منتديات الأردن - ورد الحدائق

ورد الحدايق

عليك الحزن يا ورد الحدايق ماهـو بلايـق
حرام الدمع يذبل من شجونك حرّق جفونك

متاهات الأمل لو هي غلايق ماهـي بعايـق
تبسّم يمشي الدرب لعيونك, نوره عيونـك

وسولف للسما وتصير رايق وانت متضايـق
وغنّ, ترقّص نجومه لحونك واعذب فنونـك

ومن غيمه على غيمه تهايق حسنهـا الفايـق
وعبّر عن مشاعـرك ويجونـك ويتبنّونـك

وسافر مع ضميرك بالوثايق عينـك توايـق
على بحرٍ ليا خايل ردونك هلّـت مزونـك

توقّف عند شطآن الحقايق, والوفـى سايـق
وناجِ اللي جروحه عن طعونك مايناجونـك

تعال أفصح لمحبوبك, تضايق ماهوب بـطايق
مهوب انصاف محبوبك يصونك تبخل بعونك

لا تترك للوهم فرصة دقايـق لنّـه البايـق
يبوق أجمل لياليك, ويخونك ويخطف لونـك

تفائل, واحلم, بكل الطرايق حلمنـا فايـق
على الله لا تسايرها حزونك والبدر كونـك

ولا تهتمّ لو ولّـع حرايـق قلبـي التايـق
يموت ويحترق ويذوب من دونك ومن دونك

عليك الله يا ورد الحدايق والدلـع لاااايـق
عليك الله يحفظ لي عيونـك لا يحسدونـك