مـجـنــونـهــــا // قصه واقعيه - الصفحة 5

02-12-2010, 02:24 AM

[BIMG]http://images18.fotki.com/v231/photos/1/106083/2666299/hug_cry-vi.jpg[/BIMG]

[align=center]ليتني من فرحك قريب .. ليت لي من جرحك نصيب ![/align]

[align=center]الجزء العاشـــر

وفي الليل .. واتصل (صالح) على (عليا) شاف انتظار لكنها ردت عليه

عليا : قلبي بس دقايق بكلم (سارو) وبرجع اكلمك ..!

صالح : زين (علويه) .. بس على فكره وحشتيني

عليا : فديت عمرك ربي لا يحرمني منك يالغالي

وسكر منها .. وقام يبدل ملابسه ويلبس ملابس البيت ..

وده هاللحظه (عليا) هي تختار له ملابسه اللي بيلبسها لكنها مشغوله خيرها في غيرها

وطلع ملابسه من الكبت ولبسها .. وراح على الكمبيوتر يشوف الملفات اللي ما يحتاجها

فجأه سمع صوت مسج .. من (عليا) افتحه

آحبـــــــك

ضم (صالح) التلفون لـ صدره .. ولاشعوريا قال: يا بعد قلبي (علويه) قسم بالله احلى صدفه في حياتي واحلى حب في هالدنيا كلها

ربي لا يحرمني منج ولا يفرقني عنج اي شي بهالدنيا .. آمين يارب

رد عليها بمسج كتب فيه

اعشق التراب اللي تدوسينه ..!

(عليا) مع رفيقتها وتسمع سالفتها .. كانت متضايقه

سارة : والله يا (عليوو) ما دري مب عارفه وش اسوي

عليا : زين انتي شفيج وش اللي مضايقج؟

سارة : متملله ما عرف شسوي .. وهذا سندرني على الخط الثاني

عليا : من هذا بعد ؟؟ (خالد)؟

سارة : ايه تمللت منه والله علباله صج بحبه .. مجنونه انا احب واحد يلعب على الف بنت

عليا : ههههههههه وانتي بعد تلعبين على الف واحد

سارة : على كيفج ههههههههه والله الواحد يبغي يغير جو .. ويقضي وقت فراغه

عليا : ههههههه (ساروو) احسن مافي الوضع انج عارفه .. الحب ما يجي من هذول وبهالطريقه .. يالله ربج كريم ان شاء الله

ساره : ايه والله .. بس كلمته وقال لي احبج عسى ماشر ؟؟ خييييير

عليا : ههههههههههه يهال شعرفهم بس تعجبيني انج ما تصدقين .. الحمدلله والشكر عليهم

سارة : إلا تعالي (عليوو) شخبارج مع (بو صلوح)؟

عليا : نعم نعم منهو (بو صلوح) ؟؟ بعد

سارة : حبيبج (صلوح) الدب

عليا : نعممم اقووول بس انا اللي اناديه وامزح وياه من متى الميانه بعد سبيه اشوف !!

سارة : ههههههههههههههه حشششى كلتينااا زين خلاص شخبار (صلوح)؟؟

عليا : ولا تقولين (صلوح) قولي (صالح) .. وشو اصغر عيالج؟؟

سارة : هههههههههههه مالت عليج .. كلش ما يناسب وانتي طايحه بالحب وما ترضين على حبيب القلب .. بس بعد تستاهلين .. المهم شخباركم مع بعض ؟

عليا بإحراج : ههههههه زين اوكي احنا بخير وتمام

سارة : شهالجواب المعوق ؟ اقصد يحبج ولا يلعب ع الحبلين ؟؟

عليا : يا ربي هالانسان ملاك والله ملاك يحبني كثر ما حبه .. واحبه كثر ما يحبني

سارة : ما نقدر ع الحب .. لحظة لحظة بانسدح من الوناسة

عليا : ههههههههههههههههههه (ساروو) اشدخل ههههههههههه واااااي لا ماقدر لحظة

سارة بمزح : (عليووو) لحقيني تشرقدت .. وما قدر اقوم صادني افتاق ههههههههههههه

عليا : ما قدر بس بطنيييي هههههههههههههه اللي ضحكني .. حركاتج مالها خص باللي اقوله

سارة : هههههههههههههههه .. الله يخليكم لبعض ان شاء الله

عليا : آمييييييييييييييين يااارب

سارة : تصدقين مستانسه عشانج وين (عليو) اول والحين .. اول بس مال عبط بس الحين خلاص كبرتي راعيه مسئوليه وعندج احد تهتمين فيه

عليا : والله سكتي (سارو) بعد ما حبيته حياتي صار لها معنى .. صار فيها اكشن وحب ورمنسيه .. فيه احد يهتم فيني يقول لي وين رايحه من وين جايه

يسألني كلتي شي ؟؟ جوعانه ؟

يهتم بأكلي ويجبرني لو ما كلت .. ساعات نطلب نفس الطلب وناكل مع بعض .. ونسوي سباق منهو اللي يخلص قبل

.. واذا مرضت يقعد ويسهر معاي

يضحك معاي .. يسولف معاي .. ياخذ بخاطري .. يواسيني لو انجرحت من اي احد او تضايقت

علمني معنى الاهتمام .. معنى الحنان والحب والتقدير .. احس الحين لي اهميه في هالحياه .. اكثر من قبل

من كثر ما يحبني حتى ما يقدر يشوفني زعلانه عليه .. على طول يراضيني ما يهدى له بال اذا نام وانا زعلانه عليه

مستحيل ينام .. وما قول لج انا اقدر .. الحمدلله ما ننام واحنا زعلانين من بعض او شايلين على بعض

سارة : يا ويل حاالي شوي وتقولين فيه شعر

عليا : حتى لو اكتب فيه شعر ما أوفيه حقه .. فديته

سارة : لالا هذا ما تفرطين فيه لو مهما يصير .. آآآخ وين ألقى لي واحد كذا يحبني

عليا بمزح : اقوول (ساروو) وخري وخري بعييد عن هالنغزاات هههههههه

ساره : ههههههههههههه والله تفكيرج عبيط

عليا : امبييه (ساروو) طولت على (صلوحي) يالله تبين شي ؟

سارة : لا حبيبتي سلامتج وسلمي عليه

عليا : نعم نعم ؟ لا مابي اغااااررر

سارة : عشتووو وخري ززين يلا مع السلامه هههههههه

عليا بضحك : مع السلامه

واتصلت على طول في (صالح) .. ووقتها منسدح ويقرى قصه .. رن تلفونه

صالح بشغف : فديييييت هالاسم .. فدييت هالنغمة اناا .. تكلمي تكلمي حبيبتي خليني اقول فدييييت هالحس فديت هالبحة

عليا بإحراج : فديييييت قلبك حبيبي .. طولت عليك ؟

صالح : واجد وااااجد وحشتيني من قلب وحشتييني بمووت من الوحشة عليج

عليا : غناتي والله اسفه بس غصب عني لهيت بالسوالف مع (سارو) ..

صالح بدلع : تلهين عني عاد .. تدرين انج بكل دقيقه وبكل ثانيه توحشيني

عليا : فديت قلبك والله ما لهيت وحشتني موت تدري ولا ما تدري

صالح بمزح : لا مادري .. شلون علميني ؟

عليا : يالدب ههههههههه انزين ترى (سارو) سلمت عليك

صالح : يحليلها .. الله يسلمها شخبارها ؟

عليا : والله تمام كانت متضايقه شو بس ما سكرت منها إلا واحنا نضحك

صالح : فيج الخير يالغاليه .. خلج دوم مع ربعج كذا

عليا : اصلا محد يهمني كثر (صلوحي) حبيبي

صالح بمزح : بس بتمللين مني عقب

عليا : مستحييللل اتملل من حياتي من كل شي حولي بس انت مستحيل .. انت اصلا حبيبي وقلبي وكل شي فيني

صالح : يا بعد قلبي والله يا احلى انسانه شفتها في حياتي .. (علويه) تدرين لو قلت لج احبج ما وفيت حدود الشوق اللي فيني ولا طفيت نار شوقي

ان قلت احبج بدور على كلمه ثانيه وان قلت اموت فيج بعد راح ادور

ومهما اتكلم واقول كل الكلام واخلصه ؟ بعد ما يوفي ربع المشاعر اللي بداخل قلبي

والله لا كتاب فلسفه يشرح شعوري ولا عالم يفسر حبي لج .. (علويه) تفكيري وعقلي وكل ما فيني لج انتي وبس .. والله يشهد علي من هاللحظه

ما اخون وعدي ولا حتى افكر اتنازل عنج وعن محبتج

وعد مني ما فكر اخونج ولا حتى اساوي غلاج مع شخص ثاني .. اصلا وين اقدر وغلاج طاغي علي

