|
رصييييييييييد
يا اخوان ويا اخوات
كثيرا ما نكون بالطريق انا وبعض اصحاب فتتفاجأ بقول احد اصحابك لك (( بليز ممكن احكي دقيقة على شبكة زين او اورانج )) مع انو انا شبكتي امنيه ، فالمشكلة مش هون المشكلة انو ليش انا ؟؟ معقول عارفين انو رصيدي ما بفضى من النقود ؟؟؟ معقول بدهم يحكوا عشان مصطلح اسمه (( السلبطه )) معقول ما قي معهم رصيد ؟؟؟ وكمان الشاطر فيهم الي بحكي هاتلك دقيقة ، ويا ريتها دقيقة ، ويا لها من دقيقة ، بقعد اكتر من 15 دقيقة وهو بحكي فليييييييييييش معقول بابا قاعد على بنك عشان يصرف علي وعلى صحابي ؟؟ عنجد اني زهققت من هالعاده القبيحه والله ازهقت والله ازهقت |
ههههههههههههه
عماد .. اعمل متلي .. دايماً بحكي ما في معي رصيد .. مع انهم بيكونوا شايفين اني هلأ شحنت .. بس خلص . شو الشغلة سلبطة .. أنا كنت أستحي متلك زمان .. بس لما دخلت الجامعة بطلت أستحي .. و ازا واحد طلب مني يحكي تلفوني .. قرود ابليس بنزلها عليه .. ههههههههههه يا دوب الواحد مكفي مكالمات و مسجات حاله .. لحتى اقعد أصرف على الناس .. بعدين دير بالك .. في ناس بياخدو التلفون و بيرنوا على رقم و ممكن يسببلك مشكلة الها أول ما الها آخر .. و ما بيتعرف عليك .. اوعى تعطي تلفونك لحدا .. ما تحكي أصحابي و أبصر شو .. لا سمح الله ازا وقعت .. ما حد بيتعرف عليك .. و اسألني أنا عن هيك قصص .. ريح حالك .. و ازا واحد طلب منك تلفون .. امزح معه شوي .. و غير الموضوع بسرعة .. ههههههههههه لا عنجد دير بالك .. شو الواحد ملاقي الفلوس بالشارع .. |
يعطيك العافية أخوي عماد ...
اعتقد ان الموضوع من باب (الميانة) بين الاصحاب .. يعني بيمون عليك فيطلبك تلفونه طبعاً هالشيء مش كويس اذا تكرر اكثر من مره .. هالشي نادر يصير مع صاحباتي بصراحة .. ولو طلبوني اكيد ماراح اقولهم لا ... لما قرأت رد أخوي تومي اتذكرت حادثه حصلت معي .. كنت في السوق واجت بنوته مابعرفها في بداية العشرينات تقريباً .. استأذنت مني حتى تحكي مع اخوها بموبايلي حتى يجي ياخذها من السوق .. طبعاً انا اعطيتها الموبايل .. ضلت حوالي عشر دقايق تحكي .. رجعتلي الموبايل بعدها ... اضطريت اغير الرقم من كثر الازعاجات اللي بتوصلني ... البنت الله يهديها شكلها حكت مع شاب وابتلتني بالمصايب الثانيه :( من بعدها صرت ما اخذ موبايلي ع السوق ... بخلي اختي تاخذه لانها اكثر حزم مني ... عموماً أخي ممكن فيه حل ثاني .. حاول انك ماتشحن موبايلك شحن جامد ... يعني اشحن حق مكالمة ولما يطلبوك احكيلهم رصيدي بح :p الله يوفقك .. احترامي للجميع ... |
اقتباس:
مشكووووووووووووور تومي للمرور الله يخليلي اياك يا احسن تومي بالدنيا نصائح من الاخر تحياتي |
اقتباس:
شايفة بالله شكلي بدي اخلي شبكة امنيه تعمل بطاقة ام ال 10 قروش ههههههههههههههههههههههههههههه مكالمة ههههههههههههههههههههههه مشكووووووره اختي للمرور الكريم فانتي زينتي سماء صفحتي يا نجمة المنتدى تحياتي |
يا عماد كلام من أكتر الناس مزبوط .. في ناس بتحكي بالموبايل و بيستغلوا فرصة انه الرقم مو لألهم و لا مسجل بأسمهم و بيعملوا مشاكل .. و بتوقع براس صاحب الموبايل الأصلي .. أنا بعرف بنت بالحارة .. صاحبيتها أخدت موبايلها و حكت منه مع ابن خالتها .. يعني الموضوع عادي .. بس بقدرة قادر رقمها صار مع كل أصحابه لهاد الشب .. و جننوها ,, آخر شي غيرت رقمها .. و ما عطت رقمها الجديد الا لألي .. و لصاحباتها المناح .. هههههههههه
بعدين لعلمك .. يمكن انتا ما مرت عليك هالشغلة .. في شباب بيتحججوا انهم بدهم يحكوا مكالمة .. بس هو بيكون قصده يفتش بالأسماء على أرقام البنات يلي عندك .. و صارت معي مرة .. و من يومها ما بخزن رقم أي بنت بأسمها .. و بخزنها بأسم بيقرف .. عشان ما حد يفكر انه يتقش الرقم .. |
حط قفل على تلفونك وريح راسك
واتي حدا بسالك احكيله ما معي رصيد |
شكرا عماد .. موضوعك راق لي ..
انا شخصيا حسب الشخص .. اذا كان ممن يتسلبطون اكيد راح اقوله لا وماراح اكذب بعدم وجود رصيد ... و الله اذا كان شخص مضطر حتى ولو ما بعرفه ما عندي مشكلة .. ولك الشكر .. |
| الساعة الآن 07:37 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by
Support-ar