Missed call

[المدعي العام]

لعل مخترع الهواتف الخلوية .. عندما اخترع هذا الجهاز العظيم لم يكن يعلم أنه ببراءة الاختراع اللتي حصل عليها .. "سيقلعط" غيره من مستخدمي هذا الجهاز ..

أنا متأكد من انه لن يتوصل في حياته الى الأختراع اللذي اخترعناه نحن .. و هو المكالمة المفقودة ..

والله نستحق 10000 جائزة نوبل على هذا الأختراع الهام ..

بس تكمل محاضرتك .. رن علي و سكر .. بس تصحى ، رن علي و سكر .. أول ما ترجع ، رن علي و افصل .. بس تيجي تنام ، أعطيني رنة ..

اختراعات عظيمة .. نستحق عليها بالفعل جائزة نوبل في الأزعاج ..

أنا ما بحب حد يرن علي و يفصل .. و عمره ما واحد رن علي و سكر .. و رجعت حكيت معه .. حتى لو تحجج بعدم كفاية الرصيد .. أو أن مكالمتي عليه أوفر من مكالمته علي ..

يعني و باختصار .. لو يطلع براسه "أنتين" و هو يرن و يفصل .. مستحيل أرجع أرن عليه .. لأني بحس انه تسلبط علي ..

و مع اني حاولت التخلص من المزعجين من قوم رن و افصل بأكثر من طريقة .. كالرد الآلي .. أو البريد الصوتي .. الا أن كل هذه الوسائل لم تجد في منع الرانين و الفاصلين ..

كلما اكتشفت طريقة لمنع الرنة و الفصلة .. أفاجأ بطريقة أخرى جديدة للرن و الفصل ..

الله يزكرك بالخير يا غراهام بل .. اخترعت التلفون الأرضي .. و توكلت على الله .. ما بتعرف بالبلاوي يلي صايرة من ورا اختراعك هاد ..

حابب أعرف من هو أول من "رن و فصل" .. كي أقضي معه بعض الوقت .. و أعرف دوافعه الحقيقية لهذا الأختراع ..

و مهما تكن الرنة و الفصلة سيئة .. الا أن البعض اخترعوا ما هو أسوأ منها .. الا وهو اختراع "call back request" ..

أو كما هو مصطلح على تسميته call me ..

يا ماحلى الرنة و الفصلة على هوا كول مي .. يعني فوق ما هو مستخسر فيك مكالمة و بيرن و بيفصل .. هاد لسه أسوأ .. و مو مكلف حاله يرن و يسكر ..

في رقم صرلو يومين مستلمني .. ما بعرف مين هو . قاعد بيرن و بيسكر علي .. طبعاً ما حكيت معه .. بصراحة حاب أعرف مين هو .. بس لأنه رن و سكر .. ما بدي أحكي معه .. و يروح "يبلط البحر" ..

بدي أبعت فاكس لجماعة جائزة نوبل .. أخليهم يشوفوا و "يبحبشوا" على مخترع الـ missed call و يعطوه الجائزة .. لأنه عنجد بيستاهلها ..

all rights reserved to mr. Osama el. Sharea