مـجـنــونـهــــا // قصه واقعيه

شادن طولتي علينا

الجزء الثالث عشر


إعذروني طولت عليكم بحكم إنشغالي في الفترة الاخيرة .. وللظروف احكام .. وما زلت أحاول أخصص وقـت وجهد عشان ينزل كل بارت بيومه بدون إنتظار ..

برؤية الكاتب
~~


مرت 4 ايام من الأسبوع بسرعه وبلمح البصر .. ومحد يحاتي كثر (عليا) كل ماله ويقرب موعد الشوفه ..

موعدهم يقرب .. ويزيد توتر (صالح) لان يشوف (عليا) متوتره .. ويختبص زيادة

بهاللحظة وهم جالسين على الماسنجر يسولفون ..

صالح : اقول (علويه) تعرفين البوم عبدالمجيد عبدالله اللي نزل اخر شي ؟

عليا : ايه شفيه ؟

صالح : وش هي الاغاني اللي اعجبتج منه ؟

عليا : ممم عديم الشوق .. تقريبا اغانيه كلها ..

صالح : اهاا .. عاد انا اسمع ما كان الفراق مادري شفيني عليها اليوم

عليا : (صلووح) الله لا يجيب الفراق .. ليش تسمعها ؟

صالح : ههههههههههه شفيج حبيبتي بس كذا اسمعها مب شرط فيه شي

عليا : ممم اوكي الساعه كم ؟؟

صالح : خاطري اعرف؟ الساعة اللي في جهازج ما تعترفين بها ؟؟

عليا : هههههههههه بوووه تعب عيزانه ..

صالح : @@ ههههههههههههه هالبنت عياره .. الساعه 1 ونص ..

عليا : باااااال تو الناس وانا اتحسب الحين بتطلع الشمس ..

صالح : ههههههههههههه مب منج .. شكلج تعبانه تبين تنامين

عليا : لا

لا

لا

لا

صالح : حشششى علقتييه

عليا : هههههههههههههه مب نايمة ابغي اسهر

صالح : ومن اللي بيخليج تنامين .. اصلا مشتاق لج

عليا منحرجة : فديتك حبيبي

صالح : (علويه) دقايق بس بجيب لي ماي

عليا : اوكيك يالغالي لا تتأخر

راح المطبخ بعدها رجع الصالة يشوف التلفزيون مفتوح والصوت عالي .. استغرب

راح يبغي يسكره ولا يسمع صوت وراه

خلـه مفتوح لا تسكره ...!!

إلتفت وراه ..

صالح : يالجني شمقعدك ؟

محمد : ههههههههههه ما نمت اصلا ..

صالح : شدعوه ؟ وانا علبالي طول هالمدة نايم .. اجل وينك؟

محمد : توني راجع من برى وجايب عشاي معاي .. تتعشى ؟

صالح : يا رجال عليك بالعافية .. انا شبعان ما بغي اتعشى

محمد : زين وش القنوات الحين اللي فيها اكشن ؟

صالح : تبغي شوري ؟؟ حط سبيس تون وشوف

محمد : ههههههههههههههههههه يا الجاهل العود سبيس تون لك ..

صالح وهو ماشي : ههههههههههه انزين عطيتك وجه يالله تصبح على خير

محمد : وانت من اهله ..

رجع يشوف الوضع على الماسنجر مثل ما هو طبيعي .. صار له 5 دقايق تأخر على (عليا) والغريب في الموضوع

انها ما تكلمت كالعادة اذا تأخر تكتب له

وحشتني

وينك ؟ بسرعه ارجع

نفس ما يسوي ويتحرش فيها لما تقوم عن الجهاز وتتأخر

حط الجهاز في حضنه وقعد يكتب ..

صالح : (علويه) بااااااااااااك .. وحشتيني يالدبه تصدقين

انتظر دقيقه

دقيقتين

ما فيه رد ..

صالح : (عليوووو) ؟؟

والله شكلها قامت مادري وين راحت

خذ التلفون واتصل فيها

مره .. ما ردت

مرتين .. بعد ما ردت

لاحوووووووول الله ولا قوة إلا بالله شسالفه ..

انتظر 10 دقايق ونفس الشي لا به خبر على الماسنجر ولا ترد على التلفون

وبعدها .. شافها اطلعت من الماسنجر

اتصل عليها مره ثانيه

ما فيه أي رد

يقول بنفسه .. اكيد فصل عليها ولا راضي يشبك .. بس ليش ما ترد على التلفون

عذرها معاها .. مب راضي ينام لان شي غريب صراحه

بس ما كانت زعلانه ؟؟


يا بعد كل مخلوق على دنيـــاي
عسى كل الملا بأرضي يفدونك
يا عسى الخير ..يجيك يا مناي
يا راحة النفس .. صرت مجنونك
إنت شرقي وغربي ويمناي ..!!
قلبي وروحــي وكلــي يفـدونـك


انسدح على فراشه بعد ما فقد الأمل إنها ترد عليه .. وظل يقرى قصة ويفكر فيها

وينها اختفت فجأه ؟؟

يحط اعذار عشان ما يحاتيها

اكيد فصل عليها ولا راضي يشبك .. وبالصدفة يمكن عل وعسى خلص رصيدها ..

وما إلحقت على اتصالاتي .. والحين نامت

افكار تروح وتجي .. ظل على هالمنوال يمكن نص ساعه وهو منسدح ونام

نام والتلفون جنب راسه .. عشان يسمعه اذا اتصلت

اما عند (عليا) .. صحت من النوم الظهر .. شافت الكمبيوتر قدامها وبين ايديها

والتلفون جنبها

فزت .. خذت التلفون وشافت اتصالات كثيره من (صالح) ومسجات

مره باعث



حبيبتي وينج ؟

ـــ

طمنيني عنج ؟؟

ـــ

(علويه) فيج شي ؟
ـــ



تقراهم بسرعه بسرعه وعلى طول اتصلت فيه

مره ..

مرتين ..

مع ان التلفون جنب اذنه لكن ما سمع الرنة

ما رد عليها ..

ابعثت له مسج ..


حبيبي سوري ما رديت امس .. نمت
ولا حسيت بنفسي !


وهي تبعثه فيها ابتسامه .. معقوله يا (صالح) تحاتيني هالكثر ؟؟

مسكين يا (صلوح) والله متعبتك معاي على هالنوم المفاجئ والثقيل

والمشكله ما يصيدك يأس فديتك .. تتصل اكثر من مرة .. وانا خبر خير

بعد ساعتين من ابعثت له المسج صحى (صالح) من النوم

وظل يتعبث في التلفون .. شاف اتصالاتها تطمن انها بخير

ويوم شاف المسج .. ضحك بس يبغي يعصب عليها

اتصل فيها .. ردت عليه من اول رنة

عليا : صح النووم (صلوحي)

صالح يتصنع العصبية : انتي وينج امس ؟؟

عليا منصدمه من نبرته : حبيبي اسفه اسفه ..

