|
نصائح عند ركوب “باص مواصلات” في الأردن
نصائح عند ركوب “باص مواصلات” في الأردن http://www.jh.jo/vb/imgcache/9827.imgcache.jpg كتير منا بعرف باص المواصلات، هاد الصغير اللي بكون مكتوب عليه (عمّان-الجاردنز)، أو (البقعة-دوار عبدون)، سويلح سويلح سويلح، بس الأكتر همه اللي كان إلهم تاريخ عريق مع هاي الباصات بس بحكيلك: (عمري ما ركبته). ركبته ولا عنَّك ما ركبته، خليني احكيلك شوية نصائح قبل ما تركبه: حاول إنو يكون معك قد مقدار الأجرة بالزبط، لإنو لو كان معك أقل، رح تاكل كف، ولو ما كان معك “فراطة”، قدامك خيارين، يا تاكل كف يا تسامحه بالباقي، انا لو مكانك بسامحه وبسامح أبوه كمان، أما لو كنتي بنت، فش داعي يكون معك فلوس أصلاً اذا ركبت الباص وما لقيت مكان فاضي إلا جمب أبو شفرة، انزل من الباص بسرعة وخد تكسي اشرفلك. (لمعرفة ابو شفرة راجع موسوعة الجويدة للمجرمين والناس اللي بِخَوفوا). خليك هااادي طول ما انتا في الباص، واوعى تتقاتل مع كنترول الباص لو شو ما كان السبب، لإنو لو صار هيك، اعرف انك رح تخسر اعز الاشياء بحياتك، الكنترول رح يضرب، وكل اللي في الباص رح يضربوا، أما الأخ سايق الباص، رح يدعس بريك ويوقف الباص وييجي عليك وينزل فيك خبط بعصايته الحديد اللي ما بتفارقه وين ما يروح تحسُّباً لأي طارئ. اذا وانتا في الباص اجت بنت، وما لقت مكان تقعد فيه، يا بتقوم تقعدها محلك يا ما بتقوم، في الحالة الأولى رح تصير محط أنظار الجميع، وأبو شفرة واحد منهم، وبما إنو ابو شفرة واحد منهم، فما بنصحك إنك تكون بهيك موقف، أما في الحالة التانية، رح ييجي كنترول الباص ويحكيلك: قووووم، طبعا انتا رح تقوم زي الارنب، لإنك زلمة. لا تتوقع انك تركب باص مو حاطط شريط لأبو وديع، لإنو أبو وديييع حبيب الديييونجية، وزي ما انتو عارفين، فالديونجية هي أحد أهم الشروط الواجب توافرها في سايق الباص، وتحية لوزارة الباصات، وبما انو عم نحكي عن الاغاني فخليني اجيب سيرة المسكين المسخم مصطفى كامل.. هاد المتعوس كان بدو يصير مغني راح نزل اغنية حلوة اسمها “رحلة عمري”، هوه للأسف ما كان عارف انو هاي الاغنية رح تنتشر في رغدان والعبدلي ومجمع الزرقا القديم، هوه يا جماعة ما كان قصده يصير مغني الدواوين والمجمعات.. مسكين. لا تحاول أبدا أبداً إنك تعاكس أي بنت بتركب الباص، لإنو يا ابني، كل اللي في الباص رح يصيروا ولاد عمها واخوانها وانتا يعني مش وجه بهدلة، أما الأخ السايق هوه نفسه أبو عصاية، رح ينزل من الباص و …. (حُذِفَ لأسباب تتعلق بالجودة). اذا كنت بتستنى الباص عند نفق الجامعة وشفت الباص جاي من بعيد والكنترول مطلع راسه من الباب وبحكي (بسرعة بسرعة)، بنصحك لا تركب معه، لإنو رح يمسكك من بلوزتك ويرميك في الباص، وأول ما تحط رِجل وحدة جوا الباص، الأخ السايق هوه نفسه رح يدعس بنزين عالآخر، وانتا يا رح توقع من الباص وتتكسر، يا رح توقع جوا الباص بحضن ابو شفرة. |
[align=center]ههههههههههههههههههههه
http://www.jh.jo/vb/imgcache/9834.imgcache.gifhttp://www.jh.jo/vb/imgcache/9834.imgcache.gifhttp://www.jh.jo/vb/imgcache/9834.imgcache.gif مشكووووووووور أنين على نصائحك [/align] |
نورتي يا احلى نوووووور
|
ياي .. شو هالأرف هاد ؟؟
معؤول هيك بيسير بالباسات ؟؟ الحمد لله .. أنا عمري ما ركبت باس .. ولا حتى هاد التاني السرفيس .. أنا ما بطلع الا مع السواء .. و ازا اضطريت كتير كتير كتير .. باخد تاكسي .. ولكو والله مستعد أطلع بالباص على النايم .. مو بس عالواقف .. المهم أوصل .. يسعد رب الباصات .. و بيني وبينك .. فيش بعد القعدة على ((الدبة)) يلي (( بحد )) الشوفير .. بتحس انه الناس كلهم رايحين و انتا لحالك جاي .. ههههههههههههههههههههههه |
[align=center][/align]اشكرك انين على الموضوع
بس بلاقي معك افراطه على شان اطلع با الباص بكره:c (14): |
هاي الشغلات عمرها ما صارت معي
مع انو قليل اركب باصات بس اذا حكالي الشوفير ولا الكنترول قوم بدعس رجلي ......... قال قوم قال واصلا لما اطلع فالباص بيكون معي فراطه بس بتعمد اعطيه 5 او 10 دنانير عشان الكنترول يولع ويلف حوالين نفسه 10 لفات وهو بحكي فراطه يا اخوان ويفرط وهوه اسد من اقرب كازيه يمر عليها |
والله على راسي الشباب :a (45):
|
ههههههههههههههههههههههههههههههههههههههههههه
والله الحكي فيه منو وخصوصا لما اذا كنت بتستنى الباص عند نفق الجامعة وشفت الباص جاي من بعيد والكنترول مطلع راسه من الباب وبحكي (بسرعة بسرعة)، بنصحك لا تركب معه، لإنو رح يمسكك من بلوزتك ويرميك في الباص، وأول ما تحط رِجل وحدة جوا الباص، الأخ السايق هوه نفسه رح يدعس بنزين عالآخر، وانتا يا رح توقع من الباص وتتكسر، يا رح توقع جوا الباص بحضن ابو شفرة. |
منور نايف اهلا وسهلا
|
| الساعة الآن 06:04 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar