مناقشة مهمه
 

السلام عليكم ورحمة الله وبركاته..


..
كل عائله تختلف عن الأخرى .. وكل عائله عادات بيتهم تختلف عن البيت الآخر..


ولكل عائله رأي مختلف .. إلخ..

المهم ..

هنا فتيات يخرجن مع رفيقاتهن(وليس مع أهلهن) إلى الأماكن العامة .

..اممم

مثلاً للذهاب إلى التسوق

..إلخ...

ونحن نود مناقشته هو

...رأي الأخوة والأخوات..

..
سؤال الأخوة ...

_ هل تــرضـــى لأختك الخروج مع رفيقاتها ؟؟ولماذا؟؟

_ مارأيك في منظر الفتيات في الأماكن العامة( يعنـــي شـلــة بـنات ) ؟؟؟

..
وسؤال للأخوات ..

_ مارأيك في الخروج مع رفيقاتك والخروج مع أهلك ..؟؟؟


_ هل تحسين بأمان مع رفيقاتك ؟؟ولماذا؟؟

..
أتمنى من الجميع المشاركة ومناقشة الأمر


اخوكم المومني

اولا اشكر الاخ المومني على الطرح الرائع

تانيا حبيت اشاركك في الموضوع واجاوب على اسئلتك المطروحه للفتياة وحبيت ادخل جزء بسيط من حياتي وذلك بالاجوبه على الاسئله


_ مارأيك في الخروج مع رفيقاتك والخروج مع أهلك ..؟؟؟


الخروج مع الرفيقات طبعا شي حلووو بس مش احلى من الخروج مع اهلك وتقضين وقتك مع اهلك يعني مع الاهل يكون احلى وفي امان وحتى ازا احتجتي شي كاهم اهلك موجودين بس من اصحابك تاخذي منهم كل مره هاد شي صعب بيجي اليوم الي يصير فيه صاحبك عدوك اما بالنسبه لالي ولحالتي الاجتماعيه والاوضاع الي اعيشها في الغربه هاد شي ضروري واجباري اني اطلع مع اصحابي لانه مستحيل افكر اطلع ومش معى اصحابي لانه مالي غيرهم في هالغربه
_ هل تحسين بأمان مع رفيقاتك ؟؟ولماذا؟؟

في وطني لا بس في الغربه ايه وزكرت السبب لانهم هم الوحيدين العايشين معي هلا واطلع معهم وانبسط معهم كمان


ارجوو اني جاوبت بالاجوبه المطلوبه


واشكرك مره تانيه خيوو على هالطرح

نسئل الباري لكم بالتوفيق

يسلمو مروك اختي
وشكرا للمشاركه الجميله

الله يسلمك خيوو وموضوعك اهو الاجمل

ولله يا الغالي تروح معليه لانها ماراحت مع صديقاتها لا وهي تعرفهم وواثقه منهم
وحاطه خبر عندنا
والاماكن الي تتجمع فيه البنات من غير سبب انا اشوف مالها داعي لانها تصير بلارقيب عليها ويصير فيه
شباب وكلام فاضي ما له داعي ..
مشكور ع الموضوع

مشكور لمرورررررررك

البلد فيها قانون و فيها أمن و الشرطة 24 ساعة موجودين بكل المناطق .. و ما في أي مشكلة بخروج البنت .

يعني حتى لو طلعت من البيت بنص الليل ما حدا بيحكي معها .. لأنه في قانون ..

و الحكي غير هيك راح موديله .. و صار قديم .. أنه البنت تنضب بالبيت و ما حدا يشوفها الا زوجها و ما بعرف شو كمان تخلف ..

و هلأ المفروض أنه كل الأمور هاي عادية . و شخصياً ما بستغرب .. مع اني بشوف أحياناً بنات ماشيين لحالهم بالشارع الساعة 10 و 11 بالليل .. و بيكونو يتمشو يالحارة ..

يعني شي طبيعي و أقل من طبيعي كمان ..

وسؤال للأخوات ..
_ مارأيك في الخروج مع رفيقاتك والخروج مع أهلك ..؟؟؟
بالنسبة الي مش دايما اهلي بوافقو انو اطلع مع صاحباتي بس اذا بدهم يوافقو بيكونو بيعرفو البنات واهلهم يعني ثقه وطبعا حلووه الطلعه مع الصديقات ..
بالنسبة الي الخروج مع الاهل حلو بس فيها نوع من الملل شوي..
_ هل تحسين بأمان مع رفيقاتك ؟؟ولماذا؟؟
طبعا ولو مابحس بالامان مابطلع معهم ..ومش كل وحده بينطلع معها اكيد..
يعني بالمختصر انو كتغير بطلع مع صديقاتي ولكن اغلب طلعاتي مع اهلي ..
يعطيك الف عافيه على الموضوع

الله يعافيكي وشكرا للمرور