صالح بنفس المود : وشو اسفه ؟؟ قلت لج وينج امس

عليا بتوتر : حبيبي شفيك لا تعصب .. نمت بدون ما حس بنفسي

حتى اللاب توب مفتوح كنت مقابلته انتظرك يوم رحت تجيب ماي ..

وحطيت راسي ونمت .. حتى التلفون ما سمعته .. حقك علي

صالح : مب عن بس خليتيني احاتيج .. شكيت في نفسي يمكن غلطت عليج وانا مادري

عليا : شدعوه (صلوح) .. عاد حتى لو غلطت مب احقرك او اطنشك .. من متى ننام واحنا زعلانين على بعض ؟؟

صالح : ممم زين حصل خير ..

عليا : فدييته المعصب .. احبهم وهم معصبين

صالح : ههههههههههه مشكلتي اني مب معصب بس بشوفج شتسوين

عليا : احللللف ؟؟ وهالاعتذارات كلها .. بس كذا على الفاضي ؟؟

صالح : ليش ما أستاهل ؟؟

عليا : هههههههههه انت تستاهل عيوني .. وتقول ما أستاهل؟

صالح : هههههه فديت عيونج .. تدرين انج وحشتيني يالدبه

عليا : والله إنت أكثر ..

صالح : نعم نعم؟؟ ماااااااابي .. اليوم لازم تعوضيني عن أمس مالي شغل

عليا : هههههههههه يمه منك ما تبغي تفوت يوم .. إن شاء الله من عيوني

صالح : قولي حق قلبي مب لي .. هو اللي ميت عليج وما يبغي يفارقج دقيقه وحده

عليا : فديته هالقلب .. عساه دوم يارب ما افارقه ولا يفارقني

صارت حياة (صالح) كلها (عليا) .. و(عليا) كل حياتها (صالح)

ما عادوا يستغنون عن بعض لحظة وحده ..

هو يشوفها أول الناس ومن بعدها يجون الناس

وهي نفس الشي ما قصرت من هالناحية ..

تشوفه حبيبها .. وربعها .. وابوها وامها واخوها واختها وكل حياتها

خصوصا بهاليوم .. (عليا) عوضته عدل من كل النواحي وما فارقته أبدا

محد منهم طلع من غرفته .. طول الوقت على التلفون ..

يسمع همساتها وهي ذايبه فيه .. وتسمع صوته وهو يتغزل فيها ..

نخلي (صالح) و(عليا) .. ياخذون راحتهم بهاللحظة ما نبغي نزعجهم

نروح لـ (طلال) و(خلود) ..

طلال لايعه جبده : هلا حبييبتي (خلود)

خلود : حياتي انت .. شخبارك ؟

طلال : اففف بخير .. ممم إنتي شلونج ؟؟

خلود : شقلت ؟

طلال : أقول لج انتي شلونج ؟

خلود : مادري كنه سمعت شي ثاني

طلال : هههههههههههههه شفيج متسببه ؟

خلود : ما فيني شي بس (طلال) احس انت ما تحبني

طلال بداخله : توج تدرين اني ما حبج؟؟ اصلا انا غبي ولا وشطيحني عليج !!

وانتبه على (خلود) وهي تناديه ..

طلال : هااا .. نعم وشو ليش ماحبج ؟؟

خلود : مادري ما تشتاق لي حتى لين ازعل عليك تراضيني بدون نفس .. حتى عادي عندك اذا ما كلمتك !!

فعلا .. (طلال) ما عمره حب (خلود) او حتى إدخلت قلبه .. هي في نظره انسانه قاطه نفسها عليه

وهالشي ما يحبه ولا يعجبه خصوصا انها هي بادرت واتصلت فيه وفوق هذا ما تعب عشان يجيب راسها

طلال : اقول (خلود) انا بروح عند اخوي وبرجع اتصل لج ..

خلود : شفت شلون اتكلم معاك وتسكر

طلال : خلاص قلت لج بتصل .. باي ..

خلود : اففف .. باي ..

جلس (طلال) بينه وبين نفسه .. ويفكر : انا لين متى اقص على البنت ؟؟ انا مب مرتاح معاها وهي حاسه بهالشي

ما حبها ولا اقدر اتقبل منها اي كلام .. صدق صوتها حلو بنت الكلب .. بس بعد احسها جريئة يعني شكلها متمرسه

خلاص انا لازم اصارحها اليوم وافتك من وجهها ..!!

حذف التلفون في غرفته وراح عند اخوه يلعب معاه play station

رجع الغرفة بعد ساعه خذ التلفون .. يبغي يتصل في (صالح)

طلال : اوووووهووو هذا وقته ويتنغ .. لو تطلع روحي ما يرد علي

راح شبك على الماسنجر .. لقى (سعود) موجود ..

طلال : (سعوووووووووووووود) الحب ..

سعود : اهلييين تلووولي ..

طلال : ههههههههههه شفيك صاير إخواني؟

سعود : اتخسسسي ههههههههههههه هذا دلع يالعلة

طلال : هذا دلع ؟؟ اجل انت اسمك سع سع

سعود : هههههههههههههه هذا كنه واحد فيه امساك

طلال : عاد تفكيرك انت وصخ كله في الحمام ..

سعود : هههههههههه الله يخسك .. انزين شخبارك شمسوي ؟؟

طلال : يسرك الحال .. انت شخبارك ؟؟

سعود : الحمدلله ربي يسلمك .. على طاري امس (صلوح) سأل عنك

طلال : ايه شفته امس متصل لي كنت نايم .. وتلفوني سايلنت عشان الازعاج

سعود : خففف يا معبود الجماهير ..

طلال : أي معبود أي عبود .. انجلع ززين والله هاذي زهقتني من حياتي ..

سعود : بل من هاذي ؟؟

طلال : من غيرها .. طايحة الحظ

سعود : أكيد طايحة حظ دامها تكلمك هههههههههه ..

طلال : ههههههههههههههه ..

سعود : انزين .. من اللي تعرفهم ؟؟ يعني

طلال : منهم .. بس هاذي نشبة غير شكل .. قسم بالله يا (سعود) ما تفج

اصرفها .. اطنشها مافيه فايده .. لزززززززقة عنزرووووت ..

سعود : مسكينه تحبك !

طلال : حبتها القراده .. يا رجال أحسها اجرأ مني حتى انا مب جرئ كثرها ..

سعود : ووول .. وانت من وين متعرف عليها ؟

طلال : من واحد جاني مره يقول فلانه تبغي تتعرف عليك

وخبرك أنا اضيع وقتي .. بس هاذي شفتها جايه جاهزة وخذت رقمي بدون تغلي وخرابيط .. وطنشت الباقي

وبعد يومين واعدتها وشفتها .. ألعن يومها صدق ناقة بس مالها سنام ..