(عليا) .. انا من بعدج ما بي شي ولا ابي حب ثاني يشغلني عنج

ان رحتي عني اعتبريني ميت .. وان تخليتي عني لا يمكن اتخلى عنج او عن محبتج

صدقيني انا ما أبغي هالدنيا والله ما أبغيها .. ماحبيتها إلا عشانج مع اني قبل مستعد افرط فيها

بس الحين ابغيها عشانج انتي .. عشان اقدر اكلمج .. واحبج .. واسمع صوتج

محد يهمني والله محد يهمني كثرج انتي كثر حبي لج وحبج لي

محد معطيني الحياه غيرج .. لانج انتي الوحيده اللي تحركين قلبي وتخلينه ينبض بحبج

عليا ..! والـعـــروق من حبها تسقيها
نظرتها الخجوله .. بـ أطرافها الجذابــه
عليا ..! والجمال مغرور على وجنتيها
خلاني اتجاهل سطوري والكتابه ..!
عليا !! والحسن ينصاع مابين خديها
امووووت في سواد عيونها واهــدابــه
عليا احبـك .. ومحبتنا ما يوم اخليهـا
وانتي تعرفين صدق وعدي وادرى بـه
واشواقي في روحــي مــا اطـفـيـهــا
اليــن مــا يوارى .. ذا الجســد ترابــه
وان خنت الثقه .. ومـا طعت اسويها
يا عسى قلبي يلقى اقسى عقابه

مر شهرين وحال (صالح) و(عليا) من احسن الاحوال .. ما يخرب عليهم لا عاذل ولا ظرف من الظروف

أول ما يصحى من النوم يكلمها .. وان صحت هي من النوم تكلمه على طول

مره وهم نايمين على الخط .. وكان اخر صوت يسمعه صوتها .. وهي اخر صوت تسمعه صوته

فجأه قامت (عليا) من النوم وتنادي (صالح) .. وهو بعز نومه فز على صوتها

عليا : صلووح صلووووووح قوووم عاااد

صالح وبعيونه النوم : هممم هلا حبيبي

عليا : قوووم مابيك تنام .. ماجاني نوم

صالح : ها حبيبتي انا قاعد قاعد .. شفيج ليش ماجاج النوم ؟

عليا : مادري غفت عيني وعقب قعدت والحين مافيني نوم ماااااابي اقعد بروحي قووم

صالح : زين كاني قاعد معاج .. فدييت اللي مافيها نوم

عليا تتصنع الصياح : لا ادري فيك الحين بتنام .. شوف شووف سااكت ادري فيك اهئ

صالح : يا ربي انا اقدر على الدلع ؟ والله ماقدر .. حبيبتي والله قاعد معاج

(صالح) من دلعها .. طار النوم من عينه وده بهاللحظة يكون جنبها عشان يضمها لصدره وينومها

عليا : زين حلمت فيني ؟

صالح : هههههههههه حبيبتي ما مداني انام شلون احلم فيج ؟

عليا : مع الووويه يعني انا ازعجتك وماخليتك تحلم هااا

صالح : واااااااحلى ازعاااج .. زين شوفي القصه اللي جنبج ؟؟ هاتيها وتعالي بقرا لج اياها

عليا بدلع : مووووووبي ابغي اسولف معاك

صالح وهو يعدل وضعيته : هههههههههه حياااتي انتي .. زين دقيقه بشرب ماي تبين ؟؟

عليا : يالاسسوووود تشرب ماي ولا تقول لي ؟؟؟ تو الناااااس ..

صالح : ههههههههههه يالخااالة .. قلت لج تبين ادري فيج ما تحبين تشربين بعد احد

عليا بإحراج : حبيبي انت غير .. احبــك يالاسود

صالح : وانا امووت فيج يالعبده

عليا : اعشقك

صالح : اذوووب فيج

عليا : اهووااااك

صالح : انتي غرامي

عليا : انت هيامي

صالح : انتي حلالي وكلي .. انتي دنيتي وحبيبتي وام عزوزي

عليا : baby u r very romantic .. love u

صالح : حبج علمني الرومنسية .. حبج خلاني اتكلم واعبر .. حياتي انتي والله .. تعالي تعالي حبيبي عند بابا

عليا : باباتي .. ابي انام شلون ؟؟

صالح : بضمج وبحط راسج على صدري وبلعب في كشتج ههههههه حبيبي فيها قمل ؟؟

عليا بنعاس : ايي .. دورهم

صالح : هههههههههه كاني اشوف وحده من بعيد تسلم علي .. ياااررربي ملاغه

عليا : هههههههههه احبـــك ..

(صالح) وهو يسمع همس (عليا) .. بإذنه يحس بنشوة غير طبيعية .. يحس بإحساس الحب بصوتها والدفا بهمسها

صالح : زين حبيبي والعب في شعرج .. يلا غمضي عنونج الحلوين وانا بلحفج

اختاري .. تبغين قصه ولا اغني لج ؟؟

عليا : ماماتي يوم كنت بيبي تغني لي .. ابغي تغني لي

صالح : من عيوووني .. فديت الدلوع اناا .. يالله حياتي ..

نامي يا قلبي نامي يا حبي
نامي ويحفظج ربي

نامي يا عمري .. يا دفا صدري
ونور فجري

نامي جعله نوم العوافي
نامي يا حبي الخافي

نامي يا بعد انفاسي
ودفا احساسي
يا بعد راسي

وظل يغني لها لين ما حست بالنعاس والنوم .. وغفت على صدره وهي مرتاحه

بعد ما حسسها بقربه .. وكنه بمكان واحد معاها يضمها ويدفيها بحضنه وينومها

ومن بعد ما تأكد انها نامت .. همس لها بصوت واطي : احبـــج حبيبتي تصبحين على خير ..

ظل معاها على الخط وإنسدح .. ونام

ناموا مع بعض طول الليل .. صحيح التلفون اخر حد ساعتين ويقطع وبعد ما قطع .. هالاثنين كانوا نايمين بعمق

نايمين وكل واحد يضم الثاني

نايمين وكل واحد يحب الثاني ويحطه بقلبه

نايمين وكل واحد يحلم بالثاني

ناموا عى اصوات بعض .. نام وهو يدلعها ويغني لها

وهي نامت على صدره وتشم ريحته

وعند (طلال) و(سعود) .. مندمجين في الماسنجر ..

طلال : (سعودوووووووو) .. متى كلمت (صلوح) ؟

سعود : بسم الله .. الناس يدشون يسلمون وانت على طول تحقيق ؟

طلال : زين مالت عليك اكيد بخير .. وانا بخير .. بس متى كلمت (صلوح) ؟؟

سعود : عنتالله عليك هههههههههههه وانا شدراني عنه؟ شايفني امه ؟ جايبه وناسيه ؟؟

طلال : ياخي صاير لاهي مب مثل (صلوح) القبلي اللي يقعد معانا ويسولف

سعود : يا رجال اتركه .. الحين داش حياه جديده ومرحلة جديده

طلال : ولو .. بس ما ينشغل عنا كذا صح ولا انا غلطان ؟

سعود : طبعا غلطان ..

طلال : عشان اتشره عليه اكون غلطان ؟

سعود : انا ماقلت عشان تتشره عليه .. انا قلت لك هو لاهي مع الحب توهم معاريس جداد ههههههههه

طلال : شدعوه متخرع عليها ؟؟ امس اتصل فيه اشوف عنده انتظار .. رد علي قال بكلمك انشاالله بس اخلص

سعود : طيب وما اتصل فيك ؟؟

طلال : لا كلش ما اتصل ولا افتكر فيني .. يعني مايسأل عندي موضوع مهم فيني شي

سعود : وانت يابو كرش متى دقيت عليه ؟؟

طلال : الساعه 1 في الليل كالعاده ..

سعود : وتبغيه يرد عليك ؟؟ شدعوووه الساعه 1 اكيد بيكون لاهي مع حبيبته

طلال : زين شدعوه ما قعد ؟؟ الحين احنا الظهر اكيد قعد ولهى معاها بعد .. حشى 24 ساعه كله انتظار ما يتملل

سعود : بسم الله شفيك انت اليوم ؟؟ يمكن سهران معاها امس .. وللحين نايم يعني ماتعرف (صلوح) ؟ نوم اهل الكهف

طلال : بس انا تعودت اسولف معاه طول الوقت ونسهر ليين الصباح

سعود : مب كل شي يدوم على حاله .. اول (صالح) ما عنده احد ويقضي وقته معانا .. بس الحين الوضع تغير ولازم يعطي حبيبته اغلب وقته

(طلال) مب عاجبه كلام (سعود) .. لكن ساكت ويسمع ..!

