[صقر]

قاصدك خذ قلبي معاك لا تخليه
خذه ترى ما عاد لي بيه حاجه
لا صرت عني مبعد وش ابي فيه
خله معاك مادام صعب نتواجه
اول خفوقي صوتك العذب يحييه
واليوم ما حصلت الا انزعاجه
نوره طفى من عقب ما كنت مضويه
عقبك خفوقي صار مطفي سراجه
ما لي مزاج غيرك احب واحاكيه
حتى لو اني كنت داخل مزاجه
غلاك مهما كان ماني بناسيه
ما انساه لو غيرك ضحك لي حجاجه
انت بحياتي وين ما رحت الاقيه
القاك في حزن العمر وابتهاجه
اموت في جرحك واحبه واداويه
واخاف من الايام القا علاجه
كنه النظر من يوم ماغبت معميه
جرحت قلبي وانت سبب جراحه
كمل جميلك قاصدك لا تخليه
خذه ترى ما عاد لي به حاجه