اهداء لكم موال حاتم قالوو

[المومني]

موال ماتت امك للمطرب حاتم العراقي... ..
قصة شاب يعود من العمل ليجد حبيبة عمره (( أمه )) قد رحلت
الى العالم الاخر ؟؟؟؟؟؟؟؟؟؟
الله يحفض اهاتنا وامهات جميع المسلمين
أمــــــي
مثل كل يوم كنت أطلع
تزتني أمـي ورد للدار
مثل كل يوم كانت دمعتي تحتار
مدري اتطيح مدري اتظل...
واظل أنه أمشي ويه الظل
وصاير بي ابد ماصار
يايمه يايمه
رجعت أبيوم لكيت ابابنا شكد ناس ملتمه
ماأعرف شنو اللي صار كلمن ملتهي أبهمه
العتبه تصيح يا يمه !!!.. والباب تصيح يايمه
البيت يصيح.. كله يصيح !!! يايمه
اطب للبيت !! وعسانى كون ماطبيت
كالوا ماتت أمــــــك... كالو ماتت أمك
حاولت امنع دموعي .. لاكن ألدمعه شيكظها
اتضيع بين أكفوفي دمعه...وبوسط عيني شيضها
انفضت الحسبات كلها ... وحسبتي محد يفضها
حبيبه يمه .... يمه يا يمـــــه
أنغسلت هدوم اليتامى !! وهدومي تره محد غسلها
حبيبه يمه الارض انتي !!! ويا أرض تدفن أرضها
كــــالو ماتت أمك .... أمي !!!! أمي ؟؟؟؟
أمي شكد كانت !!! كبل متموت تانيتي.... شكد تانيت
ياريت الله يحجي الميت .... ياريت الله وألف ياريت
بعد منهو اليحني جفوفي يوم العيد .؟؟؟؟؟؟..
ومنهو بعرسي يوزع على الطرف جكليت ؟؟
يملك الموت بالله عليك .. بالله أرجوك تانيني.ولو لحظه.
...خاف تنام زعلانه وعليه بعد ترضى
ياملك الموت .. هاي أمي واريد أحبنه ...
هاي أمي واريد أودعنه
بالله عليك ياملك الموت تروح فد لحظه منها...
خليها قبل الموت تودع أبنها
ها يمه ؟ منهو الاخذ من شفافك البسمه؟؟
ها يمه؟؟ وياهو الخلى لونك يختلف رسمه؟؟
خدك هذا كان أحمر!!! كفك ليش صار أصفر!!!
ياما كفك الاصفر نزل ع الخد يأدبني!! وياما يلعب بشعري واحبه بشوق ويحبني
وياما لزم( كاروكي) يهز بي ... دللوووول ياولد يابني دللوول
عدوك ذليل وناحر الجووول
دللوووول يلولد يابني دللوول..
مثل كل يوم تزتني امي...وارد اطلع
ورد للدار ...مثل كل يوم كانت دمعتي تحتار ... يايمه


http://www.2shared.com/file/3626055/..._waltolab.html
ياريت تعجبكم

اخوكم المومني