سعود : ههههههههههههههههههههههه هاذي خالصه ما عندها وقت .. زين وشصار ؟

طلال : ما صار شي بس لاعت جبدي تمللت .. خذت اللي أبغيه

سعود : دام انت ما تحبها من البدايه ليش تشوفها ؟؟

طلال : (سعود) من صجك ؟ بنت تجيك جاهزة وعادي عندها تشوفني واقول لها لا ؟؟

مجنون ولا مب صاحي ؟ اوكي ما تكلم عن نفسي بس اغلب الشباب كذا ومسوين روحهم عشاق ويخافون على البنت

سعود : هههههههههههههههههه ايه والله بهاذي صدقت ..

طلال : قسم بالله عادنهم .. طيب على قولتك تخاف عليها ليش من الاساس خليتها تطلع معاك وجبت لها الكلام

سعود : يبغي يكبر في عين الغبيه اللي معاه .. مثل اللي عندك .. بس من سوا نفسه سبوس إلعبت به الدجاج ..

طلال : صح كلامك .. ودامها ما إحترمت اهلها مب ملزوم احترمها .. وقبلي وش كثرهم ماحترموها جت علي انا هي بنفسها معترفه

سعود : بل بل .. هاذي لو تحلف من الحين لين بكره انها تحبك لا تصدقها .. ولو حبتك صدق عادي بيوم تنكبك

طلال : ههههههههههههههههههههههههههه تنجججججلع يا بووي .. اسكت ذاك اليوم وهقت (صلوح) فيها اقول لها يسلم عليج وهو شوي وينبط يبغي يكفخني

سعود : ههههههههههه إنت نكبه .. زين ما درت حبيبته تسوي لهم مشاكل ..

طلال : آآآخ ما عطانا من ما عطى (صلوح) .. صدق عرف يختار .. هو بعد يستاهل يحبها بكل ما فيه

سعود : ايه والله يستاهل .. المهم ما علينا وش اسمها ؟؟

طلال : خلود .. ولقبها أم كعوب

سعود بصدمه : نعععععععم ؟؟ احلللف ؟؟

طلال بتوتر : لا تقول حد من هلك ؟؟

سعود : هههههههههههههههههههههههههههههههههه إحنا ما نعرف هالاشكال

طلال : هههههههههههههههههههههههه اشووى والله شفتك مشتط قلت يمكن حد من هلك وانا مسفل فيها

سعود : لان الاسم مر علي .. هاذي مب اللي كانت مع اخو رفيقك ؟؟

طلال : بالضببببببببببببببط ..

سعود : استغفر الله هههههههههههههههههههه فيني ضحكه يخرب بيتك خليتنا نتكلم عن الناس

طلال : ههههههههههههههههه قول قول وش تبغي تقول

سعود : ولاشي بس طلقها من حياتك ..

طلال : ياخي انا ناوي بس ابغي اخذ شور (صلوح) .. والخايس اتصل له ويتنغ

سعود : هالسالفه ما تحتاج شور ولا تفكير .. ابعدها لاتجيب لك مشاكل ودامك ما تحبها خلاص سرحها

طلال : ههههههههههههههههههههه اسرحها ؟؟ عنز ولا اصخله

سعود : هههههههههههههههههههههه انعجه احسن

طلال : من شافها يقول ناقة مسويه شفط لسنامها ..

سعود : ههههههههههههههههههههه خسك الله

طلال : ههههههههههههههههه خلاص بكره بكلمها الوقت تأخر وانا مابغي اخرب نومي عشانها

سعود : الحين بتنام ؟؟ غريبة تو الناس ..؟

طلال : انسان بطالي لا شغلة ولا مشغلة خلني انام .. اتحلم في عروس المستقبل

سعود : هههههههههههه اجل انجلع وانا بروح اكلم الحب ..

طلال : سلم عليها

سعود : ممم ما تبغي ابوسها بعد ؟؟

طلال : اذا يصير .. فيك الخير ..

سعود : هههههههههههههههههههه أقوول تلايط بس

طلال : هههههههههههههههه مالت عليك يالله خلني اروح انام .. باي ..

سعود : هع هع .. باي ..


إعذروني راح اكمل بارت 13 في الــرد اللي بعده ..

تابع الجزء الثالث عشر

وعند (صالح) و(عليا) .. ولحظاتهم الهادية بعيد عن الأحداث اللي صارت من شوي ..

مر الوقت وما حسوا فيه .. من الظهر لين الليل وهم على التلفون يسولفون

عليا بنعومة : حبيبي بطلع الصالة بشوف امي .. وبرجع لك

صالح متعمد : (علويه) قبل لا تروحين الصاله تعالي شوي .. قربي

عليا بدلع : وين ؟

صالح : قربي ابغي اكلمج

عليا : يالدب انت تكلمني الحين

صالح متجاهل مزحها بهاللحظة ويكمل : حبيبتي قلبي يبغيج .. كل ما فيني يقول لج خليني احس بحبج ودفاج

بأنفاسج .. بإحساسج .. بصوتج الناعم الدافي

عليا بدلع : قلبي .. وكلي بكبري .. حلالك على طول

صالح : فديت حلالي .. فديته احلى وأطعم حلال في العالم هههههههههههههه

عليا : هههههههههه اشدخل حياتي ..

صالح : والله انتي الشي الوحيد اللي ابغيه على طول .. الشي الوحيد اللي يخليني أستانس

يونسني .. يريحني .. ياخذ كل ما بخاطري .. إنتي حبيبتي وبس ..

عليا : بعد هالكلام .. ما أظن فيني حيل اطلع الصاله بعد

صالح : هههههههههههههه .. لالا قومي روحي الصالة .. أمج بتزعل ..

عليا : من هالناحية صج .. أمي هاليومين كله تهاوش عشان نومي مخربط ..

صالح : عندي وعندج خير .. عشان كذا انا بطلع معاج ..

عليا : حبيبي خذ معاك تلفونك .. ترى اشتاق لك اووف منك

صالح : يييييييه ليش بعد اووف؟؟ @@

عليا : أحبك أحبببببببك .. يا خي افهم أموت فيك ..

صالح : ههههههههههههههههه بس ؟؟

عليا : بدلع : ممم وأعشقك

صالح برومنسية خاطفة يهمس : وانا اذووب فيج وبكل شي فيج ..

ظلت ساكته مده .. من فرحتها بحبه لها ومن احساسها الداخلي اللي حست فيه من همساته

صالح : يجذبني فيج سكوتج .. كنه يجبرني ازيد بكلامي

عليا تتنهد : (صالح) تكفى لا تزيد .. رومنسيتك ما أقدر عليها مااااااااا أقدر ..

