|
و زبطهم ..
أثناء تواجدي في أحد المطاعم الشعبية .. و التي تقدم مأكولات خفيفة متل ساندويش فلافل .. صحن حمص .. صحن فول .. و هكذا .. لبدت بمكان قريب من (( الكاش )) أي المكان الذي يعدون فيه الطلبيات و (( يقبظون )) فيه الحساب .. و من موقعي ذاك .. استطعت مراقبة الزبائن جميعاً .. و الحوار الذي يدور بينهم و بين الشخص الذي يعد الطلبية .. دخل رجل الى المطعم .. و بيده صحن فاضي لون أبيض .. و عليه دائرة بنية .. و اقترب من صاحب المطعم .. و قال : بالله حطلك حمص .. بس زبطهم .. و غادر الرجل بعد أن دفع الحساب .. و قد أخد صحن الحمص (( الزابط )) و اشترى جريدة و مضى .. ثم دخل ولد صغير لابس (( حفاية )) بلاستيك (( مهترية )) من قدام .. و قال .. بيسلم عليك ابوي و بيحكيلك أعطيني بعشرين فلافل و بنص دينار حمص .. بس زبطهم .. و أخذ الولد طلبيته (( الزابطة )) و انصرف .. ثم دخل شباب اتنين .. و اتخذوا مكانهم (( حد الحيط )) و نادوا صاحب المطعم .. و طلبوا صحن مسبحة و صحن فول .. و بــ 15 فلافل .. و كاستين شاي .. و لما انتهوا من الطلبية .. قالوا .. بس زبطهم .. المهم .. انه كل زبون يدخل .. و بعد أن يطلب طلبه الأساسي .. يطلب طلباً آخر و هو التزبيط .. كنت حاب أسأل صاحب المطعم عن ماهية التزبيط ؟؟ و هل صحن الحمص المزبط يختلف عن صحن الحمص غير المزبط ؟؟ و هل حبة الفلافل الزابطة فيها بروتين أكثر من حبة الفلافل غير المزبطة ؟؟ و ما هو التزبيط في نظر الناس ؟؟ و كيف لصاحب المطعم أن يزبط الساندويش لزبون معين .. بينما يتركه بلا تزبيط لزبون آخر ؟؟ و هل الزبون المزبط مدعوم مثلاً .. أو أن لديه واسطة حتى يقوم صاحب المطعم بتزبيطه ؟؟ أقترح على أخواننا أصحاب المطاعم أن يعدوا قائمتين للأسعار .. أو أن يقسموا قائمة الأسعار الى قسمين حسب الجدول التالي .. ــــــــــــــــــــــــــــــــــــــــــــــــــ ــــــــــــــــــــــــــــــــ مع تزبيط .. بدون تزبيط ــــــــــــــــــــــــــــــــــــــــــــــــــ ـــــــــــــــــــــــــــــــــ فلافل 0.50 فلافل 0.20 حمص 0.60 حمص 0.40 فول 0.70 فول 0.50 و هكذا .. و بهذه الطريقة يخلص صاحب المطعم من هذا الأمر المتكرر مع كل زبون .. و هو الأمر بالتزبيط .. يا جماعة احمدوا الله انه في عندكو أكل .. والله ما في فرق بين الساندويش الزابط .. و الساندويش العادي .. نفس البندورة .. و نفس السلطة .. و نفس البقدونس .. بس الفرق الوحيد انه هاظ (( مقري )) عليه زبطهم .. و التاني مو (( مقري )) عليه .. و سلامة تسلمك .. |
ههههه والله انت يا المدعي كتير بدقق ماشاءالله عليك بتلاحظ على شغلات قليل ناس بتنبهولها
على العموم لازم متل ماحكيت يحددو اسعار للتزبيط والي بدون تزبيط بدل ما يوجعو راس صاحب المطعم بنفس الكلمه كل يوم هيك بخفو الي بدهم تزبيط كتير موضوع رائع ...وزمان عن مواضيعك ربي يعطيك العافية |
هلا بنت الأردن .. ميرسي كتير على مشاركتك ..
و فعلاً أنا نفسي أفهم كيف يعني صاحب المطعم بده يزبط الساندويش .. !! يعني بده يخترع شي جديد لهالزبون ؟؟ هههههههه هلا بنت الأردن .. |
[align=center]اشي تعودنا عليه وكلمات بنحكيها بس مابنعرف ليش
مرات مابيكون قصدنا شي منهن يعني مش قصدنا انو يزبطهن بس هيك بتطلع .... : ) المدعي العاااام ولقاء آخر مع روعة مواضيعك الشيقة احترامي[/align] |
اقتباس:
ههههههههههههههههه عارف .. هيك كلمة بتطلع بدون قصد .. حتى عند الحلاق .. ازا كنت بحلق و دخل واحد صاحبي .. أول كلمة بيحكيها للحلاق .. دير بالك على أبو السعيد .. ههههههههههههههههههههه ميرسي يا سحر على المشاركة .. !! |
[align=center]عزيزي يسلموا اديك على مواضيعك الحلوة الي بتحكي عن واقع الناس
بس هي الكلمة ( التزبيط ) زيها زي كلمات كتير دارجة بين الناس والناس بشكل عام بتحكيها بشكل تلقائي رائع في طرح المواضيع [/align] |
هلا رهف و شكراً كتير على مشاركتك و اهتمامك بالموضوع .. !!
:c (5): |
ههههههههههههههههههههههههههه
بالله تعطيني احكي مع ابو السعيد بس زبطه ههههههههههههه احنا عنا صاحب مطعم فلافل و حمص ازا قلتله بدي حمص و زبطه بحط عليه حامض و ملح و فعلا بيطلع زابط و ازا ما حكيتله فيطلع الحمص بلا طعم ههههههههههه طمطوم يسلمووووووووووووووووووووو |
اقتباس:
ههههههههههههههههههه معناها كلمة زبطهم لازم تنحكى باستمرار عندكم .. شكله ما بيزبط الأكل لحاله .. لازم واحد يحكيله .. هههههههههههه |
اقتباس:
ههههههههههههههههههههه اه والله لازم نضل نحكيها هالكلمة ههههههههه |
| الساعة الآن 09:15 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar