14 مرة

[im done]

السلام عليكم ورحمة الله وبركاته

بس بدي أسأل إنو أنا تقريبا صرت حالمة 14 مرة بنفس الشخص

هوي كان دايما ياخدني وينصحني ويحكيلي عن التصرافات الغلط إلي أنا بعملها

هاد الإنسان بعتبرو قدوة لإلي يعي هوي أستاز دين عمرو 24 سنة أو 25 سنة

بس الأحلام ما بتيجي عن الدين ،، يعني حلمت إنو هوي كان عم يلحقني بالسوق كان عند بنك

وحلمت انو كنا برحلة ورحنا على غروب الشمس الأشياء ما كانت كتير واضحة وأنا بعدين سلمت ع الكل وبستهم إلا هالشخص

هوي كان خاطب وتزوج هالسنة ،،، فما بعرف انو السؤال انو شو معناتو الإنسان يتكرر حلمو دايما ، مع إنو أوقات ما بكون مفكرة فيو !!

يسلمو كتير لإلك

لما يتكرر الحلم معنااااااه ..
انو في شي انتي لازم تسويه ..
على حسب معرفتي وتجربتي ..
بس .. !
شو معناااه ..؟ انا ماابعرف

[im done]

ما بعرف ندى هوي في شي لازم اسويه بس صعب ،، لإنو بمدرستي ،، ولو عملت أي شي ممكن يكون استدعاء ولي أمر أو فصل !!

فصعب كتير ،،، بس عنجد كتير قلقانة ،، ما بحب أضل أحلم بنفس الناس كتير صعب بتوتر ، بتتعب نفسيتي

بس يسلمو كتير لإلك حبيبتي ،، نورتي الموضوع

تحياتي لعيونك

كيف يعني ..
شو الاشي اللي بتسوي يمكن يسووو استدعاااء او فصل يعني ليه انتي لو بدك تسوي شو رح تسوي

[im done]

موضوع طوييييييييييييل كتير ندى ،، وإلو سنتين تقريبا ،، ما راح تفهمي هلأ بس راح أحكيلك لو شي جديد راح يصير ،،

أنا ممكن أسوي شي إنو أحكي معو بموضوع يعني ،، بس بخاف لو حكيت يحكي للإدارة او هيك شي مع إنو ما بتوقع إنو يعملها بس الواحد بخاف

عموما بدي جاوب على الأسئلة هاي :


هل انت متزوج : لأ

هل انت تدرس أو تعمل وتذكر مجال عملك : بدرس // صف عاشر

هل لديك ابناء : لأ

هل والديك موجودين على قيد الحياه / نعم

هل زوجتك حامل أو انتي حامل : لأ



تحياتي لعيونكو

يعني انتي بدك تسأليه ..؟
والله ياااقلبي ما فهمتك منيح ..

[im done]

حبيبتي الموضوع كتير صعب ،، بشرحلك ياه بالمستقبل

ديري بالك ع حالك :)

تحياتي لعيونك

[im done]

صاروا 15 مرة ،، عنجد شي بيمقت

بيقصر العمر كمان :( شو الحل ،، شو المنطق ،، نفسي أحلم أحلام عادية

[فيصل الجعفري]

السلام عليكم ورحمة الله وبركاته

بس بدي أسأل إنو أنا تقريبا صرت حالمة 14 مرة بنفس الشخص

هوي كان دايما ياخدني وينصحني ويحكيلي عن التصرافات الغلط إلي أنا بعملها

هاد الإنسان بعتبرو قدوة لإلي يعي هوي أستاز دين عمرو 24 سنة أو 25 سنة

بس الأحلام ما بتيجي عن الدين ،، يعني حلمت إنو هوي كان عم يلحقني بالسوق كان عند بنك

وحلمت انو كنا برحلة ورحنا على غروب الشمس الأشياء ما كانت كتير واضحة وأنا بعدين سلمت ع الكل وبستهم إلا هالشخص

هوي كان خاطب وتزوج هالسنة ،،، فما بعرف انو السؤال انو شو معناتو الإنسان يتكرر حلمو دايما ، مع إنو أوقات ما بكون مفكرة فيو !!

يسلمو كتير لإلك

السلام عليكم

انا اسف تاخرت بالرد وذلك لانشغالي

التفسير ان الانسان من صغره يتعلق دائما بمن حوله وخصوصا ممن لهم نفوذ وسلطة عليه او ان لهم قوة لذلك الصغير يتعلق بامه وهو طفل رضيع ولكن عندما يكبر قليلا يجد ان القوة والسلطة ليست بيد الام وانما بيد الاب لذلك يتعلق بابيه اكتر من امه لذلك الله جل جلاله اهتم بالام وبرها زياده عن الاب لان الطفل لم يرى امه وهي تتعب من اجله ومن اجل نظافته ومن اجل اشباعه والسهر على مرضه لانه كان في غير الادراك وانما ادرك والده وهو يعطيه المال والاشياء
المهم ان الطفل عندما يكبر يجد ان هناك من هم اقوى سلطة من ابيه متل هذا الاستاذ لذلك تعلقك بهذا الاستاذ هو تعلق نسبي وفترته محدودة جدا وهي فترة وجودك في المدرسه او الجامعه لذلك ارى والله تعالى اعلم ان انشغالك به هو ليس معناه الحب والعشق وانما هو الطبع الانساني الغالب عليه التعلق بمن في يدهم السلطة والقوه

ولكن في الرؤيا شيئانهما غروب الشمس وتعني قرب زوال هذا التاثير ونسيانه ونسيان احداثه وهذا هو عدم ادراكك للتشياء التي حولك والشي التاني تقبيلك لكل من حولك باستثانء هذا الشخص ومعنى التقبيل هو القرب اي انكي ستكونين على اتصال بكل من قبلتهم ما عدا الاستاذ لان التقبيل يعني القرب وعدم تقبيلك له يعني البعد

هذا والله تعالى اعلم واحكم

[im done]

يسلمو كتير لإلك ما تأخرت ولاشي ، وعنجد كتير أفدتني ،، ومعك حق بكل يلي حكيتو !! سبحان الله ما توقعت تكون هيك النتيجة كتير قريبة من يلي كان بمخيلتي

وأكيد أنا راح أبعد لإنو كلها سنتين ورايحة جامعة ، يعني ما راح أضل أشوفو ،، يمكن كنت متعلقة لإنو هوي كان دايما ينصحني مو اكتر

عنجد يسلمو كتير لإلك ،، والحمدالله على كل شي ،، بشتكرك كتير