صالح بتصنع : عشان ما تقولين (صلوح) ما يحبني وما يغازلني

عليا : هههههههههههه انت ذبحتني .. شبّعتني غزل .. انحرج ما قدر أرد عليك

صالح : زين دبدووبه يالله نقوم ؟؟

عليا : اوكي .. ببدل وبطلع الصالة خلني الحق على أمي قبل لا تنام ..

صالح بمزح : (علويه) .. (علويه) .. عاد وشلابسه ؟؟

عليا : هههههههههههههه أونك ما تعرف شو لابسه ؟؟

صالح بمزح : بعد شوو ؟؟ يا وييييييييييلي .. انتي الظاهر مب طالعه من الغرفة دامج بيدي نياهاهاهاا

عليا : هههههههههههههههه (صلوحي) بس عاااد ..

صالح : هع هع .. صدق وشلابسه؟؟ ظلااام ماا شوووف ..

عليا : وياليت الظلام يمنعك بعد ..

صالح : أموووووووت بالظلام .. وأنفاسج وسط هالظلام ..

عليا : يا مينووون هههههههههههههههه .. إنت مينووون والله ..

صالح : هههههههههههههههههاااااااي .. زين يالله انا بعد بقوم .. وبخلي التلفون عندي ..

عليا : (صلووح) ..

صالح : عيوونه ؟؟

عليا : أحبـــــــك

صالح : امووت فيج

عليا : يالله بيبي .. با باي

صالح : زيتووناااا

عليا : هييييييييييي ماااااا حببببك ززين

صالح : لا مب زين

عليا : ههههههههههههه بااااااااي

صالح : اعشقج يالدبه .. ههههههههههههه باايات ..

وطلع (صالح) الصالة .. كانت الساعة 10 .. شاف امه موجوده

صالح : هلااااااااااا اميييييييي العزيزة

ام صالح : انت حي ؟؟

صالح : ههههههههههههه ايه شوفيني شحلاتي ..

ام صالح : هالكثر نوم ؟؟ شفيك منخش في غرفتك

صالح : يااا أووومي .. النوم حلللللووو ..

ام صالح : وش حياتك إنت؟ .. لا ليلك ليل ولا نهارك نهار

الناس ينامون وإنت تقعد مثل الخفاش .. الناس يقعدون إنت تنام

صالح : يمه ما وراي شي لا شغله ولا مشغله ..

ام صالح : وانت عاجبك حالك كذا ؟؟ لا شهادة ولا شغل ؟

صالح : يمه انا قلت لج شغل مب مشتغل الحين .. خليني استانس ..

ام صالح : وش تستانس فيه يا حظي؟ .. على الأقل شوف لك جامعة من هالجامعات شد حيلك

كمل دراستك لا تقعد في البيت وانت شاطر ..

(صالح) ينرفزه موضوع الدراسة .. يدري ان انسحابه من الجامعة مب بيده .. قوانين الجامعة صارمة

ومب هو بس .. اكثر اللي معاه وبنفس دفعته اطلعوا والسبب هالقوانين التعسفية

صالح : يمه انتي عارفة ان الجامعة ما إرحمت احد .. واغلب ربعي اللي معاي اطلعوا

ام صالح : بس مب معناه انك تدفن نفسك في البيت .. شوف لك انتساب في جامعات برى او اي شي

صالح : ان شاء الله يمه يصير خير ..

ام صالح : وين بتحس بالمسؤولية .. وانت كل شي تبغيه يجيلك ..

صالح : يمه .. حبيبتي لا تعصبين قلت لج بدور لي جامعة وادرس فيها ان شاء الله ..

بس شغل مب مشتغل تو الناس .. ما كملت سنة من طلعت من الجامعة خليني ارتاح

(ام صالح) اسكتت بعد ما وعدها ان يشوف له جامعه .. وهي بينها وبين نفسها تقول : اي جامعة سهلة هالأيام؟؟

اذا الجامعة اللي كان فيها تطرد عيالها بقوانينها الصعبه .. جات على الجامعات الثانية؟ .. الله يوفقك يا ولدي ..

تقول هالكلام بينها وبين نفسها .. مب قدامه عشان ما يحط العذر على الجامعة

دوم تلومه ان هو ما شد حيله .. وان هو اللي كان يلعب ما يدرس ومستهتر

صالح : انزين يمه احد سأل عني ؟؟

ام صالح : اتصل فيك (طلول) مساعه وقلت له انك نايم

تذكر (صالح) يوم يتصل له وهو يكلم (عليا) .. وما رد عليه ..

صالح : احم .. وشقال لج ؟؟

ام صالح : قال هالمتين كله نايم ؟ ..

صالح : عاد الحبيبة أمي .. ظلت تشكي له الحال

ام صالح : أبغي اطلع اللي في خاطري .. لأن حالك مب عاجبني ..

صالح بإبتسامة : من عيوني يمه حالي بيتغير يالغالية ..

كالعادة امه ما تقدر على إبتسامته وكلامه الطيب .. وإحترامه لها بهالمواقف

ام صالح : حبيبي والله ابغي مصلحتك .. ما يصير يعني أتكلم وتتضايق

صالح : يمه ما تضايقت والله وان شاء الله اللي يرضيج أسويه

ام صالح : الله يهديك ..

صالح : زين انا بشوف الغبي اللي اسمه (طلال) شعنده .. تامريني على شي ؟

ام صالح : سلامتك .. انا بروح انام قاعدة من الفجر وما نمت

صالح : سلامتج يمه ونوم العوافي .. إلا (فهد) وينه ؟؟

ام صالح : ههههههههه حسبي الله على بليسك ما كنه ابوك .. اتصلت له مساعه يقول عنده شغل

صالح : و(حمود) ؟؟

ام صالح تتنهد : انت تدري عن الناس ؟؟ روح روح انتحر احسن لك ..

صالح : ههههههههههههههههههههههه افاااا .. بعدين السبع بحححح خلااص

ام صالح : ههههههههههههههه .. خلني اروح انام

باس امه وراح يتصل في ولد خالته .. كانت الساعه 12

في هاللحظة جاه مسج من (عليا) .. مكتوب فيه


قالوا : علامك كل ماحل طاريه؟؟
تنسى البشر حولك وتذكر خياله
قالوا : علام القلب متولع فيه ؟؟
دور لعل القلب يلقى بداله ..!!!!
قلت : الغلا ما هو بكيف راعيه..
لو الغلا على الكيف قلنا حلالــه


إبتسم إبتسامه فيها نشوة شوق ولهفة عليها .. وبعث لها ..


