هل يحق للشاب تهديد الفتاة بالصور؟

[بائعة الورد]

أخواني

كم شتت أسر وخربت بيوت بسببه وقد انتشر في الاونة الأخيره ( وخصوصاً بعد انتشار
الكاميرا والبلوتوث) بكثرة الآ وهوالتهديد والتهديد له عدت انواع وسوف اضرب لكم مثلً لنوع التهديد الذي اقصده في طرحي هذا باختصار
مانلاحظه من تبادل الرسائل والصور بين الشاب والفتاة وكل منهم يدعي
حبه للآخر وقد يضحي الشاب باشياء كثيرة من اجل تلك الفتاة وفجأه يكتشف الشاب ان من كان يحبها صارلها علآقه مع شخص آخر

أخواني

الخيانه ليست من الفتاة بل تكون من الشاب ايضا ولكن اخترت في طرحي هذا تهديد الشاب للفتاة لان التهديد غالبا مايكون من الشاب فالفتاة
لاتستطيع فعل شياء اذا اكتشفت ان من تحبه خانها لان الشاب ليس لديه مايخسره

هل من حق الشاب ان يستخدم الرسائل والصور سلاح لرد اعتباره من الفتاة التي خانته بتهديدها بنشرها ؟؟؟

[align=center]شكرا على الموضوع
انا بحكي ان البنت لازم ما توصل لهي المرحلة مع الشب
وهو بكل الاحوال طبعا ما بصير يهددها[/align]

[المنذر]

السلام عليكم ورحمة الله وبركاته اختي العزيزه مشكوره على هذا الطرح
وفي رأيي انا ان الشاب الذي يصل الى هيك مرحله هو ضعيف الشخصيه ومهزوز في داخله لان العلاقه في الاصل كانت ضعيفهومهما اساء لك الاخرون يجب ان لا تبحث عن الانتقام مهما كان لديك من مبررات

مع خالص الشكر

[توم كروز]

[align=center]
اكيد اسلوب همجي ووقح عندما تصل الامور الى مستوى الابتزاز والتهديد
واعتقد ان المسؤولية تقع على عاتق البنت بالدرجة الاولى عندما تستسلم
لرغابتها الى درجة ان توقع نفسها في فرائس الصيادين من امثال هؤلاء

مشكورة عالموضوع
[/align]

[align=center]بصراحة يلي بتصرفوا بهالطريقة بيكونوا ضعيفين الشخصية و عندهم عقد نفسية بتوزع ع بلد
وبتطلعوها بالبنت حتى لو ما خانتهم ممكن انها بدها تنهي العلاقة بس المريض بضل مريض


ومابلوم البنت و لا بحط عليها الحق ولا جزء بسيط لأنو مش زنبها انها حبت شخص ووثقت فيو
هوه اللي لازم يتعاقب ع اسلوبو الهمجي و المريض ..
هدول الشباب الا مايجيهم يوم يعرفوا فيه انو الله حق ...



بس برجع بقول مالازم البنت تثق بالشب ع طول ... الا لما تعرف صفاء نيتو تجاهها
لأنو مو كل اصابع الايدين واحد ...




تسلميلي بائعة الورد على موضوعك الجميل



كل الاحترام[/align]

[المدعي العام]

المشاركة الأصلية كتبت بواسطة المنذر

السلام عليكم ورحمة الله وبركاته اختي العزيزه مشكوره على هذا الطرح
وفي رأيي انا ان الشاب الذي يصل الى هيك مرحله هو ضعيف الشخصيه ومهزوز في داخله لان العلاقه في الاصل كانت ضعيفهومهما اساء لك الاخرون يجب ان لا تبحث عن الانتقام مهما كان لديك من مبررات
مع خالص الشكر

والله يا معلم كأنك بتحكي بلساني ..

فعلاً .. الشب يلي بيعمل هيك بيكون واحد مريض .. و عنده عقدة من البنات .. و بتلاقيه عمره ما حكى مع بنت .. و فجأة لقى حاله بيعرف وحدة .. تخيل وضعه .. هجين وقع بسلة تين .


و متل ما حكيت يا منذر .. هيك شب بيكون تافه .. مريض .. معقد .. (( محروم )) .. و باختصار .. قليل هيبة ..

ميرسي كتير على هالموضوع . !!

[المدعي العام]

و كمان شغلة بدي أحكيها .. أنه رح يصير تعديل على قانون العقوبات بحيث تصبح هاي الأفعال جرائم ..
- استحداث نص يعاقب كل من يخرق الحياة الخاصة بالآخرين باستراق السمع أو البصر أو بأي وسيلة كانت بما في ذلك التسجيل الصوتي أو التقاط الصور حيث لم تكن هذه الأفعال مجرمة سابقاً كما تم وضع نص يمنع المحاكم من الأخذ بالأسباب المخففة في الجنايات الواقعة على شخص من الأشخاص المنوط بهم ممارسة سلطة عامة أثناء ممارسته لتلك السلطة أو من أجل ما أجراه بحكمها ..

[المدعي العام]

و أكيد هاد المنع رح يكون شامل لحالة التهديد بالصور على اعتبار انها اتهاك لخصوصية الآخرين ..

المشاركة الأصلية كتبت بواسطة المدعي العام

و كمان شغلة بدي أحكيها .. أنه رح يصير تعديل على قانون العقوبات بحيث تصبح هاي الأفعال جرائم ..
- استحداث نص يعاقب كل من يخرق الحياة الخاصة بالآخرين باستراق السمع أو البصر أو بأي وسيلة كانت بما في ذلك التسجيل الصوتي أو التقاط الصور حيث لم تكن هذه الأفعال مجرمة سابقاً كما تم وضع نص يمنع المحاكم من الأخذ بالأسباب المخففة في الجنايات الواقعة على شخص من الأشخاص المنوط بهم ممارسة سلطة عامة أثناء ممارسته لتلك السلطة أو من أجل ما أجراه بحكمها ..

احلى تعديل والله يا المدعي العام


جد كان لازم يصير من زمان

[سوسو الامورة]

والله بهالزمن توقع كل شي من الشباب
ولازم البنت ما تسلم نفسها للشباب حتى لو بتحبه