مبروك يا قلبي اللي فاز بوصالك

من بين بد العرب ماخذني لحالك
ومن بين كل البشر ما خذني لحالي
.
حيرتني فالغلا والحب وأمثالك
كذا كذا صعب ألاقي درب طوالي
.
لحظه بعيد البدايه وأوقف قبالك
وأرتب السالفه في صوت موالي
.
من بين كل البشر ماخذني هبالك
ومن بين بد العرب تستاهل هبالي
.
غنيتها لجل عينك وين جوالك
تعال واسمع صداها وسط جوالي
.
شفني من عيونك أشكي حظي الهالك
وشفني من البعد يصلاني ميه صالي
.
أشتاق لك يا بعد الأرواح وأضمالك
وأحن لك يا بعد هالكون يا غالي
.
لاتستمع طالبك في هرج عذالك
وأنا أوعدك ما استمع في هرج عذالي
.
خل الوصل والمحبه غاية آمالك
وأنا ترى شوفتك هي غايت آمالي
.
يا سعد عينن تهنت فييك يا مالك
شي ٍمن الحسن جاد بحسنه الوالي
.
لو أقدر الوصف جيت بوصف لأحوالك
لكن تفوق الوصوف وفوق الأمثالي
.
مبروك يا قلبي اللي فاز بوصالك
ومبروك يا حظي الطيب على فالي


مما راق لي