يـــا مرحبا .. يــــا نـور عــمـــري كلــه
اللي مضى .. واللــي بقـــى قدامي
إنـت الطـريـق اللي مــا صدقت أدلــه
وأشـهــى طمـوحاتـي وألـذ أحـلامي
يــا روح ورد اليـاسميـن .. وفــلــــــــه
يا طــب جرحي .. ويــا علاج آلامـــي
يـــــا حـلــم (صالح) يا هـــواه وخلــه
يا مرحبا .. يالعالي .. المـتـســـامي
يا حلـــــو طيفك .. لا وصل في حلــه
وأشعــل فـوانـيـس الأمـل بأعوامـــي
لا شفت قلبي في يدينك خلـــه ..!!
وارفق على اللي من حنانك ضامي
ضمه على صدر .. الغــــرام وسله ..
وإمسح على جرح السنـيـن الدامي
عطني غرامك .. يـــــــــا كريم وهلــه
وإضرب على الحامي دامـــــه حامي
إنت أول غصـــون الخفـــــوق .. وظله
شفني عطيتك لهـفـتــــي وهيامي
قلبي إذا منت بحبيـبــه مـن لـــــه ؟
من غيرك اللي يستطيـع إلـهـامــي


وإتصل في (طلال) .. ظل مدة يرن وعلى اخر شي رد عليه

عرف ان نايم وصحاه من نومه .. حب يستهبل عليه

صالح مغير صوته : احم احم .. ممكن نتعرف ؟

طلال مب بوعيه : من ؟

صالح : وحده وابغي اتعرف عليك

طلال : بل الصوت خشن ..

صالح : هههههههههههههههههههه يالدعلة .. هذا وانا مغيره

طلال : تدري انك غبي ؟ مخزن رقمك يعني كاشخ مسوي اكشن ؟

صالح : ايييييه صح ههههههههههههههههههههههههه بس اخبرك وقت النوم ما تركز

طلال : إلا بهالشي هههههههههههههههههه زين اتصلت

صالح : ازعجتك ؟؟

طلال : لا والله احلى ازعاج .. فديتك شحالك ؟

صالح : سهالات .. انت شخبارك ؟؟

طلال : تماام ..

صالح : زين شتبي ؟؟ يقولون متصل الصالة اليوم

طلال : قالت لك خالتي ؟

صالح : (طلال) اختار واحد من الاثنين يا فيك غباء مزمن؟ ولا إعاقة مخية؟ .. اجل شلون بعرف ؟؟ من الهوى ؟

طلال : قلت يمكن الحاسة السادسة هع هع ..

صالح : آآآآآآآآآآآآآآخ على الملاغة .. تعذذذذذبني ..

طلال : ههههههههههههههههههه .. زين اسمعني عندي موضوع وابغي اخذ شورك فيه ..

صالح : (طلول) انت منسدح وتتكلم ؟؟ قم .. عنتالله عليك ما اسمعك عدل ..

طلال وهو يعدل جلسته : ها الحين تسمعني يالبطيخة ؟

صالح : هههههههههههه كرشتك بطيخة خايسة .. ايه الحين احسن

طلال : زين جب .. ممم تعرف الغبيه اللي اكلمها ؟؟

صالح : من ؟ انت واجد اللي تكلمهم

طلال : اللي ذاك اليوم دبستك فيها هع هع

صالح : اييييييييييييه .. شفيها ؟؟

طلال : صراحه (صلوح) ما دانيها وتلوع جبدي كل ما اسمع صوتها

صالح : من كم يوم شوي وتستخف على صوتها والحين يلوع الجبد

طلال : بس انا ماحبها اكرههااا .. وناوي اعترف لها ..

صالح : زين اعترف لها .. يعني شي جديد عليك ومتوهق؟ انت ما تتعطل أي وحدة ما تعجبك تقول لها باي باي

طلال : السالفه مب كذا .. السالفه مممم

صالح : اجل وشهي ؟

طلال : انا بخليها عشان وحده !!

صالح بتعجب : وحده ؟؟

طلال : ايه وحده .. بس مب نفس اللي خبري خبرك .. هاذي غير

صالح : شلون ؟؟

طلال : (صلوح) اول مرة احس قلبي ينبض لبنت ..

صالح : طيب من متى تعرفها ؟

طلال : من قريب .. بس ثقيله محترمة غير عن هالخمة اللي عرفتهم

صالح : قصدك صعبه ؟

طلال : يمكن .. ولا تنكر ان الصعب كل من يبغيه

صالح : اكيد .. بس بقول لك شغلة ..

طلال : قول ؟

صالح : انت عرفت بنات واجد منهم اللي ضيعت وقتك معاهم وتذكر انك لعبت على واجد

يعني انت الحين مب متأكد من مشاعرك اتجاه هالبنت .. يعني انا من رأيي انك ما تستعجل

وتاخذ وتعطي معاها .. يمكن مع الايام تكتشف ان مجرد اعجاب

طلال : انا عشان كذا اخذ شورك .. انت تعرفني انا متهور وعادي بعد يومين اتملل

صالح : طيب وش ناوي على (خلود) ؟؟

طلال : انت من صجك حاسب حسابها .. ياخي امرها منتهي ..

صالح : (طلول) .. يا خوفي يجي يوم وينلعب عليك مثل ما تلعب عليهم

طلال : لا تخاف .. ولد خالتك ذيييب

صالح : بس كما تدين تدان .. حط بالك على نفسك

طلال : ماا عليك .. المهم شخبارك بعد وش مسوي ؟؟

صالح : ابد ما من جديد من ساعتين قاعد من النوم

طلال : هاذي خالتي تشوفك في الغرفة علبالها نايم .. يالعيار مساعه شايفك ويتنغ

صالح : هههههههههههههههههههههه زين انك مافضحتنا يوم تتصل الصالة

طلال : هههههههههههههههههههه لا تخاف اضبطك

وهو يسولف معاه .. شاف (عليا) تتصل فيه ..

صالح : لحظه (طلول) .. بشوف (علويه) على الخط الثاني

طلال : اوكي ..

صالح : هلا حبيبتي هلا بالغالية

عليا : ايه انا اقوووول ليش ما يسأل عني .. لاهي مع خطوطه ..

صالح : ههههههههههههههههه وانا اقدر انساج ؟

عليا : واكبر دليل ما بغيت ترد علي ..

صالح : ايالعياره @@ .. كاني رديت عليج ؟؟

عليا : شعقققبه؟ .. لاهي مع اللي معاك على الخط

صالح : ههههههههههههههههه ألهى مع (طلول) ؟؟ بذمتج ؟

(عليا) .. على فضولها وغيرتها ما فكرت تسأله من معاه على الخط .. لكن جابتها بطريقة ثانيه وخلت (صالح) يقول بدون لا يحس

وهاذي طريقة (عليا) دوم .. ما تحب تظهر بمظهر المحقق .. خصوصا بهالأمور

فـ تشبع فضولها وحيرتها بشكل غير مباشر ..

عليا بدلع : حبيبي وحشني صوتك

صالح : ههههههههههههههههه لو ما قلت من على الخط كان ما طلع هالدلع

عليا : ههههههههههههه .. من حقي حبيبي واغار عليه

صالح : حلالج حبيبتي والله حلالج ..