سعود : كاني انا انشغل عنكم ما قلت لي شي شمعنى (صلوح) ؟؟ يا حبيبي خله يشوف حياته ويستانس مع حبيبته

طلال : ما علينا .. انت شخبارك شلونك ؟

ظلوا يسولفون .. و(طلال) هنا بين ان ماخذ على خاطره من (صالح) .. عشان قصر بحقه الايام اللي طافت وكان مشغول مع (عليا) في اغلب الاوقات

وعند (عليا) .. توها بدت تصحى من النوم وتفرك عيونها .. تتلفت يمين ويسار : حبيبي وينه ؟

ضمت المخده اللي جنبها اكثر .. وخذت التلفون ودقت على (صالح) مشتاقه له موووت

دقت مره .. مارد عليها .. دقت المره الثانيه ومن بعد مده رد عليها

صالح وبعيونه النوم : الوو

عليا بصوتها الناعم : صباح الحب

صالح : يااا عمري على هالصوت اللي وحشني

عليا : فدييت النعسان .. حياتي قوم عاد نمت واجد .. وحشتني

صالح : حبيبتي تعالي شوي .. قربي اذونج

عليا بدلع : هاا قربت

صالح قرب التلفون وبهمس : أحــبــج ..

عليا : اموووت فيك حبيبي ..

صالح : ها حياتي نمتي عدل ؟؟

عليا : شلون مانام عدل واخر صوت اسمعه صوتك ؟

صالح : عسى دوم يا عيون (صالح) .. تدرين (علويه) حلمت فيج

عليا بفرح : صج ؟؟ قول قووووول عااااااد

وحطوا في بالكم ان (صالح) للحين ما يعرف شكل (عليا) .. ولا حتى شاف صوره لها

صالح : حياتي حلمت ان شعرج طوويل واسود وعيونج وساع وكنتي تشوفيني وانا جايج اضمج

عليا بإحراج : حبيبي انا شعري كشه ومب طويل .. وعيوني تلوع الجبد

صالح : هههههههههه لو تكونين مب حلوه .. بعيوني احلى الحلوات .. ثاني شي انا احساسي يقول انج حلوه .. لااا مب حلوه إلا قمر

عليا : ههههههههه ما عندك سالفه انزززين

صالح : انتي كل السوالف اصلا ههههه .. زين يلا يلا ملغتي قومي يالله خليني اقوم

عليا بدلع : وشووو مااااااااااااابي كييييييييفي هاااي مااالي

صالح بصدمه من الدلع الحلو : وشو اللي مالج @@

عليا : انتــاااااااااااااااااا

ماات (صالح) من الضحك على طريقتها .. تتصنع العصبيه وهي كل الدلع

ظل يسولف معاها حوالي ساعتين وبعدها ..!!

صالح : اييييييي حياتي تذكرت ان (طلول) امس داق ونسيت اكلمه

عليا : الحين بتكلمه ؟؟

صالح : بعد شوي .. لما حبيبتي تقوم معاي .. ونغسل ونقوم نصلي صح حبيبي ؟؟

عليا بدلع : صح غناتي

صالح : بعدين الحلو وش يسوي ؟؟؟ يقووم يتغدى

عليا : مابي بدونك

صالح : (علويه) بقوم اتغدى معاج .. وكل واحد يتغدى يطرش مسج اوكي ؟؟

عليا : اذا كذا زين .. اوووكي (صلوحي)

صالح : اوكيك حياتي .. يالله حطي بالج على نفسج ماوصيج

عليا : بعد انت حبيبي .. بتوحشني

صالح : احبــــج ..

وسكروا من بعض وكل واحد فاقد صوت الثاني اكثر ..

قام (صالح) من مكانه .. فتح الكبت يطلع له ملابس .. وهو مشغول سمع صوت مسج

مسك التلفون ؟ شاف (عليا) باعثه له مسج وكاتبه فيه

يعلني مانحرم منك حبيبي
يعلني فدا صوتك وروحك يالغالي ..

إبتسم إبتسامه عريضه .. من فرحته حتى ما كمل شغله قعد مكانه وظل يفكر فيها

سرح فيها ونسى يرد عليها بمسج .. نسى يقول لها كلمته اللي تغنيه عن كل شي وهي (احبــج) نسى من الفرحه

وما ينلام .. اكيد ما ينلام ..[/align]

[align=center]يتبع في الجزء القادم [/align]

02-12-2010, 02:38 AM

بدايه اي قصه حب
ولع وحب وشغف وشوق دائم بعد هيك بصير الحب موجود بس الضروف صعبه

لا تتاخري علينا بالاجزاء شادن

02-13-2010, 01:11 AM

مقامك يا بعد عمري إعتلى .. وصار القلب لعيونك أسير !!

الجزء الحادي عشر

صالح : هلا (طلوول) هلا بالغالي

طلال : اهلين شحالك ؟؟

صالح : الحمدلله الله يسلمك .. ياخي امس نسسسيييت ماتصلت فيك راحت علي نومه ..

طلال : ممم لا عادي .. المهم شخبارك انت شمسوي مع الحب ؟

صالح : الحمدلله .. انت شلونك وشخبار (سعود) ؟

طلال : شكلك انت ماتدري عن الكل مب بس انا

صالح : شدخل (طلال) ؟؟ شهالكلام ؟

طلال : ولاشي .. (سعودو) من شوي مكلمه على الماسنجر .. زين (صلوح) مب شايفينك اليوم ؟؟

صالح : اليوم ؟ تعال اليوم وشو ؟؟

طلال : الخميس يالعله

صالح : اييييييييييييه صح .. ان شاء الله اكيد بشوفك شدعوه صار لي فتره ما شفتك

طلال : علبالي بعد

(صالح) مستغرب من طريقته .. بالاول يضحك معاه بعكس هالمره .. ليش الحين غير ؟؟

صالح : فيك شي (طلول) ؟

طلال : لا ابد مافيني شي بس ملل ..

صالح : اهااا .. يالله مب مشكله اليوم بجيك وبيروح الملل

شاف على الخط الثاني .. (حبيبتي) يتصل بك

صالح : مممم اقول (طلول) انا بخليك الحين .. تامرني على شي ؟؟

طلال : وين بتروح ؟

صالح : عندي خط .. بس ان شاء الله اليوم اشوفك

طلال : اها .. على خير

وسكر من عند (طلال) .. ورد على حبيبته وعمره وغرامه كله

صالح بشوق : هلا بحياااتي وبعمري وبطوايفي كلللللللللهاااا

عليا : هلا حبيبي انت .. وحشتني

صالح : انتي ما وحشتيني

عليا : افااا ليش ؟؟

صالح : بس مت من الوحشه عليج

عليا : هههههههههه .. حياتي من كان على الخط ؟؟

صالح : (طلول) ولد خالتي كان يكلمني

عليا : اها .. اخليك يعني مشغول معاه ؟

صالح : لا يبـا .. خلصنا سوالف .. اصلا اليوم ان شاء الله بروح اشوفه خبرج الخميس

عليا بحزن : وبتخليني بروحي ؟

صالح بإنفعال : عسى ربي لا يخليني ان خليتج يا حياتي .. اخلي الكل بس ماخليج ولا اتخلى عنج

عليا : بسم الله عليك حبيبي لا تقول هالكلام .. بس والله افقدك

صالح : عارف يا قلبي .. ومجرب هالشي لين تقعدين مع (موزه) اشتاق لج مووت وانتظرها تروح عشان اخذ راحتي معاج

عليا : حبيبي ماعليك مني .. استانس مع ولد خالتك المهم عندي وناستك

صالح : وناستي معاج يا بعد (صالح) وحياته

عليا بإحراج : مع الووووووويه

صالح يتصنع الخوف : (عليووو) .. (عليوووووووووووووو)

عليا : شفيييك؟؟ @@

صالح : اوووووووبيييي إلحقققييي

عليا بخوف : شفيييك خرررعتني ؟؟ شصاااير

صالح : احببببببببببج

عليا بعصبيه : مالت عليك انزززين خرعتني

صالح : ههههههههههههههههههه حلوو شكلج وانتي خايفه تدرين ولالا

عليا : مايضحك يالدب هههههههههههه

صالح : دام ما يضحك ليش رازه الووجه وتضحكين ؟؟

عليا : يييييه كيفي كيفي .. هههههههه

صالح : (علويه) .. مب طالعه اليوم ؟

عليا : وين اطلع قلبي ؟؟ مافيه مكان سنع اروح له

صالح : طلعي اي مكان غيري جو

عليا : المشكله محد معاي .. شلون اطلع بروحي يعني

صالح : افاا وانا وين رحت ؟؟ بجي معاج

عليا : تستهبل ؟ ههههههههههههه

صالح : ههههههه صج حبيبتي شعليج من اي احد .. اخذ خدامتج والصبي وطلعي اي مكان

عليا : مممم بشوف اذا حسيت نفسي متملله بطلع بروح الستي

صالح : خلاص بس خبريني وقتها عشان يكون عندي علم

عليا : (صلووح) .. (صلووووح) خل هالسالفه توولي .. تعاااال

صالح غير من حدة صوته .. وصار اخف : ها حبيبتي كاني معاج

عليا بكل دلع : وحـشـتـنـــــي

صالح بهمس : ودي اضمج الحين واخلي قلبي يكلمج ويطلع مشاعره كلها لج

ويقول لج انج انتي سكنتيه .. انتي بروحج ولا احد معاج

عليا : فديت هالقلب هذا احبــــه

صالح : تحبينه ؟؟

عليا : هيـــه ..

