إجى ع بالي موقف هلا بس مابضحك
الموقف صار بعمان من 3 سنوات
رحنا انا وخالي وخالتي واخوي واختي على حدائق الحسين
عشان نلعب وناخد صور للزكرى .. لأنو كنا كم يوم وبدنا نرجع ع السعودية
المهم تصورنا وعملنا حركات
واشكال مرة واقفين ومرة قاعدين وهيك يعني :)
اتصورنا صور كتيرة
وقبل ما نروح ع الدار
رحنا نحمض الصور .. والا بعد ما وصلنا
ع المحل واعطينا الفيلم للزلمة
بحكي مافي صور .. خالي بحكيلو لسا قبل شوي اتصورنا
حكى لا والله مافي .. واخر شي طلع السبب انو البطاريات فاضيات
سحبنا حالنا ومشينا .. ركبنا السيارة
وطول الطريق خالتي معصبة
لأنها متأكدة انها غيرت البطاريات قبل ما نطلع
هههههههههه
ونحنا ماشيين وقفنا عند حديقة
صغيرة وبتخوف نزلنا ودخلناها (خالي عمل هيك عشان ما يكسر بخاطرنا)
المهم اتصورنا مرة تانية
والصور طلعت مش حلوة بالمرة
لأنو الدنيا ليلت بالأخر وما كنا فرحانين
لكن الأهم من هاد كلو واللي متأكدة منو
انه صار هيك عشان انا كنت معاهم ههههه لأنه صار موقف شبيه بهاد
واتضح انو السبب مني بس طبعا مش رح احكيه
/
موقف تاني
مرة تحدينا بالفصل مين بتقدر تجيب صوت عاصي الحلاني بالزبط هههههههه
المهم انا مابحكي عشان اغني
بس حكيت انا بقدر وبلشت اغني اغنية باب عم يبكي
وانا مندمجة وبغني والا تدخل معلمة الانجليزي :)
دخلت لنص الفصل وانا مو عارفة
بعدها حسيت انو صاير شي
مش معقولة الفصل كلو يهدى ويسكت هيك من الباب للطاقة
اكيد اجت المعلمة (باب الفصل كان وراي يعني ما بقدر اشوف
اي حدا بدخل الا لو لفيت حالي لورا)
المهم بس شفت المعلمة انحرجت وما عرفت شو اعمل
بس هي كانت تضحك يعني هونت علي شوي :)
الحمدلله ماكانت معلمة الدين
كان رح يصير شي تاني خالص
هاد الموقف من سنة
وانا حاليا مابسمع اغاني يعني فش مجال يتكرر الموقف معي مرة تانية :)
__________________
لو على عمري وحياتي
مــا أغيّر مــن صفاتـي
سنّتك هديي ونجاتـي
يا حبيبـي يا مـحــمّــد
التعديل الأخير تم بواسطة أوركيدة ; 09-25-2009 الساعة 08:06 PM
|