقت الرجعة .. عاد محد فرحان كثر (صالح) مشتاااااااااااااق مووت (للدوحه) صالح : يمه .. يبه .. يالله خلونا نجهز اغراضنا بسرعه ام صالح : شفيك بسم الله كنك تبغي تشرد من هالمكان صالح : لا بس مشتااااااااااااق ام صالح : والله انا ودي اقعد كم يوم بو صالح : تبغيني أأجل الرجعه للدوحه ؟ صالح : لااااااااااااااااااااااااااااااااااااااااااااااااا اااا لا لا ارجوووج يمه لاااا والله ابي ارجع محمد : ايه والله يمه طولنا برى الدوحه واجد ام صالح وهي حزينه : خلاص يا (فهد) نعوضها مره ثانيه ان شاء الله بو صالح : ان شاء الله صالح : يس يس يسسسسسسس وناااااااااااسة بو صالح : يالمطيور اقعد انا اعرف ليش مستانس هالكثر تبغي تروح حق ربعك اللي هناك صالح بقلبه : لا والله إلا حق حبيبتي (عليوووو) اللي وسط قلبي .. بس قال بلسانه : حق الكل يا يبه حق الكل وجهزوا اغراضهم وكل شي تمام التمام وراحوا المطار على ما ينتظرون رحلتهم المغادره للدوحة وبعد جلوس لمده ساعتين في المطار تملل (صالح) لكن يصبر نفسه وجا دورهم في الصعود للطياره وركبوا وشدوا احزمتهم وتم الاقلاع وبعد ساعتين في الجو اعلن الكابتن الهبوط بالطياره فرحة (صالح) بالرجعة ما تنوصف اكثر من اهله .. وده يصرخ بالطياره ويقول : رجعت لج يا (عليااااااااااااااااااا) رجعت لج بكل شوق وحنين رجعت .. وياليتج تسأليني وشفيك ؟؟ واقول لج : أحـبـــــج موووووت ياااعمررري .. وبعد ما وقفت الطياره والركاب انزلوا من الطياره وعلى طول مطار الدوحه الدولي كملت عايلة (صالح) اإجراءات المتبعه في المطار وخذوا اغراضهم وطلعوا وعند البوابة كانت تنتظرهم سيارتين ورجعوا فيهم البيت اما الوقت متأخر يعني رجعوا البيت في حدود الساعه 12 في الليل الساعة 12 في الليل الوقت متأخر صح؟؟ بس وشصار؟؟ ،، يتبع في الجزء القادم ..[/align] |
اكيد رح يفتح الماسنجر بس عليا مريضه
يلا شادن خبرينا |
بدي وقت عشان اقراها على رواق .. وغير هيك كملي الاجزاء كلها عشان نعرف نركز ولا رح اقفل الموضوع .. هع هع :c (4): يسلمو شادن وبالنسبة الي رح اقراها لما تكملي الاجزاء الباقية |
اقتباس:
ربي لايحرمني من هالتواصل . |
اقتباس:
اممممم اوك رح يغلق الموضوع لحتى يروء اخونا تموز وبكره الاربعا مافي بارت رابع :c (11): ننتظرك اخوي . . . . . . . . . . . . . |
[align=center]الجزء الرابع
من فرحه (صالح) على طول ترك كل شي حتى ثيابه ما بدلهم وراح يفتح الكمبيوتر وقلبه يدق بسرعه يقول الحين بشوفها الحين اكيد مشتاقه لي الحين بعرف اخبارها كلها الحين بسهر معاها واضحك واسولف واقول لها عن مواقفي كلها ويوم فتح الماسنجر ترك كل الموجودين وراح على ايميل (عليا) ليش ما يتركهم وهو يبغي حبيبته وروحه وقلبه وكل شي فيه ؟ بس صدمته كبيره !!!!!! مب موجوده!!!! ظل حزين مده طويله وهو يطالع ايميلها يقول ان شاء الله بتدخل الحين اعرفها تحب تسهر مرت نص ساعه ساعه ساعه ونص ساعتين !! يأس (صالح) اكيد مب داخله اليوم لان الوقت متأخر وإحتمال تكون عدلت نومها والحين نايمه بس وش ذنبه؟؟ هو مشتاق لها واجد مشتاق لها مووووووت مشتاق يسمع سوالفها وتسمع سوالفه مشتاق يعرف اخبارها ويشوف ضحكتها مشتاق يقول لها (عليا) وتناديه لبيه ؟ مشتاق لكل شي فيها افففف .. يلعن ابو هالوقت زززززين هالجمله قالها (صالح) وهو مقهور لكن عقب فكر وقال ان شاء الله بكره اشوفها وسكر جهاز الكمبيوتر وهو متكدر لان صدمات الشوق ورى بعض تجيه ومالقى حبيبته يفرغ شوقه فيها بكلامه معاها راح شال شنطه السفر اللي حذفها عند باب البيت ضمها لصدره .. آآآه يا (صالح) لهدرجه مشتاق لها ؟ .. آآه يالشوق صج انك غلاب يا (عليا) وربي عشقت اسمج عشقت كل شي يربطني فيج وراح غرفته لان اهله راحوا ينامون .. ومحد واعي في البيت .. الوقت فعلا متاخر الساعه (3) في الليل .. راح وقعد على سريره يفكر فيها وقال ،، يا ساكنٍ وسط الحشا وبأعماق الروح جسمـي تعب من كثر التفكيـر فيكـم أفكر في باكـر وأصير بـ الحيـل مجـروح وصبري يعاف روحي لا صبرت عليكـم آه يا قهري لا تلومنـي لاصرت مذبـوح أتمنى إني أموت ولا أفارق إيديكم !! ،، ونام واخر فكره هي (عليا) كالعاده وما قعد من النوم لين حزة الظهر من تعب السفر يوم وعى (صالح) من نومه على طووووول راح عالكمبيوتر يبغي يدخل الماسنجر صار مجنون يكلم نفسه ويقول ياارب تكون موجوده يارب تكون موجوده ياااااااااااااااااااااارررررررب تكون موجوده ويوم بطل الماسنجر عيونه راحت على طول على ايميلها لكن هالمره شاف شي غير عن المره اللي طافت !!! شاف (عليا) موجوده ما صدق عيونه ظل يفركهم يبغي يصدق مب مصدق انزين ليش ما يصدق؟؟ يمكن من الشوق؟؟؟؟؟؟؟؟؟؟ شافها لكن ما بغى يكلمها .. بيشوف هي بتكلمه ولا لا مشتاق لها فعلا لكن يبغي يعرف هي اشتاقت له ؟ انتظر حوالي 5 دقايق و (عليا) ما تكلمت معاه حس بإنكسار من داخله كان مشتاق لها وفجأه يصده برود (عليا) ويكسر شوقه الكبير ؟ طلع من الماسنجر وهو حزين وهموم الدنيا بعينه!! و(عليا) نفس الشي .. لاحظت دخوله بالماسنجر وافرحت لكنها ما تكلمت تبغي تنتظره يتكلم تبغي تسمع اول كلمه من (صالح) واهو يقول لها مساء الخير للي وحشتني ؟ لكنها انصدمت يوم شافته طلع .. حست بشي داخلها يمكن (صالح) ما أشتاق لي؟ يمكن انا الوحيده اللي عندي هالمشاعر وهو ما يحس بهالشي ؟؟ ومع تساؤلاتها سمعت صوت احد يدخل بالماسنجر .. النك نفس (صالح) والصورة نفس صورته يه شسالفه ؟؟؟ طلع (صالح) هو اللي دخل الماسنجر مره ثانيه وهو ما زال مشتاق قال في قلبه : انا شعلي من يتكلم قبل؟ انا مشتااااااااااااق لهاااا ما علي من اللي يكلم الثاني قبل بكلمها الحين صالح : مساء الخير للحلووين عليا بفرحه : هلااااا والله (صلووح) تسرب بقلب (صالح) شعور غريب يوم شاف اسمه .. فديتج يا (عليا) اسمي له نكهة ثانيه لما يطلع منج صالح : هلا فييييييييج شخبارج (علويه) ؟ (علويه) بهالاسم يدلعها (صالح) .. دوم يناديها فيه عشان يكون غير عن الباقي عليا : والله بخير لكم وحشه تصدق صالح : والله انا انا تردد!! لااا بكمل انا اشتقت لج موووووت عليا بإحراج : صج؟ صالح : والله العظيم .. المهم انتي طمنيني عنج وعن اخبارج شسويتي شـ ماسويتي؟ عليا : والله الحمدلله سافرت الامارات من كم يوم راجعه صالح : اوووه زين زين .. اجل الحمدلله على السلامه يالغالية .. عليا : الله يسلمك يالغالي صالح : ربي يسلمج .. زين وقبل شسويتي بعد عليا : امممم صار لي حادث صالح بخوف وإستغراب : وشـوووووووووووووووووووووووو؟ شلوون؟ ومتى؟؟؟ صار فيج شي؟؟ قولي لي؟؟ قولي الصج؟ عليا : ههههههههههه (صلوح) ريلاكس شوي بقول لك عن كل شي صالح : ما أقدر والله قولي بسرعه قمت احاتي لاني بصراحه خايف عليج!! عليا : خايف علي ؟ انتبه (صالح) إن تجاوز حدوده شوي .. رقع السالفه وقال : ايه مب انتي غاليه؟ لازم الغالي يخافون عليه عليا : ههههههه تسلم والله صالح : ههههههههه عن الضحك << شوف من يتكلم انزين كملي شلون صار هالحادث؟ عليا : ماشي بس كنا بالعزبه وطالعين شله بنات وخليت وحده من ربعي تسوق السياره وما دري شلون ادعمت وصار الحادث صالح : لاحوول الله ولا قوة إلا بالله .. وانتي شصار فيج؟ اهم شي انتي عليا بإستغراب من اهتمام (صالح) فيها : هـاا ؟ .. لا الحمدلله بس ظهري شوي وترقدت بالمستشفى وطلعت بسرعه يعني لا تحاتي صالح : اكيييييييد؟؟؟؟ (علويه) لا تخشين علي عليا : ايه اكيد والله اكيد مافيني إلا العافيه والدليل اني من كم يوم مشتطه ورايحه الامارات صالح بإرتياح : الحمدلله الحمدلله يارب .. والله وحشتني السوالف معاج عليا وهي منحرجه : اممم بصراحه حتى انت ما لقيت احد اسبه وما يزعل .. صالح : هههههههه يعني بس حق السب مع وجهج ولا يصير خاطرج إلا طيب اليوم كله بقعد معاج نسولف لين ماتقولين لي (صلوح) لاعت جبدي منك فارق عليا : ههههههه بل بل شدعوووه لهدرجه انا صريحه صالح : ههههههه طالع الددددبه يعني ناويه تقول عليا : هههههههههههههه كانت (عليا) تحس ان اسلوب (صالح) تغير شوي يعني مب مثل اول يتغشمر ويتكلم بس ما وجهت له أي لوم .. و(صالح) يحس بنفس الشعور بس يمكن من كثر شوقه لحبيبته ؟ يمكن من كثر ما هو مشتاق لها خف من غشمرته؟ ولييشش؟؟؟ (صالح) حب من قبل؟ لا ماحب ما فكر إلا في (عليا) حبيبه قلبه وروحه صار يحاسب على كل كلمه يخاف تجرحها او تأذيها حتى في غشمرته معاها يحاسب معقوله؟؟ لهدرجه يحبها؟؟ لاااااااا ما يحبهاا إلا يمووووت فيها عليا : (صالح) شرايك ندخل شات؟ نتونس شوي صالح : يالله ما عندنا شغل اي شات تبغينه؟ عليا : امممم والله ما دري محتاره صالح : خلينا ندخل الـ شات اللي جمعنا أول مره عليا وهي منحرجه : اوكي يالله وظلوا طول اليوم مع بعض يضحكون ويسولفون .. و(صالح) بكل لحظة يشتاق فيها لـ (عليا) اكثر من قبل والله يعينه صراحه صار مرابط على الماسنجر 24 ساعة .. بس عشان يكلمها ويسولف معاها ومع كثر السوالف .. مشاعره تزيد وتكبر .. وحبه لها يتعمق بقلبه وروحه مشاعر من طرف واحد .. ويجهل مشاعر (عليا) اتجاهه مع ان صار يعرف كل سوالفها وكلامها يعرفها وتعرفه .. صحيح ما لمس كيانها الداخلي بشكل جرئ .. بس يعرف ظاهرها كله يعرف وش تحب .. وش تاكل وتشرب .. وين تطلع وين تروح من سوالفها معاه طول اليوم .. سؤالي لكم .. (صالح) صارح (عليا) بحبه؟؟ ولا سكت ونسى الموضوع ؟[/align] يتبع في الجزء الغادم |
لانها قصه واقعيه
بحكي عنه مسكين جد " مجنونها " :a (46): |
[align=center]متى راح تكمل
نزليها كلها [/align] |
صدمه !!