صالح : اغااررر ..

عليا : تغار من قلبك ؟؟

صالح : اغار من نفسي عليج .. تقولين من قلبي ؟

انا من الهوى اغار .. اغار من جوالج اللي بيدج

اغار من ربعج .. اغار من بنت خالتج .. اغار من بنات خالج .. اغار حتى من امج

اغار من اي احد يشوف عيونج .. اغار من كل واحد يسمع صوتج

اغار حتى من ثيابج اللي تلبسينهم .. اغار من غرفتج .. اغار من الاكل اللي يغذي جسمج

امووت غيره .. تذبحني الغيرة

عليا : انا لك انت .. حلالك انت وبس

صالح : وهذا اللي يذبحني اكثر يا عيون (صلوح)

عليا : هههههههههه دب واحد طمااع

صالح : ومن حقي

عليا : حبيبي توني من شوي قبل لا ادق لك .. قاعده اشوف صورتك

صالح : وليش تخرعين نفسج حبيبتي ؟

عليا : فدييت قلبك انت اصلا حلو .. احلى مني بعد

صالح : بعدد ؟؟ هههههههههه انتي كل النعومه فيج والرقه والدلع والدلال .. تقولين انا احلى منج ؟

عليا : انت حبيبي وقلبي وحياتي واشوفك احلى واحد في الدنيا

صالح : يا بعد قلبي (عليوووو) .. ممم ابغي اشوفج وريني صورتج

عليا : حبيبي انا مب حلوه في الصور

صالح : عاااد .. وشو مب حلوه .. كل ما قلت لج رويني صورتج تقولين مب حلوه

عليا : انا بالصور اطلع مب حلوه .. عكس الطبيعه

صالح : انتي حلوه بكل حالاتج

عليا : هههههههههه هالولد عياار .. توك تقول ماشفتني شلون حلوه بكل حالاتي

صالح : هع هع انتي رويني صورتج عشان اثبت لج وارويج الجمال شلون

عليا : زين بفكر .. بس احتمال لااااا قلت لك مب حلوه بالصور

حزتها (صالح) استغل عنادها .. ودامها ماتبغي تراويه الصوره وتقول على الطبيعة احلى

صالح : خلاص (علويه) .. متى بشوفج ؟؟

عليا : هههههههه شفيك (صلوحي) .. قلت لك افكر

صالح : لا .. انا اقصد اشوفج بأي مكان يعني فيس تو فيس !!

عليا بتوتر : هاا .. تشوفني ؟

صالح : ايه ؟؟ مب انتي قلتي على الطبيعة احلى ؟؟ خليني اشوفج

عليا : احم (صلوحي) .. امبييه بطني عورني

صالح : ههههههههههههه شدخخل الحين

عليا : ايه اذا فيه شي موترني ولا خايفه من شي يعورني بطني

صالح : ههههههههههههههه شدعوه حياتي داشه امتحان ؟

عليا : اوووف الامتحان اهون

صالح يتصنع الزعل : يعني ما تبغين تشوفيني .. انا ادري انج بترفضين

عليا : بيبي .. (صلوحي) .. عاااد عشان خاطري لا تزعل .. انا مارفضت ولا شي

(صالح) ساكت .. ويتصنع الزعل يبغي يشوف (عليا) وش تسوي ..

عليا : حبيبي عاااد

صالح : ..........

عليا : (صلووووح) ؟؟؟؟؟؟

صالح : .......

عليا : فديت الزعلان .. خلاص حبيبي لا تزعل

صالح : انا عارف انتي اصلا ماتبغين تشوفيني .. ولا حتى تشتطين

عليا : حرام عليك انا مابغي اشوفك ؟؟ لو ما ابغي كان ما حطيت صورتك خلفية تلفوني

(صالح) شق الحلج يوم سمع هالكلمة

وقلبه يتراقص من داخل بس ؟؟

احم .. لا ينسى نفسه .. خلوه بنفس المود

صالح : حتى ولو هذا ما يثبت انج تبغين تشوفيني

عليا : حبيبي انت تامر .. امرررك ولا امر الحكومة .. قول لي متى تبغي تشوفني ؟؟

(صالح) شق الحلج .. مب قادر يتكلم من الوناسة ظل ساكت !!

يعني الحنـــه انفعت معاها ؟؟ ونااااسة

وبعدها !!

صالح : (علويه) ؟؟؟

عليا : هلا حبيبي ؟؟ بلاك ؟

صالح : احببببببببببببباااااااااااااااااااااااااج

عليا بإحراج : هههههههه مع الوووووويه امووت فيك

صالح : والله والله اعشقج .. امووت بإسمج .. وبرسمج وبهمسج .. احب كل شي فيج

احب دلعج .. احبج لين تراضين .. احب همساتج احب صوتج .. ادمممممممممممماااان

(عليا) ساكته من الاحراج

صالح : حياتي .. ممم باقي اسبوع وينتهي شهر 12 صح ؟؟

عليا : صح .. بس ليش ؟؟

صالح : ابغي اشوفج في شهر 1

عليا : هههههههههههههههههههه (صلوح) لا تضحكني

صالح : ادري تضحكين عشان هالاسبوع واني بشوفج في شهر 1

عليا : ايه .. شمعنى شهر 1 يعني ؟؟

صالح : عشان تعرفين اني طيب .. وما ابغي اعور بطنج واعطيج هالفرصة عشان تستعدين نفسيا وعقليا وفكريا ومادري وشو

عليا : ههههههههههههههههههههههههههه يالملغ

صالح : ههههههههههههههه فديتج .. بس اووش مايضحكون على حبايبهم واجد

عليا : هههههههههه احبك يالاسود والله احبك

ظلوا يسولفون .. (صالح) يضحك عليها لين تقول بطني يعورني

و(عليا) تضحك عليه لما يملغ عليها ..!

ظل يسولف لها ويتخيل شكلها ويوصفها .. وشلون هو راسمها في خياله

اذن المغرب .. وصلى ومن بعد الصلاة طلع وراح لـ (طلال) يشوفه

وهو داخل عنده رن تلفونه .. (حبيبتي) يتصل بك

صالح بهمس : هلا حبيبتي

عليا : (صلوحي) وصلت ؟؟

صالح : ايه توني واصل

عليا : انزين لا تنساني

صالح : (علويه) .. تدرين وش اللي يخليني احبــج اكثر ؟؟

عليا بدلع : وشو

صالح : اني بكل حزه لا غبت عنج تحسسيني انج فاقدتني

عليا : وهذا الصج .. افقدك دوم واذا ما ترد على التلفون امووت

صالح : بسم الله عليج حبيبتي

عليا : انزين قلبي ما طول عليك .. ولأني اشتقت لصوتك عشان كذا دقيت ..

صالح : اصلا لو انتي مادقيتي كان دقيت هع هع .. لا تخافين نفس التفكير

عليا : على قلب .. ايه صح نسيت يمكن اطلع اوكي ؟

صالح : حلووو .. بس وين بتروحين ؟

عليا : ممم بروح اخذ لي مكياج ..

صالح بعبط : اهااا يعني من الحين تتجهزين عشان اشوفج

عليا : هههههههههههههه امااا .. شدعوه بنام بالمكياج لين شهر 1 ..!

صالح : ولا تنسين فستان امنفش بعد وسوي شعرج سيده مب كشه

عليا : هههههههههههه يا (صلوحي) يا حياتي ما يقولون سيده .. يقولون ستريت

صالح : شدراني عاد .. شايفتني امطيح مع البنات

عليا بغيره : نعم ؟ قصورك .. اذبحك تعرف وشو اذبحك

صالح : ههههههههههههههههه هدي اللعب بس

عليا : والله يقول بنات بعد !!

صالح : اصلا انتي شيخه البنااااات كللللهم

عليا : هههههههههه .. يالشيطاان تقدر بكلمه ترفع ضغطي وبكلمه وحده تنزله

صالح : مب (علويتي) ؟؟ لازم اعرف لج هع هع

ويسمع صوت (طلال) من بعيد يناديه ..

صالح : ههههههههههههه تسمعينه ؟ سمعني اضحك عرف اني جيت

عليا : هههههههههه خلاص بخليك .. حط بالك على نفسك

صالح : انتي بعد حبيبتي ولاتنسين الفستان المنفش ..

عليا : هههههههههههه والله انك جنغل .. إلا منفش إلا سيده .. ناقص تقول ديرم ..

