|
|
|||||||
| يحكى أن .... ( قصص ) همس روائي الأطروحات القصص القصيرة والطويلة المجزأة و القصص الأدبية و القصص ذات العبر والعظة وما يتعلق بها |
 |
|
|
أدوات الموضوع | انواع عرض الموضوع |
03-01-2010, 04:20 AM
|
#61 |
|
مشرفة المنتدى العام
تاريخ التسجيل: Dec 2009
الدولة: في قلبه
المشاركات: 3,239
|
الجزء الخامس عشر
وبعد فترة صمت إستمرت دقيقتين تقريبا صالح : شدعوه اذن الفجر ؟؟ عليا : من شوي .. لان اشوف امي توها جايتني صالح : ما شاء الله صج الوقت يعدي بسرعه عليا : ايه بسرعه يمشي صالح : ايه لابس جوتي رياضه وانتي بكرامه هع هع  عليا : هههههههههههههههه صالح : فديت هالضحكه عليا : فديت وجهك الابيض  صالح : ههههههههههه زين (علويه) نقوم نصلي ونرجع على الماسنجر عليا : نعم ؟ نعم ؟؟ نعم ؟؟؟ مب كيفك اشوف حلت لك السالفه  يالله نقوم نصلي وعقب بكلمك .. ياخي وحشني صوتك .. صالح : حشششى فضحتينا ههههههههههه @@ عليا : تولهت على صوتك .. عقب بتتعود تمر الساعات ولا تسمع صوتي  صالح : من قال ؟؟ انا اذا ماسمعت صوتج يصيدني زار عليا : هههههههههههههههه اجل انا استنزل صالح : زيران وحاله هههههههههههه سكنهم مساكنهم .. خلاص حبيبتي نصلي واكلمج صحيح انهم طول الوقت على الماسنجر لكن قبل لاتعدي الساعه كان يتصل فيها او تتصل فيه عشان يسمع صوتها .. حتى لو ما عنده شي بس يوحشه صوتها وهي نفس الشي مجرد يقول لها احبــــــج .. او تقول له وحشني صوتك .. ويسكرون اهم شي يسمعون صوت بعض .. هالقانون حطوه في علاقتهم واتبعوه وهم راضيين عليا برضا : اوكي حياتي .. احبـــك .. وممم تقبل الله صالح : اموت بصوتج .. منا ومنج حبيبتي واستغل (صالح) فرصة انها داشه من ايميلن .. دش على الايميل الثاني وكتب لها احبــــــــج رجع للايميل الاول وكتب امــووووت فيج راح للثاني اعشقـــج ورجع للاول اهواااااااااااج عليا : ههههههههههههههههه بسك يالمينون .. انا بعد احبــك صالح : ههههههههههههههههه شسوي .. ابغي اعبر عن شعوري عليا : ههههههههههههههه فديت شعورك صالح يمزح : اوووبيييه خلاص أخرنا الصلاه .. استغفر الله يارب كله من (عليا) لا تعاقبني .. هي اللي تقول لي لا تصلي عليا : @@ ايالدب .. الحين انا اقول لك لاتصلي ولا انت اللي تناقز لي من ايميل لين ايميل صالح : وشووو @@ اناقز ؟؟ يعني مب عاجبج ؟؟ ارووويج يا أم كشه عليا : هههههههههههههههههههههه صالح : دوم هالضحكه .. يالله (علويه) صلاه .. تقبل الله عليا : اوكي فديتك منا ومنك صالح الاعمال وبعد الصلاة اتصلت فيه وهو توه مخلص صلاته .. قام رد عليها عليا بعبط : ممكن اتعرف ؟ صالح بنفس العبط : اسف  عليا : ليييش عااااااااد صالح : احب وحده وما قدر اضيع وقتي معاج عليا : بس انا احسن منها صالح : في وشو احسن منها ؟ عليا : ممم في اشياء واجد .. بعطيك اللي تبغيه وانا دمي خفيف وطيبه واحب من كل قلبي صالح : بس انا احب ذيك عليا : من زينها .. مالت عليها صالح : مارضى عليها لا تسبينها عليا : لانها ما تخليك تحبني .. لازم اسبها صالح : هاي حبيبتي ما تسبينها عليا : بس انا جيتك الحين .. واقول لك ابيك واحبـــك .. تردني ؟؟ صالح يتصنع الجدية : لالا ما اقدر ذيك حبيبتي ولا اقدر افرط فيها يالله باي .. كفاية اني اكلمج كني اخونها يالله مع السلامه بروح اكلمها ومابيها تنتظرني (عليا) في قمة الوناسه انها تحس بوفا وحب (صالح) من كلامه .. وان كيف مايقدر يفرط فيها حتى لو بغشمرة ما يقدر يسبها أو يسايرها .. وهو حس فيها .. وعرف وش اللي تبغي توصل له .. بس بعد ما وضح لها حبه .. اشتغلت عنده النذاله صالح بنذاله : ممم انزين انتي بتحبيني ؟؟ عليا : ايه راح احبــــك اكثر منها صالح : وبتدلعيني نفسها ؟ (عليا) ماتت من الغيرة بس كملت معاه تبغي تعرف لين وين بيوصل : ايه بدلعك وبعطيك كل اللي تبغيه .. صالح : انزين خلاص بحبـــج .. وهذيك بخليها .. عليا : متأكد ؟؟ بهالسهولة فرطت فيها وحبيتني ؟؟ يمكن انا اخليك الحين صالح : ما اعتقد تسوينها عليا : بس انت ما تعرفني شلون حبيتني وفرطت في حبيبتك ؟؟ صالح بكل نذالة : لا شكلج تحبين من قلب .. وانا حبيتج عليا انفجرت : يعني عادي عندك تتخلى عني هااا ولااا بعد يكمل .. انت الحين خنتني بمجرد انك فكرت بهالطريقه والله يا (صلوح) ان فكرت تخوني او تحط على راسي وحدة لا تلوم إلا نفسك .. تفهم صالح : ههههههههههههههههههههههههههههههههههههههههه عليا : ما يضحك يالغبي صالح : ههههههههههههههههههههههههههههههه احبببببج يالخاااله احبـــج عليا : مابي مابي مابي قم مناااااك حركة (عليا) اللي تسويها تذبح (صالح) .. من الضحك كنه يكلم طفلته الدلوعة خصوصا لين تكرر كلمة (مابي) ثلاث مرات وبعدها تقول : قم منــاك .. يموت على طريقتها ويحبها صالح : ههههههههههههههههههههههههههههه بنفجر ماقدر عليا : (صالح) ما يضحك .. مب حلوة تضحك بروحك .. وانا ساكته  صالح : اضحك عليج .. تسوين مقلب ولين اماشيج تصدقينه شسوي فيج ؟ هههههههههههه عليا : هههههههههههههه غصب عني شسوي .. ذبحتني يوم قلت عادي بحبج تخيلت انك صدق بتحب وحدة وبتخليني صالح : دامج مب وجه مقالب ليش تسوين ههههههههههههههههه وهو يضحك مع حبيبته دخل عليه ابوه فهد يساير ولده : هاهاهااهاهاي صالح يكمل عليه : هيهيهيهيهيهيهي فهد : شعندك تتكركر من صباح الله خير؟؟ وانت هاذي حياتك منسدح على التلفون سدحه صالح : ههههههههههههههههههه فهد : يه ؟؟ صالح : هههههههههههههههههههههههههههههه (عليا) تسمع ضحكته وميته عليه من الضحك فهد هو طالع من الغرفة : بسك ضحك وتعال ابغيك في شي صالح : شعندك يالحبيب ؟؟ ما سمع جواب من ابوه .. يعني معناه قوم يا (صالح) وروح لين عنده شوفه وش يبغي صالح : سمعتيه ؟؟ عليا تضحك : هههههههههههه ما سمعت شي بس اسمعك وانت تضحك فديييت ضحكتك صالح : ههههههههههه فديت وجهج الحلو عليا : زين وش يبغي باباتك ؟ صالح : مادري بروح له الحين يقول لي تعال عليا : اوكي حبيبي لا تطول .. ترى اتملل صالح : من عيوني دقايق واجيج يا روح (صلوحج) عليا : احبـــــــك .. صالح : (عليا) لا تخافين ما راح احب غيرج عليا : اقصوورك اذبحك روح روح بسصالح : ههههههههههههههههههههههههههههه دقايق واكلمج وراح عند ابوه الغرفة يشوف وش السالفه صالح : هلا يبه .. شفيك ؟ فهد : تعال شوف تلفوني شفيه .. يقول ان فيه رسالة من مساع وللحين ماوصلت صالح : اشوف عطني ؟ وعطاه التلفون ظل يتعبث فيه صالح : يبه .. تلفونك امفول شلون تبغي الرسالة توصلك شوف الرسايل اللي ماتبغيهم وامسحهم فهد : هات اشوف خل امسح (صالح) شاف امه داشه الغرفه من المنظرة اللي قدامه وسوا روحه ماشافها ويكلم ابوه صالح : هااا الحبيب قلبك ما يهياك .. اكيد الحب امطرشه لك مسجات قول قول لا تخش شي .. مب معلم امي ام صالح بإبتسامة : من هاذي اللي مطرشه له مسجات ؟ صالح يتصنع الصدمة : هاا يمه .. لااا محد هذا رفيق ابوي فهد : ههههههههه يا راعي المشاكل الحين رفيقي هاا صالح : افففف ماقدر اسوي اكشن .. المشكله امي ما تصدق مب مثل بعض الناس يقصد (عليا) .. يوم تسوي فيه مقلب وتصدقه وتعصب بروحها فهد : زين اقلب وجهك خلاص صالح : نعم ؟؟ عقب ما حليت مشكلتك اقلب وجهي ؟؟ اوكي يا (فهد) فهد : ههههههههه شتبي ؟؟ جاه (صالح) ونقز على سريره .. وظل يتصارع ويمزح مع أبوه فهد : بس يا (صلووح) فكني خلاص صالح : انا اقلب وجهي .. إن ما قلبت سريرك الحين فهد : هههههههههههههههه وبعد 10 دقايق مصارعة وكل واحد يصارخ دخل (محمد) محمد يطالع امه ويسأل : يمه شفيهم ؟ ام صالح : استخفوا واقعدوا محمد : هههههههههههههه كنت منسدح وعلى صراخهم جيت اشوف وشسالفة ام صالح : ههههههههه يعني ما تعرفهم انت؟؟ هاذي حالتهم فهد : بس خلني انام طيرت النوم من عيني وراي دوام (صالح) وهو قايم يعدل شعره ام صالح : (صلوح) بس اطلع ابغي انام لي ساعة قبل لاروح المدرسة صالح : يمه كفخي الطلاب اليوم ام صالح : ليش ؟؟ وشصاير صالح وهو طالع : بس ملل .. يالله تصبحون على خير سكر الباب وراح غرفته يضحك .. دخل وراه (محمد) قعد على سريره يسولف معاه و(صالح) ماسك تلفونه ويتعبث فيه محمد : وشعندك الحين .. بتنام ؟؟ صالح : ما فيني نوم يا خي محمد : (صلوح) تبغي (كلب) طلبيه من ألمانيا صالح : لا تسألني .. انا اكيد ابغي بس انت تعرف امك كله لا ماتحب الحيوانات .. وكله تقول في ذمتنا ومسئوليه .. ولازم نحترم رغبتها محمد إبتسم : تصدق نسيت هالسالفه .. آآخ على ايام قبل تذكر (صلوح) نطلع في الفريج مسويين عصابة .. كم واحد عندنا ؟ صالح : 5 صغار مع امهم محمد : بس انت اللي عندك عجيب .. لونه رصاصي صالح : لو مب عجيب كان ما إنسرق محمد : هههههههههههه منهو اسرقه بو سروال وفانيله كنه خباز صالح : ايه هذا من ربعكم الخمه محمد : هههههههههههههههههههه ايخسي وإيهبي .. صالح : (حمود) .. تذكر يوم الهندي مسوي روحه باشا .. شافك صغير قام يهاوشك لانك فلعته بالحصى على رجوله هههههههههههههههههه عاد منهو فزع لك محمد : هههههههههههه أول ما قرب مني وربي الكلب عض رجوله خلاه يناقز في وسط الشارع .. فزعة فزعة صالح : ههههههههههههههههه ايام الطفوله حلوة والله محمد : اكيد .. على العموم (صلوح) انا بروح انام وهو طالع شاف على الطاوله مشط (صالح) .. ظل يطالع المنظره ويمشط شعره صالح : وانا ماسك عيونك ؟؟ هههههههههه رح نام ياخي تصبح على خير حذف (محمد) المشط عليه : وإنت من اهله صالح : سكر الباب معاك اتصل في (عليا) .. لان يدري طول عليها واجد واكيد الحين مشتاقه له صالح : قبل لاتقولين اي شي .. انا اسف لاني طولت عليج .. بس والله والله وحشتيني عليا : ههههههههه حسيت اني شايله عليك صح ؟ صالح : مب عن انج شايله علي .. لكن صدق وحشتيني .. (علويه) شتسوين ؟ عليا : احم عطشانه وما فيه ماي بثلاجتي .. وانطر الشمس تطلع عشان اروح المطبخ واشرب ماي صالح : ههههههههههههههههه يالخوافه يالله انا معاج على الخط روحي المطبخ عليا : (صلووحي) والله اخاف .. يخرع :( صالح : حبيبتي وشو اللي يخرع بذمتج ؟؟ يالله يبه انا معاج على الخط لا تخافين اذا فيه شي انا بكون معاج وبعد اقناع وجهد من (صالح) .. اقتنعت (عليا) وزال بعض الخوف عنها افتحت الباب بكل هدوء وتمشي شوي شوي بخطوات هاديه وثابته لكن فيها توتر عليا بهمس : بل ظلااااام والمطبخ بعيد صالح : فديت اللي تمشي ولا تخاف .. حبيبتي حتى لو المطبخ بعيد .. عادي انا معاج على الخط لا تخافين عليا : (صلوح) لا تخليني .. صالح : (علويه) يالله انا قدامج امشي وانتي وراي بس امسكيني عليا : بمسكك من (التي شيرت) عشان ما تشرد عني وتخليني :( صالح : هههههههههههه طاطاطاااا وتتصدر (عليا) المركز الاول وتتغلب على الظلام عليا : ههههههههه .. خلاص رحت المطبخ وخذت لي غرشة ماي والحين بوصل الغرفة صالح : هههههههههههه بسرعه بسرعه هااا .. تخافين من (بو عنبر) هع هع عليا خايفه : من هذا ؟؟؟ صالح : بو عنبر رئيس الجنانوه عليا : (صلوح) جب اووووشششش ودشت الغرفة بسرعه وسكرت الباب صالح : بل شفيج ؟؟ عليا : لا تخرعني .. وشو هذا .. وليش اسمه (بو عنبر) ؟؟ صالح : ههههههههههههههههه امزح وياج شفيج حياتي عليا : انزين اسكت .. الشمس للحين ما طلعت لاتتكلم بهالسوالف اخاااف .. بصيح والله بصيح  صالح : يا يبه يا قلبي يا حياتي يا (علويتي) .. هذا (بو عنبر) شخصيه احنا مخترعينها .. ودوم نقول بيطلع لك (بو عنبر) ولا بيصيدك (بو عنبر) نخرع بعض فيها .. ولاااااااااااا ياليت نخاف بعد هههههههههه عليا : لانكم ميانين صالح : هههههههه (طلول) مجنون ومخلص .. بس انا مجنون فيج  عليا : ايه خرعني .. وبعدين غيّر السالفه صالح بحنان : تعالي تعاااالي .. فدييييييت حبيبي الكتكوت اللي يخاف عليا : مابي :( صالح : افاا .. فاتح ايديني ما تبغيني ؟؟ خلاص انا بجيج واضمج حسسها كنه جنبها .. وراح لها وضمها وحطها على صدره يبغي يبعد عنها الخوف بوجوده يبغيها تسمع صوته وتحس بأنفاسه ويزول عنها التوتر والخوف من اي مخلوق على الدنيا (عليا) .. تحس بهالشعور .. وما دام (صالح) في حياتها مستحيل تخاف عليا : حبيبي تدري اني مستحيل اروح المطبخ بهالوقت وبروحي بس ما دري شلون حسيت بالامان معاك .. حسيت انك انت معاي وتحميني من كل شي ماحسيت بخوف .. يمكن شوي بس لكن مب مثل كل مرة .. لدرجة اني اظل عطشانه وانام بس ما اطلع صالح : يا قلبي والله ظلوا يسولفون مدة طويلة على التلفون .. وطلعت الشمس طبعا ولا واحد منهم يفكر ينام .. النوم متخربط عندهم ليلهم نهار ونهارهم ليل عكس الناس .. ولا يهمهم اي احد .. بس يكفي اهم الاثنين مع بعض بكل وقت وبكل حزه يعيشون يومهم بروحهم .. ونهارهم وليلهم بروحهم منعزلين في عالمهم الخاص بكل حب ورومنسية وبعيد عن كل ازعاج وحسد ،، يتبع في الجزء القادم .. 
__________________
وأحيانا أشعر أن المسافات لا تمثل عائقا أمام مشاعري
فطالما الحب يملأ قلبي أرى البعيد في متناول يدي وأرى في الظلام هدوء وسكينة ولا أشعر بالوحدة رغم أني أجلس بمفردي والجمال ينشر رونقه وسحره على كل شيء حولي ولا أشعر بمرور الوقت |
|
|
03-01-2010, 04:24 AM
|
#62 |
|
مشرفة المنتدى العام
تاريخ التسجيل: Dec 2009
الدولة: في قلبه
المشاركات: 3,239
|
صراحه تعجبني علاقة صلوح مع ابوه رهيبه كنهم اصدقاء او اخوان
وياحلات سوالفه مع اخوه كله عن ايام الطفوله حلاتين حلاتين على هذيك الايام
__________________
وأحيانا أشعر أن المسافات لا تمثل عائقا أمام مشاعري
فطالما الحب يملأ قلبي أرى البعيد في متناول يدي وأرى في الظلام هدوء وسكينة ولا أشعر بالوحدة رغم أني أجلس بمفردي والجمال ينشر رونقه وسحره على كل شيء حولي ولا أشعر بمرور الوقت |
|
|
|
03-01-2010, 04:26 AM
|
#63 |
|
مشرفة المنتدى العام
تاريخ التسجيل: Dec 2009
الدولة: في قلبه
المشاركات: 3,239
|
الجزء السادس عشر
صالح : ايه (علويه) نسيت اقول لج .. بكره ان شاء الله بروح بيت جدي وابات هناك عليا بحزن : مع منو ؟ صالح : (طلول) من غيره .. علة الزمان  عليا : ممم كم يوم حبيبي ؟ صالح : اساسا يومين .. بس بقول لــ (طلول) الخميس .. والجمعة إن شاء الله في الليل برجع عليا : وبقعد طول اليوم بروحي  صالح : افا (علويه) ؟؟ وانا وين رحت ؟؟ عليا : بتنشغل عني صالح : وانا اقدر انشغل عن حبيبة قلبي ؟؟ عليا : حبيبي لازم بتنشغل .. ثاني شي ما عليك مني انت متعود تبات بيت جدك مع ولد خالتك .. ما يصير اقطع عنك هالعادة كلها إلا يوم واحد .. بتحمل لعيونك يالغالي  صالح : حتى ولو (علويه) .. بكون معاج بكل حزة سواء تلفون او مسجات مستحيل اخليج اصلا ما استغنى عنج .. وحتى لو إنشغلت بتكونين معاي (عليا) بعد ما إسمعت كلام (صالح) .. زال الحزن عنها وخوفها من إن حبيبها ينشغل عنها طول اليوم .. وهي اللي ما تعودت انها ما تسمع صوته يوم كامل .. هذا عندها من سابع المستحيلات جريمة لا تغتفر .. بحق علاقتهم العظيمة صالح : عليا .. عليا عليا علياااااا عليا : امبييه شفيك (صلوح) ؟؟ صالح : هههههههههههه احبـــــج عليا : مع الوويه ههههههههههه ينادون كذا عاد ؟؟ قطعت علي حبل أفكاري صالح : فديت حبلج تعالي بربطه ههههههههههه .. حبيبتي بوشو تفكرين ؟؟ عليا : ممم افكر في اختي .. امس قالت انها تبغي تطلع من الصبح صالح : انزين ؟ بتروحين معاها يعني ؟ عليا : ايه حبيبي من بعد اذنك .. لان هي قالت تعالي معاي (الستي) .. بس ما اعتقد اروح .. للحين ماقامت صالح : حبيبتي .. اذا بتطلع واحنا قاعدين .. روحي معاها بالمره نعدل نومنا انتي تضطرين تقعدين معاها ما تنامين .. وانا اشوف لي شغله وما انام .. بنواصل لين الليل عشان ننام بالليل مره وحده لان ادري فيج لو قاعده معاي تسولفين .. واقول لج خلنا نواصل بيجينا النوم واحنا على الخط وبننام عاد شيقعدج بعدها عليا : هههههههههههههههه فديت روحك (صالح) وهو يكلمها يتعبث بالكتب اللي قدامه .. و(عليا) تسمعه وهو مندمج بشي عليا : وش تسوي حبيبي ؟ صالح : ماشي اكلمج واشوف الكتاب اللي في ايدي عليا : كتاب وشو ؟ صالح : ممم جبران خليل جبران عليا : نعم ؟ صالح : هههههههههههه هذا كاتب لبناني تعجبني كتاباته بس مب كل الكتب عندي مجموعة كتب من تأليفه .. وهذا واحد منهم .. بس طبعا بالفصحى مب من القصص اللي تحبينهم  عليا : من صجك ؟ تحب تقرى هالاشياء ؟ صالح : من قلب .. (علويه) انا عندي مكتبه فيها كتب وقصص وكل شي احب اقراه عليا : وشو بالضبط اللي تحب تقراه ؟؟ صالح : ما فيه شي معين .. اي شي اقدر اقراه .. امسكه واقراه قصص .. روايات .. احداث .. حتى التاريخ احبه سواء القديم او الحديث لان احس القرايه تريح المخ وتثقفه .. وخصوصا ان كانت بالفصحى شوفي عندي مجموعة مؤلفات (مصطفى المنفلوطي) هذا كاتب مصري بس كتاباته ان قلت عنها روعه ؟ شوي .. وفيه بعد (توفيق الحكيم) ومب بس مؤلفين عرب .. احب روايات يكون مؤلفينها عالميين .. (مارك تواين) .. و(اجاثا كريستي) منهم وقعد (صالح) يذكر اسماء المؤلفين اللي يحب يقرى لهم .. و(عليا) مندمجه معاه وتسمعه وهو يشرح لها اللي تحتويه مكتبته من كتب وروايات .. ومؤلفات عليا بذهول : (صلوح) اول مره اكتشف انك تعشق القرايه ؟ وان عندك هالهواية صالح : ههههههههه والله ما تدرين ؟ توقعتج عارفه عليا : انا اشوفك تقرى لكن ما توقعت ان عندك مكتبه وفيها كتب ومؤلفات وشخصيات مثل هذول اللي ذكرتهم .. اول مرة اسمعهم اللهم بس (اجاثا كريستي) اللي اعرفها لان عندي كم رواية .. ماخذتهم من زمااان وللحين ما قريتهم بعد صالح : ايييه احلى هواية عندي القراية .. من يوم كنت صغير في الابتدائي عليا : صج والله ؟ صالح : ايييه .. ترى طالع على ابوي هو بعد عنده هالهواية حتى اتذكر كنت توني بديت اقرى الكلمات بالتهجي .. ابوي شافني كل ما جيت بنام اقرى جاب لي مجموعة قصص (ماجد) من اللي كان يقراهم قبل .. شقيت الحلج من الوناسة كانت بالنسبه لي احلى هدية .. خصوصا انها قديمة وهالمجلة احبها واجد الله وكيلج ما قدرت انام من الوناسه قعدت اقرى ورى بعض ههههههههه متخرع عليا : هههههههههههههههههههههه صالح : وانتي يالدبه ليش ما قريتي قصص (اجاثا كريستي) اللي عندج ؟ عليا : مادري حبيبي .. احس ما عندي وقت ولين جيت ابغي ابطل الكتاب اقرا صفحة صفحتين .. احس بالنوم وانام وبعدين اجي ابغي اكلمها انسى وين وصلت واتكيسل اكمل صالح : اما ههههههههههههههههههههههههه عليا : هههههههههههه والله انسى وين وصلت واتملل صالح : خلاص انا عندي كتاب ان شاء الله بخليج تقرينه .. وبيعجبج عليا : وش نوع هالكتاب ؟ صالح : (ماجدولين) .. عباره عن قصه رومانسية .. بس بتعجبج عليا : على خير ان شاء الله ظلوا يسولفون لين ما جات الساعة 10 الصبح .. بدت (عليا) تحس بالنوم ومع نعاسها .. (صالح) حس بالنوم صالح : فديت اللي تبغي تنام عليا تتثاوب : وااي حلجي انشق ههههههههههههههه صالح : هههههههههههه بوديج الخياط عليا : هههههههههه اوووف ابغي انام وانا مب عارفه اختي بتروح ولالا صالح : زين خلاص دام تبغين تنامين نامي مب لازم تروحين عليا : اعرفها بتجي تقعدني وتخرب علي نومي عاد اخس شي توك نايم ويجي احد يصرخ في وسط الغرفة ويفتح الدريشة .. والليتات .. ويسكر المكيف .. آآآآخ قمة في التعذيب صالح : ههههههههههههههههه اخس شي عندي هالحركة ذكرتيني في امي قبل يوم كنا جهال .. تسوي هالحركه يا اللللللله عليا : ههههههههههههههههه بل نفس بيتنا يعاملوني بقسوة كانوا صالح : هههههههههههههههههههههه والله كلهم عاملونا بهالقسوة عليا : امبيه (صلوح) خلاص ما تحمل بنام .. ما علي منها صالح : بتزعل عليج ؟؟ عليا : كيفها هههههههههههه والله بنام تعبانه صالح : فديييييييييييت التعبانه انا تعالي تعالي حبييبتي عليا : وين ؟  صالح : وين بعد (علويه) .. مكانج اللي محد يتجرأ يقرب منه عليا : يخسووون .. يخسي اي احد يتعدى على املاكي الخاصه  صالح : ههههههههههههههه فديت وجهج عليا : زين بجي .. بطل يدينك صالح : ياربي .. احبج تعرفين وشو احبج عليا بنعاس ورقة : اموت فيك (صالح) كالعادة حسس (عليا) بوجوده جنبها .. ومثل ما هي تعودت تنام على صدره وتحس بالامان معاه .. ويضمها بيدينه كنه يحميها من كل شي حنان (صالح) اللي يغذي (عليا) .. هو اللي خلاها تكبر على حبه وتحبه اكثر واكثر وخلى اسم (صالح) بعيونها رمز الحنان والوفا والامان والعاطفة وظل يغني لها لين نامت على صدره وبحضنه .. وهو نام معاها .. وبعدها بكم دقيقه توعى على صوت التلفون مافيه جارج!! .. والجارج بعيد ما يقدر يتحرك من التعب .. يعني مضطر يسكر التلفون المهم انها نامت وكنت معاها اخر شي ونامت على صوتي .. هذا كلام (صالح) بقلبه وقبل لا يسكر .. همس بإذنها : احبـــج يا اغلى انسانة .. نوم العوافي ياروحي وسكر منها بكل هدوء .. عشان ما يزعجها وهي نايمة وحط التلفون جنبه .. ونام وبعدها بساعه ونص .. انفتح باب غرفة (عليا) بكل قوة وإزعاج مها : (عليووو) قومي يالله عليا بتعب : .......... مها : يالله نروح الستي .. ماتبغين ؟؟ عليا بتعب : ابغي انام مها : مب كيفج قووومي (علايه) .. قلت لج امس إني بروح عليا : اففف زين زين مها : تبغيني اصدق انج بتقعدين ؟؟ ورفعت الملحف عنها وافتحت الليتات .. وخلت الباب مفتوح وطبعا بصوت اختها العالي وهي تقعدها .. طيرت النوم من عين (عليا) وبعد معاناه قعدت من النوم .. وهي تحس بتعب كبير خصوصا انها توها نايمة ما صار لها واجد اول ما قامت من الفراش .. شافت التلفون عليا بقلبها : فديت روحك يا (صلوح) اكيد نايم الحين ما ابغي ازعجك مع ان صوتك وحشني بس انت نايم وانا عارفه كتبت له مسج ،، عيوني انا نمت بس مهـا العلة ما خلتني قعدتني الساعة 11:38 احبـــــك موت ،، وابعثته له .. وهي مشتاقه وتدري ان (صالح) بيزعل عليها لو انها ما تصلت فيه وعذرها بإن نايم ؟ لكن تعرف تراضيه .. وخوفها عليه وعلى راحته بيخليه يرضى وقامت من مكانها وراحت بدلت واطلعت مع اختها وعند (سعود) .. وبعد ما خلص من الامتحان اتصل في (نورة) نورة : هلا (سعودي) .. بشرني ؟؟ سعود : ممم الحمدلله نوره : يعني وشو ؟؟ سعود : يعني حليت كل شي نورة : حليت كل شي صح ولا ؟؟ سعود : مادري (نورة) بس الحمدلله وان شاء الله ناجح نورة : بس ؟؟ انا ابغي تفوق سعود : ههههههههههه بالذمة .. واحد ما يدري عن هوى داره وفاتح الكتب من اسبوع ويبتدي دراسه غير المواد اللي مايدري عنها يحمد ربه لو ناجح بعد نورة : يالله ان شاء الله خير سعود : على فكرة ؟؟ نورة : سم ؟ سعود : وحشتيني واجد وابغي اشوفج نورة : فديت قلبك .. حتى انا بس انتظرك تخلص امتحاناتك سعود : وعد ؟؟ نورة : وعدين يالغالي سعود : ما راح تتعذرين لي ؟ نورة : لا تحاتي .. إن شاء الله بشوفك سعود : (نورة) احبـــــــج !! نورة : بعد انا يا (سعود) .. مستحيل اشوف بعيني احد مثلك انت يا (سعود) طيب ما عمرك رفعت صوتك علي .. وتستقبلني بحب وبشوق تشيل حزني لا تضايقت .. وتسمعني لا شكيت انا اللي قصرت بحقك واجد .. وعارفه هالشي وفوق هذا بدال لا تعاتبني واقف بجنبي .. وساكت وتحط لي أعذار سعود : حبيبتي لاني عارف إنج مب متعمدة بهالتقصير وما يصير اوقف وياج بالحلوة وانساج بالمرة صح ولا لا ؟ .. هذا ما يسمونه حب يا حبي نورة : احبــك وربي يا (سعود) احبــك سعود : فديت عمرج يالغالية .. يالله انا راجع البيت الحين برتاح نورة : تغدى قبل لا تنام وانا بقعدك على العصر ان شاء الله عشان تدرس سعود : إن شاء الله .. وانتي تغدي لا تنسين .. ابغي اشوف صحة حبيبتي زينه نورة : من عيوني يالغالي إنتهت المكالمة بين (سعود) و(نورة) وبعد ما تغدى .. تذكر (صالح) من زمان ما كلمه سعود : صج الامتحانات تلهي الواحد .. بتصل له اشوفه واتصل عليه .. لكن ما فيه أي رد سعود : الظاهر نايم خلاص انا بروح انام ولما اقعد بكلمه واشوف وش احواله .. ،، يتبع في الجزء القادم .. 
__________________
وأحيانا أشعر أن المسافات لا تمثل عائقا أمام مشاعري
فطالما الحب يملأ قلبي أرى البعيد في متناول يدي وأرى في الظلام هدوء وسكينة ولا أشعر بالوحدة رغم أني أجلس بمفردي والجمال ينشر رونقه وسحره على كل شيء حولي ولا أشعر بمرور الوقت |
|
|
|
03-06-2010, 07:03 PM
|
#64 |
|
مشرفة المنتدى العام
تاريخ التسجيل: Dec 2009
الدولة: في قلبه
المشاركات: 3,239
|
الجزء السابع عشر على صلاة العصر ارجعت (عليا) البيت بعد ما انهد حيلها مع اختها عليا : (مها) .. حشششى خميتي (الستي) كله مها : ما شريت شي والله عليا : كل هذا وما شريتي شي ؟؟ ولااا فوق هذا مخليتني اتشرى معاج مها : انتي اللي رازه وجهج هههههههه عليا : اروح (الستي) وما اتشرى؟ .. ايدي تحكني اذا ما صرفت ههههههههههه .. على العموم يالله انا رايحه مها : وييين ؟؟؟ تعالي خلنا نشوف اللي خذناه عليا : (مها) مب وقتج .. ابغي انام حرام عليج تعبانه مسطله مها تفتح العطر : (علايه) .. عطرج اللي خذتيه ريحته حلوه عليا : قلت لج اخذي منه تقولين مب حلو والحين عجبج ؟ مها : لا .. ريحته غير في المحل عليا : خلاص اخذيه وانا اذا رحت مره ثانيه بشتري لي واحد ثاني وراحت الغرفة تبغي تكمل نومها بس فيه مشكلة .. إنها ما تقدر تنام بدون حضن (صالح) .. وهو نايم الحين اتصلت عليه ثلاث مرات ولا فيه اي رد عليا : اففف يا (صلوح) نومك ما خبره ثقيل وظلت تتقلب على الفراش .. نعسانه لكن مب قادره تنام تعودت تسمع (صالح) يغني لها .. وينومها وينام معاها تعودت على كلامه لما يقول لها .. انا بغني لج وبمسح على شعرج لين ما تغمضين عيونج وتنامين .. ويكون ملحفج ايديني .. واحلامج حبي وغرامي مرت حوالي ساعه وهي تعاني قامت وابعثت له مسج ،، حبيبي قوووووووم ما جاني نوم ابغيك تضمني عشان انام  ،، (صالح) للأسف من التعب ما سمع إتصالاتها ولا حتى صوت المسج بس قام على صوت امه وهي تطق الباب تقعده لصلاة العصر صالح : ان شاء الله يمه الحين بقوم ام صالح : يا حبيبي قوم الحين .. ادري فيك بترجع تنام صالح : يا يمه .. خلاص قمت وقام وظل جالس بوسط السرير وراسه دايخ مب عارف يركز يدور التلفون تحت المخدات يبغي يشوفه انصدم شاف ثلاث اتصالات من (عليا) ومسج .. وإتصال واحد من (سعود) ؟؟ صالح : معقوله انا ماسمعت التلفون ؟؟ وانا حاطه جنب راسي عشان اسمع حطه على الجارج .. واتصل فيها على طول ردت عليه بسرعه .. كنها مب متوقعه اتصاله في هالوقت صالح بلهفة : حبيبتي ؟؟ قاعده عليا بنعاس : حبيبي ما قدر انام صالح : حبيبتي شلون ما سمعت صوت التلفون عليا : يمكن من التعب ما حسيت فيه صالح : (علويه) اسف والله .. توج راجعه من (الستي) ؟؟ عليا : هيه من ساعه تقريبا صالح : انزين حبيبتي الحين بننام .. بس صليتي العصر ؟ عليا : استغفر الله تصدق من التعب حتى نسيت اصلي صالح : معليش يا عمري .. خلينا نقوم الحين نصلي وبعدين ننام عليا : اوكي .. بس لا تتأخر والله تعبانه صالح : فدييييت التعبان انا .. جعل التعب فيني ولا فيهم عليا : بسم الله عليك .. يالله (صلوحي) تقبل الله صالح : منا ومنج صالح الاعمال واللي يخلص يكلم الثاني قبل  وسكروا وراحوا يصلون العصر .. وتعودوا بعد كل صلاة كل واحد يدعي ان يظل لحبيبه ويظل معاه على طول .. يحبه ويراعيه ويصونه ولا يجافيه وبعد الصلاة .. (صالح) شاف (عليا) ما إتصلت .. ابتسم صالح : معقوله للحين ما خلصت ؟ مستحيل واتصل عليها .. وردت عليه صالح : حبيبتي خلصتي ؟ عليا : هيه ومتلحفه انتظرك  صالح : ههههههههه طيب ليش ما اتصلتي عليا : انتظرك تخلص صلاتك  صالح : فديت المؤدب انا .. عليا : عادي قلبي .. اصلا لو تأخرت شوي كان حشرتك إتصالات صالح : ههههههههههههههه عليا : أبغي اناااااااااااااااام  صالح : حشششى @@ من ماسك عيونج عليا : افتح يدينك (صالح) بإبتسامه عريضه .. يتفدى (عليا) بقلبه يحس كنها طفلته الدلوعه اللي تتأمر عليه وهو ينفذ لها اوامرها بدون مناقشة .. عشان ما يزعلها صالح : يالله حبيبي تعالي عليا بنعومة : فديت الحنون .. (بابا) مافيه اغنيه قبل النوم؟؟ صالح : هههههههه (علويه) احس الحين تفركين عينج من النعاس صح ؟ عليا متعجبة : يمه ..؟؟ شدراك ؟؟؟؟؟ :O صالح : هههههههههه مادري حسيت صوتج تغير .. ثاني شي انا اعرف كل نبرة بصوتج .. وكل حركة تسوينها مع هالنبره عليا : ههههههههههههههه صالح : هذا دليل اني احبـــــج واحس فيج  و(عليا) تضحك معاه وتسولف ولسانها صاير ثقيل مب قادره تجاريه بسوالفه وهو متعمد يسولف معاها .. يحب نبرة صوتها لما تحس بالنعاس وتبغي تنام يتغير صوتها ويتحول لطفولة بريئة .. طفلة وتدلع عليه خصوصا لما تسميه بابا وبعد ما غنى لها اغنية النوم .. اللي تعودت تنام عليها وإذنها تعشقها بصوته وبلحنه نامت بسرعه من كثر التعب .. ولا حست بأي شي صالح بهمس : احبــــج .. نوم العوافي ويسمع انفاس (عليا) .. كنها ترد عليه وتقول امــوت فيـــك ظل معاها لين ما خلصت الساعتين وانقطع التلفون بروحه وكان وده يكون معاها طول ما هي نايمة .. عشان يتطمن عليها فكر يتصل لكن تراجع .. لان عارف (عليا) تعبانه ومستحيل تسمع التلفون حط التلفون تحت مخدته .. وجاب له كتاب وظل يقرى عشان ينام صار له عشر دقايق .. وهو يقرى تذكر (سعود) صالح : ااووووف شلون راح عن بالي (سعود) واتصاله ؟ وخذ التلفون من تحت مخدته واتصل فيه صالح : هلااا يا بو الشباب سعود مهلل : هلاااااااااااااا بالحبييب .. هلا بالمعرس .. يا خي ما خلص شهر العسل ؟  صالح : ههههههههههههههههههه شدعوه كم شهر الحين سعود : يا رجال ما تنشاف .. والله لك وحشة صالح : صدقني عارف انك في امتحانات عشان كذا ماحبيت ازعجك .. قلت بملغ عليك بعد ما تخلص سعود : يا (صلوح) محتاج فالك والله في هالايام .. وانت مختفي .. ما ينلام (طلول) اذا عاتب وتكلم عنك صالح : هههههههههه افاا .. والله لا هي احس طول يومي مشغول ماعندي وقت .. واذا بدخل النت شوي واطلع عارف اني امقصر حبيبي .. بس شوي شوي ويرجع الوضع طبيعي سعود : انا عارف لاني مريت بنفس حالك .. بس اتكلم عشان ما تحس ان ربعك ما يتكلمون .. وتقول فراقي ووجودي عادي في حياتهم هع .. صالح : هههههههههههه إنت بالذات الوحيد اللي مستحيل تزعل .. المهم شخبارك ؟؟ شسويت اليوم في الامتحان ؟ سعود : ابد والله .. الحمدلله المهم ناجح صالح : فيك شي يا (سعود) ؟ سعود : لا والله بس تعرف ضغط الامتحانات .. ووتفكيري في (نورة) كله مأثر فيني صالح : الامتحانات شي طبيعي .. بس (نورة) ؟ شفيها ؟ سعود : يا رجال .. البنت امقصره واجد وانا عاذرها .. وما اقول لها هالكلام عشان ما احسسها بتأنيب الضمير بس خايف انها تتعود على هالتقصير ويكون عادي عندها .. بتقول هذا ما يتكلم يعني ماوراي احد صالح : ترى غلط انك تسكت .. هي شلون بتعرف انها غلطانه ولا انك شايل بقلبك عليها ؟ سعود : مب عارف يا (صالح) والله صالح : الحين انت إنتظر لين ما تخلص امتحاناتك وبعدها اقعد معاها وصارحها وتكلم وياها ماتدري يمكن عندها ظروف تمنعها .. او واقفه بينك وبينها سعود : انا عارف ظروفها كلها ومقدرها .. بس على الاقل تضغط على روحها عشاني مب على اي شي بسيط تبتعد وتقصر وانا اللي اعاني صالح : ياخي انت ساكت .. البنت شلون بتعرف كل اللي بقلبك اذا ماتكلمت ؟ سعود : خلاص على شورك .. بعد الامتحانات بكلمها صالح : وحط لها ألف عذر وعذر .. مهما كان هاذي حبيبتك لا تظلمها على حساب راحتك سعود : ما علينا .. انت شخبارك شمسوي ؟؟ ان شاء الله مرتاح صالح : الحمدلله .. في احسن حال سعود : شكلك توك قاعد من النوم صالح : ههههههههههههه تقريبا .. وناوي ارجع انام بعد سعود : ههههههه باااااال خاطري اشوفك الحين اكيد متنان من هالنوم الغير طبيعي صالح : هههههههههههههه ايه تصدق متنان .. الحمدلله من الراحة سعود : (صلوح) مب تلوع جبدي بالنوم .. عقب ماخلص نبغي ذيك الطلعات السنعه صالح : ابشر .. على هالخشم يالغالي بس شد حيلك وانجح لا تفشلنا  سعود : هههههههههههههههه صالح : زين يالحبيب ما عطك عن دراستك .. ولا تفكر في موضوع (نوره) تراها طيبه وحليوة يعني لا تشيل هم مجرد تكلمها وتنحل الامور سعود : نحاول يا (صالح) نحاول صالح : حاول وان شاء الله خير .. على العموم انا الحين بخمد وانت روح كمل دراستك سعود : اوكي مب مشكله .. نوم العوافي صالح : الله يعافيك انتهت المكالمة بين (صالح) و(سعود) .. ورجع (صالح) لوضعه .. مسك كتابه ويقرى لين ما غلبه النعاس ونام وعند (طلال) .. يشرب red bull وحاط اللاب توب على رجوله .. يشوف اللي داش واللي طالع في الماسنجر كنه ينتظر شخص معين يدخل لكن ما دخل قعد يسمع اغاني ويفتر في المنتديات يشوف المواضيع طلال متملل : اففف .. وينها هاذي للحين ما إدخلت رن تلفونه وكانت المتصله (خلود) .. شاف (طلال) شاشة التلفون طلال : اوهووو وهاذي وقتها بعد ؟؟ انجلعي ززين حط تلفونه على الصامت .. واقلبه عشان مايشوف اي اتصال منها .. عارف انها بتتصل ألف مرة وبعد خمس دقايق من اندماجه في المنتديات .. سمع صوت دخول شخص في الماسنجر شاف البوكس على جنب .. نفس العنوان اللي يبغيه .. طلال يكلم نفسه : عااشووو .. اخيرا دخلتي فتح المحادثة على طول .. وإبتسامته على وجهه طلال بإبتسامة : شدعوة يالغالية .. ما بغيتي تدخلين تعبت وانا انتظرج !! ،، منهي هاذي اللي ينتظرها (طلال) ؟؟ يتبع في الجزء الجاي .. 
__________________
وأحيانا أشعر أن المسافات لا تمثل عائقا أمام مشاعري
فطالما الحب يملأ قلبي أرى البعيد في متناول يدي وأرى في الظلام هدوء وسكينة ولا أشعر بالوحدة رغم أني أجلس بمفردي والجمال ينشر رونقه وسحره على كل شيء حولي ولا أشعر بمرور الوقت |
|
|
|
03-20-2010, 04:02 AM
|
#65 |
|
مشرفة المنتدى العام
تاريخ التسجيل: Dec 2009
الدولة: في قلبه
المشاركات: 3,239
|
الجزء الثامن عشر طلال بإبتسامة : شدعوة يالغالية .. ما بغيتي تدخلين .. تعبت وانا انتظرج !! فجر : توني مخلصة غدى .. وجيت اشبك على الماسنجر طلال : فيه العافيه .. فجر : الله يعافيك طلال : شخبارج ؟؟ ان شاء الله بخير ؟ فجر : الحمدلله بخير .. انت شلونك ؟ طلال : تمام فجر : دوم مب يوم (طلال) وده ياخذ ويعطي معاها بس للاسف هي مب مثل اللي يعرفهم قبل اللي يسمعونه كلام حب من اول مرة .. وهالشي اللي خلاه يتعلق فيها ويفكر يجيب راسها غصب .. احتمال يكون ما يحبها مجرد اعجاب بشخصيتها طلال : اجل شخبار الدراسه معاج ؟ فجر : والله الحمدلله .. وانت تدرس ؟ طلال : انا اللي اقدر عليه ادرسه واللي ما ابغيه ما ادرسه فجر : ههههههههههه شدعوه ؟ طلال : والله .. اجل اتعب نفسي ؟ ليش ؟ فجر : شلون تبغي تنجح ؟ طلال : بنجح لا تخافين .. ندرس في ليلة الامتحان واهم شي عندي نجاح فجر : خساره انت ما عندك طموح  طلال : الله يخليج بس يا ام الطموح هههههه وانتي وش طموحج ؟ فجر : ممم اني انجح بتفوق واشد حيلي عشان تعدي هالمرحلة واللي بعدها .. وادخل الجامعة بالتخصص اللي ابغيه طلال : ممتاز والله طموح حلو .. فجر : وانت ما تفكر تدخل جامعة بعد ما تعدي الثانوية ؟ طلال : اكيد فجر : كيف تبغي تدخل جامعة وانت ما تشد حيلك طلال : بشد حيلي في سنة التخرج .. مب من الحين .. الحين بس نجاح لا اكثر ولا اقل فجر : اها طلال يكلم نفسه : والله هاذي شكلها يبغي لها طولة بال .. وانا ما عندي هالبال الطويل بس صبر جميل .. يا (طلال) .. صبر جميل .. وبتشوفين يا (فجر) إن ما طحتي بيدي وجبت راسج !! طلال : ممم (فجر) انتي شتسوين دايم على النت ؟ فجر : ابد .. ادخل منتديات واتصفح المواضيع .. وساعات اشارك طلال : اهاا فجر : وإنت ؟ طلال : نفسج تقريبا .. بس عندي في مواقع الاغاني وقت اكثر احب الطقطقه والطرب .. خبرج اشتغل في فرقة فجر : هههههههههههههههههه طلال : دقيقه .. بس اتصل في ولد خالتي اشوفه فجر : خذ راحتك وبعد دقيقه بالضبط .. طلال : هذا شكله نايم .. ما يرد فجر : من هذا ؟ طلال : (صلوح) .. ولد خالتي فجر : اها .. ليش شفيه ؟ طلال : ما فيه شي بس بتأكد منه اذا بكره بينام بيت جدي ولا لا فجر بفضول : شعندكم هناك ؟ طلال : ههههههههه ما عندنا شي .. بس متعودين كل weekend اذا ماعندنا شغل نبات هناك على قولة (صلوح) .. نسلي خالتي بدال ما هي متمللة .. ما يصير يخليها بروحها في البيت خصوصا بعد وفاة جدتي الله يرحمها فجر : اها الله يرحمها .. انطر عليه اكيد بعدين بيتصل لك طلال : هذا عله .. كله نوم  فجر : هههههههههههههههههههه (طلال) قدر يجاري مود (فجر) .. وقدر يسولف معاها وهي تتقبل تكلمه وظل معاها مدة طويلة تقريبا لين صلاة العشا يسولف ويتكلم .. بكل الامور فجر : انزين (طلال) .. الحين استأذن طلال : وين ؟؟ بدري ؟؟ فجر : من عمرك .. بس بطلع مع امي واختي طلال : اها .. خلاص اوكي بتدخلين بعدين ؟؟ فجر : ان شاء الله اذا قدرت طلال : خلاص اجل اشوفج في الليل فجر : على خير .. يالله خلني اطلع ابدل مع السلامة طلال : حطي بالج على نفسج .. مع السلامة  ابتسم (طلال) .. إبتسامة إنتصار .. حس ان خلاص (فجر) صارت بين ايدينه راح اتصل على صديقه وحبيب عمره (نايف) .. صديقه في المدرسة طلال : هلااااااااااااا بالحبييييب بالصاايع نايف : ههههههههههههههههههه طالع عليك يالخبل طلال : خبله خدامتكم .. المهم شخبارك شلونك ؟ نايف : هههههههههههه والله الحمدلله .. انت شخبارك إلا اشوفك مرتبش اليوم طلال : افا عليك شلون ما ارتبش ها شوف شوف ويل ويل عاشوا عاشوو يمين يسار تحت فووق وووووويل وإفتررررررررررر نايف : ههههههههههههه فر الله راسك قول امين .. انثبر يالخبل وقول شصاير معاك ؟؟ طلال : ياخي تذكر البنت اللي قلت لك عنها ؟ نايف : ايه امس قلت لي عنها .. وشبلاها ؟ طلال : كلمتها اليوم بعد نايف : هااا بشششررر ؟؟ طلال : ولـــد نايف : هههههههههههههههههههههه لا من صجي وشصار ؟ طلال : ما صار شي .. سوالفي معاها عادية بس طبعا فرق بين اول مرة اكلمها وبين الحين احس صارت تميل لي .. وتضحك .. ما انكر انها ثقيله بس غير عن اول مرة كلمتها فيها .. وصدقني لا اجيب راسها  نايف : كفوووووو يالذيييب طلال : حااضريين يالثعلب هههههههههههههه نايف : ههههههههههههههههه طلال : اففففف .. اخس شي وانت في عز الوناسة والضحك .. تطيح عليك ويتنغ وحده مثل (خلود)  نايف : باااااااااال هاذي للحين عايشة ؟ طلال : لا .. بخيته هاهاهاهايي نايف : ههههههههههههههههههههه مب منك الظاهر (خلود) جننتك طلال : اتخسسي .. إلا قول (فجـر) آآآآآآآآه يا (فجر) .. يا زينج ويا زين اسمج نايف : اووووووب .. تصدق (طلول) ما يليق عليك تحب طلال : ليش شايفني وشو ؟؟  نايف : كائن حي .. غبي طلال : اتهبى هههههههههههههههههههههههه نايف : انزين دام الحين (فجر) هي الوجه الجديد .. وش بتسوي مع (خلود) وجه الركبة ؟ طلال : فكرت افركش اللي بيني وبينها .. خصوصا بعد ما تأكدت من (فجر) .. وحكمت قبضتي عليها نايف : حلووو .. اجل قول لها اليوم وفك حالك طلال : بعد ما خلص منك بتصل لها نايف : وترحم تلفونك من رقمها ههههههههههههه طلال : ههههههههههه يا رجال اخر همي .. وانت شحوالك ؟؟ وش اخر اخبارك ؟ نايف : ما من جديد .. السوق طايح وإضطرينا نرجع للقديم طلال : هههههههههههه بل بل لا تعادينا بس .. اعووذ بالله نايف : يا خوك لا تحاتي .. رفيقك ذيب وان بغى يجيب راس .. جابه افا عليك طلال : كفووووو .. على قلبي (بو ناصر) فديت خشمك الخايس نايف : ههههههههههههههه اعجبك طلال : ياااا ربي هالبنت ما تمل .. تخيل من كلمتك لين الحين 5 اتصالات .. يالناقة تشوفين عندي خط افهمي نايف : ههههههههههههه يا رجال مخها مضروب .. روح كلمها وانا بطلع بروح (الستي) طلال : خلاص انجلع .. وانا بتصل لها الحين نايف : جلع الله كشتك هههههههههههه باي طلال : بايات واتصل في (خلود) .. اللي على طول من اول رنة ردت عليه خلود : شدعوه ما ترد علي طلال : تشوفين عندي خط .. كيف ارد عليج ؟؟ خلود : بإمكانك تقول للي معاك لحظة وترد علي طلال بعصبية : تخيلي عاد بنص السالفه اقول له انجب عشان الشيخه (خلود) على الخط  خلود : لا تعال تعال كفخني طلال : واكسر راسج بعد خلود : ليش تعاملني بهالطريقة ؟؟ طلال : انتي اصلا متسببة وما عندج سالفة .. والحين مسويه قصة وانتي ما عندج شي خلود : ....... طلال : ليش ساكتة ؟؟ يالله قولي وش اللي تبغين تقولينه ؟؟ خلود بهدوء : ما أبغي شي طلال : قلت لج تكلمي لا تنرفزيني خلود : خلاص (طلال) احنا انتهينا .. وعلاقتنا اصلا طريقها مسدود طلال بصدمة : ........ خلود : انا اسفه .. يمكن فاجأتك .. بس تأكد انك انت اللي حديتني لهالقرار .. ولا انت تعرف وشكثر احبـــك واغليك  (طلال) حس ان كرامته انهانت .. يوم (خلود) اللي ردته وجا الرفض منها مب منه وهو اللي متعود يخليهم مب تجي وحده وتخليه وظل يتكلم بينه وبين نفسه : الحين انا اللي ما ابغيها وكل مرة ابغي اصارحها .. يجي هالقرار منها ؟ انا .. تردني ؟؟ انااا خلود : على العموم انا حبيت اعتذر منك عى كل شي صار .. والحمدلله انتهينا على خير .. بخليك الحين طلال : تعالي تعالي وين رايحه .. حطي في بالج اني كنت بقول لج خلنا ننهي هالعلاقة الغبية لكن المفروض تحمدين ربج اني مفكر فيج ولا ابغي اجرحج .. والحين تجيني بكل وقاحة وتقولين لي علاقتنا انتهت !! تأكدي اني الحين ارتحت وافتكيت من هم على قلبي .. يلا باااي ولا عاد اشوف رقمج مرة ثانيه وسكر التلفون منها .. قبل لا يسمع منها اي كلمة او تعليق وحذف التلفون على السرير .. وطلع برع الغرفة وهو يحس ان هم وانزاح من على صدره طلال : (عزوووووووز) تجي معاي بكره الخميس عبدالعزيز من بعيد : وووين ؟؟ طلال : بنبات بكرة بيت الجد عشان نطلع من الصبح عبدالعزيز : مع من ؟ طلال : منهو غير (صلوح) يالخبل عبدالعزيز : ياخي ملل ذاك اليوم قعدت وياكم .. ما تتمللون ؟ طلال : لانك غبي .. خلاص انثبر مكانك مانبغي جهال عبدالعزيز : ههههههههههههههههه انت الجاهل العود طلال : وخر زين مالي خلقك وراح ينادي الخدامة .. ويهاوشها بس عشان ماغسلت ملابسه عبد العزيز : شفيك متنرفز ؟ طلال : ما فيني شي بس الغبية ما غسلت ملابسي شلون اروح بكره عبد العزيز : (طلول) على فكرة عندك ملابس واجد .. بس اشكره متسبب عليها طلال : انت شسالفتك اليوم ؟ شفيك ؟ روح ياخي ماعندك شغل عبد العزيز : ما عندي شي وقاعد اسولف معاك طلال : وانا مزاجي ما يسمح اني اتكلم معاك (طلال) مزاجه فجأه إعتفس .. لأن قاهره وذابحه ان القرار جا من (خلود) مب منه حس نفسه طايح .. وان (خلود) صدته وما تبغيه .. مع ان هو ناوي يكلمها قبل لا هي تفاجأه بهالقرار طلال بقهر : آآآآآآآآآخ .. انا ؟؟ اناااا تردني ؟؟ .. المفروض تحمد ربها اني مستحملها ومستحمل حنتها يصير خير يا (خلود) يصير خير إن ما جيتي تصيحين عندي .. انا اعرفج واعرف انج ماتقدرين تستغنين عني وادري انج مب كفو هالكلام اللي قلتيه .. بس انا ارويج فتح اللاب توب ودخل على الماسنجر .. شاف (سعود) موجود طلال : (سعودو) إنت هنا ؟ .. ليش ما تدرس ؟؟ سعود : ههههههههه درست بس الحين ماخذ بريك طلال : طل درست .. تقص علي ؟؟ سعود : ههههههههههههههههه ايه لان وجهك مقصه صراحة  طلال : هههههههههه أفاااا .. انا صديقك سعود : ههههههههههههههههههه دامك صديقي تعال درسني طلال : تبي تسقط ؟ بدرسك عادي ماقول لا سعود : ههههههههههههههه طلال : المهم شخبارك شمسوي ؟؟ سعود : والله بخير .. انت شخبارك وش آخر اخبار الدنيا معاك؟ طلال : الحمدلله بخير .. مرتاااااااااااااااح افتكييييييييييت سعود : جعله دوووم بس وش صاير ؟؟ طلال : افتكيت من وجه الناقه سعود : ههههههههههههههههههههه كيف ؟ طلال : مممم تذكر يوم تقول لي سرحها ومدري وشو ؟ هالمره جات منها وقالت لي (ويقلد طريقتها) : خلااص يا (طلال) احنا انتهينا .. واصلا علاقتنا طريقها مسدود سد الله مدري وش اقول .. لا بارك الله فيها سعود : بلللل اماااااا ؟؟ احلف قالت لك كذا ؟؟  طلال : والله .. صج انا حسيت بقهر لان هالقرار جا منها .. حسستني اني انا اللي ميت عليها وهي على كيفها تقرر سعود : بس على حد علمي من كلامك انها تحبك شلون قالت لك كذا ؟؟ طلال : مللتها يا خوك .. بس جات النتيجه حلوه وصدقني انا عارف انها بترجع لانها مب كفو صدقني .. وهنا بعرف كيف اتعامل معاها سعود : وش بتسوي ؟؟؟ يعني ؟ طلال : مب مسوي شي .. بس ان ما خليتها تصيح من الحسرة .. إن ما خليتها تندم على هالقرار ان ما خليتها تتمنى اني انا اللي تركتها مب هي .. ما اكون (طلال) سعود : تحمل تسوي في البنت شي .. خلاص انتهيتوا على خير وانت اساسا ما تبغيها يعني زين جات منها وافتكيت .. وإختصرت عليك الطريق طلال : عارف يا (سعود) .. بس احس بإهانة وما يشفي غليلي غير انها تجيني واردها بس ما راح اسوي فيها شي من اللي في بالك .. مب لهدرجه انا نذل سعود : والله ما يندرى عنك .. اتوقع منك كل شي طلال : ههههههههههههههههه ومتوقع اني اجيك البيت الحين اكفخك ؟؟ سعود : ههههههههههههههههههه تعقب والله طلال : إلا على طاري .. شخبار (صالح) الجميل  هههههههههه كلمك ؟سعود : ايه مساعه كلمني لاني متصل فيه طلال : والحين وينه مختفي .. اتصل له ما يرد سعود : نايم .. واتوقع للحين ما قعد طلال : بوووه الله يعين هذا اذا قعد مادري متى سعود : اذا قعد بيشوف اتصالك .. بيرجع يتصل فيك طلال : زين مب مشكله .. انا الحين بقوم العب Play Station تبغي شي ؟؟ سعود : سلامتك .. وانا بقوم ادرس شوي واتعشى وانام طلال : بلللللل الساعه 10 مسرع .. زين اوكي ادرس الله يوفقك سعود : ايه الوقت يركض .. امين ويوفق الجميع طلال : يالله برب  سعود : تيت .. مع السلامة ،، يتبع في الجزء الجاي
__________________
وأحيانا أشعر أن المسافات لا تمثل عائقا أمام مشاعري
فطالما الحب يملأ قلبي أرى البعيد في متناول يدي وأرى في الظلام هدوء وسكينة ولا أشعر بالوحدة رغم أني أجلس بمفردي والجمال ينشر رونقه وسحره على كل شيء حولي ولا أشعر بمرور الوقت |
|
|
|
03-20-2010, 04:17 AM
|
#66 |
|
مشرفة المنتدى العام
تاريخ التسجيل: Dec 2009
الدولة: في قلبه
المشاركات: 3,239
|