من البدايه ما كان حد متابعني :a (47): لالا رح تضل بمواعيدها لؤلؤه حياكي بالروايه :a (45): |
http://up3.m5zn.com/photo/2009/5/10/...jlakml.jpg/jpg متى آحط يدي بيدك .. وآنسى همومي معآك !! ~~ ملاحظة : ودي اتكلم قبل لا يجيني كلام انا في غنى عنه .. ممكن البعض يقول ليش يكتب بهالجرأة؟ وليش يبين للناس كلام حبيبته وامور شخصية بيني وبينها وشلون يعرض هالأمور قدام الناس ؟ .. اتوقع هاذي امور طبيعيه تصير بين كل الناس .. ثاني شي أنا درست كل Part ألف مرة قبل لا أحطه واعرف وشو اللي المفروض ينحط واللي المفروض ينخش .. ترى محد يخاف على مشاعرها كثري .. وهي بنفسها تعرف هالشي .. برؤيـة الكاتب .. الجزء الخامس مر شهرين على (صالح) و (عليا) وهذا حالهم مع بعض وكل يوم يتعذب اكثر من اليوم اللي قبله لان مب قادر يعترف لـ (عليا) بحبه لها مره من المرات وهم في الشات يتكلمون ويسولفون ويضحكون دخل شخص يقط كلام ونغزات على (عليا) .. وقتها (صالح) تحركت بداخله غيره مب طبيعيه وده يذبح هالشخص !! ولو انها (عليا) مب معطته اي اهتمام لكن ما يرضى اي احد يقول لها اي كلام حتى لو كلمه (يالغاليه) يغار يغاااارررر .. وغيرته بينه وبين نفسه يموووت بكل دقيقه وبكل ثانيه .. ويحط اللوم على نفسه لأن مب راضي يعترف لها عن حبه .. ويسوي نفسه عادي مب مهتم .. ويتصنع السوالف لكن قلبه يشب نار من القهر والغيره .. يعاتب نفسه : محد له حق في (عليا) غيري انااا انااااااااااا .. كله مني اناا اللي ساكت اناااا بس المشكله ما قدر أصارحها ماااااااقدر .. ما قدر اقول لها احبج !! .. وغصب اتصنع الضحك وأمرر الموضوع عادي ومن داخلي امووت من الغيره .. اففف و (عليا) تحس بهالشي بس مب متاكده منه وتحس بالصراع اللي يدور بداخله .. بس اللي يشككها بروده وكلامه .. ما تدري هو بنفسه يتصنع هالبرود عشان ما تحس بأي شي !! وبعدها بفتره .. طلع من الشات وقال لها تطلع وقعدوا بالماسنجر يسولفون .. وبهاللحظة اتخذ (صالح) قراره ان يستغل كل فرصه تمر عليه ويشوفها مناسبه ويوصل لـ (عليا) اكثر من قبل عشان يقدر بعدها يعبر عن حبه عليا : برررب (صلوح) ببعث مسج حق رفيجتي صالح بمزح : افااااا واناا ليش ما تبعثين لي عليا بمزح : ههههههههههههههههه ما عندي رقمك عشان ابعث لك خخخ :7: إستغل (صالح) الفرصه : مب مشكله هذا رقمي وسجليه ×××××58 عليا بصدمه وإحراج : يصير خير !! (صالح) يمكن تسرع شوي لكن غصب عنه شيسوي؟؟ يحبهاااا يحبهاااااااااا لين متى يعني؟؟؟ صالح بمزح : ههههههههههه لا تدقين ما ارد على بنات بس مسجات :7: عليا : ههههههههه مع الووويه .. توتر!! يمكن (عليا) صدقت يوم قال لها لا تدقين .. يالله مب مشكله اهم شي اللي يبغيه ان يعرف رقمها وعقبها يحلها ألف حلال .. مرت الايام و(صالح) بكل حزة قبل لا ينام يفكر ويقول : انا اللي سويته صح يوم عطيت البنت رقمي؟ طحت من عينها ولا لا؟ للحين ما طرشت لي شي عالاقل اعرف رقمها لكن اسلوبها معاي ما تغير معناه ما طحت من عينها شلون كذا؟؟ والله اني احترت وفي ليله (صالح) قاعد على الماسنجر يسولف مع ربعه وكالعاده ينتظر (عليا) تدخل عشان يسهر معاها .. فجأه سمع صوت التلفون مسج فتح المسج ! ،، (صلووح) متضايقه بموووت أحس اني أبي انفجر من الصياح ... آآآه يا قلبي ... ،، شاف الرقم غريب !!! الاسلوب خرعه !! لكن يبين ورى هالمسج بنت .. وتذكر (عليا) ما دشت الماسنجر وما يعرف رقمها معناه هذا هو ظل قلبه يدق بسرعه بسرعه .. فز من مكانه وطلع برى دق على الرقم على طول عارف انها (عليا) .. قلبه وشعوره يقول انها (عليا) .. بس هو خايف عليها ليش كذا متضايقه ؟؟؟ ليش !! رن التلفون وقلبه يدق دقات سريعه شوي ويطلع من مكانه فجأه وقف الرنين .. أحد رفع التلفون صالح بتوتر : ... أ أ ألوو؟ عليا : ..... صالح : ألوو (عليا) ؟ عليا بإحراج وخوف : ألو .. (صالح) يوم سمع صوتها راح بستين ألف داهيه !! صوت (عليا) غير عن كل الاصوات .. فيه رقه حنونه وحنان مغلف بقسوة ولا مبالاه .. وما يعرف صوتها غير اللي يتعمق بمشاعره داخلها .. وهو ما فسر هالصفات من صوتها .. وعرف اللي بداخلها إلا لأن يحبها .. لان يحس فيها تلامس قلبه وتحتك بظلوعه .. بس هو ما يحبها وبس ؟؟ يعشق الحب اللي بإسمها !!!! صالح : (عليا) شفيج متضايقه ؟ عليا بتوتر : ما ادري .....! صالح : احد مضايقج؟ احد قال لج شي؟ احد قط عليج كلام؟ عليا : لأ صالح : أجل شفيج متضايقه؟ يبه والله الدنيا ماااا تسوى تضايقين عمرج عشانها .. عليا : ..... !! صالح : (عليا) انا اول مره اسمع فيها صوتج .. بس يبين انج متضايقه من شي كبير .. يبه هونيها وتهون .. يمكن انتي مب قادره تقولين لي الشي اللي مضايقج ..!!! بس حطي في بالج ان مهما صار كبير وضايقج خليه في عيونج صغير والله والله والله ما تسوى هالدنيا بكبرها دمعه من عيونج .. عيونج غالية لا تأذينها بدموع مالحة .. عليا ودموعها بعيونها : ..... صالح : ما أبغي اتكلم واجد بس انتي فاهمه وعارفه ما فيه شي يستحق دموعج صح ولا لا؟ عليا بهدوء : صح.. صالح : أجل خلاص يالغاليه امسحي دموعج وخليني اشوف شخصيه (عليا) اللي بالماسنجر دوم تضحك وتتغشمر عليا بإبتسامه : ..... صالح يغير السالفه : واخير سمعنا صوتج عليا منحرجه : ..... صالح : ههههههههه يا زين اللي انحرجت .. عليا : ........ صالح : زين خلاص يبه .. وعد ما تضايقين عمرج؟؟ واي شي يضايقج تذكريني انا ولي الشرف اسمعج عليا : تسلم والله .. صالح : يسلم لي راسج يا ياا (علويه) ..! عليا بإبتسامه : ...... صالح : خلاص يالغاليه اذا تبغيني اصدق ان ما فيج شي يالله قومي غسلي وجهج .. وتوضي وصلي لج ركعتين جعل ربي يشرح صدرج وبعدها دشي الماسنجر عشان اسولف معاج شوي .. عليا : ان شاء الله بس شوي وبدخل صالح : لا تنسين اي شي تبغينه انا موجود .. عليا : ان شاء الله .. وتسلم (صالح) ما حب يطول مع (عليا) خصوصا ان اول اتصال لهم وان البنت متضايقه .. وهو بروحه متوتر .. ،، يا عمري لا يغثك شي بالدنيا وانا وياك ! وربي كل خلـق الله بعينـي مـا يساوونـك من كثر مـا أغليـك وأعشقك وأهـواك حتى الغـلا يغار منك بقلب مجنونك ..!!! ،، سكر الخط وراح عند الكمبيوتر ينتظرها .. وهو ينتظر وباله سرحان بعيييييد بعييييد يفكر بصوتها الحلو فديت صووتج يا (عليا).. فديت همساتج فديت انفاسج اللي كنت اسمعها افدى همومج كلها ولا تجيج وتضايقج يا بعد عمري يا (عليا) والله أحبـــج والله العظيم .. قطع عليه حبل افكاره صوت المسج .. (عليا) ؟؟ ابعثت له مسج ،، والله محد يسواك تدري يوم انك تكلمني كانت دموعي تنزل من كلامك .. ،، ابتسم (صالح) والدنيا ابتسمت له لان (عليا) متقبلته بجميع نواحيه .. خزن الرقم على طول وكتب عليه ((حبيبتي)) .. ومن غيرها ؟؟ حبيبته وروحه وقلبه .. وما عمره بيوم اعتبرها شي ثاني .. بس القهر هي ما تعرف بهالشي !! وظل يتأمل المسج عين تشوف شاشه الكمبيوتر وعين تشوف المسج دخلت (عليا) الماسنجر .. وعلى طووول كلمها صالح : هلااااااااااا باللي نورت الماسنجر عليا : هههه بنوورك .. صالح : ها ابوي ان شاء الله الحين اشوى؟ عليا : الحمدلله .. صالح : ما قول إلا فديت المسج اللي توه واصلني .. عليا بإحراج : امممم .. زين شلونك؟ صالح : هههههههههههه فديت اللي يغيرون السالفه انا الحمدلله بخير دام سمعت صوتج .. عليا : ههههههه ياا ربي نغير السالفه هالصوب تطلع لنا هالصوب صالح : ههههههههه مرت الايام والحب اللي في قلب (صالح) و (عليا) حب عفوي لين الحين محد صارح الثاني بحبه بشكل مباشر وعند ولد خالته (طلال) .. يلعبون اونو .. وبعد ما خلصوا اللعب ..! صالح : (طلووووووول) يا بو كرررش .. طلال : خير حجي؟؟ شعندك تصارخ صالح : يا خي متملل شرايك نطلع ؟ طلال : عاد دامك موجود عندي ما نبغي نطلع .. صالح : يا خي ملل .. ثاني شي من حلاة وجهك اقابله ؟ هع هع .. خلنا نطلع نروح لنا مكان طلال : ما عليك من وجهي .. اقعد ابغيك في سالفه استغرب (صالح) من جدية (طلال) .. وقعد جنبه صالح : امر (طلال) شفيك ؟ طلال : انت اللي شفيك ؟ حالك هاليومين مهب عاجبني .. إلا قول من شهرين شفيك ؟؟ ما تعلمني انا ولد خالتك قبل لا كون رفيقك صالح : ما فيني شي .. بالعكس عادي ؟ طلال : لا تكذب علي انا اعرفك مب (صالح) القبلي .. علمني شي شاغل بالك ؟ عندك مشكله .. قول لي يا خوك يمكن اساعدك ؟ لين هنا بوقف وأسألكم!! .. هل (صالح) .. اعترف لــ (طلال) بالموضوع اللي شاغله ؟؟ ولا لا ؟؟؟ ،، يتبع في الجزء القادم .. |