صالح : هع هع تالله على بليسج .. يالله خل اروح له .. بااي

وسكر من حبيبته بنفس اللحظة اللي جا فيها (طلال)

سلم عليه .. جلس جنبه

طلال : هلاا بالحب .. اللي ما بغى يشرف

صالح : انا وعدتك يعني اكيد بجي هع هع يالله يالخايس وش نلعب ؟

طلال : هههههههههههه فديتك (صلوح) والله وحشتني ..

صالح : بس طيحت سقف بيتكم .. زين وين الأونو ؟؟ ولا شرايك في الكيرم احسن اشلخ وجهك

طلال : هههههههههههههه تتحدى ؟؟ يالله بجيب اونو نلعب كريزي

صالح : إلا تعال @@ وين (عزوز) ؟؟ ياخي من زمان ماشفته

طلال : بعد شوي بيجي .. تلقاه راح يشفط زقاره ياخذ طاقه

صالح : هههههههههههههه عدل حق هالبراطم تصير كويحه

طلال : هههههههههههههههه ياخي ماتبغي تجرب ؟

صالح : اسف ما أرغب اصلا :)

طلال : بس والله فله انت جرب .. اذا اعجبتك زين ما عجبتك قطها

صالح : لالالاااااااا لا وشو اجرب .. لو ابغي كان جربت بس مب حاب الزقاره اصلا

طلال : كيفك انت الخسران

صالح : زين نلعب ولا ننتظر (عزوز) ؟؟

طلال : زين اصبر شوي خل اشوفه

واتصل على (عبدالعزيز) .. يشوف وينه .. وبعد دقيقتين سكر

صالح : هااا ؟ وشقال ؟

طلال : بعد شوي بيجي .. يالله نلعب قيم على ما يجي

صالح : ابشرر ان ما كسرت راسك هههههههههه

طلال : هههههههههههههه فيك خير اغلبني

وهم يلعبون ومندمجين

رن تلفون (صالح) .. (حبيبتي) يتصل بك

صالح : الوو ؟؟

عليا : هلا حياتي شخبارك ؟؟

صالح : بخير الحمدلله انتي شلونج ؟؟

عليا : فديييييت اللي ما يقدر يتكلم .. بخير دام سمعت صوتك

صالح : هههههههههه زين زين .. ما طلعتي ؟

عليا : بعد شوي حبيبي متصله اخبرك اني بطلع مع اختي

صالح : اوكي الغاليه مب مشكله .. حطي بالج على نفسج ماوصيج

عليا : من عيوووني يالغالي

صالح : اوكي .. اجل يالله ....

عليا : (صلوحي) ؟

صالح : هلا ؟؟

عليا : أحبــك

صالح : هههههههههههههه تصدقين بعد اناا

عليا بنذاله : ههههههههه انت وشو ؟

صالح : ما أدري بس نفسج

عليا : قولها انزين

صالح : ههههههههههههههههه شهالنذاله ؟ بعدين بعدين وصدقيني بدال المرة بتكون 1000 مره

عليا : ههههههههههه حبيييييييبي انت .. خلاص خلك معاهم واذا رجعت بتصل فيك او ببعث مسج

صالح : اوكي (علويه) .. مم مممم زين take care

عليا : فديت المتوهق .. قول لي بمسج ..

صالح : هههههههههه وانتي شدراج اني بسوي كذا ؟؟ خلاص مب مشكله يالله باااي

وسكر منها .. وعلى طول ترك الاونو وقعد يكتب مسج

و(طلال) عيونه تراقب حركات (صالح) .. وش السالفه ؟؟

وبعث لها مسج كتب فيه

عن القز زين لان الغيرة ضاربه ضربتها هاليومين

احبــج وااااجد لا تنسيني ..

ردت عليه (عليا) على طول

حلاته يوم تضرب ضربتها هع هع ..

هنا (صالح) فيه ضحكه بس سوا روحه معصب .. وبعث لها

اذا اضربت ضربتها اخاف تنضربين وياها

ردت عليه بمسج فيه كلمه وحده

حــلالك ;)

بهالكلمه خلت عقل (صالح) يقوم من مكانه ولا يقعد .. استخف عليها

(عليا) حلالي ايييه حلالي .. فديييييت روحهاا دار كل هالكلام بقلبه وهو يعدل اوراق الاونو

مبتسم ويطالع (طلال) وعقله مب وياه سرحان بعيييييييد ..

طلال : هيييييييييييييييييي العععععب

صالح : وجع شهالصوت هذا @@ بالع ضفدع ؟

طلال : هههههههههه .. شخبارك مع الحب ؟ ان شاء لله مرتاح ؟؟

صالح : الحمدلله .. وانت وش اخر اخبارك ؟؟

طلال : ابد عندي وحده صدقني لو اقول لك كل الملاغه فيها ما تصدقني

صالح : هههههههههههههههههههههه بل ليش عاد

طلال : لزقه .. علللة .. لوووسة .. احول تلفوني اشوف ألف مسج وان شلت التحويله اشوف ألف اتصال ولين اكلمها ما اسمعها .. تقول تتكلم من سرها

صالح : ههههههههههههههههههه يمكن تبغي تنعم نفسها وتدلع شفيك

طلال : الواحد حلاته على طبيعته ههههههههههههههه اي نعومه اي دلع الله يهداك انا انعم منها

صالح : هههههههههههههههههههااااي يخرب بيتك .. وانت وش قطك عليها ؟؟

طلال : للحين ما تعرفنا على بنت الحلال اللي نحبها قلنا نقزر وقتنا .. وهذول الله يسلمك تلاقيهم في كل مكان

صالح : انت امسك نفسك .. وبتحصل ان شاء الله اما انك تناقز من وحده لين وحده عزة الله حبيت

طلال : اناقز ؟ هههههههههههههههههههه كنغر مب ادمي

صالح : ههههههههههههههههههههه غوريلا احسن

طلال : جب بس ههههههههههههههه

ورن تلفون (طلال) ..

طلال : حششششى لو طرينا مليون ابرك .. نستفيد منها

صالح : هههههههههههههههه لا تقول هي ؟؟

طلال : شوف شوف لحظه .. اسكت واسمع

رد (طلال) عليها .. وحطه على السبيكر عشان (صالح) يسمعها وهي تسولف

طلال : هلا بعمري .. وحشتيني ..

(صالح) من بعيد يهمس له : صج صج عيااارر هالكلام تقوله لـ ستين ألف وحده !!

و(طلال) من بعيد : اوووش .. ورفع صوته : هلا بحيبتي الغالية ..

خلود : هلا حياتي .. وحشتني

ورفع التلفون يطالع (صالح) : اقول لك تتكلم من سرها ..

طلال : وشو ؟؟ ماسمع ؟

خلود : اقولك وحشتني

طلال : ايييه .. بعد انتي وحشتيني

خلود : حياتي شتسوي ؟؟

طلال : ابد ما سوي شي قاعد مع ولد خالتي نلعب أونو .. كاهو يسلم عليج

خلود : اهااا .. االله يسلمه

طلال : تبغين تكلمينه ؟؟

(صالح) انصدم .. متى تكلم اصلا عشان يسلم عليها :199:

صالح بهمس : ههههههههه (طلول) الله ياخذك ززين لا توهقني معاها .. انا ما عرفها خير ؟؟

طلال : ياخي هاذي عادي بتكلمك بعد يومين تبغيك ههههههههههه كلمها هاك

صالح : لالا قم ززززين @@

طلال : كيفك هههههههههه انززين (خلود).. يقول مايبغي يكلمج

خلود : هههههههههه على راحته .. سلم عليه

طلال : زين يا حياتي .. انا بخليج الحين وبعد ماخلص بتصل لج اوكيك

وسكر في وجهها قبل لا تكمل كلامها

صالح : هههههههههههههههههه استفسار؟ انتوا وشو بالضبط ؟

طلال : واحد ومتملل من وحده

صالح : من قلللب اقوول كمل كمل لعبك بس

وهم يلعبون ويسولفون .. جا (عبدالعزيز) ولد خالته واللي هو اخو (طلال) الصغير

صالح : هلااا (عزووووووووز) هلا (بو سعوود) الغالي تعال تعال

عبدالعزيز : شحالك بو (صلوح) ؟؟

صالح : بخير جعلك بخير .. زين جيت انقذت اخوك كنت بكسر راسه

طلال : ههههههههههههههه انقلع زين

صالح : قلع الله ضرسك المسوس ههههههههههههههههههه

عبدالعزيز : هههههههههههههههه بس يالاغبياء خلوني اخبص

وظلوا الثلاثه يلعبون .. وبعدها راح (عبدالعزيز) ينام .. لان مواصل من امس

طلال : جوعان .. شرايك نطلب لنا

صالح : وش نطلب عاد ؟؟

طلال : بطلب اي شي تبغي كنتاكي ؟؟

صالح : الاااااااااااااه احلى شي في العالم .. ابغي زنجر

بنفس اللحظة تذكر (علويه) .. لما يطلب معاها وجبه زنجر سوبريم من كنتاكي ويسوون مسابقة اللي ياكل قبل الثاني يكون الفايز .. وابتسم لا شعوريا

صالح : خلاص (طلول) اطلب زنجر وخلنا نشوف فلم بيحطونه الحين على MBC2 فنااان

طلال : اوكي

وبعد 10 دقايق حطوا الفلم وظلوا يشوفونه على ماجاهم الطلب .. (صالح) وهو مندمج ..

