ورد الحدائق
ورد الحدايق
عليك الحزن يا ورد الحدايق ماهـو بلايـق
حرام الدمع يذبل من شجونك حرّق جفونك
متاهات الأمل لو هي غلايق ماهـي بعايـق
تبسّم يمشي الدرب لعيونك, نوره عيونـك
وسولف للسما وتصير رايق وانت متضايـق
وغنّ, ترقّص نجومه لحونك واعذب فنونـك
ومن غيمه على غيمه تهايق حسنهـا الفايـق
وعبّر عن مشاعـرك ويجونـك ويتبنّونـك
وسافر مع ضميرك بالوثايق عينـك توايـق
على بحرٍ ليا خايل ردونك هلّـت مزونـك
توقّف عند شطآن الحقايق, والوفـى سايـق
وناجِ اللي جروحه عن طعونك مايناجونـك
تعال أفصح لمحبوبك, تضايق ماهوب بـطايق
مهوب انصاف محبوبك يصونك تبخل بعونك
لا تترك للوهم فرصة دقايـق لنّـه البايـق
يبوق أجمل لياليك, ويخونك ويخطف لونـك
تفائل, واحلم, بكل الطرايق حلمنـا فايـق
على الله لا تسايرها حزونك والبدر كونـك
ولا تهتمّ لو ولّـع حرايـق قلبـي التايـق
يموت ويحترق ويذوب من دونك ومن دونك
عليك الله يا ورد الحدايق والدلـع لاااايـق
عليك الله يحفظ لي عيونـك لا يحسدونـك
__________________
ليش من دون البشر حبيتك
حظي وداني لك لو اني جيتك
ليش بيدك حيل القلب كأني اول مرة احب
قلبي ينزف ويدي ترجف لو اجيتك
ضيعت بيدك حياتي وردت بس يمك اكون
لو طلبت دموع عيني لابكي كل دمع العيون
بيه احس كل شي يحبك تعودت انفاسي عطرك
فتحت عيني عليك وما شفت غيرك حبيب
وانت عينك مو عليه شلون من حبك اطيب
صرت احب حتى عيوبك لو تضيعني بدروبك
ليش؟؟؟
|