اقتباس:
شو صدمه ما صدمه انا معك من اول جزء وبحب كتير هاد النمط من القصص بس لو تعدلي المواعيد ويصير تلات اجزاء بالاسبوع بدل تنين |
امممممم
خليني افكر شوي |
[BIMG]http://up3.m5zn.com/photo/2009/5/10/12/s7ui2d6mu.jpg/jpg[/BIMG]
[align=center]كيف أصارحك بحبي .. وإنت يا كيف بتصدقني ؟ الجزء السادس طلال : انت اللي شفيك ؟ حالك هاليومين مب عاجبني إلا قول من شهرين شفيك ؟؟ ما تعلمني انا ولد خالتك قبل لا كون رفيقك صالح : مافيني شي .. بالعكس عادي ؟ طلال : لا تكذب علي انا اعرفك مب (صالح) القبلي .. علمني شي شاغل بالك ؟ عندك مشكله .. قول لي ياخوك يمكن اساعدك ؟ صالح : ممم دامك فتحت السالفه ومصر انك تعرف بقول لك طلال : واتمنى انك تقول كل شي ما تخش عني اي شي صالح : شوف (طلال) بصراحه انا احب وحده طلال بإنفعال : من صجك ؟ ومتى وشلون ؟ وليش ؟ من هاذي ؟ وين شفتها صالح : ههههههههههه حشى اصبر علي شوي شوي بقول لك السالفه .. طلال : قووووووول ما فيني صبر صالح : لا تحن يالعله .. زين تذكر يوم سافرنا في الصيف؟ انا قبلها تعرفت على وحده وهالوحده غير عن كل البنات .. وقسم بالله يا (طلول) ادخلت قلبي من اول مره احس فيه شي خلاني غصب احبها بس وشو ؟ مادري احس هاذي الانسانه اللي ادورها من زمان وكنت اقول لا يمكن .. ما حبها .. انا اتخيل سافرت .. حاولت اشغل نفسي واروح واجي .. ما فيه فايدة البنت على طول معاي بأفكاري اكتشفت كل يوم حبي يزيد لها وكل يوم يزيد تقديري واهتمامي فيها بدون شعور طلال : وانا اشوووف طول الوقت سرحان ومب فاضي .. ولين اكلمك كني اكلم طوفه .. حتى الطوفه بتستحي وبتتكلم صالح : خسك الله .. انت لو عايش بموقفي والله ما تلومني مع هالوجه الخايس طلال : زين ومن متى تحبها ؟ صالح : صار لي تقريبا 4 شهور احبها .. وحب من طرف واحد طلال بصدمة : بل وساكت ؟ ليش ما صارحتها بمشاعرك ؟ صالح : مادري .. ما قلت لها ولا حتى افكر اقول طلال : افاا ليش ؟؟ يا خي انت تبغي تبط جبدي .. روح صارحها قول لها صالح : خايف تردني .. خايف يكون فيه احد في حياتها .. خايف ما تتقبلني طلال : بس بس جب اسكت لا تحط اعذار .. شوف (صالح) بغض النظر عن انك ولد خالتي بس صدقني محظوظه اللي بتحبك وبتحبها .. راح توفي لها وتخلص لها وانا اعرفك مب يوم او يومين .. ترى عشرة عمر واعرف اطباعك زين وانت ما حبيت هالبنت إلا لان مشاعرك لها صادقة يعني مب مجرد اعجاب .. صالح : انزين وبعدين ؟ طلال : وشو وبعدين؟؟؟ .. انت لاااااااازم تصارحها وتتكلم صالح : (طلول) يعني انا ما فكرت بالمصارحة ؟؟ يا خي فكرت بس عقب استبعدت هالفكره من راسي وقررت ما قول لها طلال : كيفك انت بتخسرها .. تراها بنت يعني ممكن تروح منك وانت ولا بحاس صالح : اللي الله كاتبه بيصير ان شاء الله ولو لي نصيب فيها راح اخذه بإذن الله طلال : الله يوفقك يالغالي .. والله وطلعت عاشق هاااا بو صلووح صالح : شفت شلون ما ينلام روميوو .. الفال لك يا روميو (عدن) هههههههااااي ،، أحبك حب لو استوعبه كل هالبشر .. وربي من قوه الحب لا يموتون بالحال !! ،، ومرت ايام وايام .. و(صالح) ساكت .. وبيوم من الايام خلاص .. وصل حده وسكت بما فيه الكفايه لين متى؟؟؟ وهو في الشات مع (عليا) كالعاده يسولفون ويضحكون .. بس هالمره ما يرضى عليها بشكل واضح حتى لو السالفه عادية !! لان اللي في الشات بدوا يمصخونها وهو ما يقدر يقول لها شي .. وحتى لو قال لها على اي اساس يمنعها ؟ حس برغبه ان يسمع صوت (عليا) .. مشتاق له واااااجد ويبغي يسمعه يبغي يرتاح من داخل .. وهو يسمع صوتها لما تناديه باسمه فكر يكلمها .. وقال لها على اساس يستأذن منها .. ودق عليها صالح : (عليا) شخبارج؟ عليا : بخير وانت شلونك ؟ و(عليا) لين الحين تنحرج منه .. بس هو عنده موضوع مهم .. وهي تحاول تكون عادي معاه صالح : (علويه) ودي اسولف معاج .. عليا : تفضل (صالح) كاني اسمعك (صالح) بداخله افكار وشغلات ترده .. خايف ان يطلع هو الوحيد اللي يحبها وهي ما تتقبله بس كذا مره حاول يلمح لها .. يقول لها صالح : (عليا) تدرين اني احب وحده ..! عليا بفضول : منو ؟؟ صالح : وحده حبيتها من اول ما كلمتها عليا : اممم انزين اعرفها ؟ صالح : اممم ما دري بس هي وحده بصراحه دشت قلبي وقسم بالله اني حبيتها من اول ما كلمتها عليا : انزين هي تدري بهالحب ؟ صالح : بصراحه لأ عليا : ليش ما تقول لها ؟ صالح : خايف من رده فعلها عليا : ليش خايف ؟ صالح : خايف يكون بحياتها شخص ثاني او خايف اقول لها وما تصدقني عليا : انزين انت تأكد ان ما بحياتها احد وعقب يحلها ألف حلال صالح : احس ما فيه احد بحياتها بس ساعات احس فيه عليا : هههههههههههه شلون بعد كذا صالح بتوتر : ما أدري عليا : انزين هي تكلمك دوم وتسولف معاك ؟ صالح : دوم تكلمني وتضحك معاي وتتقبل كل شي عليا : معناه ما فيه احد بحياتها يالذكي صالح : انزين خايف اصارحها وما تصدقني؟ والله احبها يا (عليا) والله العظيم عليا : اوووب طلعت عاشق والله يا (صلوح) .. صالح : لا والله من صجي ياااا لييييييت تعرف بس ما اقدر اقول لها عليا : لازم تقول لها لااااازم .. لانك تحبها ومب حلو حب من طرف واحد بدون ما تصارح حبيبك صالح : معاج حق لاني فعلا احبها وكل مره يزيد هالحب وما قدر اتحمل فكره اني احبها وهي ما تدري عليا : اوكي هي شسمها ؟ كم عمرها؟ وين عرفتها صالح : عرفتها من النت وعمرها نفس عمرج بس والله احبها ليتني اقدر اقول لها بوجهها انا أحبج يا فلانه عليا : قول لها والله راح تكون محظوظه .. صالح : (علويه) اخاف ما تحبني كثر ما حبيتها ؟ عليا : لا تسبق الاحداث يمكن هي تحبك وانت ما تدري .. يمكن نفس مشاعرك الحين صالح : صح يمكن عليا : ياا بختهاااا هاذي اللي تحبها كذا .. والله لو لقيت احد يحبني مثلك كان حياتي ونااااسه صالح : (عليا) انتي طيبه وتستاهلين كل خير وصدقيني فيه ناس يحبونج وميتين فيج بعد وسكت (صالح) لان بدى يوضح اكثر .. وخايف من رده فعل (عليا) من كلامه عليا بإستغراب وإحراج : منوو هذول اللي يحبوني ؟؟؟؟؟ صالح يرقع : ههههههههه شدراني بس اكيد فيه عليا : عياار انت ههههههههههه صالح : (علويه) والله والله والله وما بعد الله شي .. صج احبها قسم بالله اني اموت فيها واعشقها وافدى التراب اللي تدوسه عليا : يااااااا حظها والله .. الله يوفقك يالغالي معاها .. صالح : وياج يالغاليه عليا : بس والله فيني فضول ابغي اعرفها من هاذي قول لي عنها .. احس فله والله صالح : انا عارف كل شخص يصيده فضول بهالمواضيع ما لومج .. ان شاء الله بتعرفين مع الايام عليا : انزين قول لي الحين عاااد صالح بمزح : يهالفضول اللي ذابحج .. عقابا لج مب قايل ززززين عليا : (صلوح) امبلى بتقول مب كيفك صالح : (علوووويه) صدقيني ان شاء الله مع الايام بتعرفين من هاذي البنت اللي اقلبت كياني كله عليا : اممم اوكي .. صالح : كنه الوقت تاخر؟؟ الساعه 2 الفجر عليا : ايه والله كله مني قاعده واسألك صالح : شسوي فيج تحققين ههههههههه امزح .. بالعكس والله استانست وياج قدرت افضفض شوي عليا : ههههههههه يعني مب راضي تقول لي ؟ صالح : ههههههههههههه رجعناا؟؟ قلت لج ولا يهمج والله انتي اول وحده بتعرفين عليا : على خير .. الله يعيني بكره مب قاعده حق المعهد اعرف نفسي صالح : صج نسيت تصدقين ان عندج معهد خلاص نامي الحين وبقعدج ان شاء الله .. اذا ما فيه ازعاج .. عليا : المشكلة ما أقعد على صوت التلفون .. انت تعرفني صالح : هههههههههههه اييييييييه صح جربت قبل ما قعدتي .. يعطيج العافيه يالغاليه عليا : هههههههههههههههه شنسوي صالح : خلاص (علويه) بخليج تنامين وان شاء الله بقدرة قادر ينزل عليج الالهام والله يهديج وتقومين للمعهد هههههههههه عليا : ههههههههههه مع الراس تطنز حضرتك .. انت ما جربت عذابي والله ما اقعد صالح : يعني لو فجروا قنبله جنب راسج بعد ما تقعدين ؟ عليا : هههههههههه ولا افكر ابطل عيني بعد .. اصلا اللي بيدخل غرفتي بيستانس .. بيبوق على راحته .. صالح : وووووووول ههههههههههه الله يعينج وتقعدين ان شاء الله بكره .. ومثل ما وعدتج بتعرفين اول وحده عليا : وووعد بكره بتقول لي ؟؟؟ صالح برهبه : اممم ان شاء الله بشوف .. عليا : اوكيك خلاص تصبح على خير صالح : لا تزعلين اوكي؟ من صجي يالله نوم العوافي حطي بالج على نفسج (عليا) نعسانه لدرجه انها مب واعيه لنفسها صالح بمزح : شفيهم الجهال يبغون قصه ؟ عليا : هههههههههه ايه يالله قول صالح : ههههههه يالله نامي ما فيج حيل انتي حق قصه ما قصه .. بليز (علويه) حطي بالج على نفسج تصبحين على خير عليا : وانت من اهل الخير .. وسكروا التلفون على اساس ينامون .. لكن (صالح) ظل يفكر فيها وبصوتها وبطريقتها وشلون بكره يصارحها بحبه لها ؟؟؟ بعشقه ؟؟ بموووته فيها ؟؟؟ متردد .. ما يقدر يشوف (عليا) كذا وما يقول لها احبج .. سرح بخياله بعيد وقال ان شاء الله إذا قلت لها راح انومها على صوتي .. وبكون اخر واحد اقول لها تصبحين على خير يا أغلى انسانه بحياتي وبكون اول واحد يقعدها من نومها ويقول لها صباح الخير يا عمري بقول لها احبــج .. يا بنيه وحشتيني لان هذا الصج (عليا) دوم توحشني .. فجأه جاه مسج من (عليا) مكتوب فيه ..!! ،، الغاليين خلوني انام وانا ما عرفت من هاذي لا تستانس واجد بكرة بسألك وبتقول لي .. ،، همس بإبتسامة : ليت اقدر أقول (انتي اللي احبها)؟؟ وانتي الوحيده اللي حبيتج من اول لحظة .. وظل يفكر طول الليل مب قادر ينام خايف ومتوتر وبنفس الوقت حبه بقلبه يزيد كل لحظة ونام من تعب التفكير وهو مستانس .. لان حبيبته ترتبط بأفكاره وما تفارق عقله وقلبه .. ،، أهــواااك والهوى بهالزمن مطلوب .. وأحبــك .. أكثر بعد التغلي والعتاب كلك حنــااان على القلب مصبوب!! .. وإذا حبــك لي ذنب قلبـــي ما تاب إنت لملمتني بعد ما كنت بصــوب .. بعــد ما كنـت بين الجماعة والقـــراب إنت المحبـة وأنا بمحبتـــك أذووووووب .. حتى لو غلطت أشوفك .. صواب! إنت الجمال وبخفة الــدم موهوب .. إنت لي راحــة وإنت العـــذاب إنت الزهر ما فيك أي عــذروب .. إنت العـطــر وإنت زين الأطيــاب إنت كل حياتي يا أغلى محبوب .. لو تجرحني .. يكون الجرح .. طاب ..!! قلبي وقلبك.. ما هم قلبين وقلوب .. هو قلــب واحد ويجمعنا أحبــاااب !! وإذا على الحساد ؟ أمرهم مغلـوب .. ما همنا واشــي وحاسد وكذاب حبك بقلبي من بطن أمـي مكتوب .. وهذا قدرنا جمعنا بدون حسـاب لو الحب بالمسطرة والقلم محسوب .. كان ما تخرج من مدرسته طلاب! مزاياك عالية .. وعندي مااا تشـوب .. والله وصوفـــك فاااااقت حد الإعجاب ،، ونقول نوم العوافي للأثنين النايمين .. تتوقعون (صالح) .. بيصارحها ولا يظل على سكوته مده اطول ؟ ،، يتبع في الجزء القادم عشان نعرف وش بيصير ..[/align] |
اه انا راح انقهر
كملي القصة حلوة كتير |
الله يحلي ايامك لؤلؤه
خلص بعد التفكير بنزلها ايام الاحد التلاتا الجمعه ترقبوا غدا بارت جديد دمتم بود |
الجزء السابع
قامت (عليا) من نومها بعد ما قعدتها اختها الكبيرة .. طبعا هي تعبانه لانها ما نامت إلا كم ساعه .. بس مع هذا قامت وراحت المعهد قعد (صالح) من النوم الظهر تقريبا مشتاق لـ (عليا) مووووت موووووت .. فكر يدق عليها بس تذكر عندها معهد خاف يزعجها .. وتراجع عن هالفكره .. ظل يفكر فيها وكان فعلا خايف من الكلام اللي راح يقوله لها وخصوصا بأن وعدها يقول لها بأقرب وقت وهي قالت بكره .. وافق على اساس يقول لها بالوقت المناسب .. مب قصده بكره يعني اليوم .. لكن هذا اللي صار يبغي يشغل وقته ولا يفكر بالسالفه واجد .. راح خذ له كتاب من مكتبته وقعد يقرى ونسى نفسه بالقرايه (صالح) من النوع اللي يحب يشغل نفسه بالقرايه .. يحب يقرى كل شي .. مسوي له مكتبه صغيره على قده في غرفته ويشتري كتب ويحتفظ فيهم بهالمكتبة يحب يقرى كل نوع من انواع الكتب .. يسلي وقته ويفيد نفسه وهو يقرى .. شاف ورقه وقلم جنب الكتاب خذاهم وكتب آآآآآآه يآ قلبي وش فيك اليوم ؟ .. تحب ولا هذا بس مجرد اعجاب! كيف اعجاب وانت عايف النوم؟ .. صارح وما فيه احلى من احباب سمع صوت امه تناديه على الغدى راح تغدى وباله مشغول حتى اكله مب مثل العادة وراح كمل قرايه بس باله اساسا مع (عليا) ما ينلااام !!!!! يحبهاااااااااا اذن العصر قام صلى ورجع يشوف تلفزيون على ما جا المغرب قام يصلي ورجع مره ثانيه راح على الكمبيوتر وشبك على الماسنجر شاف (عليا) موجوده استانس .. صالح : شخبارج (علويه) ؟ عليا : هلا والله الحمدلله انت شلونك ؟ صالح : دووم ان شاء الله انا بخير الحمدلله عليا : دووم يالغالي صالح : يدوم نبضج .. رحتي المعهد اليوم ؟؟ عليا بتعب : ايييه اسكت والله عيوني بتطيح صالح : ههههههههههههه سلامه عيونج خلاص بعدين نامي عشان يتعدل نومج عليا : ايه ان شاء الله وبعد السوالف والضحك .. ظلوا مده طويله .. لين آخر الليل .. قريب الفجر .. وكالعادة (عليا) تقاوم ما تبغي تنام .. فكر .. اللحظة هاذي مناسبه؟ اقول لها خلاص لين متى راح أأخر وأأجل انا كذا راح اتعب ؟ ولا هي تعبانه مالها مزاج اكيد .. مم وربي محتار وانا قلبي ما عاد يقدر يصبر اكثر بصارحها وامري لله .. والله يستر صالح بتوتر : امممم (عليا) ما تبغين تعرفينها ؟ عليا : ايييييييييييه والله بخاطري اعرفها انا ما دشيت على الموضوع عشان ما تقول اني ملقوفه صالح : هههههههههههههه احلى لقافة .. ثاني شي من حقج عليا : هههههههههه انزين منو هاذي ؟؟ صالح بتوتر حاد : بصراحه بصراحه .. امممم .. (عليوووه) هالوحده هاذي عليا : ايه ؟؟ منهي ؟ :200: صالح : اللي احبها وامووووووت فيها .. والله يشهد علي واحبها وااااااااااااجد هالوحده هي .. هي ..!!!! (( إنـتــــــي )) عليا بذهول : ......... صالح : انتي يا (علويه) انتي .. (عليا) حست (صالح) يستعبط عليها : (صلووح) لا تكذب علي قول الصج يبا عن العبط صالح : هذا الصج يا (عليا) .. انا احـبــــج انتي عليا : تستعبط ها .. لحظه انا ارويك .. بدون شعور ولانها مصدومه و(صالح) من النوع اللي يحب يتغشمر دقت عليه عليا : (صلوح) تكلم عدل ممكن؟ واذا ما تبغي تقول منهي هاذي لا تقول .. صالح : شفتي الكلام اللي بالماسنجر؟؟ عليا : شفته بس ما صدق .. انت اصلا ما تبغي تقول عشان كذا تستهبل ..! .. ظل ساكت مدة بسيطة .. وبهالمدة استرجع كل ايامه معاها من اول ما ضافها لين الحين تذكر السوالف اللي سولفوا فيها والمزح .. والغشمرة تذكر صوتها .. وضحكتها تذكر اول اتصال من بينهم .. تذكر مشاعره ناحيتها تذكر سكوته وحيرته قدام حبه لها .. تذكر كل تفاصيل ايامه معاها في هاللحظة البسيطة .. وبعدهـااا ؟!!! صالح بجدية تامة : علويــه أنا أأ أأأنااا (( أحـبــــــــــــــج )) هالمرة قالها بصوته .. وصوته دخل بإذن (عليا) بدون اي حاجز .. هالمرة ما قرت الكلمه عشان ما تصدق .. هالمرة اسمعت الكلمة اللي اطلعت من قلبه .. يعني ما فيه اي مجال للمزح والموضوع ما يتحمل اي غشمرة .. حست (عليا) بإحراج مب طبيعي و(صالح) حس فيها .. قال لها : اوكي (علويه) خلينا على الماسنجر .. بس تأكدي إن هالكلام طالع من كل قلبي !! سكرت (عليا) وهي مصدومه .. منحرجة .. فرحانه .. ومستحيه من تصرفها لانها دقت عليه ومب مصدقته لكن ما تنلام والله ما تنلام واحد يموت فيها ويعشقها .. ويضحك ويسولف دوم معاها يمكن ما توقعت ان البنت اللي يتكلم عنها بتكون هي !! شعر (صالح) براحه نفسيه بعد ما صارحها .. حتى ما تكلم على الماسنجر لان يفكر باللي صار توه مثل (عليا) تفكر باللي صار ومن اللي قاله (صالح) لها قام (صالح) من سرحانه على صوت مسج اول ما افتحه شافه من (عليا) حبيبته قراه ،، (( وانا بعد اموت فيك )) ..!!! ،، ابتسم ابتسامه عريضه .. ما توقع حبيبته اللي حبها من اول ما شافها تبادله هالحب حط ضحكه بالمحادثه وقال لها : (عليا) فديت كلامج وهاذي المره الاولى .. يتفداها بهالعمق من المشاعر .. وياخذ راحته بالكلام !! آآآه يا (علييووووه) .. هالكثر حبج حلو ؟؟ وإعترافي لج احلى ؟؟ لهدرجه خلاني أحس براحة نفسيه .. واطير من الفرح ؟؟ ومن بعد المصارحه وسكوتها وردها عليه بمسج هذا دليل انها تبادله مشاعره .. يعني خلاص صارت حلاله وله الحق يقول لها هالكلام عقب ما عترف لها بحبه ظلت (عليا) ساكته ما تتكلم .. صالح : وينج (عليا) ؟؟ لا تسكتين عليا : اسكت عني .. منحرجه صالح : تنحرجين مني؟؟ انا اللي اسف لاني عرضتج لهالموقف عليا : لا انا الملقوفه اللي دقيت عليك وما صدقت صالح : من حقج يالغاليه والله العظيم .. والحين ابغيج تسمعين هالاغنيه اهداء مني لج ودي اجرب الحـب معاك ويشتغل شوقي بـ هواك وتكون في حلمي الاخير وتكون في قلبي الاسير أبيك امل .. احيا عشانه واظهر دفا قلبي وحنانه واحضن انا قلبك واطير انت وطن .. وانا حدوده قربك فرح قلبي ووجوده ومنك انا عليك اغير !!! ظلت (عليا) تسمع الاغنيه بكلماتها وبلحنها .. من قلب (صالح) وفي قمه الرومانسية عليا : (صالح) ليش ساكت طول هالمده وما قلت لي ؟ صالح : (علويه) خفت انج ترديني عليا : انت جربت ؟ صالح : لا .. بس حبيت اني انتظر واشوفج يمكن احس بتقبل من ناحيتج .. لكن كل يوم عن يومه حبي لج يزيد عليا : ....... صالح : قسم بالله يا (عليا) اني احبج من كل قلبي حبيتج والله .. وخفت اقول لج من اول مره انا احبـــج بتقولين شهالحب هذا ؟ عليا : ........ صالح : ومعاج حق لو ما صدقتي لأن ما فيه حب من أول يوم .. بس هذا انا وهذا قلبي .. والدليل حاولت أنساج بس بداخلي شي يصر على حبج .. (عليا) سكوتج ما ألومج عليه لانج بنت وهالموقف كبير عليج بس والله العظيم يالغاليه انج مثل ما دخلتي قلبي .. ما تطلعين منه لان اللي يدخل قلبي ما يطلع .. عليا : (صالح) بصراحه كنت شاكه من كلامك يوم انك تقول تحب وحده .. احيان تقول صفات كنها صفاتي .. بس عقب تقول لي كلام ثاني وأستبعد هالفكرة .. كان كلامك متناقض .. صالح : (علويه) فديتج انا ما حبيت اقولها لج على طول .. يمكن تصرفي غلط بس الحمدلله تكلمت قبل فوات الاوان .. عليا بإبتسامة : ....... صالح : (علويه) حطي في بالج شي واحد .. مب معناه اني صارحتج بحبي راح احرمج من كل شي كنا نسويه قبل مع بعض من السوالف والضحك والغشمره عليا : من يملك الشعور الكبير اللي بداخلك ويقدر يعبر عنه ما اعتقد يخذل اللي يحبه .. وانت يا (صالح) كبير وفاهم وانا واثقة بعقليتك .. صالح : وهذا المطلوب يالغاليه عليا : انزين (صلوح) بهديك اغنيه .. وابغيك تسمعها تراها اهداء من كل قلبي تبي الصراحه .. تراني صدق حبيتك واحترت شلون اعبر لك عن .. اشواقي يا بعد هالناس انا من قلبي اغليتك حبك جرى في العروق وعاش بأعماقي ايه والله اغليك صدق وكم تمنيتك تروي اهات الضما لو خاطري ضاقي بجيك كلي غلا وان كان ما جيتك ابنتظر جيتك لي واكشف اوراقي انا على موعدك يا ما .. تحريتك ياللي بلقياك يفرح قلبي الشاقي لو تطلب الروح قلت تفداك واعطيتك ما دام قلبي معاك لا تطري فراقي ومرت أحلى ليله بالنسبه لـ (صالح) و (عليا) ومن أحلى اللحظات وبدى مولد (أعظم قصه حب بين إثنين) بتاريخ 3-10-2005م بهاللحظة وبهالدقيقة .. وبهاليوم وبهالتاريخ (صالح) هو أسعد انسان بهالدنيا .. الدنيا كلها بين ايده بوجود (عليا) لانها كل دنيته .. وهي الحياة بالنسبه له هي الهوى .. هي الماي .. هي الفرح والسعاده هي كل شي بحياته .. صارت كل شي .. صار اسمها ما يفارق عقله وصوتها ما يفارق خياله يحبها يمووووت فيهاااا على هالحب اللي يحبها كأنه يحبها من سنييييييييييين طووويله ليلتها (صالح) و (عليا) ما ناموا ظلوا قاعدين طول الليل مع بعض يسولفون ويضحكون لين الفجر تقريبا .. صالح : يالله (علويه) شرايج تنامين الحين وراج معهد عليا : والله فيني النوم بس خايفه ما أقعد صالح : مب مشكله انا راح اقعدج لو تبين؟ عليا : لا خلاص بواصل .. اعرف نفسي اذا نمت بتروح علي نومه صالح : امممم عاد اخاف عليج ترهقين نفسج !! عليا : لاااا لا تخاف .. متعوده بعض الاحيان اسهر واروح مواصله المعهد بس تعال آخر اليوم شوي وعيوني تطيح صالح : هههههههههههه ما شاء الله عليج .. خلاص اجل بقعد معاج عليا : هههههههههههههه صالح : اممم (علوووويه) عليا : هلا؟ صالح : أحبــج .. عليا بإحراج : ..... صالح : صدقيني احبـــج .. عليا بإحراج : thanks (صلوح) .. صالح : لا تقولين thanks .. انا اقول لج thanks .. لانج عطيتيني الفرح بحبج حطيتج بقلبي واسعدتيه من اول ما عرفتج .. حسيت الحب انخلق بس عشانج .. وانا وانتي لبعض .. وان شاء الله نكون لبعض طول العمر عليا : (صالح) بصراحه حتى انا ارتحت لك وما ابغي اتجرأ وأقول اني حبيتك لكن هذا الصج ..! صالح : يا بعد عمري يا .. يــاا (حبيبتي) ....!! (صالح) أول مره يقول هالكلمه لـ (عليا) .. ظلت (عليا) ساكته قدام هالكلمه العظيمه اللي ما توقعت بيوم تسمعها من الشخص نفسه اللي تقضي وقتها كله معاه .. وما توقع (صالح) ان بيوم من الايام راح يقول (حبيبتي) لــ وحده ..!! ولاااااااااا مب اي وحده إلا وحده يحبها ويموت عليها ..! قعدوا مع بعض طول الليل يسولفون بأمور حياتهم وما تغير أي شي بينهم .. لكن بكلمه (حبايب) .. الحب زاد والشوق زاد وكل واحد عرف تفكير الثاني زاد قدره بقلبها وزاد حبها بقلبه .. وهذا اول يوم تصير حلاله مهما سوت وقالت .. وهو صار حلالها وتملكه بروحها بدون أي حد يشاركها فيه صالح : يالله (علويه) انا بصلي الفجر .. عليا : اوكي فديتك تقبل الله .. صالح بفرحه : شقلتي؟؟؟؟ عيدي عيدي الجمله ؟؟؟؟؟ عليا بإحراج : تقبل الله .. صالح : لا لالالالاااا .. اللي قبلهاا !! عليا بمزح : ما تذكر .. شقلت ؟ صالح : ههههههههههههههه فديت المستحيين عليا : يوووز عني (صلوووح) هههههه صالح : اوكي حبيبتي يالله بعد انتي قومي صلي وتقبل الله .. عليا : ان شاء الله .. منا ومنك صالح الاعمال وبعد صلاة الفجر .. وش صـاار ؟؟؟ |
قصة حلوة بصراحه ,, والاحلى انها واقعيه
بس الحب مو بسهل كذا .. اكيد في عواقب جايه :c (11): |