جاه مسج من حبيبته كاتبه فيه

احم احم .. توني راجعه من الصياعه

ترك وجبته وقعد يكتب لها

الحمدلله على السلامة حبيبتي .. تعشيتي ؟؟

ردت عليه بسرعه

ايه الحمدلله .. رحت مطعم مع اختي وتعشينا

بعث لها مسج

فيه العافيه قلبي .. انا ان شاالله مب مطول وبرجع .. اشتقت لج

ردت عليه

بعد انا اشتقت لك موووووت .. ارجع بسرعه حياتي

ابتسم .. وكمل اكله مع (طلال) وظل يشوف معاه الفلم وبين فترة وفترة مسجات بينه وبين حبيبته

ما يقدر يخليها بروحها .. ولا يبغي يحسسها بالوحدة

وجات الساعه 12 في الليل .. !!

صالح : يالله (طلال) انا استأذن الحين

طلال : بدري تو الناس ؟؟

صالح : وين تو الناس الساعه 12

طلال : بسامحك هالمرة .. المرة الجايه حط في بالك بنسهر بيت الجد

صالح : والله يبيله هااا نرجع ايام اول

طلال : عاد مب تتعذر لي .. اوكيك

صالح : نغزاتك ما تخلص يا (طلول) .. بس افا عليك يالغالي من عيوني ..

وطلع من عنده مستعجل .. يبغي يرجع البيت بأقرب وقت

مشتاق لـ حبيبته ..!!

ويوم رجع ؟؟ وش صار ؟؟ تابعونا الجزء الجاي ..!

02-13-2010, 01:13 AM

تصدقون والله مندمجه معاكم ههههههههه
اتمنى بسرعه بسرعه لان الاحداث بدت اكثر
انتظروني يوم الاحد

02-13-2010, 01:23 AM

بانتظارك

02-15-2010, 01:51 AM

أحبك حب ما حب مثله بشـــر !!

الجزء الثاني عشر
اتصل على طول في (عليا) .. يرن ما ترد عليه

ما انتظر دقيقه وعلى طول دق عليها مره ثانيه

الشوق في قلبه ذابحه ..

التلفون يرن .. وهو يكلم نفسه :

اففف وينها ؟؟ احاتيها .. هذا وانا معطيها خبر اني بعد 5 دقايق بوصل البيت وبكلمها

اكيد راحت عند امها .. ممم ولا يمكن تتسبح

يالله .. ان شاء الله خير ..

سكر التلفون .. راح يبدل ودق عليها مره ثانيه

بعد ما فيه رد !!

لااا اكيد تتسبح انا اعرفها هي تطول .. ممم ولا يمكن قاعده مع امها ؟؟

بس امها تنام من وقت ؟

اكيد مع اختها تسولف .. امبلا لان اختها عندها اجازه

طلع الصاله وقعد مع هله وخذ تلفونه معاه .. في حال دقت عليه يرد عليها على طول

فديت عمرج (علويه) .. يعني ما تدرين اني احاتيج !!

بو صالح : هلااا حبيييبي .. هلا (صلووح)

صالح : هلا (فهد) هههههههههههههه

ام صالح : (صلوح) استح على وجهك هذا ابوك وشو (فهد) بعد ؟

صالح : عادي واحد من الربع .. ثاني شي هاذي سوالف شباب الحريم يطلعون منها

بو صالح : ههههههههههههههه شفتي شلون الحين انا صرت (فهد) ..

صالح : اقول يبـه بخصوصك ؟ هههههههههههه مختفي ما تبين؟ الحبيب حاط مخفي ولا تدلع ؟

بو صالح : انا مختفي ولا انت يا انك تقعد مع (سعود) ولا (طلال) ولا تنخش في غرفتك مثل الفار ..!!

صالح بمزح : لاااحوووووول بديت تقلب السالفه علي اشوفك .. انت مختفي ما تجي البيت إلا الساعه 12 ودقيقه ..

بو صالح : هههههههههههه ايه الدقيقه اصف فيها السياره

صالح : هع هع .. يمـه شسويتوا في بيت الجد اليوم ؟

ام صالح : كلهم جاوا .. وعلى فكره ترى خوالك وخالاتك اسألوا عنك وقلت لهم انك عند (طلول)

وخالتك (شمـه) زعلانه عليك تقول شدعوه ما تسأل ولا تتصل فيها

صالح : اوووووه نسسيت تصدقين .. خلاص ان شاء الله الخميس الجاي بروح لهم ..

ام صالح : لا الشهر الجاي احسن شرايك ؟؟

صالح : يمـه فهمت قصدج .. بس الحين الناس ليل ونايمين شلون اكلمها

ام صالح : بكره ان شاء الله كلمها ما فيها شي .. بس مب تقطعهم كذا ما تعودوا القطاعه منك

صالح : حسنا حسنا يا اماه .. وماذا تريدين ؟؟

ام صالح : زين تعشيت عند (طلول) ولا لا ؟

صالح : نعم لقد اكلت كثيرا وبطني متروس حالياً ههههههههههه

بو صالح : افااا تاكل وانا للحين ما تعشيت

صالح : افاااا عليك (فهادي)

.. اكل معاك ليش ما أتعشى ؟ تراك الغالي

بو صالح : لا خلاص مب لازم

ام صالح : ههههههههههه (صلوح) ترى ابوك متعشي ما عليك منه

وبهالوقت رن تلفونه .. النغمه نغمة (عليا) ..

طلع تلفونه من مخباه

رد عليها ..

صالح : الوو ؟؟

عليا : هلاااااا حبيبي وحشتني ..

صالح : هههههههه الأرسال يقطع

عليا : ههههههههه بل على هالكلمه صار الارسال يقطع ؟

صالح : مااااااااااااسمع وشو ؟؟؟

وهو قايم من الكرسي فتح باب الصاله وطلع .. وبكل همس ..

صالح : (عليوووووو) .. لمـه لمـه بسرررعه وحشتيني انتي اكثر

عليا : هههههههههههههههههه وتقول الارسال يقطع ؟؟

صالح : هههههههههههههههه مادري حسيت يقطع

المهم انتي وينج اختفيتي؟ مب حرام عليج تخليني احاتيج

عليا : حبيبي sorry .. sorry والله i'm sorry .. ترى رحت اتسبح ونسيت اخبرك .. راح عن بالي

صالح : انتي شسالفتج يالسوده

كله تنسين ويروح عن بالج .. ليكون تحبين ؟

عليا : وامووووت فيهم بعد .. اذا ماسمعت صوتهم اتعذب

صالح : منهم هذول اللي مايستحون .. يعذبونج كذا ؟؟

عليا : ما عليهم شرهة .. لانهم كويحه

صالح : هههههههههههههه الكويحه ما يحب إلا العبده

عليا : هههههههههههههههههههه فديت كويحتي اناا

صالح : انا كويحه يالصنقيحه

عليا : انت اسود

صالح : انتي عبده

عليا : انت خاااال

ما يبين فيك غير ضروسك ..

صالح : انتي قااااااااار ..

تعرفين لون الشارع ؟؟ هذا لونج ويمكن اغمق بعد

عليا : هههههههههههههههههههههه هيه .. شدراك ؟

صالح : يااااااااعممررري على الـ (هيـه) بعد بعد تكلمي اعشق الكلام الإماراتي بلسانج

عليا بإحراج : هههههههههههه شقوول ؟

صالح : مب راد عليج .. إلا اذا تكلمتي إماراتي معاي من يوم ورايح

عليا : يه ؟؟ شفيك (صلوح) ؟؟ الحين طول الوقت اتكلم قطري

صالح : لاني تمللت من القطري ثاني شي الكلام الاماراتي حلوو بلسانج .. يهبل

عليا بإحراج : هههههههههه تدري انا لين اروح الامارات حق هلي هناك .. اللسان على طول ينقلب اماراتي معاهم

واذا رجعت الدوحه يرجع الكلام طبيعي ..

صالح : هههههههههه ما شاء الله .. يتبرمج بروحه

عليا : هيـه ..

صالح : اويلااااااااااااااه عليج .. انا انااا هيـه هيـه احبج احبج

عليا : ههههههههههههههههههههههه اشدخخخل حبيبي

صالح : هع .. يعني مب متكلمه ؟؟

عليا : لا .. افتخر بالكلام القطري لاني قطريه ..