الجزء التاسع عشر قعد (طلال) مع (عبد العزيز) يلعبون Play Station لين الساعه 1 في الليل وهو ينتظر (صالح) يتصل فيه لان قبلها بعث له مسج ،، اذا قعدت اتصل ابغيك ضروري ،، طلال بهمس : اكيد للحين ما قعد .. مب رقاد عليه .. وان قعد بيسهر مع حبيبته كنهم متخرعين على بعض انا اليوم إلا اخليه يسهر معاي ويلهى عنها .. واعرف شلون عبد العزيز يهزه : (طلووول) العب ياخي .. شفيك سرحت طلال : هاااا .. ماشي يالله العب وفي هاللحظة قعد (صالح) من النوم وطبعا كالعاده يفرك عينه بيد واليد الثانية ماسك تلفونه يشوف حبيبته اذا اتصلت شاف اتصالين من (طلال) ومسج صالح يفكر : يبغيني ضروري ومتصل مرتين ؟ مستحيل اعرف حركات (طلول) اكيد يستهبل .. على العموم بتصل له اشوف شسالفه دق عليه .. ورن مده طويله لكنه ما يرد .. فـ بعث له مسج ،، (طلول) شفيك ؟؟ وش صاير ؟ ،، وعلى طول اتصل في (عليا) وما ردت عليه .. رجع اتصل فيها مرة ثانيه بعد كم رنه ردت عليه .. هو من شوقه عليها هلل ورحب فيها صالح بفرحة : ألوو ؟؟ حبيبتي ؟؟  عليا : مممم صالح : فديت اللي نايم .. (علويه) صح النوم عليا بنعاس : كم الساعه صالح : الساعه 1 ونص حبيبتي .. نمنا واجد عليا بدلع نعسان : وحشتني  صالح : في قلبي وحشة الدنيا كلها لج عليا : حبيبي متى قعدت ؟ صالح : توني يا قلبي وعلى طول جيت بتصل لج شفت الحبيب (طلال) مطرش مسج صرقعني عليا : شفيه ؟ صالح : ماشي بس يقول اتصل فيني ضروري اول ما تقعد واتصلت فيه ما يرد .. قلت اكيد يستهبل طرشت له مسج على اساس اول ما يشوفه يتصل لي عليا : اها .. اكيد بيتصل صالح بمزح : ما علينا .. حبيبتي حلمتي فيني ؟  عليا : هههههههه ممم لا ماحلمت فيك بس حلمت في خدامتنا صالح : هههههههههههه بللل خدامتكم عاد ؟؟ شعندها عليا : مادري كني اناديها وما ترد علي وعقب جاتني اقول لها سويلي عصير برتقال تسوي لي عصير ليمون .. وارجعه مره ثانيه وتجيب لي عصير فراوله .. حلم ملخبط صالح : هههههههههههه خدامتكم مخرفه عليا : هههههههههههههههههه ايه مسكينة ظلوا يسولفون بالشكل المعتاد .. وما فيه احلى من شوق الحبيبين والهدوء اللي هم فيه وهو يسولف مع حبيبته .. اتصل فيه (طلال) صالح : (علويه) حياتي كاهو (طلول) يدق عليا : بتكلمه ؟ صالح : بشوفه وش يبغي دقايق مب مطول عليا : خلاص اوكي قلبي انا بدخل النت صالح : اوكي غرامي وسكر الخط من حبيبته واتصل في (طلال) .. يبغي يعرف وش عنده صالح : هلا بو (طلي) طلال : بس وانت هاذي حياتك .. كله عندك انتظار؟ الواحد يبغيك في شغله مايقدر  تنرفز (صالح) من طريقة (طلال) .. المفروض ما يلومه كل مرة او يعاتبه دام يكلمه ويسأل عنه .. لان في نظره ماله حق يعاتبه كل مره دام اللي يكلمها هي حبيبته صالح متنرفز : وانت بس ؟؟ كل حياتك تعاتب ومب عاجبك؟ طلال منحرج : ههههههههههه زين شخبارك شمسوي ؟ صالح : الحمدلله بخير .. انت شلونك ؟ شفيك تبغيني ضروري ؟ طلال : مع الوجه اتصلت ابغي اعرف اذا بتروح الخميس ولا غيرت رايك صالح : لا شدعوه ماغيرت رايي ..ثاني شي لو اني مغير راي كان بقول لك مب اخليك كذا طلال : زين حط في بالك 3 ايام صالح : نععععععععمم ؟؟  لالا اصلا انا كنت بقول لك خلنا نقعد يوم واحد بسطلال : افا ليش ؟ كل مرة نقعد يومين صالح : ممم والله اشوف يا (طلول) يوم واحد يكفي طلال : لا خلها ثلاث ايام شفيك .. ولا علشان بعض الناس ؟ (صالح) تملل من مناقشة (طلال) ونغزاته .. يحس كنه يتكلم بروحه كل ماقال له يوم واحد رد عليه ثلاث ايام صالح : اففف اقول خلاص احنا بنقعد يوم واحد واذا الوضح تمام بنقعد يومين او ثلاث ايام طلال : اوكي صالح : الحين هذا الموضوع الضروري اللي ذابحنا فيه ؟ طلال : هههههههههههههه لااااااااا طاافك صار شي عجييب صالح يقاطعه : (طلول) بتصل لك من تلفون البيت صراحه صوتك يلوع الجبد وعور مخي طلال : هههههههههههههه ايالغبي ارويك صالح : هههههههههههههه وهذا الصج .. ليش تستحي من الصج؟؟ صوتك خايس طلال : زين يالله انتظرك مب تطول صالح : مب مطول ابغي اعرف موضوعك العجيب .. يالله باي طلال : بايات وسكر الخط من (طلال) .. وفتح باب الغرفة طبعا ماشاف احد قاعد لان الوقت متأخر قعد في الصالة ومسك الجوال .. اتصل في (عليا) صالح : تعرفين انج وحشتيني ؟؟ عليا تمزح : لا والله ؟ اثبت لي صالح : تعالي افتحي صدري وشوفي قلبي يرقص سامري .. ويغني عليييه ولهاان ولهااااااان عليا : ههههههههههههههههههههههه فديت قلبك انا صالح : حبيبتي شتسوين ؟ عليا : ولاشي ناطرتك .. وقاعده اسويلك شي على الفوتوشوب صالح : واااااااو .. وشو وشو ؟؟ عليا : ههههههههههههه بعدين برويك للحين ما خلصت صالح : اوكي .. ممم (علويه) انا بكلم (طلول) اوكي ؟ عليا : ما كلمته للحين ؟ صالح : امبلى بس سكرت منه عشان اكلمه من تلفون البيت بط اذني بصوته بشوف شعنده .. يقول موضوع رهيب مادري عجيب عليا بدلع : حبيبي بكره بتقعد معاه افضى لي الحين صالح : فدييييييت الدلوووع .. (علويه) يومي كله لج اصلا بس بشوف وش موضوعه هذا وبكلمج .. مب مطول يا روحي بس خمس دقايق عليا : اوكي حبيبي صالح : (علويه) .. اذا نسيت نفسي ابغيج تتصلين .. اوكي؟ عليا : بعد خمس دقايق يعني ؟ صالح : ايييه لاني عارف (طلول) مواضيعه تخلص بسرعه .. ومادري ليش احس يستهبل ما عنده شي عليا : هههههههههههههه شلون ؟؟ صالح : لان لو عنده موضوع خطير ولا مهم يقوله قبل لايسألني شخبارك هالمره اشوفه عادي .. عشان كذا شكيت بالوضع ههههههههههه عليا : ههههههههههههه اها خلاص اوكي بعد خمس دقايق بتصل لك صالح : اوكي باي واتصل في (طلال) بعد ما سكر من حبيبته طلال : انت وينك تأخرت ؟ صالح : هااا ماتأخرت .. زين زين قول وش موضوعك ؟ طلال : ههههههههههههههههههههههههههه صالح : مب صاحي ؟ طلال : ههههههههههههههههههههههههههههههههههه وناااسه صالح : بسم الله عليك شفيك امصخن ؟ طلال : بموت من الضحك هههههههههههههه صالح يمزح : الله يرحمك  طلال : ههههههههههههههههههههه يالخايس عادي عندك اموت ؟ صالح : هههههههههههههههههه إلا من الضحك يعني عادي طلال : زين اسمعني صالح : لوعت جبدي قول الموضوع خلصني صار لي ساعتين وانا اقول لك وشو .. وشو طلال : الله واكبر عليك هههههههههههههههههههههه صالح : ههههههههههههههه كذاب صح ؟ طلال : واجد صالح : لاني طالع عليك طلال : هههههههههههههههههههه .. ياخي خلني اتكلم صالح : ماسك بلاعيمك ؟ ههههههههههههههههه تكلم ياخي ذبحتني طلال : هههههههههههه انت تضحكني صالح : اووهوووو .. اقول باي يلا منااك طلال : لالا خلاص تعال هههههههههههههههههههه صالح : هااااااااااا طلال : تدري ان (خلود) الغبيه جاتني تقول لي مابيك ؟ صالح بصدمة : امممااااااااااا @@ طلال : هههههههههههههههههههههه صالح يستهبل : وانا اقول ليش يضحك ؟ من الصدمه مسكين .. خلاص (طلال) لاتحاتي بوديك دكتور نفسي ادري لما تجيك بنت تقول لك ما أبغيك شي صعب بالنسبه لك بس معليش بتتعالج ان شاء الله طلال : هههههههههههههههههههههههههههه الله ياخذك عن الاستهبال صالح : ههههههههههههههههههههه زين شلون ؟ وشقالت ؟؟ طلال : مممم كنت اكلم (نايف) وهي كانت تتصل ومارديت عليها مشغول مع (نايف) اسولف .. وتتصل ورى بعض يمكن خمس مرات بطت جبدي .. عاد يوم سكرت منه .. رديت اتصلت فيها وهي عصبت لاني مارديت عليها يوم تتصل .. نرفزتني وتهاوشت معاها صالح : انزين ؟؟ وبعدين فجأه وهو مندمج مع (طلال) .. رن تلفونه شاف الاتصال من (عليا) صالح : دقيقه (طلول) دقيقه طلال : زززين وكلم (عليا) بهمس صالح : حبيبتي دقيقه واتصل لج انزين ؟ عليا : ماخلصت ؟ صالح : لا قلبي للحين عليا متنرفزه : باااي صالح مستغرب : حبيبتي شوي وبتصل لج ان شاء الله وسكر منها التلفون وهو مستغرب لانها تنرفزت .. ليش ؟ صالح : انزين (طلال) كمل .. طلال : اقول لك عاد يوم تهاوشت وياها ظلت ساكته وبعدها (طلال بقلد صوتها) : طلال احنا انتهينا وعلاقتنا اصلا اوصلت لطريق مسدود صالح يمزح : كان قلت وش السبب ؟؟ اعمال طرق ولا مطبات ؟ طلال : هههههههههههههههههههههههههه (صلوح) والله اقهرتني صالح : ليش اقهرتك انت ماتبغيها من زمان .. ويوم جات تقول لك انتهينا انقهرت ؟ طلال : لان هالشي جا منها مب مني صالح : وانت تبغي انت اللي تبتدي ؟؟ ليش علبالك انت بس الي عندك احساس والباقي لا طلال : بس انا تعودت اللي انهي اي علاقه مب تجيني وحده تنهيها قبلي صالح : هاذي الدنيا .. مثل ماسويت في اللي قبلها جاتك وحده سوت لك العكس طلال : هههههههههههههههههههه من صجك انا حسيت ان كرامتي انهانت في لحظة وظليت ساكت هي نبرة صوتها تغيرت .. يبين انها تحسفت صالح : زين انت شقلت لها ؟؟ بهاللحظة جا مسج من (عليا) يقول ،، يا شينها لا صرت إنسان عااااادي بعين الذي كنت تحسبه حيل مغليك ويصير بـ وادي وانت عنه بـ وادي ومن دون شرح اسباب يجفى ويخليك وما يستمع للصوت مهما تنادي وتحتار في نفسك وش الغلط فيك ؟ ،، طبعا (صالح) يشوف المسج مبتسم ومستغرب طلال : وبس اقول لك صالح : .......... طلال : (صلووووووح) معاي ؟ صالح : هاا ايه ايه طلال : شفيك ؟ صالح : ماشي بس اتعبث في التلفون طلال : زين سمعت وش قلت ؟؟ صالح : ههههههههههههههه احم الصراحه لا طلال : مالت عليك ههههههههههه زين اسمع بقول لك مره ثانيه صالح : ايه وشو قول ؟ بهاللحظة جاه مسج ثاني من (عليا) ،، يا صاحبي وشلون عنا تخليت ؟ وانت غلاك بداخل القلب ساكن مدري علامك يا حياتي تماديت ؟ اشوف روك غادي لون داكن ان كانك مصمم وعنا تنحيت عندي طلب يا ليت تسمع الاماكن ،، وعلى طول وراه هالمسج ،، الليل وعيونك وانا كلن بكى وقت الوداع عيون تخفي دمعها وعيون تجهر بالدموع يا وحدة الفرقى ويا درب المتاهة والضياع الله يصبر عاشقن قلبه من الفرقى جزوع ،، هنا (صالح) عرف ان المسأله مسأله غيره لا اكثر ولا اقل وغيره (عليا) مب طبيعيه فوق الحد المألوف .. مع انها دوم تشتكي من غيرتها وتخاف ان (صالح) يبتعد عنها بسبب غيرتها لكن هو يحبها ويحب غيرتها .. ولا عمره زهق من هالغيرة وتذكر يوم عصبت وتنرفزت عشان قال لها : دقيقه وبتصل لج حست بإن إنشغل عنها .. وهالشي اللي ما ترضاه لو مهما يصير صالح : (طلال) شفيك ؟ علبالك انا مشغول ترى انتظرك تقول السالفه طلال : شفيك مستعجل ؟ بتسكر صالح : خلص موضوعك وبعدين بسكر طلال بخبث : لا وين تسكر عندي مواضيع وشكثرها صالح : بكره انزين بشوفك طلال : ههههههههههههههههه قصدك اليوم صالح : ايييه صح .. شدراني هههههههههههه طلال : بس تدري حسيت براحه يوم هاوشت (خلود) صالح : حرام مسكينه تصدق كاسره خاطري طلال : بالعكس بينت لها اني انا كنت ابغي اعترف لها من قبل بس ماسك لساني عشان ما اجرحها صالح : ما عندك سالفه اذا تستقوي على بنت طلال : يبه خلاص (خلود) انتهت مع انها قبل ماكانت شي عشان تنتهي .. بس اقولها لك إنها هم وإنزاح صالح : حط بالك على نفسك لا تصير نفس اللي يلعبون في قلوب الناس .. ترى بيجيك يوم وينلعب في قلبك طلال : قلت لك لا تحاتي .. انا اعرف البنات عدل صالح : تعرف البنات عدل .. لكن ما تعرف مشاعرك عدل طلال : بيجيني يوم وراح احب حالي حالك وحال (سعود) صالح : وتتوقع حوبة البنات اللي لعبت بمشاعرهم بتخليك بحالك ؟ طلال بعصبية : لا تقلبها لي سالفه الحين .. اللي يسمعك البنات اللي لعبت بمشاعرهم حبوني صج مرحلة مراهقه وعدت .. واكيد الحين نسوني صالح : ليش عصبت ؟ لاني اتكلم بالصج ؟ شوف اللي يحب من قلبه وبأعماقه عمره ما ينسى اللي يحبه سواء حبه او جفاه .. لان الشخص لين يحب تراه يحب بقلبه ومب بعقله ومن فينا الحين يفكر بعقله ؟؟ كلنا نمشي ورا قلوبنا واغلب المشاكل تجي من هالقلب طلال : ............ صالح : يعني انت عادي عندك تخليهم يتعذبون .. وإنت بارد بمشاعرك بس همك تلعب وشلون تكلمهم طلال : شدخل ؟ صالح : اكبر دليل شوف شلون انقهرت يوم (خلود) فاتحتك بالموضوع قبل لا تفاتحها لانك متعود انت اللي تقط البنت قبل لا تقول لك ما ابيك طلال : بس انا ماحب (خلود) صالح : سواء تحبها او ما تحبها .. الصد جا منها طلال : بس بتشوفها إذا ما إرجعت لي وتحسفت على قرارها هذا صالح : الايام قدام .. وممكن هي تتراجع لانها تحبك والحب مب عيب العيب هو اللي انت تفكر فيه .. اهم شي لعب وخرابيط .. بس حب برئ وطاهر هذا مب من اساسياتك (طلال) تنرفز من (صالح) لان يتكلم بكلام صحيح .. وبين له وش تفكيره من الحب صالح : شوف (طلال) انا ما تكلم بهالموضوع عشان ابين لك تفكيرك او اطيح من مستواه بس لحظة قبل كل شي .. كم بنت عرفتها ولعبت عليها ؟؟ طلال : بااااااال واجد .. حتى مب كلهم اعرف اساميهم صالح : طيب وش اللي استفدته ؟؟ طلال : الوناسه .. وفوق هذا اخلي البنت تلحقني مهما كابرت .. في الاخير تطيح في يديني صالح : هذا وناسه ؟؟ طلال : تحس انك مسوي انجااااااااااااااااز صالح : الانجاز هو انك تحب وحده وتتمسك فيها بقلبك وبكل ما فيك احسن من عشر بنات .. ومشاعرك متشتته بينهم ما تعرف تلعب على هاذي ولا تترك هاذي .. هذا هو الانجاز طلال : تتكلم عن نفسك يعني ؟؟ صالح : انا منهو عشان اتكلم عن نفسي ؟؟ انا اتكلم عن الحب .. عن اللي يبغي يحب لازم يفكر بهالامور طلال : وانت مرتاح مع حبيبتك ؟ صالح : احبها وتحبني .. وهذا احلى شي في الحب اذا كانت تحبني شوي .. مع الايام والعشرة راح يزيد حبها لي واذا انا احبها شوي مع الكلام الطيب والمعاملة الحلوة راح احبها اكثر واكثر وصدقني مب عيب اذا فضلتها بشكل اكبر عن ربعي تراها حبيبتي وعمري .. والكيان الداخلي كله .. تعيش معاي تصحى معاي كل شي اسويه هي تسويه .. إنسانه راقيه اسمعها وتسمعني ترى الرفيق مب بكل حزه فاضي لك كثر الحبيبه لانها في الاخير حبيبه وحبها يدخل في القلب والروح وتكون هي روحي مثل ما انا اكون روحها .. وما اعتقد احد يتبرى من روحه !! فهمت النقطه اللي ابغي اوصل لك اياها ؟؟ طلال : بس هذا معناها انك تنكر جميل ربعك ؟ صالح : ما انكرت بالعكس انا مازلت على صله معاهم اتصل لهم اكلمهم اشوفهم يشوفوني .. بس فيه شي تغير وهو ان قلبي انشغل مع حبيبتي والحبيبه غير عن الرفيق .. بأشياء كثيرة هي اقرب من الرفيق لانها 24 ساعه معاي اكثر من رفيقي (طلال) مب راضي يستوعب هالموضوع .. ويبغي (صالح) مثل تفكيره وهذا عيب (طلال) .. عشان كذا نشوفه على طول مع رفيقه (نايف) لان (نايف) مثل تفكير (طلال) .. همهم الوناسه واللعب على البنات اما مشاعر حقيقية وحب صادق .. ما يفكرون فيه او حتى يعيشونه ،، يتبع في الجزء الجاي :smoking:
__________________
وأحيانا أشعر أن المسافات لا تمثل عائقا أمام مشاعري
فطالما الحب يملأ قلبي أرى البعيد في متناول يدي وأرى في الظلام هدوء وسكينة ولا أشعر بالوحدة رغم أني أجلس بمفردي والجمال ينشر رونقه وسحره على كل شيء حولي ولا أشعر بمرور الوقت |
|
|
|
03-31-2010, 03:51 PM
|
#67 |
|
نشميه اردنيه
تاريخ التسجيل: Jan 2010
المشاركات: 240
|
.gif "C (1)") وين الاجزاء
__________________
It's the state of bliss you think you're dreaming It's the happiness inside that you're feeling It's so beautiful it makes you wanna cry |
|
|
|
03-31-2010, 03:58 PM
|
#68 |
|
[ نشمــي فلتة]
تاريخ التسجيل: Feb 2010
المشاركات: 178
|
فاصل ونواصل
|
|
|
|
| مواقع النشر (المفضلة) |
| الكلمات الدلالية (Tags) |
| مـجـنــونـهــــا, واقعيه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصص واقعيه..... | سعوديه والفخر ليه | يحكى أن .... ( قصص ) | 1 | 04-26-2009 07:32 PM |
العرض العادي
