منتديات الأردن - نهفة الاردنية

[COLOR="Blue"]مش عارف عن ابوي ليش غلب حالو وسماني وديع مهو عمرة ما استخدم هاظا المصطلح بناديني باسمي الثاني اسم الدلع ( حمار )
بعدك نايم يا حمار يلا بدنا نروح نشتري شوية اغراض للدار . بقوم من النوم بوجهي على السيارة كانت سيفيا 95 بغسلها وبعبيها مية وبشغلها و بعدين بشرف الوالد طبعا بعد ما يسلم على جارنا ابو خسن الطريش وابو محمد الموسرجي
شايف يا حمار لو انك معك رخصة كان ريحتني واحنا طالعين والا طاخ طاخ طاخ في بي ام زعرة موديل 80 سكرت علينا
وما بحس الا وطرااااخ واحد سلخني كف متبوع بتفة جيل صايع يابا انا شو دخلني سد حلقك يا حمار طبعا بعد هذا العذاب منرجع عالدار
ياللة يا ولد زم الكياس هظول وديهن عالدار وجيب اخوانك وتعال كالمعتاد
بنروح انا وامي وابوي و 3 قواريط صغار الي همة اخواني على طريق المطار لانة ما في غير هاظ الشارع بالاردن في شجر والي على هاظا المنوال من 1991
وبعد 17 سنة خبرة بطريق المطار ابوي بكون يؤدي العمرة بسوريا هوة و الوالدة راخو قروب سياحي مع دلاس ابو الخمسين ليرة للشخص واحجز لواحد ثاني مجانا
واللة يا معلم الامور صارت تحلو كيا سيفيا وما في اهل بالدار والدنيا صيف اشي من الاخر
اتصلت بعبود ووائل وشادي وحمادة وليرتين عالداير عبينا بخمس ليرات بنزين وبلباقي اشترينا بيرة بدون كحول (باربكان ) وبوجهناعلى مكة مول مرورا بعبدون وطبعا المسجل معلينو عالاخر وروخ يا مجروح عمر دياب للصبح بس واجهتنا مشكلة صغيرة
تهاوش شادي وعبود مين بدة يقعد بالكرسي الامامي . المهم ادخلت العشائرية بالموضوع واعملنا صلحة واحد بقعد بالروحة واحد بقعد بالجية هاظا اذا في جية طبعا شو بدك بطولة السالفة . الشباب بتزقف والي طالع من الشباك والي برن عاصاحبتو وبفصل وتحول الفرح الى ترح بعد سماع صوت من الخلف عاليمين يا كيا والا صوت حماة الوطن دورية شرطة وي وي وي طرقونا بالبكب من وراء وشحطو الكيا بونش واخذونا على امن الحسين طبعا ودخلنا عالمخفر والعساكر بتطرق فينا كفوف عن جنب وطرف
والله يا سيدي ما عمرنا بنعيدها من دون رخص ورايحين اطقسو عالبنات . مع جية واحد كبير كتير والله ما بعرف شو رتبتة بس كان سالخ قبات حمر والا هو بحكي ولك وديع شو الي جابك هون اللة لا يوطرزلك . والله وجاك الفرج يا وديع
والاهو طلع صاحب ابوي طلب من العساكر يجيبونا قهوة وما صخيت على حالي غير واحد بيقول اشارات الدوريات مين نازل اطلعت حولي والا انا قاعد باخر الباص وكاين غافي ويا للهول اكتشفت اني بباص الجامعة اتاخرت عن المحاظرة شو بدي اعمل
نزلت على الاشارة وطرقتها اركاظ على الجامعة وبوجهي على كلية الاداب وطق طق منو هاظ الي جاي هسا تسمحلي ادخل دكتور
لويش متاخر يا حمار
دكتور صدقني كنت بالمخفر وهظاك يوم وهاظا يوم ومن يوميتها الشباب مسميني مخفر COLOR]