صالح : عنيده عنيييده .. تذكريني بالايام الاولى يوم اصارحج بحبي

تذكرين (علويه) ؟؟ تعبت وياج على ما حبيتيني ولاااااااا المشكله وقتها في رمضان

يعني الناس صيام وحاله وانا اتغزل فيج ههههههههههههههه خوش صيام

انتي اول شي كنتي اوكي بس بعدها .. اختربتي ما قدر عليج صعبه يالدبه لين شوي شوي وجبنا قلبج

عليا : ههههههههههه ايه اتذكر يمكن حوالي شهرين ونص .. بس لا تنكر عيدنا احلى عيد خصوصا ان هو اول عيد يمر علينا

صالح : من قلللب .. ولااا في ليله العيد زعلتي مني بعد .. وطول الوقت اراضيج

عليا : هههههههههههههههههههه امبييه على وشو ؟؟

صالح : تصدقين نسيت اظن على شي في الماسنجر .. ماتذكر والله .. بس امووت بالصعبين مردهم يسايروني

عليا : ههههههههههه اكررررررهك زززين ماحبك

صالح : فديت مخي يعكس الكلام يعني انتي تموتين فيني وتحبيني هع هع

عليا : هههههههههههه وبس ؟؟ إلا اعشقك يالملغ

صالح : (علويه) .. شوفي انا انسان مت من البرد

عليا : انت للحين في الحوش ؟؟ @@

صالح : اييه للحين وكشتي وقفت على فوق من البرد تجمدت

عليا : هههههههههههههههه ادخل داخل حبيبي اخاف عليك من البرد يدشك هوى .. لاتقول لابس شورت ؟

صالح : وانا اقدر من غيره

عليا : شاطر ..

يالله ادخل بسرعه لا اعصب عليك

صالح : وووول شفيه بو عنبر عصب هههههههههههههههه .. صبري خلج معاي .. خوفي يقطع الارسال خايس ..

عليا : مب مشكله بتصل اذا قطع عشان الارسال بس ادخل حبيبي اخاف عليك

(صالح) استغل هاللحظة .. واصر عليها

صالح : (علويه) .. اول شي تكلمي اماراتي بعدها بدخل

عليا : عاااااد (صلوحي) اذا دخلت بتكلم

صالح : لالالا تقصين علي اعرفج

عليا : انا اكذب عليك ؟ عمري كذبت عليك في شي ؟؟

صالح : صراحه لا ..

عليا : انزين ادخل وروح غرفتك البس لك شي عدل .. الناس برد

صالح : بتتكلمين اماراتي ؟؟؟

عليا : انزززين انزين .. بس ادخل يالعنيد

صالح : هع هع .. زين لحظه

(صالح) وهو رايح الغرفه .. ما شاف حد في الصاله .. اكيد راحوا ينامون

وهو رايح غرفته الارسال شوي تعبان .. قطع

وعلى طول اتصل فيها ..

صالح : حبيبتي لحظه بروح عند هلي مب مطول .. اسكر ولا بتمين ع الخط ؟

عليا : اكييد بتم على الخط

صالح : اوكي (علويه) دقايق مب مطول

ترك التلفون على السرير .. وصل عند الباب ورجع مره ثانيه

صالح : (علويه) .. (علويه) ؟؟

عليا : هلا حبيبي رحت ؟

صالح : احبــج

.. الحين بروح

عليا : هههههههه اموت فيك .. يالله انطرك

رد التلفون على السرير .. وراح غرفة امه وابوه

وفجأه .. ما ينسمع إلا طااااااااااااخ

صالح : آآآآآآآي

ام صالح : شفيييك .؟؟

بو صالح فز من النوم

صالح : يمممه ليش حاطه سجاده الصلاه هنا

ام صالح : انت تمشي وما تشوف ؟؟

صالح : ظلام شاشووف بوومه يعني

بو صالح : ههههههههههه (صلوح) سلامات بس فكني ابي انام

صالح : انزين جاي اسلم بس بعد هالدبغه طاب خاطري

بو صالح : هههههههههه اطلع اجل لا تملغ

صالح : يمه شسالفه الوالد اليوم دمه خفيف ؟؟

ام صالح : هههههههههههه

وباس امه .. وسلم على ابوه

ام صالح : تعورت حبيبي ؟

صالح : لا لا بس شيرت في رجولي مدري كيف تخرطفت وطحت

ام صالح : بسم الله عليك

صالح : انزززين تصبحون على خير ..

ام صالح : وانت من اهله

صالح وهو يهز ابوه : اقول (فهد) (فهد) ؟؟

بو صالح : هاااا خلني اناام

صالح : تصبح على خير .. هع هع ..

بو صالح : وانت من اهله

وطلع من عندهم بسرعه وراح يكلم (عليا) اللي تأخر عليها وهي على الخط

صالح : فدييييييييييت اللي للحين على الخط ؟ توقعتج سكرتي .. تأخرت عليج

عليا : لا حبيبي قاعده اتعبث في اغراضي

صالح : اهاا .. اي اغراض ؟؟

عليا : اشوف ذكريات المدرسه اول .. عندي Box مخليته حق النوتات والرسايل

صالح : صج ؟؟ وناااسه يالله يالله فتحيهم خل اشوفهم وياج

عليا : ههههههههههه انزين .. ممم هاذي من رفيقتي

بااال حتى كاتبه التاريخ .. يحليلي والله مشتطه اول

صالح : ههههههههه ايه ترى الذكريات حلوه وخصوصا في هالامور

وظلت وياه تقرى له كل شي وهو يعلق .. يمكن نص ساعه

وبعد ما خلصت ..

صالح : (علويه) لاحظي .. طول الوقت اسمعج وانطرج تتكلمين اماراتي بس ما تكلمتي

عليا بإحراج : هههه حبيبي شو تباني اقول ؟؟

صالح : يااا لبييييييه بعد شوو؟؟

عليا : انا ما اتكلم لان اغلبهم يبطون جبدي .. لما انفعل في الكلام انسى نفسي واقول هيه شوو؟

يطنزون ويقولون هيه بويه شو بلاج

صالح : وانتي شعليج منهم ؟؟ تكلمي لي انا مب لهم .. ثاني شي ماعليج اصلا كلامج حلو

(عليا) تسمع الكلام ومنحرجه .. وبنفس الوقت ودها تلبي له هالطلب وبعد فتره وهم مع السوالف ..

عليا : حبيبي ماشي رقاد اليوم ؟

(صالح) لا شعوريا شق الحلج .. مب قادر يرد

عليا : بلاك ؟؟ حبيبي ؟

صالح : فدييييييييييييييييييييييييت عمرررج انااااااااااا حبيييييبتي انتي

عليا : هههه

شوو ..

صالح : (عليووو) قسم بالله حلووو الكلام بلسانج وربي يهبل

عليا : بذمتك الاماراتي احلى من الكلام القطري ؟؟

صالح : دامه بلسانج قسم بالله غيررر غيييييييير

عليا : حياااتي مب لهدرجه ..

صالح : كملي كملي كمممللي ونااسه ههههههههههه

عليا : ههههههههههههه اتخبلت؟ .. هيه على طاري الاماراتي نسيت اقول لك مساع دقت علي (العنود) بنت ولد خالتي من الامارات ونسيت اكلمها

صالح مشتط : دقي عليها الحين بسرررعه كلميهااا

عليا : الحين الناس ليل شفيك @@ .. عدل بعد اكلمها عشان اللسان ينقلب

صالح : وانا ليش مشتط مثلا ؟؟ هههههههههههههه عشان هالسالفه

عليا : ههههههههههه فديتك حبيبي

صالح : الساعه كم ؟؟

عليا : توه اذن الفجر ..

صالح : بللل مر الوقت بسرعه

عليا : الحين امي بتجيني عشان تقعدني

صالح : هالمره مب معذبتها .. لانج قاعده

عليا : ههههههههههههههههههه

وبعد 5 دقايق جات (أم عليا) تقعدها عشان صلاه الفجر

وصالح على الخط يسمعها تكلم أمها .. وللأسف صوت امها مب واضح

عليا : هيه قاعده ..

........

عليا : شو ؟؟

.........

عليا : ان شاء الله .. عِـيـّـل اذا قعدت من رقادي

.........

وهي مندمجه مع امها وتطلع كلمات بالغلط

(صالح) يسمع وميت من الوناسه

فديت عمرج .. كل شي عادي يصير حلو بلسانج

وكل شي حلو يحلى بلسانج اكثر

وبعد ماخلصت (عليا) من كلامها مع امها

عليا بهمس : شبعت وانت تسمع ؟

صالح : اوووف ومتشقق ..