http://www.jh.jo/vb/imgcache/24191.imgcache.jpg
فديت حياتي دامها فيك !! الجزء الثامن وبعد صلاه الفجر رجعوا يسولفون .. اما (صالح) فرحان بشكل مب طبيعي لين ما طلعت الشمس وجات الساعه 6 الصباح .. صالح : يالله (علويه) شوفي الوقت بتتأخرين .. قومي لبسي وجهزي عليا : بللللللللللللللللل الساعه 6 وانا ما حسيت بالوقت .. يااوووووويييييلي متى بخلص :S صالح : هههههه هالبنت كله مستعجله .. شوي شوي يبا بتخلصين عليا : هع .. زين لحظة بقوم ألبس صالح : اوكيك يا قلبي .. حطي بالج على نفسج عليا بفرحه : من عيوني يالغالي :D (عليا) مستانسه من طريقته واهتمامه فيها .. أساساً (صالح) بدون شعور قلبه يأمره ان يهتم فيها من كثر حبه لها عليا : باااااك خلصت صالح : ولكم ولكم .. يا هلا فديت اللي خلصت انا عليا : اختي قاعده من صباح الله خير وتهاوش تقول : هاا بتروحين اليوم ولا بتنامين صالح : ههههههههههه قولي لها ما تشوفيني لابسه عليا : هههههههه مب فاضيه لها عيزانه .. الحين انا بطلع اوكي صالح : اوكي يا قلبي بس ما وصيج حطي بالج ع نفسج واااجد عليا : من عيوني .. وانت بعد صالح : عليااا .. علايه .. علويه عليا : هلا؟ صالح : بتوحشيني عليا بإحراج : بعد انا يالله باي صالح : هههههههههه بايات طلعت (عليا) من الماسنجر ولبست عبايتها وراحت مع اختها على اساس توصلها للدوام وبعدها تروح المعهد و(صالح) ما قدر ينام مع ان مواصل يحس ان اليوم غير غير غيييييييييييييير احبج يا (علييوووو) والله احبج هذا كلام (صالح) وقلبه تم يحوس في الغرفه رايح وراد .. راد ورايح .. كنه احد لاحقه .. يمسك التلفون ويرده مره ثانيه الشوق في قلبه مثل النار .. يحرقه ولا يقدر يطفيه غير صوتها بعث مسج وكتب لها (وحشتيني) .. و(عليا) شافت المسج ابتسمت .. وبينها وبين نفسها عارفه مشاعر (صالح) من زمان والمفروض هالكلام من زمان يقوله ،، ردت عليه وقالت : مع الوووويه علبالي نمت ؟ وحشتني ،، اول ما قرى المسج ضحك .. تذكر (عليا) لما تقول مع الوووويه .. تجيبها بطريقه حلوه وعفويه راح الصاله يشوف تلفزيون والتلفون ما فارق ايده ابدا .. مشتاق لـ حبيبته وبنفس الوقت يحاتيها لانها مواصله يبغي يقعد وياها لين ما تخلص من المعهد وترجع البيت وتنام .. بعدها بيرتاح ظل ناطر لين ما خلصت الدوام وهي تنتظر السيارة دقت عليه .. رد عليها عليا : ما نمت للحين ؟؟ صالح : لا ابد ما جاني نوم .. ومتملل قاعد اشوف تلفزيون عليا : شتشوف عاد توم وجيري ؟ :P صالح : ايييي شدراج هههههههههههه انزين وينج الحين ؟ عليا : انتظر (رمضانو) دريولنا الغبي تأخر .. صرت فحمه من الشمس صالح : هههههههههههههههه عليا بعصبية : اي شعليك اضحك قاعد في البراد صالح : يا زين اللي عصبوا بس ههههههههه زين وينه عنج ليش تأخر ؟ عليا : شدراني عنه دقيت له يقول انا في الطريق صالح : زين اكيد في الطريق بس زحمه ..! عليا : كاهو جا لحظه ........ وهي تركب السيارة وترفع عبايتها عشان تسكر الباب .. عليا : ألو صالح : هلا .. شغلي المكيف عن الحر عليا : رمضاااااانووو شغل المكيف شهالحر .. صالح : حششششى عيب ما يصرخون كذا .. خرعتي الرجال هههههههههه عليا : ههههههههه عادي واحد من الربع .. اووووف والله (صلوح) حر على تعبانه على ابغي انام صالح : بسم الله عليج .. فيني التعب ولا فيج يبه عليا : ....... صالح شافها ساكته زاد كلامه : أفدى كل تعب فيج .. جعله في صدري ولا فيج عليا : (صالح) ممم متى بتنام ؟ لو انا منك نمت ولا اواصل واتعب نفسي صالح : ههههههههه وين اقدر انام وانتي ساكنه بقلبي ؟؟ اقدر انام وانشغل عنج؟ ثاني شي زين غيري السالفه بس مردج بتسايريني :P عليا : على كيفك انت ؟؟ هههههههه وظلوا طول الوقت على التلفون .. لين ما اوصلت (عليا) البيت عليا : زين (صلوح) الحين بنزل بروح غرفتي ببدل صالح : زين بكلمج بعد 5 دقايق عليا : اوكي سكرت (عليا) .. وظل هو يتخيلها كيف تضحك وتتغشمر .. وفي قلبه : يا زين ضحكتج يا (عليووووو) قسم بالله محد يسوااج .. ولا يتعدى غلاج في قلبي .. ولا يوصل لـ حبج حتى لو طول الوقت تميت وياها عادي هذا من حقي .. اصلا هالشي من زمان المفروض اسويه مب الحين دامها متقبله مني كلامي معناه اني ما ثقلت عليها .. هاذي حبيبتي كييفي واتصل فيها بعد 5 دقايق .. صالح : هلاااا والله .. تصدقين وحشتيني ؟ عليا : هههههههههه ياااا ربي هالولد عيار :| صالح : والله جد عليا : (صلوح) !!! توك مكلمني !! صالح : So ? .. يبـا حتى وانتي تكلميني توحشيني .. شلون لو تغفلين عني 5 دقايق ؟ اموووت من الشوق عليج عليا بإحراج : مع الوووويه صالح : هههههههههههههههههه .. يحب (عليا) لين تقول له ( مع الووووويه) لانها تجيبها بطريقه حلوه وتمدهاا مثل ما ذكرت لكم في البارت اللي طاف .. any way صالح : انزين (علويه) شسويتي في المعهد ما قلتي لي ؟ عليا : اليوم لوعوا جبدنا .. الــ (miss) خلتنا نعبر الشارع عشان تعلمنا طرق السلامه وقت الحريق صالح : صج والله وناسه !! عليا : اي وناسه؟ انت متخيل في الحر تعبر الشوارع من شارع لين شارع .. وأي غلط نعيد مره ثانيه صالح : باااااال عاد مب لهدرجه @@ عليا : بس عقب ردينا المعهد وفي البريك شفت وحده هناك تدرس توها جديده صالح : انزين؟ شفيها عليا : امعضله (صلووووح) @@ صالح : هههههههههههههههه تشرب حليب واجد :P عليا : شكلها مب حلو عاد بس تفشلت تمت تبتسم لي .. شقيت حلجي من الاحراج وابتسمت لها .. عقب عرفت انها تشتغل هناك ما تدرس صالح : ههههههههه اكيد استلمتيها .. هاذي هوايتج المعروفه عليا : من قللب هههههههههه مع ربعي صالح : تحملي لا تسمعكم تبكس لكم :P عاد (صالح) مع السوالف جا براسه أكشن ويبغي يسويه في (عليا) .. ويبغي يتأكد من شي !! بس وشو ؟؟!! صالح : تصدقين عاد بعد كم يوم بروح انا وولد عمتي مكان كلللله بنات عليا : نعم ؟ ليش؟ صالح : بس ملل خلينا نقزر وقتنا شوي عليا : من صجك انت ؟؟ يعني ملل تروح تشوف بنات ؟ صالح : عادي شفيها ما فيها شي عليا : ممم اهاا اوكي :) (صالح) فيه ضحكه وماسك نفسه ويحاول يتكلم بجديه اكثر .. بس ميت على اسلوب (عليا) وهي منقهره وهي تتكلم وتسوي روحها عادي .. واللي خلاه يستانس يوم عرف انها تغار عليه وتخاف عليه واصلا (صالح) مب من النوع اللي يحط باله على البنات .. بس الظاهر (عليا) من غيرتها نست تحكر له .. صالح : انزين شكلي طولت عليج خلاص بخليج تنامين عليا وتحاول تكتم غيرتها وقهرها : مب مشكله يالله تامر على شي ؟ صالح : سلامتج ورضاج .. نوم العوافي عليا : باي :) صالح وفيه ضحكه : باياات ..! اول ما سكر منها تم يضحك .. فديتهاا بكل شي حلوه حتى بزعلهاااا so beautiful when she'z angry :P فجأه وصل له مسج .. يفتحه ؟؟ ومن (عليا) .. مكتوب فيه ،، معقول تنزل دمعتي بهالسهوله ؟ وبعد نوم العوافي ؟ انت خليت فيها نوم !! ،، افا يا (صالح) .. انت؟؟ انت تخلي دموع (عليا) تنزل ؟؟ وانت اللي موصيها ما تصيح او حتى تهدر دمعة من عيونها الغالية على قلبك ؟؟ افاا بس !! (صالح) بطل عيونه .. وعلى طوووووووووووول دق عليها ما همه اي شي غير دموعها اللي انزلت من كلامه ردت عليه بعد مده وهي ساكته .. صالح : (علويه) ؟؟ من صجج تصيحين ؟ عليا : ........ صالح : افدى دموعج الغاليه ولا تنزل على كلامي .. لا تأذين عيونج بالدموع .. عليا : ...... صالح : (علويه) شدعوه اشكره امزح .. بس ما توقعت مزحي بيخلي دمعه تنزل منج .. افا والله .. ما تعرفيني للحين ؟ عليا : ........ صالح : انزين وحشني صوتج ردي علي !! عليا : ... صالح : زين اسف .. وبتعذر من الحين لين ما ترضين علي اذا هالشي يرضيج عليا : لا تقول اسف !! صالح : بس نزلت دمعه من عيونج على كلام بايخ .. يبــا البنات بـ عيوني ما يساوونج اصلا عليا بإحراج : زين خلاص صالح : فديييت اللي شاقه الحلج ههههههه :D .. اصلا انتي دلوعه عليا : انا دلوعه ؟ على كيفك اصلا مب دلوعه صالح : شوفي شلون يكفي لا قلتي مب دلوعه .. هذا قمه في الدلع عليا : هههههههههه صالح : هههههه عساني ما انحرم من هالضحكه .. (علويه) حبيبتي راضيه علي ؟ عليا : ما زعلت اصلا عليك .. (عليا) حبت (صالح) وهو يراضيها .. وفعلا قدر يرضي غرورها بكلامه اللي تحبه .. وبتصرفه اثبت ان يحبها ولا يرضى زعلها صالح : اوكي بس وعد ما تصيحين على اي شي ؟ مب على اي شي تنزل دموعج اذا انتي دمعتج تهون عليج .. عندي ما تهون ولا ارضى اشوفها تنزل إبتسمت وهي مرتاحه .. تسمع كلام (صالح) تحس انها محبوبه من شخص تحبه يحبها يموت فيها ويدلعها بكلامه .. ما تبغي تكلم اي احد غيره ما تبغي تسمع اي كلام إلا منه .. كانت تقول بينها وبين نفسها .. (صلوح) رومنسي واجد ويكفي ان يحبني يكفي ان يسمعني لا قلت له اي شي .. وجاني في وقت محد يسمع حاجة قلبي جاني في وقت رفع قلبي بيدينه .. وعطاه الحب والوفا والدفا والحنان جاني في وقت خلاني استغنى عن الكل لان حبه يكفيني خلاني انعمي عن العالم ما شوف غيره .. ما اسمع غيره .. ما احس غير مشاعره هو خلاني احبه عن هالناس كلهم .. مثل ما هو حبني عن هالعالم كلهم واعتزلهم عشاني الله لا يحرمني منك حبيبي ولا يخليني منك بيوم من الايام .. يا رب يومي قبل يومك وظلوا على هالحال ايام من احلى الايام .. صحيح في بعض الاحيان التعامل مع بعض صعب لان (صالح) دخل حياة (عليا) بشكل اكبر واوسع ونفس الشي هي .. والتعامل مع بعض تقريبا صعب او مختلف عليهم وكل واحد يحاول يرضي الثاني بأي طريقه وفيه اشياء تضايق (صالح) .. او تصرفات تضايق (عليا) بس هذا شي طبيعي على اثنين جداد في علاقه حب جديده ولازم مع الايام كل واحد يفهم ويعرف الثاني اكثر لأن اصعب الايام والاوقات هي في البدايه .. والعشره لها دور في هالامور والايام تثبت مره من المرات جات (موزة) بنت خالة (عليا) تقول لها تعالي معاي الجامعه .. على اساس بتحضر محاضراتها وعقب تطلع معاها السينما وبنفس الوقت تقضي وقتها معاهم بدال ما هي قاعده في البيت .. لان دوامها في المعهد خلص !! وكالعاده (عليا) مع (صالح) طول الليل لين الصباح سهرانين .. يسولفون لين جات الساعه 5 ونص .. عليا : امبييه (صلوح) نسيت اقول لك صالح : وشو ؟ عليا : بروح مع بنت خالتي الجامعه ... اوكي ؟ صالح : اوكي حبيبتي روحي .. بس عاد شعندكم هناك ؟ عليا : ماشي .. تبغيني اروح معاها وعقبها نروح السينما وافقت لاني متملله صالح : فدييت اللي متملل .. روحي يا قلبي غيري جو :D عليا : فديييييت قلبك حبيبي .. ويلوموني فيك ؟؟ صالح بمزح : ما عندهم سالفه هذول عليا : هههههههههههه إلا ملاقيف صالح : ههههههههه وشرايج اكون ملقوف واشوفج اليوم ؟؟ عليا بصدمه : نعم ؟؟ وين متى شحقه صالح وهو يضحك : بعد خايفه ؟؟ وناااسه حلاته اطيح عليكم وافاجأج عليا بتحدي : عادي تعال .. اصلا ما راح تعرفني صالح : شدعوه (علويه) بتصل لج هناك وبسوي نفسي عادي وبسولف لين ما صيدج عليا والتحدي بنبرة صوتها : زين تعال وبنشوف :P هو يمزح وياها بس ما بين لها .. وهي صدقت علبالها راح يجي عليا : امبييه (صلوح) شوف الساعه 6 ونص بتذبحني (موزو) لو ما جهزت الحين صالح : تو الناس شدعوه .. بتفتحون بيبان الجامعه ؟ :| عليا : لاااااااااا بس ما يمدي خلني اقوم ألبس واكشخ واكلمك صالح : كشخي عدل خل يشوفون حبيبتي حلوه عليا بمزح : اصلا انا حلوه بكل حالاتي .. (صالح) احلى شعور عنده لما يسمعها تتكلم بهالطريقة .. ثقتها بـ نفسها تضيعه تخليه يعشقها اكثر .. لدرجة دوم يقول لها خلج واثقة من نفسج .. لدرجة الغرور يعجبني غرورج .. يذووووب بغرورهااا .. صالح : اصلا انتي بدون شي قمر .. الله يعين الناس الي بيشوفونج .. يا حظ بنت خالتج اللي تجابلج عليا بإحراج : (صلووح) مع الوووويه خلني البس وبكلمك صالح : زين حبيبتي شوي شوي محد لاحقج .. باي يالفحمه هههههههههه :P عليا : زين يالمحترق هههههههههه بااي .. ،، يتبع في الجزء القادم .. نشوف وش بيصير في الجامعة ؟!!! |
بنطر لبكره اذا ما في حد متابعني انا بنهي القصه وما رح اكملها واغلب حالي
|
شادن كملي لا توقفي عن القصه
الجزء السابع ببكي كتير |
شادن شدونه حطيها كامله
:c (11): <<مين بيحكي مو لتكوني متابعيتها |
شادن وين باقي الاجزاء
:c (8)::c (8)::c (8): |
خليني آكون معاك .. على طول أضمك وتحضني !! [align=center]الجزء التاسع وراحت (عليا) الجامعه مع (موزه) .. ولزمت عليها إلا تدخل معاها المحاضرة ودخلت معاها المحاضره بس طول الوقت تبعث مسجات لـ (صالح) .. جسمها ووجودها في المحاضرة .. لكن قلبها وعقلها مع حبيبها .. و(صالح) في هاللحظه يقرى قصه ومندمج .. قطع عليه الاندماج صوت المسج اللي جاه من (عليا) .. تقول فيه صلوح لا تجي بشوفك مره ثانيه ان شاء الله ..!! ضحك (صالح) تذكر ان قال لــ (عليا) بيروح الجامعه ويشوفها .. قال : بااال صج اني مب كفو اكشنات .. اسوي اكشن وانسى بسرعه ههههه مسكينه (عليو) تذكرني بدون لا تحس .. لحظه خل اخرعها شوي وكتب لها : (علويه) انا في الطريق الحين راح اجي هع هع .. بعد دقيقه وصل له مسج منها تقول فيه : انا بالمحاضره ومبتلشه وشكلي متملل .. لا تجي ارجوك !! ضحك (صالح) على طريقتها وهي متخرعه عاد ما خلى السالفه كنها مزح قال لها بالمسج : مب مشكله وقت ثاني ان شاء الله طلعت (عليا) مع بنت خالتها راحوا الكافتيريا اللي في الجامعه .. حست فيه شي ناقصها يا ترى شنو ؟؟ صوت (صلوح) .. صلوحها حبيبها الي تعشقه وتموت فيه .. اسرحت فيه .. فديتك (صلوحي) والله بدونك ما اسوى .. وحشني صوتك وحشني كلامك وضحكتك ما تعودت اقعد ساعه كامله ما اسمع فيها صوتك إلا اذا نمت .. فعلا .. (صالح) و(عليا) ما عمرهم من حبوا بعض مرت ساعه كامله ما سمعوا فيها صوت بعض هالشي (عليا) اصرت عليه و(صالح) طاوعها لان حب هالشي .. ويدري هالقرار راح يخليهم قراب من بعض بنت خالة (عليا) لاحظت عليها سرحانها .. وهزتها .. موزة : هييييي (عليووو) شفيج ساكته ؟ عليا : ماشي ليش ؟ موزة : زين شتبين تشربين ؟ عليا : مم اي شي .. وتنتظر اي شي من (صالح) .. مسج .. اتصال .. اي شي يوم شافت تلفونها مافيه جارج ومسكر .. انصدمت عليا : اقول (موزو) ابغي تلفونج شوي موزة : هاج بس لا تهذرين فيه واجد عليا : هاااتي زززين هههههههههه فاضيه لج انا موزة : ماخذه تلفوني وتلاسن بعد هههههههه وتكتب المسج بسرعه بسرعه من تلفون بنت خالتها .. حبيبي تلفوني مافيه جارج وهذا تلفون (موزو) شكله مالي حظ اشوفك اليوم .. وابعثته وردت الفون لــ بنت خالتها .. وهي فيها ضحكه .. بينها وبين نفسها بعد ما تطمنت ان (صالح) ما راح يجي .. تبغي تنرفزه وتقول له هالكلام (صالح) شاف المسج وضحك .. هالبنت عياره توها تقول لا تجي عقب تقول مالي حظ اشوفك .. فديت قلبج يا (عليووووو) .. بعد ما طلعت (عليا) من الجامعة مع (موزة) راحت مطعم تتغدى وبعدها راحت السينما .. رن تلفون (صالح) .. (سعود بو كشة) يتصل بك .. سعود : هلاااا (بو عزوز) شخبارك ؟؟؟؟ صالح : هلا الحححححب .. والله بخير انت شخباارك ؟ سعود : ياخي متملل من قلب .. شـ .. ـرا.. صالح يقاطعه : تعال ادلدغك بيروح الملل .. هع هع سعود : ههههههههههه يالعله تطلع معاي نتغدى في اي مطعم ؟ صالح : والله جيت في وقتك .. بعض الناس طالعين وانا تمللت .. سعود : اجل البس بمر الحين عليك صالح : بتجي بوشو ؟ سعود : على ظهر حمار .. صالح : ههههههههههههههههههه يالغبي .. انت تقول موتركم خربان سعود : خربان بس ما يبلط في الوكاله .. طلعناه امس صالح : زين ريحة حلجك .. يالله لا تتأخر ترى بهون سعود : يرحم امك .. لا يالمزاجي مهب مطول ربع ساعه بس صالح : اوكي هههههه جااو .. جا (سعود) وظل ينتظر (صالح) لين ما يلبس ويكشخ كالعادة سنه صالح وهو يركب السياره : هاا تأخرت ؟ سعود : لا حبيبي كلش ما تأخرت بس كان نمت ؟ صالح : ههههههههههه .. المهم بتغدينا في اي مطعم .. سعود : حاط في بالك مطعم ؟ صالح : على ذوقك اليوم .. سعود : خلاص اجل نتغدى عقب نتمشى صالح : سريناااا .. فجأه رن تلفونه .. مكتوب (حبيبتي) يتصل بك .. صالح : هلاا بالغالييين اللي نحاتيهم .. حبيبتي شلون داقه من تلفونج ؟؟ عليا : هلا غناتي .. رديت البيت حطيته على الجارج على ما بدلنا .. انزين انت طلعت ؟ ولا للحين صالح : امبلى يا عمري طلعت الحين مع (سعود) رايحين نتغدى .. بس لحظة شدراج اني طالع ؟ @@ عليا : ههههههههههه بسم الله عليك .. انت بعثت لي مسج .. على اساس اول ما افتح التلفون اشوفه صالح : اوووب نسيت ههههههههه .. احم (علويه) مب مني حبج نساني حتى اسمي عليا بإحراج : احم .. لحد ينسى نفسه قدام الناس صالح : لاااا يبه قصدج بعض الناس ترى امفهيين .. والله شكله مع اللفة صفق راسه في الجامة .. لان راسه يفتر خل اشوفه بس هههههههههه عليا : ههههههههههههه .. انزين (صلوح) حط بالك على نفسك ولا تنساني صالح بهمس : انسى عمري ولا انساج .. انتي بعد حطي بالج على نفسج عليا بـ إحراج : اوكي انا الحين بقعد مع (موزو) قبل لا تعصب صالح : علويه علووويه عليا : هلا (صلوحي) تدلل ؟ صالح : بتوحشيني .. عليا : فديييت عمرك هههههههه انت بعد صالح : هههههههه فديت اللي ما يقدرون يتكلمون .. خلاص حبيبتي حطي بالج على نفسج وفيه العافيه مقدما .. عليا : ههههههه اوكي يو تو نظرات (موزه) لـ (عليا) حادة موزه : احنا الحين بنتغدى ولا تقضينها تلفونات ؟ عليا : هههههه زين ننطرهم يجيبون الطلب شفيج موزة بشغف : (عليوو) انتي تحسين (صالح) يحبج ؟ عليا : تصدقين (موزة) ساعات احس اني في حلم .. يعني فديته مسوي لي كل اللي ابغيه حب ومعطيني .. رومنسيه ومغرقني .. كلام حلو واهتمام مهب مقصر علي يكفي معاملته طيبه معاي ولا عمره غلط علي .. ويكفي طول اليوم صوته ما يفارقني ولا صوتي يفارقه .. ويشتاق لي في كل دقيقه ولحظه واذا ما قدر يتصل يحاول يعوضني بالمسجات ويتطمن علي .. موزه : بس هاذي يمكن فتره وتعدي ؟ عليا : مادري يا (موزه) والله انا نفسج خايفه بس اكذب عليج ان قلت لج ما أحبه ..!! وفجأه رن تلفون (عليا) .. مكتوب (غرامــي) يتصل بك .. عليا : ما شاء الله صج عمره طويل .. موزه : هههههه ردي ردي شوفيه شعنده عليا ردت : هلا (صلوحي) .. شفيك ؟ صالح : وحشتيني موت .. عليا : هههههه صالح : ثاني شي قربنا حول الساعه ما سمعنا صوت بعض عليا : كنت حاسه والله يالدب .. بعد انت والله وحشتني صالح : اوكي حبيبتي خلج مع (موزه) لا تذبحنا ههههههه عليا : ههههههه .. اوكي غناتي وسكرت التلفون منه .. موزه : شفيه ؟؟ حبيبج عليا : ماشي يقول وحشتيني موزه : هههههه ياا عيني على الرومنسية .. عليا : احبه والله احبه موزه : زين حلوو يعني بتشغلين نفسج لين ما تتزوجين عليا بإستغراب : نعم ؟ ومن قال بتزوج اصلا .. انا احب (صلوح) ولا يمكن افرط فيه موزه : يعني راح تظلين كذا بدون زواج ؟ عليا : مادري مادري بس (صالح) مافرط فيه .. واذا فيه شي راح يبعدني عنه مستحيل اخليه يفرق بيني وبينه (موزه) انتي شتقولين ؟ بعد مالقيت عنده الحب والحنان والاهتمام .. تبغيني افرط فيه ؟ تبغيني اروح عند غيره وتحت رحمته ؟ والله واعلم بيحبني ولا ما يحبني .. واذا بيحبني ؟ وش يضمن لي ما يتملل مني ويزهق مع الايام وما عتقد فيه مثل حب (صالح) لي .. (موزه) انتي تدرين ان (صالح) حبني بدون لا يشوفني ولا يعرف شكلي .. ولا حتى سمع صوتي او عرف عني اي شي في ذمتج احد بهالزمن يحب وحده ما يعرفها عدل ولا يعرف وشسمها وشلون شكلها ؟ إلا اللي يلعب وتصرفات (صالح) صراحه ما تدل ان يلعب ولا يقضي وقت فراغه .. الواحد مب كل يوم يحصل احد يحبه .. يكفي ما يرضى علي بأي كلمه .. ويغار علي من كل شي فديت عيونه والله اني قصرت في حقه قبل .. لان ساعات تجينا فترات مثل الفتور في علاقتنا كل واحد ما يعرف حق الثاني واحاول ارضيه وهو يرضيني .. بس تصير مشاكل بسيطه ومب احنا السبب فيها .. بس الحين اعرف له ويعرف لي موزه : الله يخليكم حق بعض وصراحه كلامج اثر فيني .. ان شاء الله على طول تحبون بعض عليا : ان شاء الله اميين الله يسمع منج يارب موزه : انزين خلصنا الفلم الهندي اللي مسويته ههههههه يالله جابوا الطلب عليا : هههههه فيه العافيه علينا .. وعند (سعود) و(صالح) يتهاوشون في السيارة .. سعود : (صلووووح) ووجع .. انا اوطي صوت المسجل وانت ترفعه اذيتنا يا بوي صالح مستطرب : يالمعقد شفييك ؟ خله والله ربشه .. سعود وهو يوطي صوت المسجل : إلا اقول (صلوح) .. شخبارك مع الحب ؟؟ صالح وهو يتسند وإبتسامة الراحة على وجهة : آآآآآآه يا (سعود) .. الحب ؟ احلى شي في حياتي من وعيت على الدنيا .. هو حب (عليا) .. سعود : يعني مرتاح معاها ؟؟ صالح : تمام التمام .. مرتاح وبس ؟ معيشتني في نعيم .. نعيمها غصب عني يخليني احبها .. اعشقها .. اشتاق لهالنعيم لو ينقلب نار يا (سعود) .. ما عمري وصلت لهالمرحلة من الحب مع اي شخص ثاني غير (عليا) .. سمعت بالحب وعرفناه من واحنا صغار حب الام وحب الابو والخالة والعمة .. بس الحب اللي عايش فيه الحين غير .. غييير .. ان قلت لك احبها شويه .. انا ما احبها إلا اعبد ترابها .. وقسم بالله اذا سمعت صوتها ودي اطلع من التلفون امسك صوتها واضمه ادري بتقول مجنون وشهالتفكير والخيال .. انا مجنووون بحبهااا مجنووووونهاااااا .. مجنوون (عليوووو) .. من حبي لها تملكت كل شي فيني .. وكل شي هي تملكه من حقي .. وربي يا (سعود) قلبي بدونها يموت ..!! انت شوف خل تجي ساعة او ساعتين ما اسمع فيها صوتها .. وش يصير فيني ؟؟ استخف وربي استخف احس بشي ينقصني .. ما اقدر لا اتنفس ولا احس بالدنيا بدونها (عليا) يا (سعود) .. هي عمري واذا راحت انا يخلص عمري (عليا) يا (سعود) .. مب بس اعشقها صدقني صدقني بعض الاحيان ودي اقول لها كلام غير كلام هي ما سمعته من التلفزيون ولا قرته في القصص .. ابغي اعلمها مرتبة حبها بقلبي ودي اصرخ قدام الناس كلهم واقول اناااااااااااا احـــــــــب ((((عليــــــااااااااااااااااااااا)))) احبهااااااااااااااااا سعود بكل إنسجام : (صالح) ؟؟ هذا انت (صالح) ولا انا اتخيل ؟ صالح : وشو ؟؟؟؟؟؟؟ سعود : (صلوح) العبيط يتكلم كذا ؟؟ معقوله ؟؟ وووووين حبيبتك تشوفك شلون تتكلم عنها .. ما غير تستخف من الوناسة صالح : هههههههههههههه شدعوه شقايل اناا ؟؟ سعود : ولا شي بس كل بنت تسمع حبيبها يطلع مشاعره من أعماق قلبه ؟؟ بتعرف شكثر يحبها ولا يخش حبها بالعكس يعبر عنه ويفتخر فيه .. صالح : (سعود) .. انا ما قلت شي .. اصلا لو بتكلم من الحين لين بعد مليون سنه .. ما راح ارضي واوفي نص حبها اللي متربع بقلبي مر اليوم على خير من ناحيه (صالح) مع (سعود) وبين (عليا) و(موزه) بنت خالتها .. ،، بينت لكم في هالجزء .. حب (عليا) لـ (صالح) وتعبيرها عن مشاعرها .. وحب (صالح) لـ (عليا) وعشقه .. تابعوني في الجزء الجاي ..[/align] |
| الساعة الآن 02:29 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar