منتديات الأردن  

العودة   منتديات الأردن > المنتدى العام > أسلامنا

أسلامنا مقالات اسلامية ، دروس و محاضرات إسلامية ، احاديث نبوية وقدسية ، روائع إسلامية وفق عقيدة أهل السنة والجماعة ، خطب ، نصائح ، تهذيب ، اصلاح النفس

موضوع مغلق
 
أدوات الموضوع انواع عرض الموضوع
قديم 03-30-2009, 11:46 PM   #1
المدعي العام
[ نشمــي واصــل]
 
الصورة الرمزية المدعي العام
 
تاريخ التسجيل: Oct 2008
الدولة: الأردن/اربد/الحي الشرقي/شرق السيفوي
المشاركات: 3,696
افتراضي مؤامرة على العرب .. !!

سلام ..

بصراحة أنا قرفت الأنترنت و الايميل من ورا السوالف (( الفاضية )) يلي عم تيجيني كل يوم على الايميل .. و بيترجوني أنشرها ..

سواليف حصيدة .. كتبها ناس فاضيين أشغال .. قصص كزابية .. أخبار وهمية ..

معجزات اخترعها ناس مجانين ..

( مات وهو في المنهل )

( عنزة تحولت الى فتاة )

( رجل يدعس صرصور و يكتشف انه أبوه )

يا جماعة الخير شو هالقصص الهبلة هاي ..

عصر المعجزات انتهى ..

(( اليوم أتممت عليكم نعمتي و رضيت لكم الاسلام دينا ))

صدق الله العظيم ..

كل ما أفتح هالايميل بلاقي رسائل بعناوين أشكال ألوان .. كلها قصص كزب . و تأليف ناس فاضية أشغال .. و آخر شي بيكتبلك : بالله عليك انشرها ..

ولك مفكرني غبي لحتى أصدق سوالفك .. شايفني بلعب بــ ..... عشان أصدق انه بنت تحولت لسحلية لأنه شغلت أغاني ..

حرام كل واحد ييجي يؤلفلي قصة و ينشرلي اياها على هالانترنت .. ولك شو هو انترنت أبوك ؟؟

و مين انتا لحتى يصير معك معجزات ؟؟

قال شو .. بيحكيلك (( ماتت وهي تصلي و الكل شاهد نوراً يصعد من قبرها )) بالله عليك انشرها ..
الله ياخدك يا زلمة .. حل عنا ..

ولك مين انتا لحتى تيجي تحسب السيئات و الحسنات .. لا و شو كمان .. بيعطيك عدد الحسنات بالزبط ازا نشرتها .. و بيعطيك عدد سيئاتك بالزبط ازا ما قرأت ايميله ..

والله العظيم انه شي بيخزي أقسم بالله .. ولك عيب .. لما تكون شب طويل عريض .. و تروح تصدقلي سولافة يلي نشر ورقة و رزقه ربنا بـ (( ألفان من المال ))

يا عيب العيب و يا خجل الخجل ..

افتح أي موقع .. أي ايميل .. و أي منتدى .. يتلاقيه مليان كزبات من هدول ..


و بييجي آخر شي بيحكيلك و بيترجاك و بيقلك (( بالله عليك انشرها ))

و واحد بيرد على الموضوع (( حسبنا الله و نعم الوكيل ))

قرف يقرف هيك انترنت .. والله في أشكال خسارة فيهم الكومبيوترات .. آه والله ..

قاعدينلي شغل خراب و مسخرة .. و كزب بالدين ..

ولك ما بتخاف الله لما تيجي تحكي شغلة ما صارت .. و تقعد تؤلف على ربنا معجزات من عندك .. و ما بتخاف من الله لما تقعد و تعمل حالك اله .. و تصير تحسب السيئات و الحسنات ؟؟

مين انتا يا زلمة ؟؟ و شو هالدين يلي عندك لحتى يصير معك كل هالمعجزات هاي ؟؟

(( مات و هو يتوضأ ))

(( يشرب الماء من قطرميز و هو في القبر ))

(( شرب كوكا كولا ... انظر ماذا حصل له .. ))

(( فات الصف و وجد المعلم قنديل بحر ))

(( صديقتها غمضت و رأت الملائكة ))

لعنة الله على كل واحد بيألفلي قصص من هالنوع و بينشرلي اياهم على الانترنت ..

والله لو بأيدي غير أقطع النت عن كل واحد تافه متخلف (( و غبي )) دايرلي ورا هالسوالف المدودة ..

فعلاً في ناس ما بتيجي الا بالبهادل ..

ناس ما بتستحي على وجوهها .. كزابين .. مفتريين .. و حذر منكم النبي ..

دير بالك على حالك بالأول يلي عم تنشر هيك قصص .. و زبط علاقتك بالدين كبداية .. بعدين بتيجي تمارس هوايتك بالتأليف .. و تنشر على النت .. ولك يا منجط .. والله العظيم لو نشر هالسوالف بيكلفك فلوس الا تبيع الدين .. و ما تكلف خاطرك تقرأ حتى شو مكتوب ..

(( أم قتلت ولدها و فجأة ..... ادخل لتعرف ))

(( حنفية تنطق الشهادتين ))

يا حرام .. يا عيب العيب .. استحو على حالكم .. و بطلوا تأليف ..

امزحوا بكل شي الا بالدين ..


كلامي هاد مو موجه لحدا معين .. موجه لكل واحد عم يؤلف هيك قصص و ينشر فيها ..
__________________
[align=center]أبو السعيد لازم يعيش .. أبو السعيد يتحدى الملل[/align]
المدعي العام غير متواجد حالياً  
قديم 03-31-2009, 11:22 AM   #2
نشميه اردنيه
 
الصورة الرمزية نجمة المنتدى
 
تاريخ التسجيل: Mar 2009
الدولة: عمان - الأردن
المشاركات: 13,663
افتراضي

[align=center][/align]
نجمة المنتدى غير متواجد حالياً  
قديم 03-31-2009, 09:22 PM   #3
[ عضو مؤسس]
 
الصورة الرمزية سكون ~
 
تاريخ التسجيل: Oct 2008
المشاركات: 1,555
افتراضي

أخي الكريم توم ...

في الواقع أجدني أؤيدك في أغلب ماترمي اليه .. للآسف البعض يتبع الاسلوب الخاطئ جداً من أجل تذكير الناس !

بخصوص هذه الكذبآت التي تنسج بإسم الدين [ والدين منها براء ]

أتذكر قبل فترة ان هناك منتدى علماني قام بتخصيص لعبة في قسم الالعاب فقط من آجل تآليف قصص بإسم الدين والمعجزات ومن ثم نشرها تلاعباً في عقولنا وحتى يسخروا منا !!

هم يعلمون تماماً اننا لا نفكر بعقولنا اذا كان الامر يتعلق بالدين وكأن الدين لم يأمرنا بإعمال العقل !! لذا استغلوا هذه النقطة وساعدهم البعض منا بغير قصد ..!!

أنا شخصياً لا أقوم نهائياً بإعادة ارسال مثل تلك الايميلات أو نشر مثل هذه المواضيع أولاً لان الدين ليس لعبة ..

وثانياً لن استطيع تحمل وزر بدعة وخرافة انتشرت بين الناس وكنت انا من المساهمين في نشرها الى يوم الدين

أشكرك جزيل الشكر أخي توم على طرحك الواقعي وأسلوبك الجميل ..

لك كل الاحترام ..
__________________
*** اللَّهُـمَّ آَذِقْنـِي لَـذَّة حُ ـبِكْ ***
سكون ~ غير متواجد حالياً  
قديم 03-31-2009, 10:06 PM   #4
l[ عَقلٌ حُر ]l
 
الصورة الرمزية تموز
 
تاريخ التسجيل: Oct 2008
الدولة: اٌلٌسَمَاٌءٌ اًلَثُاٌمِنَةٌ
المشاركات: 4,470
افتراضي



في الحقيقة أراني مؤيد لك أخي الكريم ..
وعن نفسي قد شاركت في منتدى علماني وغيره قبل مدة وجيزة ..
وقد رأيت العجب العجاب , ويحاولون بقدر الإمكان زعزعة المسلمين
والتأثير عليهم بقصص المعجزات والبدع وغيرها ..
فيجب علينا تحكيم العقل والمنطق , وديننا الحنيف لا يتعارض أبداً مع العقل

المدعي العام
أشكرك على الطرح الجميل
مع خالص التحية
__________________
كود:
أرقُ..! وفي
رواية أخرى [ تموز
تموز غير متواجد حالياً  
قديم 03-31-2009, 10:13 PM   #5
المدعي العام
[ نشمــي واصــل]
 
الصورة الرمزية المدعي العام
 
تاريخ التسجيل: Oct 2008
الدولة: الأردن/اربد/الحي الشرقي/شرق السيفوي
المشاركات: 3,696
افتراضي

أهلين بالشباب ..

ميرسي على مشاركتكم بهالموضوع .. و أنا عنجد آسف على طريقة كلامي ..

بس والله انه مبارح طار عقلي .. و كنت كتير معصب من ورا هالشغلات هاي .. و ما لقيت الا هالمنتدى عشان أحكي و أفش غلي ..

بكرر اعتزاري على الكلمات .. و على طريقة الحكي .. و انا مستعد أعدل الموضوع أو حتى أشطبه كله ..

بس والله اني انقهرت كتير مبارح ..
__________________
[align=center]أبو السعيد لازم يعيش .. أبو السعيد يتحدى الملل[/align]
المدعي العام غير متواجد حالياً  
قديم 03-31-2009, 10:18 PM   #6
نشميه اردنيه
 
الصورة الرمزية الامورة رهف
 
تاريخ التسجيل: Mar 2009
الدولة: الاردن
المشاركات: 274
افتراضي

[align=center]شكرا اخي
فعلا كلامك كله صح ومنتشر كتير
لا حول ولا قوة الا بالله[/align]
الامورة رهف غير متواجد حالياً  
قديم 03-31-2009, 10:19 PM   #7
l[ عَقلٌ حُر ]l
 
الصورة الرمزية تموز
 
تاريخ التسجيل: Oct 2008
الدولة: اٌلٌسَمَاٌءٌ اًلَثُاٌمِنَةٌ
المشاركات: 4,470
افتراضي


أخي الكريم لاداعي للإعتذار ..
وعن نفسي أراها نابعة من غيرتك على هذا الدين وانجراف البعض لتلك التداعيات
فلذلك سيبقى الموضوع كما هو دون تنقيح أو تعديل ودعه يحمل هذا الطابع :)

مع الإحترام ..
__________________
كود:
أرقُ..! وفي
رواية أخرى [ تموز
تموز غير متواجد حالياً  
قديم 03-31-2009, 10:38 PM   #8
المدعي العام
[ نشمــي واصــل]
 
الصورة الرمزية المدعي العام
 
تاريخ التسجيل: Oct 2008
الدولة: الأردن/اربد/الحي الشرقي/شرق السيفوي
المشاركات: 3,696
افتراضي

يعني والله في ناس ما بعرف كيف بتفكر ...

بدي أحكي بهداوة هلأ ..

يعني أنا زلمة عاقل .. و عندي مخ .. و على أساس بفهم بالدين و حافظه عن غيب..

طيب انتا يلي حافظ الدين عن غيب .. ما عمرك سمعت انه عصر المعجزات انتهى ؟؟ و ما عمرك سمعت انه المعجزات بس بتكون للأنبياء .. ؟؟

و معجزات الأنبياء مو قوة منهم ... بس بتقدير من ربنا .. ربنا هو يلي بيمكن أنبياؤه انهم يصير معهم معجزات ..

و ممكن يكون في ناس عندهم كرامات .. متل أولياء الله الصالحين .. مع اني بشك بموضوع الكرامات هاد ..

و على فرض انه في شي اسمه كرامات .. الشخص يلي عنده كرامة أو بيكون ولي .. ما بيظهرها للناس .. ولا بينشرها على انترنت ..

المفروض الواحد .. أي واحد .. قبل ما ينسخ أي موضوع من الانترنت .. يقرأه بالأول .. و فكر فيه شوي ..

رح تكتشف انه كل الكلام يلي في مسخرة بمسخرة .. و ما بيدخل مخ ولد صغير ..

لكن في ناس نازلين ينسخ و ينزل مواضيع .. ينسخ و ينزل .. و بدفع شرط ازا في واحد منهم قرأ شو عم ينسخ ..

ازا عجبه العنوان بيروح ناسخ الموضوع كله بدون ما يقراه و ينزله بمكان تاني .. و يبعته بالأيميل للناس ..

و بتطلع قصة ما أنزل الله بها من سلطان ..

حدا بيصدق انه في بنت بتتحول لأبصر شو لأنه شغلت أغاني و هو عم يقرأ قرآن ؟؟؟؟

بالله عليك يلي ألفت هالقصة و غيرها .. انتا بتدخل مخك هيك شغلة ؟؟

أوكي ... أنا معك .. ربنا قادر هلأ يخسف كل الكرة الأرضية .. بالي فيها .. سبحان الله ... نحنا ما عم نشكك هون بقدرة ربنا و العياذ بالله ..

ربنا قادر يحول الجبل لغبرة بكلمة احدة ..


لكن .. بما انه الحرام بين و الحلال بين .. و في آية بالقرآن الكريم بتحكي ما معناه انه اليوم اتممت عليكم نعمتي و رضيت لكم الاسلام دينا ..

منفهم .. و أي واحد بالعالم بيفهم منها انه هلأ خلااااااااااااااص .. ما في معجزات ولا غيره .. بدك تدخل الاسلام أهلا و سهلا .. ما بدك .. في آخرة .. و كل شي بحسابه ..

أما زمان .. لما كان الاسلام دين جديد .. مو بس الاسلام .. أي دين جديد .. كان لا بد انه يكون في معجزات مع هالشخص يلي عم يدعو للدين الجديد .. و هاد الشخص هو نبي .. و يلي أعطاه المعجزات هو ربنا سبحانه و تعالى ..

أما هلأ .. المفروض .. المفروض يعني انه كل الناس عاقلة .. و فاهمة .. فما في داعي لأي معجزة جديدة بهاي الأيام ..

و قدرة ربنا سبحانه و تعالى أي واحد مهما كان عقله صغير بيقدر يشوفها و يلمسها و يحس فيها وين ما دار وجهه و بدون حاجة لمعجزات ..

و يا عمي ازا بدك تخوف الناس و تزكرهم انه في موت و في حياة تانية و في جنة و في نار ..

ما تقعد تؤلف قصص و تنشرلي فيهم .. ابدأ بحالك أولاً ..

أنا شخص عادي .. مو ملتزم دينياً كتير .. و بقطع بالصلاة .. و مربي سكسوكة .. و بلبس سنسال كمان ..

يعني أنا مو ملتزم كتير .. لكن .. لما أشوف واحد عامل حاله بيحب الاسلام و بيحب الدين كتير .. و هو مو هيك بالحقيقة .. بيخف عقلي منه ..
__________________
[align=center]أبو السعيد لازم يعيش .. أبو السعيد يتحدى الملل[/align]
المدعي العام غير متواجد حالياً  
قديم 04-10-2009, 10:28 AM   #9
المدعي العام
[ نشمــي واصــل]
 
الصورة الرمزية المدعي العام
 
تاريخ التسجيل: Oct 2008
الدولة: الأردن/اربد/الحي الشرقي/شرق السيفوي
المشاركات: 3,696
افتراضي

أنا بس نفسي أفهم شغلة ..

يعني لما واحد يبعتلك ايميل و بيحكيلك (( ادخل و ستكسب 4443483 حستة باذن الله ))

شو بيكون يفكر و هو يكتب هيك شغلة ؟؟؟

يا زلمة انتا مكشوف عنك الحجاب ؟؟؟؟ ولا لا يكون انتا يلي عم تسجل السيئات و الحسنات ؟؟
__________________
[align=center]أبو السعيد لازم يعيش .. أبو السعيد يتحدى الملل[/align]
المدعي العام غير متواجد حالياً  
موضوع مغلق

مواقع النشر (المفضلة)

الكلمات الدلالية (Tags)
مؤامرة, العرب


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:10 PM.


Powered by vBulletin Version 3.8.7
Copyright ©2000 - 2026, Jelsoft Enterprises Ltd
Translation by Support-ar