عليا : هههههههه دب واحد

صالح : تعرفين ودي ابوق الكلام بوق من لسانج قبل لايطلع

من كثر مانا مستانس على طريقتج ؟؟ فديت لسانج الي ما ينطق إلا كل شي حلو

احبـــج وربي احبـــج

عليا : فديت عمرك وفديت كلامك اللي مادري من وين تجيبه

صالح : من قلبي اللي يموت فيج

عليا : فديت قلبك اللي احبه

صالح : انزين (علويه) نقوم نصلي ونرجع ؟؟

عليا : اوكي غناتي .. تقبل الله

صالح : منا ومنج صالح الاعمال .. ها نخلي التلفون ولا اسكر ؟

عليا : عادي خله ..

صالح : اوووف شهالحظ .. مافيه جارج خلاص بسكر خليني احطه على الجارج لاني عارف ان حطيته وانتي على الخط بيقطع

الجارج مدعوس ذاك الصوب هههههههههههه لين ماخلص بجيبه قريب .. فيه كهرب ورى السرير ..

عليا : يهالارسال .. اووف كيووتل هادم اللذات

صالح : عنتالله عليهم هع هع .. زين ابوي اللي يخلص قبل يتصل

عليا : اوكي .. يالله با باي

صالح : با باي ؟؟ وشو كرتون هذا ؟

عليا : هههههههههههههههههههههه

صالح : والله طريقتج وانتي تقولينها هههههههههه با باي زيتونااا

عليا : ههههههههههههههه متسبب انت اليوم صح ؟

صالح : هههههههههههههههههههه (علويه) خلينا نصلي يالله با باي

عليا : عااااااااااد لا تعيب ..

صالح : هع هع اوكي باي

عليا : بي باي

وبعد ربع ساعه .. عاد (صالح) ما شاء الله صاروخ في الصلاه الحمدلله والشكر

اتصل على طول .. وردت عليه حبيبته

صالح : مخلصه ؟ وانا علبالي سريع ههههههههههههههههه ..

طلعت (عليا) نفس (صالح) يوزعون صورايخ يحليلهم .. الحمدلله والشكر .. اللهم عافنا فيما ابتلاهم
<---- خلوني بهالفترة اضحك شوي .. لاني تذكرت الشخصيتين في الواقع وكلهم امخبل

عليا : (صلوحي) دعيت ؟

صالح : اييييييييه وانتي ؟؟

عليا : وش دعيت ؟؟ انا دعيت الله يخلينا لبعض ويحفظنا من كل شر

صالح : حشى حتى بالدعوة تقلدين

عليا : قول ما شاء الله .. بنحسد نفسنا

صالح : مااااااا شااااء الله هع هع .. حبيبتي ؟

عليا : امر يا عيون حبيبتك انت ؟

صالح : احم .. ممم قرب موعد الشوفه هع هع

عليا : واااااااااي لا تذكرني .. بطني عورني بعد

صالح : ههههههههههههههه بل شدعوه ؟؟ العوار عند الطلب ؟ شكلج تضغطين على زر في بطنج ويشتغل العوار

عليا : ههههههههههههههههههههههه والله كل ماتذكر احس بطني يعورني

صالح : تصدقين من كثر ماتقولين بطني يعورني .. انا صار بطني يعورني بعد

عليا : امااا هههههههههههههه

صالح : بس عادي .. هذا دليل الحب ..

عليا : هههههههههههههه (صلوح) لا تتفلسف اشدخل الحين دليل الحب .. هذا دليل التوتر

صالح : انزين ههههههههههههه شسوي مشتط من قلب ..

عليا : ممم حبيبي انا من كم يوم خذت بنطلونين جينز واحد لون الجينز العادي والثاني مايل على البنفسجي

انت وش تشوف ؟ اي لون البسه ؟؟

صالح : ممم البنفسجي حلو .. بس بعد كيفج ما عرف بسوالفكم واجد

عليا : ممم مع بدي بس اي لون ؟

صالح : اي لون حاطه في بالج ؟؟

عليا : مادري بطني مشوش على مخي

صالح : هههههههههههههههههه .. (علويه) تخيلي اول ما شوفج وش بيصير؟؟

(صالح) و(عليا) فيهم طبع طفولي .. اكثر من طابع الرومنسية والجدية

بعض الاحيان توصل سوالفهم لأشياء بسيطه .. وهذا اللي يفسر عمق كل واحد في حياة الثاني وشخصيته

عليا : آآآآآآه بطني لاتذكرني افففف (صلووح) بصيح ترى

صالح : هههههههههههه بل بتشوفين وحش انتي ؟

عليا : حياتي مب عن .. بس انا خايفه

صالح : من وشو حبيبتي ؟

عليا : بقول لك بس ما تزعل ؟

صالح يفكر : ما عتقد اللي بتقولينه يوصل للزعل .!!

عليا : خايفه ما اعجبك .. او اطلع غير عن اللي راسمها في بالك

صالح بصدمه : وانتي حاطه في بالج اني حبيتج عشان شكلج ولا عشان راسم شكل معين في بالي ؟

(علويه) انا حبيتج عشان قلبج .. اسلوبج .. لاتسأليني عن اشياء ثانيه

الحب مايعرف لا شكل ولا لون ..

حبيتج لان قلبي بدون اي شعور انجذب لج .. ولا شمعنى ما حبيت غيرج ؟؟

عليا : حبيبي بس خايفه يتغير حبك بعد ماتشوفني ..

صالح : (علويه) حطي في بالج شي واحد .. انا اذا حبيت احب بكل مافيني

وانا اعترف لج .. اني احبــج بدون اي حدود .. وصلت معاج لمراحل ما توقعت اوصلها مع اي شخص

بخلي شكل يأثر على علاقتي فيج ؟؟ صدقيني انا مب من هالنوع اللي تتكلمين عنه

انتي في نظري احلى البنات .. حتى لو ما شفتج بس اقولها لج من الحين لاني احب قلبج ماراح احب شكلج او ستايلج

هاذي مكملات تحببني فيج اكثر .. بس اخليها شي اساسي ؟؟ مستحيييل

مب لهدرجه تفكيري سطحي بالحب ولا جاهل أو مراهق ؟ اتغير عليج عشان شكل !!

كلام (صالح) ريح (عليا) من التفكير والتوتر

ظلوا ساكتين وكل واحد يفكر

وقطع هالتفكير (صالح) يوم قال لها :

(علويه) .. انا احبج ولا يمكن افرط فيج !!

عليا : (صلوح) انا ادري انك تحبني وانا احبــك واحب شكلك بس لا تلومني انا بنت .!!

صالح قاطعها : وكل بنت يهمها شكلها في نظر حبيبها .. بس لا تخلينه يأثر عليج لدرجه انج تخافين يتغير حبي لج !!

(عليا) مبتسمه من كلام حبيبها

معقوله يا (صالح) تفكيرك ما يتأثر لا بشكل ولا حتى لون ؟

عليا : فديت عمرك حبيبي ربي لا يحرمني منك ولا من صوتك وضحكاتك

وين ألقى مثلك ؟؟ ما اعتقد راح ألقى مثلك تحبني بكل مافيك .. محد يسواك

والله محد يسواااااااااااااااااك .. انت عمهم كلهم والله عمهم كلللللللهم ..

صالح : انا اللي ما راح احصل وحده مثلج ومثل حبج بقلبي .. ربي لا يحرمنا من بعض

يالله يالله لمـه لممممــه بسررعه ترى بسكر ايدي

عليا : لالالااا كاني جييت جيييت

صالح بمزح : لا خلااص سكرت ايدي

عليا : لاااااااااا مب كيفك

انا ببطلها مب كيفك

صالح : ههههههههههه بالغصب يعني ؟

عليا : ايييه

صالح : ببطلها بس اول شي قولي احبـــك !!

عليا : مابي مااااااابي مااااابي هاا <<-- مدت بوز ..

صالح : تعاالي حيااتي هههههههههه تعالي لا تصيحين

عليا : دب واااحد

صالح : ههههههههههههه انزين
ا ح بــ ج ..!

أ مـ و ت فــ يـ ج

أ عـ شـ قــ ج

(عليا) انتهت عن اخر كلمه قالها .. وراحت بعالم ثاني !!

صوته وهمساته تتسرب بأذنها مثل النغمات الهادية

دايم يحسسها كنه معاها بنفس اللحظه والمكان .. له طريقه معينه تخليها تروح بخيالها بعيد

كنها فعلا تضمه وتمسكه .. وان كان كلامه بس بالتلفون

(فديت حضنك الدافي يا حبيبي .. يحسسني بالحنان اللي ابغيه وزياده) !!

لكن معقوله (صالح) ؟؟ بيظل حارمها من هالشي على طول ؟؟

وهو يحبها ويموت بكل شي فيها ؟؟

ما اعتــقــــد !!
بس تابعونا بالجزء الجاي

02-15-2010, 01:54 AM