اقتباس:
المشاركة الأصلية كتبت بواسطة نهـــر
اسفة ع التأخير حبيبتي .. رحت اتعشى طلع مافي خبز .. شربت عصير واجيت
ممممم مواقف عن المدرسة في بس مش متزكرة اشي هلأ
خليني احكيلك موقف بخص المدرسة .. موقف بايخ الصراحة
آخر مرة رحنا فيها ع مكة المكرمة
كانوا طالعين معنا بنفس الباص بنات وامهم وبنعرفهم احنا بس مش كتير
المهم وحدة منهم بتحكيلي انتي بأي صف
بحكيلها أول ثانوي
بتطلع عليي مستغربة كيف يعني انتي اكبر مني
بحكيلها اه شو الغريب ..
بتحكي لا بس شكلك بالاعدادي هههههه
كان نفسي وقتها ابهدلها على هالكلمة بس مسكت حالي
بعدها كل ما شافت وحدة بتحكيلها عني تراها اكبر مني
يخرب بيت شيطانها قهرتني ..
صحيح أنا شكلي ما بيدل انو عمري هيك
بس هي كمان شكلها بالجامعة مش بالمدرسة
بس حاليا صرنا أنا وياها صحبات بعد هداك الموقف
طيب يلا دموع احكيلي موقف صار معك بالجامعة ( اذا فيه ) ^_^
ومساء الخير يوسف
|
صحتين مو مشكلة حبيبتي
موقف صار معي بالجامعه :
مرة الدكتور نفسو ما أجا فطلعنا
فأنا كنت مصورة قبل فترة من صاحبتي جزء من دفترها لاني غبت محاضرتين او ثلاث
كنت مريضة
قرأتهم وما فهمت بعض الكلمات
فحكيت يلا بسألها عنهم هلأ
اجيت وانا بسألها حكتلها شو تكملة هاي الكلمة حكتلي والله ما بعرف ما لحقت عليه
خلينا نسأل
كنا مجموعه بنات
وله بنت فتحت دفترها عشان تساعدني وله بقرء انا مريت علي كلمة الكانونية طبعا شفتهم ومتت من الضحك بحكيلها شو شو هاي
بعدين حكتلي هاي القانونية الكل شفها وصرنا نضحك