عليا : (صلوح) حبيبي لا تزعل بس اغار ان شفت عندك خط .. هو من حقك بس اموت من الغيرة .. قلبي يولع قهر .. مب بيديني هالشي

صالح : حبيبتي انا ما قلت شي .. بالعكس يونسني هالشي هع هع

عليا : ايه يونسك انك تحرق قلبي وتخليني اغار

صالح بهمس : وامووووت من الوناسة .. أجل شلون بعرف اذا حبيبتي تحبني ولالا ؟

عليا : تطمن .. اعشقك بس لا تذبحني

صالح : هههههههههههههههههههه .. انزين نقعت الولد على الخط

عليا : ايييه مسكين .. انزين بتطول ؟؟

صالح : ما دري بشوف شعنده وعقب بكلمج ان شاء الله

عليا : خلاص انا بروح اشوف تلفزيون .. وبنطرك ..

صالح : لا تشوفين شي عني .. بجيج الحين بشوف وياج هع هع

عليا : اوكييييييك .. بس لا تطول حبيبي ترى توحشني

صالح : من عيوني

عليا : تسلم عيونك .. يالله حبيبي مع السلامة

صالح : با باااي

عليا : ههههههههههههه دب ..

وسكر منها ورجع لولد خالته اللي لين الحين على الخط ..

صالح : احم احم ..

طلال : انت قليل ادب

صالح : بللل ليش ؟؟؟

طلال : انااااا الشيخ (طلال) تنقعني على الخط ؟؟

صالح : هههههههههههههههههه إسسسترررريييح زززين ..

طلال : اسكر ؟ عشان تكلمها ؟

صالح : لا خلص سالفتك ..

طلال : شوف الكلام على التلفون ما ينفع انا لازم اشوفك واتكلم معاك

صالح : خلاص مب مشكله بجيك بكره

طلال : يالغبي .. نسيت وعدك لي نبات بيت الجد يوم الخميس ؟

صالح : ايييييييه صح يعني بعد بكره ان شاء الله .. اوكي اوكي

طلال : انت شفيك امصرقع ؟؟ روح روح كلم الحب وانا بكمل نوم ..

صالح : هههههههههههههه شقلت الحين .. يا خي قاعد افرفر في التلفزيون مب معاك

طلال : زين روح لصق وجهك في التلفزيون خلني انام .. ارتحت بعد ما قلت لك الموضوع

صالح : بلللل الساعه 1 .. حشى الوقت بسرعة يمر .. زين قم اخمد .. خمدة العافية

طلال : يعافيك .. ولاتنسى هاااا الوعد الخميس ..

صالح : إن شاء الله ..


اسمحوا لي اوقف لين هنا .. وبكمل الاحداث بالجزء الجاي بإذن الله

تسلميلي شدونه الجزء هاد كبير
رح غيب شوي وارجع اتمتع بقراءته

هلا حبيبتي وان شاء الله تكون الاحداث متل ما بدك

شادن الجزء الاخير مكرر اكتر من مرة
اغلبك تحذفي المكرر
^__^

يسلموا شادن على القصه الحلوة

يا سلام عالحب

ديما ليندا

يسلموا على المشاركه والقراءه
تسلموا لئلبي يا رب

الجزء الرابع عشر


سكر (صالح) من (طلال) .. وهو يفرفر بالقنوات شاف فلم رومنسي في ام بي سي 2

اتصل في (عليا) .. ردت عليه وسمع صوت تكسير

عليا : آآآي

صالح : بسم الله عليج شفيج ؟؟

عليا : لا حبيبي ما شي .. بس الصحن طاح من ايدي

صالح : تعورتي حبيبتي ؟؟

عليا : لالا ما تعورت .. اصلا فرط من ايدي وطاح على الطاوله مب على الارض

صالح : اشوى .. شتسوين عاد ؟؟

عليا : جوعانه .. وقاعدين متأخر ما يمدي اطلب من المطعم .. الشيخ (صالح) مع سوالفه ما خلاني اطلع من الغرفة إلا بعد طلعه الروح

صالح : هههههههههههههههههههههههههههه .. أأأأنااا اصير لج اكل

عليا : يمييييي احلى اكل

صالح : عاد بتظلين شبعانة سنة كامله قدام هههههههههههههه

عليا : ههههههههههههههه فديتك انت يالحلو

صالح : فديت وجهج .. (علويه) سويلي معاج اكل تراني جوعان

عليا : ممم المشكله ادور شي جاهز .. وما لقيت غير فطيرة جبنة

صالح : زين انتي سوي لج شي .. ولا ما تعرفين ؟

عليا : احم .. عن الاحراج

صالح : ههههههههههههههههه ايه صح نسيت انتي ماتحبين المطبخ

عليا : انا الشيخه (عليا) بنت امي .. ادش مطبخ واطبخ ؟ ليييششش

صالح : انزين انا ابغي اكل من يدج

عليا منحرجه : دام عشانك بدخل المطبخ وبسوي ذبيحه .. انت امر تدلل بس

صالح : يااااااااااااا وووووويلييي .. ويلوموني فيج ؟؟ قولي لي يلومووني ؟؟

عليا : اغبياااااااااااءءء .. مب حلووين

صالح : هههههههههههههههههههههههه

عليا : يالله حبيبي بطل حلجك .. بسم الله

صالح : يم يم يم .. حلوو طعمها تدرين ليش ؟؟

عليا : ليش ؟

صالح : لأنها من ايدج

عليا منحرجه : من وين تجيب هالكلام ؟

صالح : من حلجي بعد من وين ؟ هههههههه

عليا : مع الووويه هههههههههههه

صالح : زين قلبي يالله اذا خلصتي عشان نشوف فلم حاطينه في ام بي سي 2

طحت لج عليه بالصدفه وانا اكلم (طلول) الهذار .. وشكله عجيب

عليا : اوكي حبيبي .. وانت ما تبغي تاكل شي ؟؟

صالح : دامج كلتي خلاص انا كليت

عليا : حبيبي عاااد من صجي

صالح : وانا بعد من صجي .. ثاني شي مب جوعان واجد

وهو يكلمها بالتلفون ماشي رايح المطبخ ياخذ له ماي .. ورجع الصاله يشوف التلفزيون معاها وهي على الخط

ساكتين ومندمجين يشوفون الفيلم .. وبعد مدة حطوا دعايات

صالح بهمس : فديته اللي مندمج

عليا : فديت قلبه .. توني بقول لك تكلم وحشني حسك

صالح : انتي اللي بكبرج وحشتيني .. حبيبتي شخبار امج ؟

عليا : تدري يوم رحت الصاله شفت امي معصبه علي .. وما تكلمني عدل

صالح : بل ليش ؟؟ شفيها ؟

عليا : تقول لي وين اللي وعدتني تجي معاي عند خالو

صالح : بل مسكينه .. راحت بروحها؟

عليا : هيه مع الخدامه العصر .. وانا كنت نايمه يعني مب بكيفي

صالح : عادي حبيبتي .. عوضيها المرة الجاية

عليا : عادي يوم يومين وبتنسى .. وانت شخبار ماماتك باباتك اخوانك ؟

صالح : والله ابد طلعت الصاله استلمتني امي إنت حي ؟؟ وشحقه ما تدرس وافتحت لي موضوع الجامعة والدراسة

عليا : انزين حبيبي انت مب ناوي تكمل ؟

صالح بحده : ما أدري مب عارف انا بروحي مب عارف وش بسوي

عليا : انزين (صلوحي) خلاص لا تعصب ولا تضايق .. انا عارفه ان الموضوع ينرفزك

خصوصا انك كنت في الجامعة وخاطرك تكمل ويصدمونك بهالقرار

خلاص يا قلبي اللي تشوفه سوه .. اهم شي عندي انت ما تضايق عمرك

صالح : مب متضايق بس امي تعيد وتزيد في هالسالفه .. وهنا مافيه جامعات بنفس التخصص اللي ابغيه وسفر برع مب ناوي الحين اسافر وادرس

وحتى لو اشتطيت وقلت بسافر ادري فيها تقول ما قدر على فراقك وشوف لك جامعة هنا ..

عليا : معليش حبيبي استحمل هاذي امك .. مافيها شي

صالح : ربج كريم يالغاليه .. على العموم الفلم بدى يالله نشوفه

عليا بهمس : انزين احبك !!

صالح : ههههه بعد انا احبج

عليا : يااا ربي امووت فيه وهو معصب وزعلان .. اموت فيك امووت

(صالح) يحب طريقة (عليا) لما تتحرش فيه وهو زعلان او متضايق .. دوم تضحكه بطريقتها وتنسيه الضيق

تسمعّه كلامها الحلو وينسى كل شي ينرفزه او يضايقه

عليا : الله لا يحرمني منك

صالح : ولا منج حبيبتي

وبعد مده وهم يتابعون الفلم ..

صالح : هذا يملل

عليا : بالعكس حلو .. شوف امها ما تبغيه يقرب من بنتها .. وتسوي مشاكل بينهم

صالح مندمج : يااا غبي دامك تحبها ليش انفصلت عنها

عليا : كله من الام .. يا حراام شوفه راح يترجاها تعلمه وين مكان بنتها

مندمجين بالفلم على اصوله .. خصوصا ان رومنسي يعني في نظرهم شي ثاني

وعند (سعود) .. يرن تلفونه .. قام من نومه شاف حبيبته تتصل

رد عليها وهو متخرع غريبه تتصل فيه بهالوقت

سعود : هلا حبيبتي شفيج ؟

نورة : حبيبي اسفه ازعجتك ادري عندك امتحان بس والله ابغي اطمن عليك ماكلمتك قبل لاتنام لاني انشغلت

سعود : لا عادي حبيبتي لا تخافين درست اللي اقدر عليه وتمللت ونمت

نورة : انزين متى عندك امتحان ؟

سعود : الساعة 7 ونص ان شاء الله

نورة : خلاص انا بقعدك الساعه 7 ويمديك بهالوقت

سعود : على خير ان شاء الله .. ليش ما نمتي للحين ؟؟

نورة : كنت مشغوله والله مع الاهل .. وما قدرت انام قبل لا أطمن عليك

سعود : فديت قلبج .. نامي حبيبتي نوم العوافي

نورة : ادري مقصرة في حقك (سعود) سامحني المفروض اكون معاك خصوصا بالامتحانات

سعود : انا امقدر ظروفج حبيبتي وعارف وضعج .. الايام الجاية ان شاء الله نتفرغ لبعض حتى انا قصرت معاج بحكم انشغالي بالامتحانات

نورة : ان شاء الله على خير حبيبي .. الله يوفقك يارب وتتخرج وتفتك

سعود : امين .. اجمعين يالله حبيبتي نوم العوافي

نورة : الله يعافيك يا قلبي

علاقة (سعود) و(نورة) من اجمل العلاقات البريئة .. صار له معاها سنتين

وحبه لها كل ماله ويزيد .. وهي نفس الشي .. لكن (سعود) يثبت بعض الاحيان ان يحبها اكثر من ما هي تحبه

بس الايام مب كلها معاه .. لازم الظروف تحكم في هالعلاقة

نرجع لـ (صالح) و(عليا) بعد ما خلص الفلم

عليا : ملل صح ؟

صالح : افففااااااااااا انا معاج وتقولين ملل .. اونسج انا افا عليج .. يالله يالله ندخل النت

عليا : ايه صح على طاري .. حبيبي شرايك اسوي لي ايميل ثاني ؟؟

صالح : ليش عاد ؟

عليا : لان بهالايميل عندي ناس واجد ما كلمهم .. وابغي اسوي لي ايميل جديد اضيف عليه ربعي اللي اكلمهم دوم

صالح : اوووووكي

عليا : بل مافيه جارج .. بيسكر

صالح : خلاص قلبي خلنا على الماسنجر وخلي تلفونج على الجارج لين بعدين

عليا : اوكي حبيبي


وعلى الماسنجر !!


صالح : حيالله اللي نورت ماسنجري فدييت كشتهاا

عليا : هههههههههههههههه .. انزين شو اسميه ؟

صالح : مممم خلينا نفكر

عليا : ابغيه امصرقع .. عبيط مب نفس هالايميلات اللي طايحين فيها هالايام

صالح : شرايج في المينونه ؟؟ هع هع

عليا : هههههههههههههه المصروعه احلى

صالح : بللل ههههههههههههه المصروعه .. لا سميه المصرقعه احلى

عليا : ابغيه الملعونه

صالح : حششى شهالاسامي العويه ؟؟ ههههههههههههههههه

عليا : انزين فكر معااااااي

صالح : شوفي انتي نكج امصرقع .. وانا ادلع نكج .. شرايج تسمينه نفس الدلع اللي ادلعج اياه

عليا : فكررره .. اجل انطرني على ما يفتح الموقع

صالح : بس على شرط ؟

عليا : وشو ؟

صالح : ما تعطين اللي خبري خبرج .. يكفي مشاكل صارت منهم

عليا : انزين بس وحده منهم رفيجتي واخاف تزعل لو ماضفتها

صالح : حبيبتي مب عن .. بس خايف عليج من المشاكل

عليا : يا قلبي انا المنتدى خلاص ما قمت ادخله .. ومستحيل افكر اشارك فيه بعد هالسوالف

والخرابيط اللي اطلعت .. ثاني شي حبيبي قال لي لا تدخلين المنتدى وانا اسمع كلامه (A)

صالح : فديييييييت اللي تسمع الكلام .. انزين بخصوص رفيجتج كلميها على الايميل هذا مب لازم تضيفينها على الجديد

عليا : ان شاء الله يا قلبي

صالح : (علويه) .. والله ما ارضى أي أحد يسوي لج مشكلة .. واذا هذول ناس يطلعون سوالف وفيهم حالة نفسية .. ما ارضى عليج تقعدين من بين هالناس

عليا : يا قلبي انا عارفه انك تحاتيني وخايف علي .. لو انك ما تخاف علي كان مب انت اول واحد وقفت معاي

في هالمشكلة .. خصوصا يوم يطلعون كلام عني ماكني معاهم عضوة في المنتدى محد افتكر منهم لا شباب ولا بنات

صالح : يبه لاتشيلين هم دام انا معاج .. محد يقدر يضرج أو يلمس اشعره منج

عليا : فديت روحك حبيبي .. والله والله محد يسواك

صالح : وان شاء الله رقمج بعد بتغيرينه .. عشان تضمنين محد من اللي يعرف رقمج يسربه وينشره

عليا : ان شاء الله يا عيوني .. أحبـــك والله

صالح : امووت فيج .. انزين بشري ها صار ؟؟

عليا : حبيبي مكتوب ان يصير اسويه .. بس بحط حرفك قبل

صالح : فدييييييييت قلبج

عليا : عشان بكل شي عندي يكون لك بصمه .. والباسوورد بحطه رقم جوالك

تفاجئ من طريقتها .. فعلا (عليا) خلت (صالح) له بصمه في كل شي بحياتها

حتى رقم الجوال كانوا نفس الرقم السري .. وباسووردات الايميلات ارقام بعض

كل شي بحياته حلالها .. وكل شي بحياتها حلاله

بهاللحظة صالح وده يسمع اللي بخاطرها واللي بقلبها

صالح : (علويه) ؟ ليش كل شي تخلينه برقمي او تبينه نفسي ؟

عليا : لاني احبك .. ولان تعودنا نكون نفس الشي بكل شي نسويه

حتى الاسلوب بعض الاحيان احس كني اكلم نفسي .. نفس الطريقه والغشمرة والمزح لو تلاحظ

صالح : هههههههه ايه حتى (طلول) يقول يوم يسلم عليج بالانفايت ذاك اليوم

عليا : صج ؟؟ هههههههههه شفت شلون

صالح : والله قال لي ماقدر أفرق .. نفس الطريقه نفس العبط .. والشي الحلو فيكم ان قلوبكم على بعض

يعني بس اقول لك شي هي ماترضى عليك والعكس صحيح ..

عليا مستانسه : اكيد حبيبي شلون ارضى عليه ؟؟ ما يلوم إلا نفسه اللي يفكر يسبه قدامي

صالح : ايوووااا عااشت البطلة هههههه فديت عمرج يا قلبي

عليا : تصدق (صلوح) احس حياتي بدونك ما تسوى .. انت صرت لي كل شي

شوف طول يومي مابي اقابل احد او اقعد مع اي احد

ما اقدر .. مب قادره حتى اتكلم مع اي حد

ابي بس اكلمك .. اسمع صوتك .. ما افارقك دقيقه وحده

(صلوح) تدري انا من النوع اللي ماحب اعبر عن مشاعري .. تقدر تقول ماعندي قدرة اني اعبر بكل شي يجي بخاطري

بس بحبك مادري شلون خليتني اتخلى عن هالعادة .. صرت اعبر بسهولة

على الاقل اقدر اقول كلمه احبــــــك قدامك .. وان كانت مشاعري اللي بداخلي ماتكفي هالكلمه

بس حبــك خلاني اعبر لو بشي بسيط !!

(صالح) منبهر من كلامها وساكت .. ماسك الجهاز بيدينه الثنتين ويتابع كل كلمة تكتبها

وكل حرف يطلع من قلبها وتخطه يدها .. وإبتسامته مافارقت وجهة

(عليا) كذا ؟؟ معقوله ؟؟ لهدرجه حلوة واهي تتكلم بجدية بدون ما تدخل الغشمرة بكلامها

كلامها كنه يخترق قلبه ويبعث له الراحه النفسية

بعد ما شاف كلامها يحس ايدينه تجمدت مب قادر يرد عليها

وش يقول ؟؟ وكلامها بدد التفكير بعقله

وش يقول ؟؟ وطريقتها وجديتها خلته ينسى الدنيا وما فيها

صالح : (علويه) انا ماقدر اتكلم .. لو بتكلم بتمللين من الكلام اعيده وازيده

ما فيه كلام يخليني ارتاح او يعبر عن اللي ساكن بقلبي

(عليا) احبـــج بس مب اي حب .. وقسم بالله وما بعد الله شي اني اعشق كل شي فيج

حياتي بدونج مابيها وان خلت من حسج اعافها

حبيبتي انا ما أبغي شي منج غير انج توعديني

ان تضايقتي تجيني .. قبي مفتوح لج بكل وقت



ان فرحتي (صالح) بيفرح معاج
ان زعلتي (صالح) بيتضايق عنج
ان حزنتي (صالح) بيبكي عنج
ان ضحكتي (صالح) بيضحك معاج
ان سولفتي (صالح) بيسمعج
ان عصبتي (صالح) بيهدي اعصابج
ان تنرفزتي (صالح) بيخفف ثورة اعصابج
ان تمللتي (صالح) وقلبه وحياته فدوة لج


انا كلي وبكبري لج انتي يا حبيبتي .. مب لأي احد غيرج

عليا : آآآه يا (صالح) على كلامك ينزل الدمعة من العين ..

صالح : ما قلت هالكلام ولا عبرت عن خاطري عشان انزل دمعة من العين اللي احبها

(عليا) انتي البنت الوحيده في هالكون .. ما شوف غيرج بنات

ولا افكر بأي حب غير حبج .. خلاص ولا ودي اعبر عن هالحب لأي وحده غيرج لان محد يستاهل

(عليا) ان فكرت اشوف غيرج .. استاهل الموت ولا اخون وعدي لج ..

عليا : بسم الله عليك .. جعل يومي قبل يومك

صالح : اذا يومج قبل يومي ليش اعيش ؟؟

حق من اعيش ؟؟ وليش ؟؟

ارتجي من ؟ ولا اشوف منهو بعدج ؟؟

انتي حياتي .. وبدونج ما بيها ولا افكر فيها

يومي قبل يومج ولا اذوق حرقة فراقج ..

عليا : يا (صالح) يعني تتوقع انا اللي اقدر اذوقها ؟؟

صالح : اوكي بس لا تدعين هالدعوة .. ربي يعطيج طول العمر حبيبتي ويحفظج لي

عليا : ويخليك لي حبيبي ولا يحرمني منك يالغالي ..


،،


يتبع في الجزء القادم ..

متى بدهم يشوفوا بعض